خالد = الجليدي
ياسعد يابعد من لي من الاصحاب = ادري انك ذهين ولنت ناسيني
ليه ازعل رفيقي وارضي الاجناب = من فراق الاحبه دمعت عيني
سعد = المحمدي
انــت مايعيـبـك الا كـثــرة الـلـقـاب =يـوم اناديـك توحينـي ماتوحيـنـي
مانحط الرفاقه بين ضرس وناب = اطــلــب الله يـهـديـهـم ويـهـديـنــي
خالد = الجليدي
ما نبيها على النيبان والمخلاب = ليه اعـنيـك وانـته مــا تـعـنـيـني
انت مدفع قبيلة حرب والمحراب = لو نشدتك عن اسمي وش تسميني
سعد = المحمدي
مارفعـنـا علـيـك الـسـيـف والمـشـعـاب = وانـــت حـاولــت قـبــل ايـــام تـرمـيـنـي
اسمك اللي لبس بالدار عشر أثياب = مبـلـش الـنــاس رعـيــان وسلاطـيـنـي
خالد = الجليدي
ليه تاقف مابين الذنب والمغتاب = لو بغيت اهل الفردوس يمديني
لو رميت العظم مايربح القصاب = يعني اموت واحيالك تعزيني
سعد = المحمدي
ليه ماتنشد الواقف عن الاسبـاب =كان دينك يابن عمي علـى دينـي
انت شاعر ذكي وتوتر الاعصاب = تـزرع السـم فـي وسـط الرياحينـي
خالد = الجليدي
من تربا مايدري عن فنون الراب = سيد القوم يسرقني ويعطيني
انتم اشـد كفـر وجهل يالاعراب = تنقضون الوضوء بين المصليني
سعد = المحمدي
مـن تربـا حـشـم دقـنـه مــع الاشـنـاب =ســيـــد الــقـــوم عـــانـــه بـالـمـيـاديـنـي
من قطع راس زيد يقص راس أذياب = مـالـقــيــنــاك راجـــــــــح بـالــمــوازيــنــي
خالد = الجليدي
يوم نجوى كرم ترسل علي حجاب = يمكن الشيخ مدحت مايدانيني
انت مغصوب وانا موقفي غصاب = منهو اللي رماها بينك وبيني
سعد = المحمدي
سر كل المشاكل لبسك الجلجاب =بـيـن قاصـيـن يالـطـيـب ودانـيـنـي
انــــت لاجـيـتـنـا مــنــاك بـالـدبــاب = لـك فرشنـا زوالـي مــع بطاطيـنـي
خالد =الجليدي
مشكلة (.......) حول الحمل والانجاب = يزعل ابليه من شوتت بلنتيني
والله انك تبا شكشوك بيض الداب = انت تسقا ورب الكون يسقيني
سعد = المحمدي
انت تنظر سما وطيح بالاطناب = مشكلـه بيـن راســك والكراعيـنـي
لاعطيـنـاك زاد ونجمتـيـن وكــاب = كـــل متـسـافـر الـكـوفـه تخلـيـنـي
خالد =الجليدي
كان عينك على الاطناب والمنساب = اجمع الرمث واقعد لا تخاويني
والله اني كما الشاهين وانت عقاب = كلمة الحق من عنها يثنيني

المشاركة الأصلية كتبت بواسطة سعد رجاء الحصني (المشاركة 1216592) الله الله الله الله هكذا الشعر هكذا الابداع هكذا التميز نعم محاوره من الوزن الثقيل لله دركم وبيض الله وجيهكم صحة السنتكم جميعا ياشعرائنا المميزين المبدعين تقبلوااااااااااا تحياتي وتقديري