|
لله درّ اللِّي حريص و لا بقوماته طِفَق= في موقعه ماشي بعيد(ن) عن متاهات الشّلَلْ يمسك اشْعَرْةْ معاويهْ بيديه و بجيبه تِفَق= و لا يهاب يقول كلمةْ حَقّ الى شاف الخَلَلْ |
ثلاث لاجت فا الرجل ترفع مقامه بالثبات = الفكر والمنطوق واليمنى لامنه مدها مضحي جمعها لين عدا فالحيود النايفات = حبه على راسه والاخرى عن يده لاتردها |
صح الله السنتكم مساجلات رائعه
|
اقتباس:
سلمت يا حسين مريع العبيدي الظاهر انك نسيت شرط اللعبه اللي انت وضعت و من باب الميانه قدمت "لاجت" على "ثلاث" حتى نمشي على الشرط |
حياك الله يالصييفي
ارجو انك بخير اخوي انا عند ماجيت اكتب كان الموجود البيتين اللي قالها اخونا مضحي وعن ماقر يناها انا والولد في الليل قال لي اخرها مثل وعلى هذا الاساس بنيت ابياتي معذرة عن الغلط وجل من لايسهو لك تحياتي اخوي الغالي واسمع طالعمرك
للي علينا حط ملحوظة نعم للمحترم = قولك ترى جا في محله والغلط منا حصل واللي عرف مقدار نفسه قدروه اهل الكرم = واسمح لنا لاشفت سهوة مثلكم من يحتمل |
اقتباس:
الله يحييك يا حسين مريع العبيدي و ملا حظتي كانت من باب المداعبه طال عمرك و كلنا نخطي و حدّث و لا حرج لو دريت انك تبي تلكلف نفسك ما مزحت معك بارك الله فيك
لا تحسب انِّي في ملاحظتي قصدتك بالعتب= كانت ملاحظتي دعابه، ليتني ما قلتها كفّيت باللِّي قلت و اوفيت و خذيت اعلى الرّتَب= يا شاعر في ماقفك كل الشهامه نلتها |
اخوي الصييفي امزح طال عمرك ماعليك نحن في ملتقى المحبة بالعكس ماهناك اي تكلف ولكن ورانا ناس تقرأ ولازم مانكابر نعترف بالحقيقة اما مداعبتك فحياك الله خذ راحتك وافهم ان اخوك مايطري على باله الزعل مهما حصل من اي شخص كان اما انت تدلل لك تحياتي
|
هاوي لنصح الي نصح وقرا ليامنه كتب = نقدك شرف ليه بعد نبهتني عدلتها والله اخرتكم ماشفت الابيات الا الان اول احسبها توقيعك لك المعذار عن التاخير وتقبل تحياتييامرحبا بك قول وانا لي على الغالي طلب = انك تعدلها ليا ماشفتني ميلتها |
صحت السنتكم شعرائنا الكرام
واصلوا ابداعاتكم لكم ودي وفائق احترامي العبيدي |
هات خشمك ياحسين العبيدي يا كبير=أنت شيخ(ن) في تعاملك شيخ(ن) في أدبك طال عمرك ماني امراقب و لاني نظير= شاعر(ن) يدخل و يسبك حروف الشعر سبك |
بك نرحب يالصييفي ويرتاح الضمير = لقريت اشعارك اللي لها طعم (ن) وذوق حبة (ن) مني وانا ارسلتها عبر الاثير = مالها عن جبهة اللي رفعني فوق فوق المعاني حايرة من يسيرها تسير = هات قاف(ن) هات معنى يجي من غير عوق انت رجال(ن) محنك ومثلك نستشير = ياوسيع المعرفة زدتني للشعر شوق |
واصلوآ هالابداع ياصييفي ويالعبيدي
متآآبع بصمت اخوـكم/ علي العبيدي |
وقِّض النايم بشعرك و خلِّه يشتِركْ= الحوارْ لكلّ حاضرْ بهذا الملتقى ساحة الاشعار ماهي لي و لكْ معترك= غيرنا شعار في ساحة الشعر اسْبقا |
قالها من جابها في البداية للجميع = انت خابرها وغيرك كما تدري درى من ينادينا نجاوب من البال الوسبع = كلنا في بيت واحد وممشانا برا |
راية الشعر خفاقه وفوق اعتلت=يالنبط مايهزك ريح ورقا سنود ساحتك من رجال المعرفه ماخلت=النشاما عساهم دايماً فالوجود |
ودي العب لياشفت المعاني سمت = ودي اسمع كلامك ودي العب معك كل ماراح وللا صفحة(ن) وانطوت= بعد مضحي تبادى واستدار الفلك |
لكلّ يوم(ن) دور "يوم(ن) لِكِ و يوم(ن) عليك"=و من تناسى أو نسى مثل ذا الحكمه يضيع كلّ ما زانت لكِ اشْكِر و لا تبسطِ يديك= ربما ترجعْ و تِدْهِرْ عقب ما هي ربيع |
مسا الخير يالصييفي
اخوي طال عمرك يجب ان تبدا باللام والكاف وليس بالالف واللام للتذكير فقط وكلنا ينسى ويخطي
يعرف المرء ماهو له وماهو عليه = يرضي الله ياعماله ويطلب رضاه والبنادم محاسب عن جراير يديه = وكل واحد على فعله يحص جزاه |
اقتباس:
المعذرة يا حسين انا رحت على لعبه أخرى تبدأ بالكلمه الأخيرة جرى التعديل و مشكور على التنويه
آه لو يعرف الإنسان ما يحتريه= حسب ما قدمه في رحلته بالحياه كان خير(ن) فله مثله و اذا غير فيه= الجزا بالمثل كل(ن) على ما عطاه |
اهتدى كل عاقل والخطر مايجيه = من مشى فالغواية مابكينا وراه نقتدي بالرسول ونعمل اللي يبيه = والنبي والصحابة هم سبيل النجاه |
افا ياولد ابك وين المحاورات
|
فيحان الفوازي هههههههههههههههههههههه
|
اقتباس:
وين مساهمتك يا فيحان؟ المحاورة عبارة عن مساجلة جماعيه |
اهتمامك بالنجاة؟، اتعب عليها= طاعة الله هي ترى طوق النجاتي العمل واجب، و لا احْد(ن) فاز فيها= غير من يخلص بصومه و الصلاتي |
تيأس من الخلق لوترجي عطاهم***لاترجّى غير من تسجد لوجهه
نرتجيه وخل عبّادالدراهم***يلهثون بكل حين وكل وجِهه |
صح لسانك يابدر المزيني والله ماعندي حيله الا اعبر بها ((ههههههههه))لعلمك اول مره اعبر بها والضروره حدتني عليها وانت اجبرتنا ولافيه حل غيرها
هههههه يابدر ليش الباب سديته=زودٍ على قفلته حطيت مزلاجي ((الهاء المكرره وين نلقاها الله يطول عمرك يابدر المزيني ))لولا حروف العجب مادخل على بيته=لكن لقينا بهن مدخل ومخراجي |
ياهل النضا لوسمحتم قربوهنه = لابد من خامة تطوى بالامتاني لاهنت يابو خالد صح لسانك لكن الشرط وينه لازم تبداء باخر حرفين من الشطر الاخير من ابيات الشاعر اللي قبلك ولهذا لازم تجيب الشرط المطلوب و هو حرفين ال ((جي)) لابد من خامة تطوى على السنه = والموت قدامنا ماعاف راكاني |
جينا وقلنا وجاء مضحي وحط إبها***ياليت ماهي بجمره يابن جمراني
لكن مفوّض على الكلمه وكاتبها***تدري وأنا أدرى وتدري ويش دراني |
نية صحيبك سليمه مايقلبها =مايدرج الغش ضدك ياكحيلاني لاخير في هرجةٍ نخشا عواقبها=واللي على الطيبه قداك قداني |
نيّه سليمه نباء طيّب وكهربها***ماينجرح سلكها لي نورها باني
والشك زايل وشرقّها وغربّها***والله ياقى مماشيكم وياقاني وصح لسانك وترانا عليّميّه ومنك نتعلم |
نيرانها زادها وقده مدربها=الله يحماك ياخويه ويحماني ولكل حاجه رجال العرف ترهبها =المشكله فالصحيب ان صار قوماني |
نِيّالكم يا اللِّي متى ما بغيتوا= تصفحون "النت" ما ردكم شيّ و انا منعني لا ادخل "النت" "فيتو"= الى بغيت ادخل و الى خطها عيّ |
ايّاك وايّا شركة السرق والسو=الاتصال وخدمة اصحابها سيّ احصل على كونكت والا من الجو=خلك مع الاقمار تأخذ وتعطيّ |
سيارتي قامت تاخذ وتعطي=وقامت تمنن بروه وجيه يالشاص ياللي تطوي الارض طي=ودي ابدلك بالسياره الرديه |
يهدي لكم قلب المود الموده***وتبقون ياحزام الشدايد حزامي
ويبقى خفوقي مايبيّح بسده***مادام به نورٍ يزيح الظلامي |
صح السنتكم ياشعار
|
ميعادنا بكره مع بزغة الشمس= قدام مسراح الغنم و المقاريد تراي لي لي مده و انا خاطري عمس= متساوي(ن) عندي البكا و الزغاريد |
يدي بيدك ولا عن الوعد تأخير = واللي تبيه يصير من باكر الصبح لك عند ربعك كل حشمة وتقدير = لاتشتكي وانت مكثر من الربح |
اقتباس:
|
شاعر محاورة صح بدنك اخو ولك اجمل تحياتي
|
الساعة الآن 01:58 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir