ماتسهـر عيونـك وغالـيـك صـاحـي= نامي . . وأنـا بسهـر أوفيـه دينـك !!
من الحـزن ليلـي غـدى فـي صباحـي= ماقال لـه وينـك . . ولاقلـت وينـك !!
وأنتـي ياغربـة عالـمـي وأرتيـاحـي= إن مـرت الذكـرى وهـزك حنينـك !!
والحزن أضحـى مـن جميـع النواحـي= ودمعـك يـدوَر قبـل يسقـط يدينـك !!
تذكـري إنــي سـهـرت لجـراحـي= أعيـد أحلـى عمـر بينـي وبيـنـك !!
أيـام كـان الوصـل شــي ٍ مبـاحـي= مايمنعـك مـن شوفـتـي والديـنـك !!
أمازحـك وأقـول ( فكـي سـراحـي )= وإنتـي تقوليـن إبـراءة ( ياشينـك ) !!
براءتـك تطغـى . . ويطغـى مزاحـي= ماكنتـي أحلامـي ولانـي ظنيـنـك !!
كبرتـي وكـبـر الـغـلا وإستبـاحـي= باقـي خفوقـك وأكثـروا معجبيـنـك !!
والحـب مـن كثـر المعـانـاة بـاحـي= وغطى علـى الدنيـا شـذى ياسمينـك !!
عطرك يـا أغلـى مـن تمنيـت فاحـي= كنـه خلقـه الله عـلـى راحتيـنـك !!
الليـل روَح وأكثـر الـحـزن راحــي= نامـي وخلـي مابقـى مـن سنينـك !!
مـادام شـوقـي ماطـوتـه الريـاحـي= ومادمـت موعـود ٍ بعطفـك ولينـك !!
الليـل خلـق لعاشـق ٍ مـا أستـراحـي= والنوم مخلوق على شان عينك !!