العوٌي=
مضحي الجمران قالوا به شراسه=مار جا له واحـد يبغـى يحـده
ماعليه من كبر جسمه وراسـه=هوعشايه والغدا حولـه وقـده
مضحي بن جمران=
جيت يالعوي ياعتوي البساسه=تمغط الذيل المرنقط ثم تـرده
انت للجهال في شوفك وناسه=حيل لايق للحديقه وسط جده
العوٌي=
الغلط عن الغلط هذي خساسه=مادعيناك بكـلام فيـه حـده
انت ريس مار خربت الرياسه=ولو تمادى باالردى بابه نسده
مضحي بن جمران=
الغلط مفهوم بهـروج البلاسـه=ولانتعجرف غير من شخصٍ نوده
الرياسه ماتـدوم بـلا سياسـه=هات علمك والصحيب ابشر بجده
العوٌي=
كل رجل ملبسه على مقاسـه=وانت اثرك صغير كبر المخـده
جيتي يم الجبل مثل العساسـه=والجبل عقب انكشف نقدر نهده
مضحي بن جمران=
انت عندك وايرٍ فيه التماسـه=راخي المسمار يبغى من يشده
للجبل جيتك نوع من الحماسه=قال معجب استرح واهملت رده
العوٌي=
ياعميلي لايجي فيك انتكاسه=الحقيقه هاتها والصدق عـده
ردنا موجود لاتسوي حساسه=ووايري لويلتمس صابتك غده
مضحي بن جمران=
ذقت كيه علمتك بقـو باسـه=بعدها العوي عوا ونباح سده
طيبه والمنعمس تنهي عماسه=مثل عرقات المزيني فوق خده
العوٌي=
معجب بصفك فزع واشرب بكاسه=وانت من ضعفك تجود باالاشـده
والبلا من واحـد يعلـن فلاسـه=خل فعلك مـن يمينـك تستمـده
مضحي بن جمران=
فزعته تعجب ولاهو بالهلاسه=من حرار تعجبك وزحول بده
لبنيت البيت انا قويت ساسه=والا بيت الشمشله محدود مده
العوٌي=
ان بنيت البيت يبغى له حراسه=وان قنيت الذود يبغى له موده
والرجال بذمهم ضعف ونجاسه=لكن انته وشكسبت من المكده
مضحي بن جمران=
العيوب تبين لك بعـد اللياسـه=مار لاترد الطويل بـدون عـده
الذهب واضح ويفرق عن نحاسه=وكل عود لحترق عرفـت نـده
العوٌي=
عارف انك فيك طيب وبك نحاسـه=لكـن المشعـاب ماتقـدر تصـده
تنصرف عن مبتدا الهرج من اساسه=فوق موتر نـوب واحيـان معـده
مضحي بن جمران=
قص ولزق اقول شاطر بقتباسه=ولاتورد ضربة المشعاب يـده
يمكن العوٌي كشفنا ويش ناسه=بانت البصمات من مسروح جده