سالم العرم=
سـلام والليلـه نبـا ناقـش لنـا امـر مـن الامــور=الشاعـر اللـي فاهـم المـوضـوع لا يـرجـع وراه
مـن يقتـل النفـس البريئـه كيـف بالجثـه يــدور=هو يحسب ان الناس ما تدري عن البير وغطاه
مضحي بن جمران=
يامرحبا ترحيبتاً جزلـه تزيـد النـور نـور=ونقول موضوعك ماهو غامض ونعرف محتواه
مايقتل النفـس البريـه عندنـا غيرالغـرور=والا التهور مـن تهـور عاقبـة فعلـه لقـاه
سالم العرم=
ماني مجامل ياولد جمـران والعلـم مخبـور=والمتهم يا ندخلـه بالحبـس يـا يطلـع بـراه
اللي يبا يكحل عيونه ما ذبحه غير الذرور=الله لا يـبـلا رجــال المعـرفـه بالـلـي بــلاه
مضحي بن جمران=
ماقلتلك جامل لكـن الصبـر طيـب للصبـور=اللي عليه المصطفى يالقـرم وصانـا وصـاه
الناس يابن الناس من ماضى الليالي والعصور=احدٍ سنـام المراجـل خـلاه والثانـي رقـاه
سالم العرم=
تبا الصـدور قبـور لا والله مـا صـارت قبـور=الرجل ما يرضى المذله لو على شقرة عصاه
تشـره علينـا العارفيـن اليـا عطينـاه العـبـور=لكـن شـوف امريـن ياخلـك مـعـي وإلا مـعـاه
مضحي بن جمران=
انا على علمي ومعرفتي بوافين الشبور=الصاحب الطيب لوانه زل مدموحٍ خطاه
مالله خلقني بين خلق الله شوكه فالنحور=ولاني معا سالم ولا مع ذاك والله يهداه
سالم العرم=
الطيـب اللـي لا غلـط يبـدا بعـذره ومعـذور=ما يدرق بالضلع ويدربي على العالم حصاه
الوجهنه ما ترفع الرجـال تنـزل بـه حـدور=ترى الكلام اللي عليـه العلـم متعوبـآ عـلاه
مضحي بن جمران=
حنا نسندها والا نرضى لدعوانـا الثبـور=والكيف فنجاله يدور وكل نجمٍ في سمـاه
واللي يحقر الناس لايزعل لياشاف الحقور=ونحدد الرجال لامنـه تهـرج مـن نبـاه
سالم العرم=
اتقولها وانته عليك ملاحظـة بيـن السطـور=الله يكافينـا بتـال الوقـت مـن شــر القـضـاه
الرجل لا منه زعل من صاحبه لا يقول زور=ولا يتهم خصمه اليا منه نقص عن مستواه
مضحي بن جمران=
بندقك ياسالم عليـه دون جنحـه لاتثـور=لاتظلم القاضي تراء ماضاع لك حاجه وراه
ياشيخ دمك من كثر همك تحرص لايفـور=اللي جهل بالحر غله وسط ناره واشتـواه
سالم العرم=
لا والله اني ما غدى لي شيء والبيت معمـور=لكن اشوف الحـق عنـد النـاس فـي كـم العبـاه
يفـور دم اللـي وانـا سـالـم مكـتـف ومعـسـور=وسالم غني لو جاع ما يبغاك يا مضحي عشاه
مضحي بن جمران=
مادام مالك حق ضايع لاتنبـش فالجحـور=وحقوق غيرك دونها شبره وتبقاء في حماه
وإلا انت ودك باي جاحه بس حباً للظهـور=ياقرد سالم تالي الايام مـن كثـرت شقـاه
سالم العرم=
انا اخذ حقوقي رضا وإلا غصب من دون شور=لكـن مـاودي تصـيـرون الـهـدف قــدم الـرمـاه
يابوك انا اول من يقلط عالعشاء ما اكلت سـور=قـدام لاينبـت لبعـض الـنـاس سـنـآ فــي جـمـاه
مضحي بن جمران=
لو الله انا لاحضرت اصك بيبان الشرور=وانت سلاحك يالمسلح لايثور في خبـاه
من حرك الملاس يعرف ماتخبيه القـدور=واللي يكحل عينه الحولاء تسبب في عماه