أبغى اسبق الكل واهني=الكل باقبال شهر الصوم
ويارب لك عبد متمني = بالخير يقبل علينا دوم

عندي نظر واحسد الأعمى=مايشوف والشوف عناني
ظميان محدن سقاني ما=واشاهد العد باعياني

أشوف بالعين واتجول=بين البساتين والأشجار
بعدي دخل شخص يتسول= وخرج بباقة من الأزهار

ما عاد لي شف في الشاهي=وعيني على كاسة الشربيت
وجدي على لونها الزاهي=أللي كما المسرجة فالبيت

لي قلب يتجاهل التنكيد=دايم عن الحزن يبعدني
لكن عجز في نهار العيد=يمنع دموعي تعايدني

ليتك بجنبي وانا جارك=واشاهدك يوم اجي واروح
الطرف شاهدك واختارك =ياللي بنظرة ملكت الروح

بخيتان البشري=
سلام من صادق إحساسي=يرقى معك للمعالي فوق
ياللي لكم قيس وقياسي=ومطوقين المعاني طوق
أحمد العمودي=
ترحيب وانته علي راسي=ياللي لكم في ضميري شوق
اناسوات الجبل راسي=منك انتظر جيد المنطوق
بخيتان البشري=
شرواك له قدر نوماسي=عسى البقا يارفيع وذوق
أنا كما الصاعقة باسي=اشكي عليكم أسى وحروق
أحمد العمودي=
أسمك مسجل في كراسي=والبيع والمشتري فالسوق
مادام ملبوسك اللاسي=وش هو سبب قلبك المحروق
بخيتان البشري=
اسمي علم كان متناسي=عاتق شرى بيعته معتوق
مشغول فكري وهوجاسي=القلب عاشق فقد معشوق
أحمد العمودي=
لاتسلم القلب للآسي=اللي تناساك يامخلوق
انساه مادام هوناسي=ترى لقلبك عليك حقوق
بخيتان البشري=
ماكان في يوم لي قاسي=اخذ المسائل معي برفوق
ياستاذ مغصوب من ناسي=يسعون في دربنا بفروق
أحمد العمودي=
بفتيك من واقع مراسي=وماأملكه من خبر موثوق
مادامت الأمر متواسي=والود مابينكم مرموق
لوأصبح الوضع حساسي=مايصبحون العوازل عوق
خليك صبار وسياسي=وكل شي بعد الصبر ملحوق

آه الهوا بحت له سدي=وبنيت له في فؤادي دور
عنوة هدم ما بنت يدي= وردني باخر الطابور

القيل له حق واستحقاق= وله ناس يقفون من دونه
ومن كان قيله دجل ونفاق=لازم عن الدجل ينهونه

قـابــل الـبـشــري =
نبغى مثل فالهـواء الطلـق = وحـوار مابيننـا مفتـوح
ولافيه بيني وبينـك فـرق = مادام نسعى ورا المصلـوح
احـمــد الـعـمــودي =
مادام عندك لسـان وحلـق = يبقى المثل بيننـا مسمـوح
نبني صروحه فغرب وشرق = وندونـه بالقلـم فالـلـوح
قابل البشري=
كلمـا نقـول الحبيـب يـرق = ويعطف على الخافق المجروح
يقسى ويحرف فؤادي حـرق = ويزيد جرحي علـي جـروح
احمدالعمودي=
مارضى ولا قول ماله حـق = لو تشتكي لي سنة وتنـوح
أنصفـك والعـدل يتحـقـق = لو تشرح أللي حصل بوضوح
قابل البشري=
وفاي ثابـت ولاينطـق = ماهو سحابة تجي وتروح
لكن صمم يغني طـرق = ماينقله صوته المبحـوح
احمدالعمودي=
وافي وما قلت غير الصـدق = وصاحبك قدم غـذا للـروح
والصوت من صنع رب الخلق =والجهد من يبذلـه ممـدوح

بحر الكسره=
دكتور عندك دوا قطره = يحجب عيوني عن المزيون
انسان عايش على الفطره = والود في داخلي مكنون
ابو عمر=
الزين والماء والخظره = من دونها الناس ما يحيون
مادام الا نسان له نظره = انظر ولا تقرب المضمون
بحر الكسره=
قلبي نهيته وزاد امره = بالحيل زايد عليه شجون
اسير حبه وزاد اسره = واصبحت في ودهم مسجون
ابو عمر=
مالوم من يشتكي جمره = هذا الهوى من زمن فرعون
لا كنه الود وش عذره = ولا بحالتك ما يدرون
بحر الكسره=
من هجرهم سالت العبره = قلب نصحته عن المفتون
زاد الصبر وانتهى صبره = عساك من حالتي تفتون
ابو عمر=
هيا اسمع الشور والدبره = لاتزيد قلبك عنا وشطون
اللي جرالك خذه عبره = والرب منه العوض مضمون

شبابنا العز والآمال=نتعب على شان راحتهم
مقصودنا يطلعون رجال=وما ودنا الا سلامتهم

من ما بجوفه من القرآن=لو بضع آيات محفوظة
مثل الخرابة بلا سكان=ظلمة وبالطبع مرفوضة

أوحيت صوت الحمام ينوح=واطربني الصوت وابكاني
لانّه نقض في الفؤاد جروح =كل جرح أعمق من الثاني

بعد اصبح الراس نصفه شيب=الود عفته ماعاد ابغاه
لكن بقايا منه في الجيب =خلتني عايش على ذكراه

موعود انا منه بزياره=ليته تجمل وحددها
لجل اقطف الورد وازهاره=بافرش به الارض وامهدها

البدع=
الفكر والظن والاءحساس=تواردو خاطري قاضي
فاللي حصل في نفوس الناس=الناس ماهم كما الماضي
الرد=
لا شك يالصاحب الحساس=لكن حكم الزمن ماضي
ولو انعرف له رجل من راس=ماتشوف واحد ماهو راضي

العمودي=
ياصالح اشكي عليك أللي =جرد عليه بخيل وجيش
وصيطر على القلب واحتلي=وحرم عليه لذيذ العيش
ان كان عندك خبر قللي=والا تودي الخبر لقميش
قميش=
يا احمد اسمع وافطن لي=لولا الأسى ما حصل تشويش
والوقت حكمه على الكلي=والصبر للمبتلى ويعيش
ولو كان خصمك يقابلي=واساله هذا المآسى ليش
أما يجي قود للظلي=والا احرقه مثل حرق الريش
العمودي=
صبرت لين الصبر قلي=واصبح عليه الصبر ما فيش
والمشكلة الخصم متولي=وقافل على وضعنا بالشيش
الحبل بيديه ويتلي =لا صابني ولا تركني اعيش
أبغى بصر شوف لي حلي= أرجوك عيد النظر ياقميش
قميش=
أعطيتك الحل والدلي=وهمشت فالمسألة تهميش
بنص حجة ما يمكن لي=أعطيك حقك بلا تفتيش
وعاداته الود متغلي=فيه الجهالة وفيه الطيش
أصبر على ما جرا يالي=واحذر لمن حرشة تحريش
وان كان في وضعه مظلي =لا تشبك الكهربة بالفيش
أبعد عنه وخله يولي=ولا تنبش المسألة تنبيش

سألت عيني لما تبكين= كثر البكا سم لي حالي
قصدي تقلي السبب من مين=اثر انها فاقدة غالي

كل ما عيوني تجي بتنام=أللي سرق نومها جاها
ذكرى هوا فات له كم عام =وسبب سهرها وبكاها

البارحة شرق جدة جيت=وقمت أتخيل منازلهم
ربعن منول ليا مريت=يقابلوني واقابلهم
واليوم يحزنك ما لاقيت=السيل طوّا حبايلهم
جمّعهم البيت جنب البيت=ورمى بهم فوق قاتلهم

لا تصدق ان الغرام يموت = أو ما يعود بعد موته
مات و دفنته وسط تابوت =وعود عليه بتابوته

حالي اشتقى والسبب مني=ولعت قلبي بود مصد
وما عشت يومين متهني =من يوم قلبي بلي بالود

دكتور قلبي سقاني سم=خلى الأحاسيس منحاسة
وقلي علاجك من العلقم= كل يوم تاخذ منه كاسة

ماظن تتحسن احواللك=والقاك في يوم فاحسن حال
يامشتكي قلة اموالك =على الذي ما معاهم مال

النفس شرهة وطماعة=كم دمرة صرح باسم الود
وتأثرة من هوا ساعة=واليوم تبني معاد تهد

لي قلب نصه عذاب وغم=والهم في نصه الثاني
وقتي غدا مثل ليل اظلم=أمشي في طوعة ويعصاني

مهما ابتعد ولف عن مولوف=والود ما بينهم يجمع
تدمع عيونه نهار تشوف=مضنونها ناظره يدمع

كنت احسبه لا سمع صوتي=وآنا بجنبه عليل اون
يبكي عليه قبل موتي= أللي عليه معيي يحن

يالعين هلي من العبرات= ما يجعل القلب في راحة
أللي شغلتيه بالنظرات= وانتي تعيشين مرتاحة

كنت احسب ان الهوا لعبة=يلعب بها القلب وتسليه
وجدت به مرحلة صعبة=يا تسعد القلب يا تشقيه

آه الذي لاقربته صد=عني خجل واقترب مني
يون مثلي ويتنهد=بعده وقربه مجننني

يالقلب مدري متى بالتوب=وتجوز يالقلب عن ودك
ياللي عليك الشقى مكتوب= وانا عنه ازريت لااردك

كل عيد واحبابنا معنا=يكمل فرحنا بهم ويزيد
واليوم هلة مدامعنا=فقدتهم يوم قالو عيد

ابومديده=
قلُّه عليك المعاني تطوف=وقام إيتشّكَر على الأصاف
وإلياه خارج عن المآلوف=عليه معنى المعاني طاف
العمودي=
صاحبك يوجد كماه الوف= جهال ماتفهم الأعراف
لكنك انته رجل معروف=من مثلهم ماعليك خلاف
ابومديده=
معاك نلعب على المكشوف=والبيع والمشترى ينشاف
عطوه كيلو من الملفـوف=ويحسِّبه خوخ في مصياف
العمودي=
خليه فرحان بالمصروف= أللي وصّله من الصراف
وحنا نبي نستمع ونشوف= ونرسل للاصحاب تلغراف
ابومديده=
لجلي ماآرضى عليه حسوف=بنغير اللعب للآطراف
ماأبغاه يرجع لنا مكسوف=ويرجع بكيس المقاضي حاف
العمودي=
تمضي حيات العباد ظروف=والوقت طيّب وحزة جـاف
وما يجيب الارباح هز كتوف=وعمر النخل فالشتا ماصاف

قلبي مع الوقت حب اعمى=وياما بنى والكفيف يهد
سماه بالود واستسمى=ولقيه ماهوكفو للود

قابل=
سلام فيه الوفا جملة=ضافي على الكل مايقصر
وأللي يمد الوفا عملة=ان كان مافاز مايخسر
العامودي=
ترحيب بالكل بالحفلة=والضيف محشوم ومقدر
نبديه لاصحابنا كملة=وبالصابية الجيدة تظهر
قابل=
تبقى وراعي الوفا يصله=ماغاب في موعده حضر
والعبد لاستقبل القبلة=اذا عمل ذنب يستغفر
العامودي=
الزير والطاروالطبلة=فالبر والبحر والبندر
ومن سار بالطرقة العدلة=يمشي مع الدرب مايعثر
قابل=
كل ولحنه ملايم له=ولا بد فيه الخلل يظهر
ومثلك من الناس يحسب له=دايم تحت شاشة المجهر
العامودي=
يا قابل المسألة سهلة=ماارضى على الطيب واهله شر
أنا مع الزور والهملة =في حرب والحرب كر وفر
وكذا... كذا ....قايمة الحملة=لك عين تابع بها وانظر
دام الدلالات مكتملة=بنحارب الضر لو ننضر

عازف=
منهو بغى يحط جاباته=و يرد من فكره الشامل
لابد يحسب حساباتـه=قبيله اليوم ما يجامـل
العمودي=
ان كان عندك خبر هاتـه=لا تطول الهـرج وتماطـل
قريـت قبلـك سجـلاتـه=ماشفت احد في البشر كامل
عازف=
ما دمت تسبـق رجالاتـه=لا شك مانته رجل ساهـل
اسمع مثل حيـر قضاتـه=قـدام لا يحيـر السائـل
الصرف لا جات حاياتـه=وامسيت في جوه الهائـل
كيف أتقي شـر ضرباتـه=لا صرت ساعي و متشامل
العمودي=
كلن علـى قـد حالاتـه=والحرب مقتول ياقاتـل
ومن وسع الوقت خبراته=يفتيك من علم متكامـل
الصرف معروفة اوقاتـه=مايواجهه وقتها عاقـل
ومن واجهه وقت هباته=لو يغرق نقول يستاهـل

ناصر الحجوري=
حتم عليّ الادب ياحمـد = اطوع الحرف لين اقريك
سلام يلحقك لـو تبعـد = ويلفاك بالطيب في ناديك
العامودي=
آنا كذالـك يبـو محمـد = ولاخذت منك الأدب بعطيك
ترحيب مختـوم ومعمـد = لو كنت سد البحور يجيك
ناصرالحجوري=
خلك على نهج هـذا الـرد = لايخيب ياحمد عشمنا فيك
ازرع بحرفك حروف الـود = حتى اقدر اضمنك واستفتيك
العامودي=
حياة الا نسان هزل وجـد = وفالجد انا سيف بين يديك
وان كان شفتك تزل الحد = عينك ترا شي ما يرضيك
ناصرالحجوري=
لايضيق صدرك ولا تهـدد = ابعد عن الضـن لايعميـك
خلك معي عـدل ومسانـد = واكسب سباقي وخذلك شيك
العامودي=
صدري بحر فيه جزر ومـد = يسعـد اذا جبتلـه طاريـك
بس انت مدري عليك اش جد = للآن خايف تقول اش فيـك
ناصرالحجوري=
غابه بها الليـث متسيـد = وفيها الثعالب لها تكتيـك
وانته تعرف الاسـد جيـد = يزئر في وجه المكر لاحِيِك
العامودي=
أنا اعرف ان الأسد سيد = وما يعرف الثعلب الا الديك
وان كنت عشقان تتصيد = لغابة الليث شموديك
ناصرالحجوري=
أنا اشهد إن الاسـد عيّـد = وجات النتيجه من التحريك
ياللي عرفت الاسـد قيـد = وامضي قبل غيريك يمضيك
العامودي=
عن دربه الليث ما حيد = بتجنبه بس ما يمديك
وكل شي مرصود ومقيد = وأللي عليك انحسب يكفيك

بحر الكسرة=
دكتـور عنـدك دوا قطـره = يحجب عيوني عن المزيون
انسان عايش على الفطـره = والود في داخلـي مكنـون
ابـــــو عــمـــر =
الزيـن والمـاء والخظـره = من دونها الناس ما يحيون
مادام الا نسان لـه نظـره = انظر ولا تقرب المضمـون
بــحــر الـكـســره =
قلبـي نهيتـه وزاد امـره = بالحيل زايد عليه شجـون
اسيـر حبـه وزاد اسـره = واصبحت في ودهم مسجون
ابـــــو عــمـــر =
مالوم من يشتكـي جمـره = هذا الهوى من زمن فرعون
لا كنـه الـود وش عـذره = ولا بحالتـك مـا يـدرون
بــحــر الـكـســره =
من هجرهم سالـت العبـره = قلبي نصحته عن المفتـون
زاد الصبر وانتهى صبـره = عساك من حالتـي تفتـون
ابـــــو عــمـــر =
هيا اسمع الشور والدبـره = لاتزيد قلبك عنا وشطـون
اللي جرالـك خـذه عبـره = والرب منه العوض مضمون

القـيـل مـــن أمـــر حـاصــل لـــه=فـــي وقـتـنـا يشـتـكـي ويـصـيـح
أصــبـــح عـــــدوه كـــمـــا خـــلـــه=مـبــدأهــم الـشــتــم والـتـجــريــح
ومـاشــوف مـــن حـــاول يـقـلـه=ويـحـط لـــه قـــدر قـبــل يـطـيـح
والـــنــــاس تــــســــلاه وتــمـــلـــه=ويذهب سدى في مهاب الريح

بغـيـت اســب الـهـوا وانــه=يــامــا عـطـانــي وهـنـانــي
في سابق الوقت رغم انه=فـي تـالـي الـوقـت بكـانـي