|
سلام تسليمت المسلم على المسلمين =مثل الذهب صافيه ترجح بميزانها مغلفه من زهور الورد والياسمين =تضفي على راعي الحله وضيفانها حلة كبير الصحن في ممحلات السنين=ولاخير بالكلمه اللي دون برهانها اسمٍ تسمى به الاول بذبح السمين =يوم العرب ماتحصل قوت ورعانها واليوم تعرف به الاحفاد يالعارفين =شجرة كرم من ثمرها مالت اغصانها من عزوةٍ بالملاقى ترهب المعتدين =لاثار عج الرمك في وسط ميدانها بلي الكرم والشاعه فزعة الخايفين =قبيلةٍ من وفاها معتلي شانها بين القبايل لها هيبه وضلعٍ متين =نعم القبيله ونعم بكل شيخانها من خوف ماقع بغلطه تزعل الطيبين=وتشره عليه رجالٍ تعرف اوزانها ماخص عبدالصمد ماخص عبدالمعين =نعم بلي كل فتيتها وشيبانها قلته وانا من قبيلة حرب يالحاضرين = العزوه اللي تهاب القوم فرسانها ليا عزينا طمعنا مقرعات الحنين = كم ذود نقفي بها من وسط مرحانها المعجزات الثلاثه مابها كلمتين =حصري لحرب الدول من عهد جدانها وكل القبايل بها فزعه وجزعه ودين = عاداتها بالمعارك تحمي اضعانها من قال بالوقت ماليه شبيه وزين = اكيد نفسه راهنها عند شيطانها قلته وقالوه قدامي من الاولين = والبندق الطيبه من طيب نيشانها |
النفس من يومين للزاد عايفه= =من الزمان اللي كثيره كلايفه لاقلت يانفس الخطا شايف الخطا= =قالت كثير من الخطا منت شايفه قلت الليالي علمتني بعزتك= =فيك اعتليت من اول العمر نايفه ماني من اللي كل طفسه يحوفها= =الدار عارف ساحله من مصايفه اسري مع ادروب الخطر ليلة الخطر= =لازان لجنوب المراوي قطايفه لقمه تجيني بعد ماتعب عشانها= =الذ من زادن كبيره صحايفه ابوي علمني على الطيب والكرم= =وقال ان جهلت انسان شاهد ولايفه ميت ومدرك في زماني وصيته= =عساه بالجنه تسلي طرايفه مقدامنا بالعرف والجود والقنا= =لاشان هرج اللي عن الحق زايفه |
صح لسان على عذه الجزاله وانت شاعر جزل في المعنى والمفرده
اسجل اعجابي وتقديري اخوك نبع القوافي |
صح لسانك وسلم فكرك على هذه الجزاله من ساعر جزل المعنى والمفرده
اسجل اعجابي وتقديري اخوك نبع القوافي |
شاعر جزل ولا هي غريبه عليك تجيب الجزله
وصح لسانك |
سلامي على بدر العياضي عريب السـاس = =عـــــدد مـايــلــوح الـــبـــرق ويـــهـــل ودانــــــه سـلامـن مـرصـع بالـوفـا والـذهــب والـمــاس= =مــثــل عــنـــق طــرقـــا للـعـشـاشـيـق فـتــانــه لاهـلــت جدايـلـهـا وقــامــت تــمــوح الــــراس = =بخـانـه وكــل البـيـض بالـعـرس فــي خـانــه بـعــد سـنـتــن للمـصـطـفـى سـنـهــا لـلـنــاس = =هــزيـــل الــكـــلام اجـنــبــه واخـــــذ اســمــانــه مايافـق لـراع الطيـب هرجـن بـدون اقـيـاس = =ابــا اخـتـار لــه مــن لــول بـحــره ومـرجـانـه جــزيــل الـمـعـانـي لـلـوفــا والــكـــرم نــبـــراس = =رجـــل مـتــزن مــــع كــــل ربــعــه وصـدقـانــه ابـا انـشـدك والنـشـده جـريـه وبـيـن اقــواس = =نـريـد الاجـابـه بـيــت مـــن فـــوق سيـسـانـه اشـوف الـعـرب قـامـت تصـفـق لـبـو نــواس = =تــقــول ان مــابــه غــيــر خــوخــه ورمــانـــه مسلسـل ادرامـي بيـن عنـتـر وابــن فـرنـاس = =عـلـى المـسـرح الـلـي خـافـتـه كـــل ضـيـانـه يـشـد انتـبـاهـي بـالـزمـن طابـخـيـن الـفــاس = =واعــرف ان دم الــراس مــن ضــخ شـريـانـه عطيناك روس اقلام من صادق الاحساس = =مــــن الــــورد والـيـاقــوت وزهــــور ريـحــانــه نـهـايــة كــلامـــي يــابـــدر يــاقـــوي الــبـــاس = =تـــرى مايـطـيـر الـطـيـر مـــن دون جنـحـانـه رد الشاعر بدر العياضي
وصلتني غزايز نادره كلها نوماس = = من النادر اللي منزله عالي شانه هلا مرحبا ترحيبة مالها مقياس = =ببوتركي البيطار صح الله لسانه هلا مرحبا اعداد ماذعذع النسناس= = هلا بالذي به لابتي دوم ربحانه يوم أن الثعالي قدمنا حدت الاضراس = =تعزوا بحرب واعتلى صهوة حصانه وخلى الثعالي روسها بالوغى تنداس = =شجيع وميدان الظفر دوم ميدانه يشرفني انه مرسل لي درر والماس = =من الهاجس اللي راجح كف ميزانه انا ياعريب الجد بذكر لك الاحساس= = بشعوري تجاه الوقت لاهلت امزانه بقصة ابو نواس واللي طبخ له فاس = =وطق الحنوك اللي من الصدق عريانه عليهم ضحك من دس سمه بوسط الكاس = =وكلٍ شرب والحق واضح بعنوانه عقول تصفق فارغه مالها اجناس = =تحت شجرة المسكين غنوا يادان دانه يبون الثمر لكن عروقها يباس = = من فعول ابو نواس عريا وذويانه يدق الطبول وتجتمع شلة الفسطاس = =تحت شجرته وابليس ياكثر ورعانه بنوك الفلس بكره تبا تعلن الافلاس= =وينبيك عنها مصدري لحظة اعلانه بعد تنكشف لعقولهم قصة البلاس= = وتصحى العيون اللي بالاوهام غرقانه |
الشاعر مساعد عشبان البلاجي
علمن لفاني يسر القلب باخباره= = قالو تطوع سعد ويظا جبع ثوبه واليوم حطوه إمام بمسجد الحاره= = لعل رب الملا يغفر له اذنوبه لاشك انا خايفن والنفس محتاره= =تجيه مزيونتن بالبيض رعبوبه ويلف قلب المطوع لفة الطاره= =يلقط طريق الهوا ويضيع اروبه واناالذي عارف الموضوع واسراره= =ماضنتي يهتدي لو يعلن التوبه حيث ان قلب المولع تقل سناره= =يصتادبالمويه العكره على دوبه الحب راعيه دايم ينوي الغاره= =لاشافله صيدتن دسمه ومرغوبه ماني مصدق فبو تركي ومشواره= =حتى ايش لويبعث المردود برتوبه ردي على مساعد البلاجي
يلزمك يامساعد العشبان كفاره= =وضحا ماطبت حراج الصبح مجلوبه ماوقفت عند شاوي مغلي اجفاره= =الضيف لاجاه صابه تقل غيبوبه ترعا الحيا ماقهرها عنه قهاره= =في ظلكم من جميع القوم مهيوبه ضلمتني وانت راعي عرف وصقاره= =تمسي بواد الرمه وتصبح الخوبه تطرد ورى من نحرها تقل جماره= =طرقا بها يامساعد كيد وعذوبه لو شافها غيركم بدري شعم ناره= =دلا عليها بتال الليل كالوبه اما انت حسب اعتقادي تخطي الشاره= =كل الضفيره معك يالقرم مضروبه امزح معك لاتشق الثوب وزراره= =وتجر كلمه يابن عشبان منصوبه مساعد البلاجي
يامر حباء في رفيقن زاد مقداره= =الفآ هلا مرحباء بالرد وسلوبه سعد تكتم على الموضوع بستاره= =يبا يكفر عن الماضي بمكتوبه لا شك انا فاهمه في رد تعباره= =قصده يخفي خدين الروح محبوبه يبا الرمايه ولاكن ضاع معياره= =له بندقن عن جميع الرمي معطوبه يرمي بها شارة النيشان بيساره= =يخط الهدف في يمنه لاتجه صوبه وانا مالوم ابوتركي مقدم الغاره= =انا اشهد ان الهواء به ذنب وعقوبه والبنت وان شافته لو هو بطياره= =قامت تبسم بشكله تقل مغصوبه عطيت نبذة خبر من جملة اشعاره= =عندي صداها هنا بالواتس محجوبه والمزح من بيننا مطلوب بادواره= =كلن يبعبر بمزحه حسب مسحوبه يازين زول ابو تركي فوق سياره= =طبلونها جايبه تقول زاروبه يبي غزالن تعداء باخر الحاره= =شل الشجروالحجر طوبه ورا طوبه ردي الثاني على مساعد البلاجي
ياعل فيك البقا تاره ورى تاره= =من هاجس الشاعر اللي يعرف اسلوبه النفس ماهو معودها على الباره= =وان شافله مبتلا مايذكر عيوبه من يعرف قديد يعرف وادي استاره= =ياكود واحد يشوف الارض مقلوبه غيرت يمة ركايبنا على قاره= =من خوف هرجة غشيمن ينفخ اذروبه يحفض هزيل الكلام ويترك اخياره= =اكبر طموحه عشاه وجلب مشروبه وعلي الخطا كل يوم يدق مزماره= =كرامته ياوسيع العرف مسلوبه تلقاه يحفر مابين الساس وجداره= =دايم علومه يابن عشبان مكذوبه انا هوايه شعيبن شوف نواره= =يسلي القلب عن همه ولاهوبه لو ان مالي لاناقه والاحواره= =يكفيني اسج رجلي بالخلا نوبه رد مساعد البلاجي
سر ياقلم وكتب المر دود بعباره= =من هاجسن بالضماير زاد لاهوبه حيث الكبر يابو تركي ماله اجباره= =من قدم الطيب ياخذ حق ماجوبه من طاوع النفس جاب العيدفي جاره= =وبليس يركض مع الغفلات مندوبه عينت عسفان ويضا قديد سباره= =في قصتن من قديم الوقت منكوبه وانته وانا عن جميع الناس في قاره= =ماهمنا الخايب اللي ينفخ اذروبه ناضع على الشاعر الملقوف بسطاره= =والله فلا يقتربنا عقب هالنوبه والهرج واجد ولاكن يكفي اقصاره= =والعذر منك العذر يامعرب انسوبه ردي الثالث على مساعد البلاجي
قلت انتهينا وكلن رامي اجماره= =طفنا طواف الافاضه حول مشذوبه لكن مساعد نسا ماينزع ايزاره= =وشغل على موجه الارسال حاسوبه الهيل لازاد بالبغداد معياره= =يصاحبي يختلف طعمه ومصبوبه كلام شاعر يعرف المد وضهاره= =البحر الاحمر عرف حوته ودغلوبه ذاخرك لاصبت الغاره على الغاره= =لاحولو بالسيوف وكل مسلوبه لاصار للعلم مدخاله ومصداره= =اضربك القوم والاجال مكتوبه |
يابري حالي من هوا لين العود= =لامرني مابين ريض وعجلان يغيب عني داخل الحي ويعود= =وانا تقل القلب شعله وذخان على الردى ماحافها كل نمرود= =من دونها يقصر مدى كل نيشان طرقا طويلة عنق وعيونها سود= =والخشم سلة سيف والنهد رمان والخصر في وصفه عن النقص والزود= =ضامر وانا في ضامر الخصر ولهان لو مالحيا والدين والدرب مقعود= =لاضم ملهوف الحشاء وسط الاحضان في ليلتن ظلما وحراسه ارقود= =اجلسه معه لو كنت مرهق وسهران وقدام لايفطن لنا كل مقرود= =اسري بعد مابان للفجر عنوان ياعاذلي منته على اللوم محدود= =مالك عليه حق يذكر وسلطان الحب مهما قلت مافيه منقود= =قدامنا حبو طويلين الايمان في حال والا حال ماضن به فود= =لاتخلط الاوراق وتقول غلطان |
الكلمه اللي تجي عوجا وملغومه
ماهمني راعي الكلمه وناقلها لاصار فيها حقوق الناس مهضومه من قالها يلزمه يحضر دلايلها لو انهاء من جنابه غير ماسومه فاهم هدفهاومخرجها ومدخلها فوق السنه ناشبه في راس بلعومه واليوم هذرابها لكن تحصلها مايدري اني معي شلفا ومسمومه من حد الامتان روس القوم تفصلها ياهن خذ من صليب الراس معلومه علم بها ناس رب البيت خاذلها اللي يريد العوافي يقصر اعلومه نفسه بما لا تطيقه لايحملها |
يابدر لاوصلت لحد الكرامه
وقف هنا ماودنا هوش وجدال دربن ينزل للمناعير هامه عنه الدروب اوساع ياطيب الفال رد الخبر عني وبلغ سلامه ثم اسمعو مني نصيحه وموال تدرون ويش المسكنه والرخامه تقبيل روس اهل المناصب والاموال من نضرته من شان يمن طعامه مايفقده لامات بالناس رجال وراع الوفا دايم يزيد احترامه تقبيل روس اللي لهم قدر وجلال الوالدين وعود يصعب مقامه قضى حياته للمشاكيل مدهال من شافني مخطي يبرهن كلامه ودعوى بدون اثبات ملقيلها بال |
الشاعر
علي حاسن القحطاني انا الباحه والقاز والعود والكبريت على راس رجم بيح لوقت ماخفيته شعرت انني لاني بحي ولاني ميت وطلقت العنان لخيل فكري وسريته طرالي صديق ن في المواقيف لاونيت صديق ن مقامه يبري الجرح ويميته وبيحت ياشاعر بني حرب ماكنيت فمكتوب ضرفته بيدي وغريته فلاحدك المكتوب للاه والتهيت فانا خابر الموجوع تكثر تناهيته كتبت القصدالجزل والبيت يتلا البيت فبالي سؤال وباقي للان ماجيته وانا خابرك يالشاعرالمبدع الصنتيت تعاني منه لو قمت فرضك وصليته امانه امانه لو تزوجت من حبيت بتكتب قصيدن يدمي القلب للقيته رد الشاعر سعد المحمدي من الشاعر اللي له مكانه وشايع صيت قبل عام في شاعر هل الخبت سميته وصلني ثمان ابيات في ردهن سميت لو اني على حد اليمن ماتناسيته سوالك غريب وفيه ياصاحبي لفتيت تمسك بفتوا صاحبك واحفظ البيته لاحصلت ماتبغاه لاتقول كيت وكيت بعد ياعلي ماذقت حلوه وحلتيته عطيناك علمن يالرفيدي سوات الليت على شاشة الجوال ياعلي خطيته من الساحل الغربي تخيل على تكريت بروق الحيا وتعد سيلن وماجيته على الهون ياراع الدبش لاتعدا هيت مضامي يقولون العرب لاتعديته بداخل محيط الدايره رحت والا جيت ترا الباب عن هرج الشماميت سديته |
نسمع كلامن يالحويفي ونقراه
ولساع ماحنا على الرد عجلين ياعل للمخطي رجاجيل تنهاه حسب تقاليد العرب والقوانين واللي نشوفه عكس شي انتمناه عوارف الجيران مثل المجانين للصمت ياسلمان حد وتعداه ماباقي الا كلمتن بين قوسين ومن بعدها كل المدافع معباه بقذايفن منها تولع براكين من غير شهبن بالمدرج مقاداه بالاجنحه تحمل صواريخ شاهين ماعندنا لأهل الرديه مراعاه رعيان يابن العم والا سلاطين من دون ربعي تالي العمر مابغاه حرب الوفاء ومرجحين الموازين قليلتن يعرف نسبها من اقصاه ماحرفة بانسابها يالفطينين تم الكلام وكل شاعر ومعناه والراس ياسلمان غير الكراعين رد الشاعر سلمان الحويفي يالشاعر اللي مابقوله مناجاه ضاري على رجم العداء والشياطين عودك كلامه ياسعد لاتمثناه احرص على ماقال بالعسر واللين الوضع ماحد الهزبري على اقصاه ماشوف غير مهاترات المساكين اهل العلوم التافهه والمباباه جندٍ عليهم ماترد الطواحين وانته يابن عمي طروقك منقاه مالك خزيزه بالقطيع الملاوين جربٍ تبي تارد وتصدر بمضماه ضيحة سرابٍ مايبل الشفاتين ولصار راع المشكله داه برداه نعوذ من حاله برب الثقلين من الزمن راحة يمينه محناه ماحده للمران غير الامرين وكلٍ على الفطره وسلمه ومرباه من كونة الدنياء ومن كونة الدين وابالحصين اللي عطاء الحق علباه وامساء من الرشوه رصيده ملايين باع الشرف عسى نواعيه تنعاه خان الامانه والعهد بارد العين والشاعر اللي غايته ملي مخباه اللي يشايعهم من يسار ويمين والكارثه من وارث الاسم والجاه اللي يغرد مع طيور البساتين ليته سكت من عرض من كظم شفاه ناسٍ غدو للصدوف بقعاء معاوين ذولاك فدوه للفهود المضراه اللي بسطوتهم قساء القاسي يلين |
الشاعر ناصر عبدالله المعيلي الحربي
يا شبل كلك فخر و مجاد و حميا + وشاهد حميتك يابن العم ما تقوله : ابيات سطرتها يوم الردي عيا + يقبل طريق الهدى ياسعد وحلوله : كويت بالقاف خصمك ياسعد كيا + وعقب كوياك روح الخصم مشلوله : اقفا وعاف الطمايع مايبي جيا + ما عاد له جيةٍ والحصن مصقوله : الغامدي من سمعها مايبي شيا + عاف التغزل وخلا الخد ونزوله : توضي مثايلك لا اهل المعرفه ضيا + بين القبايل وعبر اجيال منقوله رد الشاعر سعد المحمدي يامرحبا من ضميري بثها حيا من غبتن بالشعر والعرف ماهوله بالي كلامه عن الهفوات منقيا شاعر بجزل المعاني عنده اسيوله ناصر وريث الكرام ان صار مركيا محزم ظفر لو بغاه الخصم مايطوله العبد مامور ياناصر ومنهيا والطيب توفيق والارزاق مكفوله مجالنا عن جميع القوم محميا واللي يحاول دخوله نكسر ارجوله لكن بلانا مابين الشمس والفيا من ناس ياراعي الوقفات مخذوله لاشفت وجه الرجل بالعار مكسيا اطلب من اللي خلقنا عاجل ايزوله |
يالله تخذل من خذلنا من الناس
وضيق عليه الكون في ربع ساعه عسى حياته كلها اهم وتعاس وان مات ماله عند ربه شفاعه راع الردا لو ترفعه يرخي الراس دايم على الحرجه سريع ان دفاعه ياحرب خلوها فتيله ومقباس تكفون ياحرب السعد والشجاعه الوضع ياحرب الدول حيل حساس ماعاد يقبل بالقضيه افراعه |
الشاعر عايد السميري البلوي
عدونا يدور الثغرات من كل صوب وحنا رجعنا ندور بداخل الدايره لين انعمينا وضيعنا جميع الدروب وصرنا ننبش قبور سنينا الجايره نرمي عزاوي جهلنا في شليل العيوب ونحرك الفتنه اللي كم لها حايره والنخوه اللي بصح لسان جاهل كذوب هشتاق مدعوم وهمي والعرب صايره منساقه بسبق نسخ ولصق واقرب قروب واللي يغني لبقعاء بكره تعايره والفتنه اول شراره شر واخطر شبوب واللي ماصارت تراها كنها صايره ان كان مابه عقول تعرف وجه الهبوب وشجيع بالعقل يعقل سابق الغايره قبل النوايا تأزم بين عصر وغروب في ساعةن شر خيرها لمتخايره في قول شيطانها تكفون وين الحروب ويصيح يابني عبس دمينا فايره واحدن صحى مارقد واللي رقد لو يتوب يركض بجور السنه هاذي اللي دايره واللي تعري ودين الحق كاسيه ثوب القبر مبدى الصحيح الصح يازايره لافرق بين الشمال وبين حد الجنوب وبندق عدانا علينا ثايره.. ثايره وبني رشيد وقبيلةحرب ضمن الشعوب اللي على الارض بأمر المعتلي سايره ومستنقع مجمعين الهرج ما احد ينوب منهم عن الغير دام النيه مغايره مبعوث وهمي وعنده للاثاره اسلوب وان غرد بخبث عدنا علومه البايره عدو يدور الثغرات من كل صوب وحنا تفكيرنا السلبي بهالدايره رد الشاعر سعد المحمدي على الشاعر عايد السميري البلوي ياعايد اسمع كلامي قبل طحن الحبوب وقدام تخطي هدفك وتصدم العايره مالك دخل بالقضيه يالحصان الهذوب كب اللقافه وبعض اعلومك الخايره لاتصبح السالفه بيني وبينك شبوب وتجيك عوص النجايب باللحق غايره لاصار مالك ذهيبه مع هذيك الذهوب خذ علم حربي علومه كلها نايره لاتخيل برق المشاكل في هذيك النصوب يجرفك سيل الغضب ياكبتن الطايره مانته على يالسميري ماتقول امغصوب بعض السوالف عن الاهداف مطايره من حد عمان لاما حد ضلع الكعوب مافيه واحد مانعرف داره وسايره الشعر ماله مجال ومال هرجك وجوب ياليت بعض الاوادم يسمع ال شايره ياجار خلك مع الجيران رجل امحبوب لاتجرها والمدافع شهب ومعايره جبنا مفيد الكلام ومانبيها سحوب وسلم وخلك على ماقلت بالدايره |
نصحت الغشيم اللي متيم بحب اعداه
وزعل من كلامي بارد الوجه طوالي سفيهن عليه العوج تمشي بغير ارضاه مايشفي غليل وفيه بوره مع اخبالي بعد كبوته بالاوله سار في عمياه لما جابها سودا من الجال للجالي مقامه بعيني يالنشاما مقام احذاه بعد باعنا مسموم الافكاربالمالي كلامي يعم اهل الردا تابعين اخطاه من المنشدين ومن شواعير جهالي لهم عندي اللي زور راع الردا تفراه عيال الهوان امكبره روس الانذالي لاشفت السفيه اللي يهمه ملي مخباه والاله مع اهل الطيب لاول والا تالي يلمع وجيه مشوهه نعنبو مجناه على احساب ربعه مدبه كل من عالي ابا احط رجلي من طناخه على علباه وعرض حياته للخطر والخلا الخالي مدام الزمن ومعارك القوم ماصحاه متى يعرف ان المر يفرق عن الحالي ماعندي مجامل لرديين ومراعاه مجامل على ربعي بعيدين وموالي تعبنا نجامل من هديره سوات ارغاه وحنا مضارب شلفنا مالها تالي |
رحلت يابدر الحويفي وخليت
السمعه العطره وجزل المعاني والطير وديار القنص والمكاشيت والطيب بين الناس قاصي وداني فرقاك ياريف الخوي شايع الصيت هزة عسى ربي يبيحك كياني مافيه شك انك عن الحي قفيت مير العوض في طيبين المجاني نعم العيال اللي على الطيب ربيت سلمان وخوانه طوال اليماني محزم ظفر ماهوم رخوم وسرابيت اعيال عم ومن نوادر اخواني تمت وانا بالقلب مثل الدناميت والدمع لامني نهيته عصاني |
الشاعر مرزوق الهبيري
ياسعد عديت رجمٍ ذيبه الأسحم عوا وغنيت فيه النادرات من البيوت الوافيه وشاق النظر نجمٍ سماوي مرسله ربي هوا على عفاريتٍ تقلبها الظنون الهاوية بعض الشعور لمهجة الشاعر ليا منه غوا يترك مساحات المجامل والتعامل خاوية ومن لايدله عقله لمعقول هرجه لا نوا يصبح ويمسي مايجيب الا العلوم الهافيه وانا ليا غنيت ماغنيت من قل وخوا لا والله الا املك كنوزٍ بينات وخافيه واللي يكبر لقمته بين العرب ماله دوا لابد ماتنشب بحلقومه ولو هي دافيه ...................................... رد الشاعر : سعد المحمدي يابو مفرح ياصليب الراس ياعد الروا يالوافي اللي دايم اعلومك تشوق و وافيه خل السوالف من حدود الشام لعيون الجوا يجهل هدفها من يحاول يصعد الاكتافيه الجرح باقي مابرا والكي باقي ماستوا والناس يامرزوق تتبع سفتي الاسعافيه احذر من اللي لاسرح يابو مفرح ماضوا رجليه من طرد الهمل بالقيض سود وحافيه خلك سياسي وانتبه من ناس في وادي طوا الحر يفهم بالاشاره والاشاره كافيه انظر لصابع يدك ماهي ياولد عمي سوا والسوق سعره يختلف والفرق بالاصنافيه |
الشاعر
مطر فيحان الحربي بسم اللة الرحمن من كل شيطان واخذ كتابن لشواعير وقراه وسطه ثقال اوزان وخفاف الاوزان وكلن كتب خطه وقيله بيمناه ولراس مايصقي الغير ابن دومان لصاغ بيتن يقعد الراس مبداه كم واحدان جابته نزقات شيطان سما عليه ورجعه عن نواياه من عقب مايبني عماير وسيسان ردة وقفت به عزايم مطاياه وان صاربه هرجة زهوفن ونقصان دون القبيله سل سيف وتصداه وان جات غلطه من كبيرا وغلطان يتبع دليله لين ياصل ويلقاه ويعلمه فى كل كيلا وميزان ان كان مافي ربعته ناس تقداه ولعل قلبن مايحبه على شان يصعب علاجه لين تقرب مناياه واله التحيه واحترام ابن فيحان هذى وثيقة حق ماهى مجاجاه رد الشاعر سعد المحمدي الله من قلبن تقل فيه بركان احرق معاليقه وبيح خفاياه يكفخ بصندوقه تقل فرخ شيهان وخاف تال الوقت يكسر حناياه بلاه ماهو حب مدعوج الاعيان ولا قل مال ولامرض فيه وعياه بلاه ياداري عن العلم خذلان من روس بالبشت الحساوي مسماه طاح القناع وكل علمن لنا بان واللي من اول مانعرفه عرفناه العام في عيني كبر ضلع ورقان واليوم عندي تازن الواحد انثاه ماعم كل الناس ياطير حوران كلن يعرف اللي يصوبه وينصاه الصف لاشقه منافق وجبان بقدامك الثنتين ودك توطاه هذا وانا مالي فخر يابن فيحان بالماقف اللي دون ربعي وقفناه وراه مادور مدايح والا اثمان والرزق عن اللي نعبده ونخشاه مجاراه لشاعر سعيد مصيول المحمدي مطر بدا طاروق زينات الالحان وعلى الصحيح الله يثيبه وياقاه وصدق السانك بالمثل يابن دومان واللي لمسته يابوتركي لمسناه والكلمه الي قلت من قلب ولسان مضرب مثل ياعارف البير وغطاه ولاصار بالمعنى حقيقه وبرهان على الحقيقه ماتجوز المخاشاه الناس ماتجزا الحساني بالاحسان والي يقدم خير يفطن اليمناه ان جت سليمه خذ كلام بن جدلان وقول الفضل والشكر والحمدلله والناس مختلفه بالارياء والالوان والسب يقصر عن أهل الطيب والجاه وبه طير ماهو مثل هدهد سليمان الي هرج له بالحقيقه ونباه يغثني صوته ولاقلت غلطان بلشت من دونه بفتيح الافواه يجحد حقوق فلان ويقر لفلان ودك تخنقه خنقثة الذيب لشاه ينصب على اللي عندهم ترتع الضان ويصدقه بالهرج مثله وشرواه رد سعد المحمدي بديت بالرحمن رزاق الانسان محي الهشيم اللي جزيله عطاياه ومن بعد ذكره زان طرق المثل زان واللي على مرمى سلاحي رميناه اليا رفعنا للهدف كل نيشان يابو محمد نوصل العلم منهاه مطر تكلم في دلايل وبرهان تسلم يمينك يالزغيبي ويمناه واللي حياته بين غيبه وبهتان من النمايم يابساتن شفاياه يقضي حياته بين محبط وزعلان ماحاش طيب وماتريح بدنياه فرقاه عندي ماتقدر بالاثمان واليا حضر راع الردا ماحسبناه هذا وخذ مني للاخبار عنوان عبر البيوت الهادفه والمقفاه العلم باقي خلف ضبه وحيطان مثل المهند يافتى الجود بخباه نشادته مابين رابغ وعسفان مابين كفو وبين عدوان ووشاه |
البارحه سم الافاعي بلعناه
وسكت ماكنه على الكبد سمي اليا ذكرته جض قلبي من اقصاه ويزود من زود المجاهيم همي اضحك وانا اللي ناقلن داه برداه ومن واقع الاحداث محروق دمي اليا بغيت اوصل العلم منهاه اقول مبغا جرحها يستشمي اخيل براقن على حد ممناه مزنه نشا من دار راع المعمي برقه نشوفه والرعد كلن اوحاه فوق الجبال الشاهقه مدلهمي خلفه راع المعزا يتاحي لمعزاه ورد على عدن غزير المجمي رما هدف بين الصلاتين وخطاه بالبندق اللي عن هدفها تزمي ضحكت له لين انكشف سر دعواه واليوم لاخالي ولاهو بعمي ليت المعنا يوم جيله تعداه على المنابر مانشوفه ينمي كثرة عيوبه يوم قلت مزاياه وتالي زمانه وجه الركب يمي من خوف ماتفرح بها غرب ووشاه وتحط مضمون الخبر وسط كمي خارج محيط الدايره ماكتبناه لاتشوش الافكار والقول تمي |
: سلام ردية وفاء شأنها شأن
من طيبه الغراء وتنصاء تبوكا مسراحها بدري قبل وقت الاذان يارسالتي قبل الفجر حركوكا تنصاك يالغالي سلايل كحيلان يانعم فيك ويرحم الله ابوكا سلطان شعر وعرف يصقر حوران في ذمتي ماتدور حولك شكوكا من روس حرب وحرب فريس شحعان من طيبهم حرب الحرايب عطوكا انا سليم الجابري يابن دومان أبيات موزونه على وقفة اوكا تم الكلام وزبدة الهرج نيشان قيلت ولا سجل عليها صكوكا الرد يامرحبا عداد همال الامزان مثل الذهب يالجابري بالبنوكا ميزانها يرجح على كل ميزان فيها عسل صافي وعلم امحبوكا من راس شاعر يابعيدين الاوطان خاطب رعات الباديه والملوكا درب الخطر يمشيه ريض وعجلان ياطا على روس الافاعي وشوكا له ماقفن يالجابري شوف الاعيان اكيد فيه اهل الوفا علموكا واللي عيونه حول والجسم عريان على الخطاجره دقيق السلوكا ماني بحاله دام للفعل برهان وماحط راسي بالشرك والشبوكا يامن ضحك بالسن والجفن غرقان ومن خلف ساتر للخطايا تحوكا انا رجل واضح مثل ضلع ورقان لاهل الردى ماني خوين ضحوكا طاح القناع وطاح خاتم سليمان ولقيت من سقم العيون الحنوكا والا انت مابك شك في كل ميدان وافي وخلان الوفا ماشنوكا ارسالتك فيها مشوك وريحان لافض ياريف المشاكيل فوكا |
اخيل فوق ادياركم ياعلي برق
مر الديار الممحله مانفعها من ساحل اتهامه نخيله على الشرق وشوف راع المزرعه مازرعها مدري مواعين للعرب كلها خرق والا من اللي كل خلفه رضعها كلام شاعر يعرف البيض والزرق لكن خل علومنا في سنعها الشجره اللي مالها بالثرا عرق لاهب نسناس الذواري قلعها وبين الردا والطيب يامكبر الفرق والطيبه من حض طيب زرعها يابن الرفيدي للوفى بالزمان ارق واعرف ترا فراقها ماجمعها احفظ مفاتيح الخزانه عن السرق عن مستواء مسارها لاتهزعها |
كثر الكلام اللي على غير داعي
الناس تلقابه عيوب ومداخيل ينزل الرجال بعد ارتفاعي وعليه تكثر بالزمان المداخيل يمكن عليه اتثور من كف راعي رميه بدون عيار في ظلمت الليل تنزله من عالي الرجم قاعي لو بعدها يشرب جميع الفناجيل احيان صمت القرم سم الافاعي واشد من ضرب السيوف المصاقيل للي ليامنه سمع هرج ثاعي ذيب العلوم وماذكرله محاصيل يانجم يلي لك مكان وشعاعي دايم مسارك من ورا الجدي وسهيل يشوفك اللي في سمانا يراعي تسري على نورك شيوخ وجماميل اليوم لايحرف مسارك صناعي وحول الفضا تكثر عليك الدرابيل من لاحسبها صح قبل الضياعي عليه تصعب بالليال المقابيل |
الشاعر خالد الحصني
سلامات يا رجال ياالله عسى مخلاف عسى كل شي يكدر الخاطر يولي هذا العام ثاني عام غايب ولا تنشاف ماني خابرك في قصرت الرجل متحلي تسج القدم با البيد وتراود المشاراف وتحب الملك والدار وتصوم وتصلي _____________________ الشاعر سعد المحمدي ابشرك في خير ومعزه خلف وسلاف من الطيب ناخذ يافتى الجود ونخلي لنا مع رجال المعرفه والوفا محراف دلايل يابو موسى مع للدرب ماندلي ظروف الزمن ماهي على الكيف يالعراف عساها بجاه مكون الكون تنحلي ياراع المهيل بالبغاديد والعساف انا كل يوم ارسل رسايل وترسلي |
اجامل وقدر واستحي واحسن النيه
على شان ماخسر من غضب بعض الاصحابي احط الرخوم ايسار بخطوط عكسيه واحط ابيميني بالزمن عكف الاشنابي ماحب المجادل بالخطا وادفع السيه واعرف الغبي واللي من الناس متغابي مايعني كلامي للعدا مانجض الكيه معي لابلينا بالخطا حرق الاعصابي |
اللي عظامه بالمواقف هشاشه
لو ترفعه ياشاهد الزور طاحي العلم معنا لايطول نقاشه ماكل غلطه يالمنافق سماحي العام تمدحني على كل شاشه وتقول ياطير السعد والفلاحي واليوم بعيونك هزوم وغباشه عن الحقايق ياقليل الصلاحي ماكل باشه بالصعيبات باشه اليا رقص شيطانها من صباحي يغر بعض الناس لمعة فلاشه ويفكر ان الدرب قدمه براحي ياهن فيك اخبال مدري دفاشه تبغى المطير ومانبت لك جناحي الدار عارف نادره من خشاشه والسيف سله والمراجل كفاحي |
الشاعر
سعود سمير البشري سلام ياساس الضفر ياحزامي يا تاج راسي يا بعيد المحاريف يا طيب الرفقه بعيد المرامي لا قربـوا للضد قـومٍ نواتيف لا بـان بالميـقاف عد الأسـامي أسمك يشرف راعي الطيب تشريف سعد ولد دومـان عند الزحامي سيف" مجرب ما نبا فيه تعريف أقطع من المجرود حد الحسامي من روس ربعٍ بااللقا تكرم السيف أهل السهوم اللي تقص العظامي ربعي بني سالم نقايه عن الحيف اللـي مواقفـهم تفك الجهامي عوق الخصيم اللي براسه زعانيف لا شبت الهيجاء وثار العسامي ياحظ من ربعي بصفه مواقيف تارد حياظ الموت ورد الظوامي باالماقف الغصاب ما صدرٍ عيف ومسروح حربة باللقاء ما تظامي إليا شان منطوق الرجال العواريف أقولـها وأبـدي بـها في كلامي أهل النقاء المشهود ما فيه تزّيف بأفعالـهم نرقـى على كل زامي ما هي علوم محرف الهرج تحريـف بـلغ تحيـاتي وبـلغ سـلامي سـلامٍ أحلا من حليـب المشاعيف لابن نـجر تركـي عشير الحشامي راعـي هلا ما صـك بـابه عن الضيـف ذبـاح نابـية الشـواكل دوامـي لعـل تفـداه الوجـيه المدانـيف اللـي لهم فـي كل عوجاء مقامي ضعاف النفوس اللي جداها غطاريف دام المحرول حي ساس القطامي عندي ثقه ما يفرحون الملاقيف من روس ربعٍ ما دخـلهم تهامي وهوب بالوقفات تجلا التحاسيف عون الصديق وللعدا سم سامي لا ثـار عج الخيـل مثل العواصيف شقرت عصانا يالنشـاما حرامي وش عذركم من ضربة السيف بالسيف يفرح بها المغرض قليل الرحامي ويكره بها العاقل جميع السواليف بالعقل والحكمة تحلا الكرامي زحول الرجال مبيضين الأصاحيف أهل الفعول اللي عليها الكلامي الكل منّا شامخ الضلع ومنـيف سالم ومسروح الوفاء بالتمامي زمل الثقال اللي تشيل التكاليف ،،،،،،،،،،،،،،،،،،،،،،،،،،،،،،،،،،،،، الشاعر سعد المحمدي مالاح براق الحيا بالغمامي وهلت هماليل المزون المقانيف مية هلا ياطيبين المقامي احلا من السكر ودر المعاطيف في خايعن عشبه عن القاع زامي بعد الشتاء قدام يذبل من الصيف ياسعود حسب اسلومنا والنظامي نبغا نفك مغلفات المظاريف وعطيك علمن فيه بصمة ابهامي ماحرفوه اهل الحيل والمزاهيف القلب من صكات الايام دامي وصار الزمان بنظرتي جدن امخيف هذا زمن راع الردا المسامي خطو الغشيم اللي علومه مراديف يلبس ثياب البوق تحت الحرامي يبلاك لو انك ورا شاطي السيف تلقاه بالغرات مثل الحرامي ويموج عن حد السيوف المراهيف ياعل ماله في جبرنا نوامي جعله مهف اللي مع الصبح ماشيف اخلاف هذا يالفطين الهمامي اسمع كلام مصنف القول تصنيف لي ماقفن دون القبيله الزامي ماشوف به ليه حقوق ومعاريف مدحك وشكرك ياعريب العمامي من طيب من صكن عليه المهاديف ياسعود والله في يمنا وشامي ماني مكسر للقبيله مجاديف في هرج رادين العمل والذمامي سود القلوب مفرقين المواليف لاتستمع ياغايتي يامرامي للهرج في بعض المواضيع تهديف العام لاغنا رشيد الزلامي يسمع صد صوته بغادير وجنيف واليوم كثر الطق فك الحامي يالله عسى ماصار رحمه وتخفيف وقدام ياذرب اليمين الختامي ورفع القلم والخاتمه يابو امنيف يبلغ سلامك لشجاع العصامي تركي سنام المجد ريف للمهاجيف مورد الهييب والرمي حامي لاعودن باهل الشجاعه مناكيف |
الا ياسمانا صار حومك من العيسوم
وتلامع ابروقن فيك للعين خداعه اشوف النوادر فيك مايكثرون الحوم عزوفن عن التحلق ماهي بمرتاعه وانا فيك ماني للتواما خوي وتوم بعيد الهقاوي والنظر ماني اتباعه اغرد بخارج سربهم بين فرس وروم بعيدن عن الهفوات والذل بنواعه لو الوقت جار وبار فيه قوي اعزوم رفيقي ما أدور بالزمن لوية اذراعه لاجتني ثمينه للثمينه رفعت السوم ولا كل سوقن فيه يوجدلي ابضاعه تجيني مراسيل الخزا بالخزا واشوم و لا احط للاخبار بالاذن سماعه يعيب الفتى فعل الردا والخطا والزوم ويعيب السلاح اليا انكسر نابضه ارجاعه |
ياسباح في بحر المخاطر على قاربك
ابا اعطيك كلمه كان بالاذن تسمعها خوي المصالح لو تشيله على غاربك نهار المصالح تنتهي ينتهي معها محاسنك ينكرها ويعزف على ذاربك والارزاق وده عنك بالحال يقطعها ترا من مسك دقنك عيونه على شاربك حذاري من اللي غافل الناس يخدعها ياحبل الوصل مهملك غيري وانا كاربك واشوف القلوب السود بالحيل موجعها |
يالعبد كثر المال مع كثرة الولد
لاتشغلك عن طاعة الله وتنساه اليا ضمنت اليوم ماتضمن الغد العمر رحله والمنايا مفاجاه صل الفروض وعن هل الذكر لاتصد واكبح جماح النفس عن كل مشهاه الام تحت اقدامها جنت الخلد وبوك برن فيه بالابن تلقاه خلك صدوق وبالولي جدد العهد والرحم وصله يحمد العبد عقباه من لازرعها ورد مايحصد الورد ماسيت المخلوق تشبه لحسناه بالناس ياعارف مباغيض ومود وفرق الفتى عن الفتى فعل يمناه |
ماجيت عاني غير حشمه ومقدار=
=للعزوه اللي طيبها لي رصيدي خيالة العرفاء بعيدين الانظار= =محزم ظفر يوم النهار الشديدي لاصاح صياح الضحى والفشق ثار= =ثم اختلط عج الرمك بالثميدي من دون وضحن كنهن لون جمار= =ياما اجدعو من راس شيخ وعقيدي يوم ان نجد يشوبها خوف وخطار= =لهم بها هيبه ومجدن تليدي علمن موثق بالوثايق ولاشعار= =قبل القرابه قر فيه البعيدي وبيوتهم يشبع بها كل مرار= =ماضي وحاضر كنها يوم عيدي غير الحفاوه والشبب بن وبهار= =وسوالفن منها الفتى يستفيدي ساعه عن الجيره وتذكير وذكار= =وساعه يجي دور القصص والنشيدي افعالهم تصعب على كل هذار= =مايمدي الجحاد فيها جحيدي يتلون عبدالله راع الطيب والكار= =ريف الصديق والمعاند عنيدي ابن رباح الصيرمي واف الاشبار= =شيخن قديم اشداد ماهو جديدي ماجاته الشيخه بطلبه ودينار= =ورث الجدود بدم حبل الوريدي حقايقن ماحولها شك ونكار= =ياكود من رادي نصيب وبليدي لاجا مجال لمدح صلبين الاشوار= =في مدحهم واجب علينا نشيدي ماني بشاعر ياخذ ايمين ويسار= =عن الحقايق والكلام الاكيدي لاغصة غبات البحر جبت محار= =واليا مشيت امشي مع الدرب سيدي لاجرها من جرها سيف بتار= =مرضى الخضوع لغير رب العبيدي ان ولعوها نار ولعتها نار= =بالشام والا باليمن والصعيدي ربعي قبيلة حرب هامات واحرار = =لعيونهم وقت المزايد نزيدي ان كان ماني دونهم درع وستار = =في يوم مادونه مصد ومحيدي وقت الرخا غيري بالالاف شعار= =ماهم بحاجة يالعوارف قصيدي |
الشاعر خالد الحصني
يا جماعة خير ما وحيتوا زياده الرواتب ماش والعيشه كليفه دامنا في خير والحكام ساده الرواتب ليه ناخذها ضعيفه : نعبد الله والوطن حبه عباده ومحتمينه با المحاديب الرهيفه يوم عن جوعه يكفينا جراده قبل ما قشغر يجينا مع رديفه سعد المحمدي خل سيف الحرب يرجع في غماده وينقطع دابر خبيثين الوضيفه لاقطعنا راس مسلوب الاراده مايجينا من ديار الفرس خيفه وضعنا الراهن نصر والا شهاده الطعام احيان لاجانا نعيفه الاهم من الدروس المستفاده ناخذ العبره ونرضى بالنصيفه بالعراق وسوريا حرب الاباده ونتهاك اعراض يعلن بالصحيفه |
****************
الشاعر فهد محمد الهبيري الاياسعد موضوع مايحتمل تأجيل لوانك بحد المملكه ياولد عمي لي شهور والقلب المعنى نهار وليل توارد عليه هجوسا مزوده همي ::بعيد النظر مثلك يميز بلادربيل وقصيرالنظر لو شاف مايرد الجمي عقب ماابرهه طش العلم والركوبه فيل تجرع مرارة غزوته واحتسى السمي ::ولاعاد به عقلان لوزود التهويل لوانه مجرد سيفه ونافذ الكمي :تركها بلامغنم بعد طول حط وشيل وعليه انطبق مايذبح المسلم الذمي ******************* سعد المحمدي عسى خير عطني كل الاخبار بالتفصيل قبل مايفور من الزعل يافهد دمي تراني عن الساحه مطاليع نجم سهيل ولا فيه علمن نذكره يمك ويمي ماغير العلوم اللي بها ماعليكم ميل فدتك العيون العور والبكم والصمي طوينا ملفن فيه مايقبل التاويل ختمته بختمي والرمي صوب مازمي عسى الله يرحم جيل بعده ظهر لي جيل يشم الورود ولشهب الملح مايشمي نهاية كلامي ريح عنبر ومسك وهيل وحروف الهجا ماكلها تقبل الضمي |
دعاني الغالي عريب المجاذيب
مرزوق راع الطببه والكمايل حربي وللحربي عليه مواجيب ولي مثلها ياسامعين المثايل لو دون داره تطلع الشمس وتغيب جيته وفاء مايفيد عذر ورسايل وفي ليلتن مابين محزم وصاحيب باقاعه مجملها حضورالحمايل يالله جملني وجمل هل الطيب عيال عمي كاسبين الجمايل اهل الوفا واهل السيوف المحاديب عزوة مخلف طيبين الخصايل رجال دنيا ودين ماهم زواريب تشهد لهم باطيب كل القبايل دايم على العدوان شر وعواقيب زمل الحمول معدله كل مايل رداتهم من دون حرش العراقيب تركي على كبد المعادي ملايل وقتن مضي من فوق شيب الغواريب وفوق المهار الجامحات الاصايل كم ذود زاحوها بحد المحاديب يوم القبايل بين منكف وصايل ترعى الحيا في ضلهم شمخ النيب من الحجاز اليا مشاريف حايل بالسيف والبندق وشلفن معاطيب ماهي من الاقصين طيب وفضايل هذا الكلام اللي على حق ومصيب ومثبته بالبينه والدلايل واهل الحسد وملحقين المشاهيب في هرجهم ماني مع الوقت سايل من لاكسب كلمة نعم قبل مايشب =اشاب مايقدر يشيل الثقايل لطيب ناس ولرديه معازيب والحي لابده عن الحي زايل مافوقها من دون شكن والاريب زايل عسى الحنه تكون البدايل |
بانت خفايا مريكا لسعوديه
الوضع يحتاج وقفت شعب مع حاكم ايامنا المقبله فيها ضبابيه الوضع ماضن ياهل العرف يخفاكم ان ماوقفنا سوا حكام ورعيه عدو الاسلام بكره ينتف احاكم اليا غزونا الروافض واليهوديه وش عذركم بالزمن لاسبيت انساكم من لاعتبر بالعراق وحرب سوريه اللي وطاهم مع الايام ياطاكم قدام ماتكبل ايديكم مع ايديه انذرتكم جعل رب البيت يرعاكم دار الرساله بعون الله محميه ويبقى علينا تكاتفنا مع ادعاكم |
هبت هبوب اهل الردى والنفاقي
من كل حدب وصوب ياساتر الحال الارض ضاقت والفضى شبه ضاقي بعيون ياصالح خبيثين الاعمال ياسيفي البتار ياعظم ساقي صحيح من قال الحسد سم قتال ايلبس الهندي معم العراقي وعلوم يابن العم ماهي على البال راع الهروج البايره والدقاقي اللي يزرفل للخطايا تزرفال بيني وبينه مايصير اتفاقي لوقام يلعبها على كل موال ماحب درب الميسره والمتاقي سما سما عن كل هافي ومحتال دايم هواي وغايتي وشتياقي يابو فهد خوة مطانيخ وابطال لاصار بيام الزمان اصطفاقي ليه سند وانا لهم درع وظلال والا ترا الدنيا عليها طراقي ماحد عليها مقيم يالمعدن العال المسعد اللي في نهار التلاقي سالم من اذنوب المخاليق ياخال |
يابو بدر لشيخ وصل سلامي
سلام من كل الشوايب منقيه وصل تحياتي وجل احترامي ل مساعد اللي يرفع الراس طاريه انشهد انه شيخ عالي مقامي ارفع عقالي لسريحي وحييه سامي وله ماقف بطولي وسامي ماظن فعله كل واحد يسويه له ترفع البيضا يمن ثم شامي ياعل رب الكون يمهل لياليه عبرت ماكنيت بالصدر عامي واليوم لازم للمخاليق نبديه يثلج صدور الطيبين الحشامي واللي بقلبه ريب بالكبد يكويه مالي غايه بالكلام ومرامي غير الصحيح اللي نشوفه ونوحيه تبون علمن فيه بصمة ابهامي يحق لي ياحرب يوم افتخر فيه |
الشاعر سلطان نهار الاحمدي
بـسـم الـذي لـه نـاصـيـتنـا ذلـيـله • ألـلـي خـلـق خلقه وفضل للإنـسـان • سـلام مــنـي والـمـشـاعر نـبـيـلـه • تـسـلـيـمـتن يرجح بها كل مـيـزان • إعـداد مـن يـقـدح زنـاده فــتـيـلـه • ورابـط مـن الـخوبه إليا حد نجـران • مـانـام لـيـل ولا هتنى في مـقـيـلـه • يــرد عــن داره مــعـادي وعــدوان • ومـنه العدى تصبح وتمسي قـتـيـلـه • ومـنـه الوطن تمسي وتصبح بالامـان • وإعـداد ما يـنشـر بوسط الوسـيـلـه • عـن جيشنا أللي قاده الحزم سـلـمـان • وإعـداد مـاوبـلن تـنـاثـر هـمـيـلـه • وإعـداد مايـمطـر علـى الـقـاع ودان • وأعـداد مـايـكـتـض واد ن بـسـيـلـه • وإعـداد مـاهـز الهوا خضر الأغـصـان • تـحـيـتـن مـنـي تـعـم الـقـبـيـلـه • تـشـرح صدور الناس وتسر الاعـيـان • مـاكنـهـا إلا ماطرن من مـخـيـلـه • فـاوطـان ماطرها وتروى بها أوطـان • مـن بـعـدها كلن بيلقاء حـصـيـلـه • ولافـيه بيت يقوم من غير سـيـسـان • والـرجل لامنه كسب لـلـجـمـيـلـه • لابـد مـايـحـسب من أللي لهم شـان • وسـعـد إبن دومـان نادر إبـجـيـلـه • ألـلـي لـهـم بالطيب مبنى وعـنـوان • شـاعـر إلـيامـنه برك لـلـثـقـيـلـه • يشـتال حـمله ماأشتكت منه الامـتـان • سـعـد نـديـم المستحيل وخـلـيـلـه • حـيـلـه يـجـيب المستحيلات مـالان • لامن سرى ليله ورى الـمـسـتحـيله • يـجـيـبـهـا بالغصب والنور مـابـان • سـعـد يكـيل الطيب ويزيد كـيـلـه • وتـحـتار في وصفه طواريق وأوزان • سعد حفيد أهل الوفاء والـفـضـيلـه • مـايـجـهله ياكود صمان عـمـيـان • وكـيـل عن ربعه وربك وكـيـلـه • درع الحروب إبكل موقف ومـيـدان • إنـكـرمـه وإنـكـرم أللي مـثـيـلـه • وزودن على التكريم شكرن وعرفان • يـسـتـاهـل التكريم راع الاصـيـلـه • يـسـتاهل التكريم مـنا كـحـيـلان • لأنـه علـم عالي براس الـطـويـلـه • وطـويـل يمنا مع طويلين الايـمـان • قـلته وأنا شاعر عشقت الـجـزيـلـه • ومن يمتدح غير المديحين غـلـطان • ردي على الشاعر سلطان نهار الاحمدي يالله يامولج نهاره باليله بامرك تطيع الجن عبدك سليمان ياهازم الاحزاب منجي دخيله تعلم مالم يعلم من الانس والجان من بعد ذكرك زان طرق المثيله واخترت مايرضي من القول سلطان اسرجت للجولات بنت الكحيله وغصت البحور وجبت لولو ومرجان عشان شاعر يطرب الاذن قيله حفيد فارس يوم للخيل فرسان له مع قصير البيت قصه جميله ومن شك ينشد راس مطلق ومشعان كلام عندي يالعوارف دليله فعلن موثق بالزمن لبن ولمان من لابتن يوم الليالي مهيله اهل قناه وسيف وشداد وعنان احامده لاصار بالوقت ميله عز الرفيق واللعدا سم ديبان الصدق ياسلطان ذكره فضيله وبناس يابن العم جاحد وجابان يرقص مع الشيطان لاهز ذيله ويموج لاشاف الهدف قدم الاعيان مع كل وادي غير يومي شليله من الحسد قلبه تقل فيه بركان اخلاف ذا ياشوق ماشط جديله ابا اختصر ردي على قدر الامكان من قام سد النوب بيا وسيله في وقتنا الحاضر وفي ماض الازمان يكفيك عن كثر المعاني قليله يادرع جنبي ياسلايل بليهان |
الشاعر فهد مطلق السليمي
بالله ي لحن القصيد الي يسريني وراه أبسط جناحك للهجوس الساريه وأشتالها الي تصافقني من البارح على كل اتجاه مثل الهبوب الي تصفق بالمقيض اخيالها *أحيان تنحاني على شين من ضروف الحياة و أحيان تصرفني عن ضروف الحياة أمالها و بالحالتين الأدمي مخلوق و الدنيا شقاه و الحاجة الي في ضميره لو نحت يسعالها أما ظفر فيها مثل ما تظفر جموع الغزاه و الا كسره الوقت و الدنيا عطته احثالها بالهيه الي عقبها اما فقر و الا غناه و الا قناعة تقنع نفوس العرب من حالها أحدن عطاه الله و لا عده من الدنيا عطاه لو هو غني له حالتن بين العرب يرثالها وأحدن فقير و يحتمي ماجوب ربعه واصدقاه كنه يضارب مع هوامير البلد بأموالها ولا يندم الوافي على درب الوفاء لامن مشاه ترى ما يبقى للبشر غير الوفاء بأعمالها كم واحدن مبطي وهو تحت النصايب في ثراه ما زال تنقل سيرته للناس عبر أجيالها يارب قدرني على علمن يجملني صداه عند الكرام أهل الوفاء الي طوال احبالها لو العرب بالوقت هذا عندها قل أنتباه أكبر هموم الناس تصدير الثناء لأفضالها اول يخفي راعي المعروف معروفن بداه و هالحين لا بالله يبا الحسنه بعشر أمثالها هذا هو التيار والي يعكسه ياخذ جزاه قسيمتن من دون لا يشعر بها كد نالها مفهوم و المفهوم ما تفرز صوابه من خطاه الا تجاريب الليالي و السنين و فالها لكن انا لي صاحبن وافي و لا يلحق وفاه يا جعل تفداه الخبول الي يغث اخبالها مواقفه بيضاء بياض الثلج ما فيها اشتباه *كم واحدن وده يحصلها و لا هو طالها ضلعن ماغير*صافق الغربي ولاالشرقي حصاه درع القبيلة عزها حرن يشيل اثقالها هذاك ابو تركي سعد والله ما نلحق ثناه* الي سواته تنحذف له غترتي و اعقالها حقه مثل شمس الضحا على المطانيخ الدهاه ان قصرت بعض اليماني لا تمد جزالها و الا الكرام كرام مثل البحر ما يلحق مداه والله خلق خلقه و ميز بالحياة أخصالها و الناس قالو يرفع الرجال للعليا نقاه والا القبيلة ترفع أسهمها فعول ارجالها رد الشاعر سعد المحمدي بديت بسم اللي اليا ضاقت على عبده دعاه والناس يعلم جل شانه مايدور ابالها سامع دبيب النمله السودا على حيد الصفاه والارض ماهدها ورساها بشم اجبالها من بعد ذكره حي ابو مطلق وحي الله نباه عدالحجيج اللي لبيت الله تشد ارحالها شاعر وشعره يطرب السامع وعالى مستواه يختار جزلات المعاني مايجيب اهزالها فصيح ماينشب لسانه لاتكلم في جماه الطيبه من طيب راسه لاعتلت يرقالها لاهل الوفا والطيب لابار الزمن سترة نجاه الله يجيره من صدوف ايامنا واهوالها يادرع جنبي لارفع خصمي على راسي عصاه في يوم يعرف فيه خواف العرب وابطالها مدحتني وكثرت في مدحي وزعلت الوشاه سود القلوب اللي على الهزله تهز اذيالها ياكم واحد وده ايحرك على حبي رحاه لو مايخاف الحربه اللي صعب يلقى ادوالها ماكل راعي يافهد بندق يعد من الرماه ياكم بندق خانها عند الطلب نقالها من شاطي الدمام لين اتعد بجبال السراه الناس حسب افعولها ماهي بكبر ازوالها عيني على الصفوه مافكر بالهلايم والرعاه شوحي سما ونزل اهل الطيب في منزالها اليا فعلت الطيب المعروف مادور جزاه ومقطع عروق الشجره اللي عشت تحت اضلالها عقب صبين بالسعه يضرس وتطلع له لهاه ويدس راسه في نهار الجد وسط ارمالها ليت الردي لاهل الوجيه البيض بالدنيا زكاه اقولها والغير من قبلي وبعدي قالها خذ علم مثل النقش يابن العم في جنب الحصاه الحمل عن حشون هزيله في ظهور اجمالها رد الجمايل لهلها واجب مثل فرض الصلاه يارب جملني وحرب الله يجمل حالها كلام شاعر يافهد مايجهل البير وغطاه ويعامل اهل السوق حسب اجنيهها وربالها |
الشاعر سعد المحمدي
ياتركي ليا طال المنازع وزاد الهرج وجميع الحلول اللي نبي شبه معدومه على كور سابق تقطع البيد والاسرج ضربنا جموع القوم برماح مسمومه انا دوب صابر والسوالف طوال وعرج تجينا من اللي تفطر اليوم وتصومه بعد صارت الدعوى تحدي وهرج ومرج صوريخنا لردع مليون منضومه نبي ننتظر يومين قدام نفض الخرج عسى البيت الابيض يرضي الناس مرسومه '''''''''''''''''''''''''''''''''''''''''''' رد الشاعر تركي المحرول اشوف الموالي يابو تركي تشب السرج علي نور خافت جالهم طيحه وقومه وتركت العلوم الغامضه كلها باالدرج وجميع الدروب بتالي الوقت مزحومه تري مايجيك ارسال لصار ماله برج وانا خابر انك ماتبي زود معلومه عديمٍ مجرب بااللقإ والنهار الحرج جموع العدأ لحل طاريك مهزومه تنهضت ياالنادر وشفت الحباري درج وفرت الجناح وفوقهن تكسر الحومه تصيد السمينه والبقيه يروحن مرج تعاف المطير وتسبر الليل ونجومه |
الساعة الآن 03:35 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir