اموت في طلته لاطل= ولاغاب كل البشر غابت
وتذوب حتى زهور الفل= ولاحل تزهر بعد ذابت

الي مضى مايفك الحرف= وبعد الجهل صار متعلم
من بعد ماني صرفته صرف= يمر جنبي ولايسلم

ماهو فى حاجتك ووصالك= قلبي قنع من سواتك فيه
قدم لك الحب لاجالك= وجرعته المر عن صافيه
وراميه في سلة اهمالك=يكفي كذا ماحصل يكفيه
حاله كذا كان يحلالك= غيرك من الحب يسترجيه

وقت الزعل كلنا نيران= ووقت الرضاء كلنا نرضى
نمشي مع الناس بالاقنان= وفي اول صفوف للفرضى
ونقضي على الشان وقت الشان= ومثل البلاسم على المرضى
حروب يافكة النشبان= في طولة الارض والعرضى

لاصار حظك معك فى اقبال=يسعـدك وتحقـق امالـك
ولاصار مقفي ياحالك حال=عايـش بهمـك وغربالـك
ولاصار مشيك مع الانـذال=مافيهم الي رحم حالـك
خذلك من الهرج بالمكيـال=ووقت الفعل فكـو احبالـك

يامن بحله وترحاله= شابت عيون الشقي ترعيه
وبرج الهوى قاطع ارساله= وضاعت جميع الهقاوي فيه

شدو والاوطان خلوها= توحش بنا بعد فرقاهم
كانت مباني وهدوها= وحطامها صار ذكراهم
واشقو لها عين وابكوها= وبدموعها تتبع خطاهم
لولي بها وين حطوها= ارحالهم كنت لاحداهم

لادندن الحرب دندنا= حروب مع دقة الاجراس
ونوفي بالاقوال لاقلنا= فينا المراجل جذور وساس
من عهد سابق ولازلنا= يعرف لنا صيت عند الناس
والي يشرف منازلنا= له قدر عالي وفوق الراس
والي تعمد ويزعلنا = اتربسه حرب بالترباس
ولادق واجب عوازلنا= بحضورنا يحضرالنوماس

تطري عليه مغيب الشمس= ايام ذاك الزمان العال
شبه ودله وبن وحمس= وتاخذ من الكيف لك فنجال
واقبل علينا شغل باللمس= مع راحته نشكي الاهمال
من حال عيشه تسد النفس= سبحان منهو له الاكمال

اهجر ولاجيت تلقاني= باقي على العهد والميثاق
عندي امل يوم تقراني= مع ذكرياتك على الاوراق

يهوى غـرام الذي صده = وينسى غرام الذي يهـواه
ويضمى ونبعي على حده= ويروى ونبعه مرار اسقاه

بكره ترانا لكم رواد= دقة غرضنا وخفافه
يكتب لنا عندكم براد= ومحرمين التكلافه

ياونتي روحو وانا= فى مواعده واللقاء ماتم
كيف اتقنع بنسيانا= وله شوق يجري فى مجرى الدم

طالبك يارب يامعبود= طلبه وليه رجاء فيها
تعصم لساني عن المنقود= وشهادة الحق ماخفيها
وارضى بقسمي من الموجود= وعيني على الغير تعميها
وليه الشياطين يوم تقود= اعمال زانت مساعيها
تجعل طريقي لها معقود= وتفكني من بلاويها
وتغفر ذنوبي فى يوم شهود= وصحايفي يوم تطويها

لا شفت لك شي ماهو فيك = لاتحس وتقول ذا فيــــــــه
مادام مابه امر يعنيــــــــــــك = لاتقول فيــه احتماليــــــــــــه
وياخذ بك الهـــم ويوديــــــــك= وتسيرفى احــــوال قهريـــــــه
وتشمت بك الناس وتخطيــك=وتكثر عليه الملوميـــــــــــــه
وامشي مع الناس بالتكتيــــــك= لاتحــط هذي لجل ذيه
ومد المواجيب لايعضيــــــــــك= لو تسري الليل جبريـــــــه
وفعل الخبيشين لايرضيــــــــك=وتمشـــي معه بالجموليــــــــه
وخلك مع الناس لاتمحيــــــــك= مشيت دروب النحاويـــــه
والى مقفي وهـــو شانيـــــــــــك= لاتنتظر لك منـه جيــــــــه
لاتصدق فى يوم بيخاويك= مادام مابــه رجاويـــــــــــــه
حذراك بالكذب لايغويــــــــك= وحقايقـــه فيك عكسيــــــه
هذا كلام الذي مغليــــــــــــــك=من قلب صادق لك النيـــه

لاوين نشكي وكم نقـــــول =وآهــات ياما كتبنـــاها
زدنــا عن الحد والمعقـــول= وقلوبنــا مارحمنــاهـــا
نرسم هوانا بحروسطـول =ولاثارث امواج خفناها
ونكتب وفينا الهموم تجـول= واورقنـــــا ماقرينــاها

فجاه كذا دق جوالي= ورديت لجل الرقم معروف
غريب يسأل عن احوالي= وانا عساكر عليه وقوف

صدفه رأيته بلا ميعـــــــــــــاد= واطرت عليه ليالينــــــــــــا
يوم اتفقنا على الميعــــــــــــاد = نبغى نحقق امانينـــــــــــــــا
قالت زمانك ياليت يعـــــــــــاد = يوم الهواء منك كافينــــــــــا
خليت قلبـي فى حكم احـــــــــداد = عشره سنوات ناسينـــــــــــا
واليوم نبغى الزمن ينعــــــــاد = يامحمد ارجوك تعفينــــــــــا
قلت ارحميني من الوقــــــــاد = والله الزمن عنك لاهينــــــــــا
لاني نسيتك ولاني صـــــــــاد= لاوطانك القرب معضينـــــــا
قالت تاخر وعود غــــــــــاد= خوف العرب تشتبه فينـــــــا
وقفى وطرفي بدمعه جـــــــــاد = وشوقه وشوقي مبكينـــــــــا

شلي بقي لي وكلي لك= ومسيطره كامل احساسي
ودكيت قلبي بحبك دك= واحرمتني نسمة انفاسي

الي سقاك الهوى في كاس= رديت له سم واسقيته
والي يبيع الهوى فى اكياس = صدقت قوله وحبيته
جرحتني جرح فى الاحساس= مايوم منكم تمنيته
روح اتبعه بالضناء والياس= الي ضحك بك وعزيته

مني يايمه صباح الخير= يادم ينزف فى شرياني
صحيح ساكن فى جده غير= وعندك احاسيس وجداني

لي سيد قفى عن الديره= مع دخلة الليل واهاته
ناسي لي الحق فى الجيره=وعهدأ مضى في ملاقاته
ومن بعده اصبحت في حيره= والطرف ماكف عبراته
كيف اقنع القلب بالخيره= وانساه واطوي سجلاته

تدرون ليه البشر في هم= ودائم بالافكار مهمومين
الي رمى حصلته فى اسهم= والي عطاها لمندوبين

مانته على ماعهدته فيك= تفرح بفرصة تلاقينا
واليوم تسمع وانا ناديك= وتقول ماسمعك ياخينا

استوطني ياجروح الليل= صبحي جلى ياصباح الخير
وبكره لاشفتي نجوم سهيل= عودي ونمشي فى نفس السير

موقع هوانا سألني عنك= وينه من سنين ماشوفه
قلت الهوى في رصيد البنك= بيجيك لاحان مصروفه

حيرتني بين جزر ومد= وخوفتني من بحر غدرك
يبعد بي الموج لآبعد حد= وارجع وقلبي تحت امرك
وتعامله بالجفاء والصد=وتترك غرامه وراء ظهرك
ومهما ضنيته معك مارتد= عنده امل يحتوي قدرك

استحدثت فى الامور اسباب= واستعرضت درب ممشانا
وزراني الحظ فى الاجناب= وعن دارهم بعدت اخطانا
ويوم المواعد لكتب كتاب= ابطى بنا الشيخ ماجانا
وضاقو علينا وصرنا اغراب= بعد الهدف فات مرمانا
واصبحت مما حصل منصاب= بعد انكتب حال فرقانا
بعد الثمر ماستهل وطاب= عود تيبس فى الاقنانا
وعيني عمت والحمام اسراب= من حي يرجح بالاوزانا
ياليت يرضى وهو طلاب= لاعطيه مافاق الامكانا

باقي على خبركم فيه= مهما اصادف من التغيير
وعهدأ عهدته على النيه= ماتنقضه حالة التأثير

كم انتظرتك بصافي جو= ولاعكر الجو تصفالي
مثل الامل في بصيص الضو= في دمس ظلمة خلا خالي

قبل ابتدي حالة المشروح= ونسري مع القاف وفنونه
سلام باشذى ورود يفوح= وعطني يمينك لمضمونه

نفس البنادم تبي وتريد= وشيطانها دوم غالبها
ومطلوبها فايق التحديد= وجنونها في مطالبها

كل مادرجت للملاقى خطاي= عيت معي تشبت دروبه
بعد ارتوت من هواه اعضاي= كيف اقدر انساه واتوبه

لاني من الي يغربها = ولاني من الي يشرقها
ولالاح للنفس بارقها= اقوم واقفل مشاربها
واستل سيفي واحاربها= من قبل تبدي مصايبها
واشب لي نار واحرقها= واحرق معاها وثايقها

اطرى عليه بعيد الدار= وشعلل غرام الهوى العذري
وخلى عيوني تهل اعبار= وشوق اللقاء فاق عن قدري

مستوحشه ديرة الغالين= وضاقت بنا يوم زرناها
ومخفي اثرها عجاج سنين= اوطان ياما سكناها

كانت بداية هوى بعهود= مهما حصل مانخونها
وصرنا نعاني جفاء وصدود= ولانقض مني ولامنها

ادمان حبه وادمنته= وصرت اعشقه عشق ماله حد
وشطبت الاعداد واعلنته= فايق بعده على اخر عد