من بعد ساعه وحنا سكوت = والكـل بيناظـر الثانـي
رقه ونعومه بذاك الصوت = استملكـت كـل وجدانـي

يا من فقلبي سكـن ودك = ولايحتمل لحظه اغيابـك
قولي على البعد وش حدك = لاتقول كله مـن اسبابـك

ياكامل الزين فوصوفـك = ارفق على حالتي ارفـق
عامين وانا ارتجي شوفك = مدري متى بحالتي تشفق

ياللي بلبسك مطـرز فـل = وانته من الفـل انفاسـك
بروعة حضورك غلبت الكل = ودي ابوسك علـى راسـك

ابغى اسولف معـك لكـن = الوضع سـيء ولايسمـح
ودي برقمـك اذا امـكـن = حتى عن اللي حصل نشرح

اقول واقسم برب البيـت = ياتاج راسي ويا عيوني
غيرك من الناس ماحبيت = مغرم هوى فيك مفتوني

اعشقك واهواك من قلبي = على ايش صدك وهجرانك
اعطف على القلب ياحبي = كم اسهر الليل من شانك

اشقيـت قلبـي بنظراتـك = يا ابو غنج والعيون وساع
حتى العسل مالي اشفاتـك = خليت قلب الشقي ملتـاع

ياللآسف مااحترم سنه = الهمز واللمز وش جابه
يحكم على طبعه وظنه = ليت الشقا يقفل ابوابه

الله عطاني عقل وافهـم = والمرء يسعى لمصلوحه
عيشتني في ظلام اعتـم = ما يدور في خاطرك بوحه