| مضحي بن جمران |
12-12-11 01:55 PM |
اقتباس:
المشاركة الأصلية كتبت بواسطة مضحي بن جمران
(المشاركة 1173675)
مضحي بن جمران=
يالله انك تجيب الادهم اللي غدالـي=جاء هديه وروح والمراح المراحي
يابو خالد خيار ومن خيار الحلالي=اختفى من مقره صدق ماهو مزاحي
ابو خالد الفريدي=
ادهمك ضيعوه وضـاع ياهوملالـي=جعل يفداك لوروح مراح الرياحـي
يمكن الله يعوضك عقب غالي بغالي=وانت تفهم وتدري كل من كان ماحي
مضحي بن جمران=
الصراحه ماهي بالظن والاحتمالي=ماتمن العطا غير اليدين الشحاحي
نعتبرها بسيطه ياكرام السبالـي=ريشةٍ من جناح ولاتضر الجناحي
ابو خالد الفريدي=
ليه تهمل حلالك ماحفظت الغوالـي=ليه تقبل وتقفي تقل مانته بصاحـي
الزعامه وصفها قبل علي القبالـي=قال سيف ومنسف ماهي شي متاحي
مضحي بن جمران=
صاحبي ياعلي لاتفك باب الجدالـي=ثم تروح السوالف من هجاد لصباحي
اتشره على الطيب وانا ادرى بحالي=كان ماقدر الشرهه فلا هـو مباحـي
ابو خالد الفريدي=
لاتشره على اللي مذهبه ما يبالي=خل عقلك براسك مالنا بك صلاحي
انت تبغى مثالي مار وين المثالي=لوتغير جبل طبع الرجل ما يزاحي
مضحي بن جمران=
ادري ان النصر مايود فوز الهلالي=انت خلك هلالي يابعيد المشاحي
ماتشيل الحمول الا ظهور الجمالي=والسكاكين تجهز للجمل كان طاحي
ابو خالد الفريدي=
احمد الله حلالي عقب ماراح جالي=انت خله يفيدك كثرة الانسداحـي
انت مذهبك دايم تاصفه بالشمالـي=مار خلك شمالي من جميع النواحي
مضجي بن جمران=
انت بين المدير وبين صاحب معالي=كل ماضاق صدرك لبسوك الوشاحي
ماتضر الهبايب شامخـات الجبالـي=والسما طالها من فوق باصه مناحـي
ابو خالد الفريدي=
لاتكثر عليـه خـل عنـك التعالـي=ريحة البن فاحت وازرق العود فاحي
خايف من مصيرك لاتطول جدالـي=اقطع النار لاتقعـد بعلمـك تناحـي
|
:0736::076::076::076::076::076::076::076::076::076 ::076:
(smok)(smok)(good)(good)(good)(good)(good) |
