|
وش حيلتي لاصار لي قلب يهواك=والعـين وسط جفونها طــرقتبك يصير ماسأل وين صبحك وممساك؟=ولاقـول وين ايامنا وجهـتبك؟ يامن بوسط القلب والروح ملـجاك=لاتلوم روحٍ با الغــلأ عــرشــتبك ياعــل كل النــاس والــكون يفداك=الله يبارك لحــظـــة فيــــه جتبك وعشنا ودادٍ في حروفه تــــغناك=مدري بليت الروح ولا ابـتلتبك؟! لكن غـــلاك وااه ياكبـر معـطاك=شـرتك روحٍ يـــوم مـــابـــدلتـبك تمسكت بك يوم شـــافت مـزاياك=وعن غيرها روح الغلا حسـبتبك تخاف من ياخذك لوشــاف ماطاك=وشلون لو عيـونهم ناظرتبك؟!! يحفظك ربي ياغلايه ويرعاك=للــي عيونه من غلاك شبحتبك يفز لاجابو له الغيرطــرياك=ويلد فيـهـم والســوالف حــلاتبك يعيش لحظات الفرح دون ما ادراك=سجة خفوقه بالمحاني حكتبك اجفاك؟والله ماطرى يوم نجفاك=ياللي حروفي بالمعاني سمتبك كتبتها من شان نحضى به ارضاك= يا الله عسها يا الغلا جِملتبك |
بيني وبين الشعر عهد و وثيقه=دايم اليا ضاقت يلبي مناديه اجلس معه جلسة شقيق وشقيقه=مره يسليني ومرات اسليه قصة غرام ومعرفتنا. عتيقه =اقلها يومني اطريه يطريه ويفك بحروفه مغاليق ضيقه=يقول مالك والمخاليق ياهيه مادام وده في فؤادك عذيقه=غني بيوتك واكتبيها وناجيه لابد من فرقا عليكم مويقه=اما سبقك بيوم . ولاسبقتيه ماحي باقي فوقها ماتعيقه=دنيا تفرق كُل غالي وغاليه كم حي تبعد عن طريقك طريقه=قلت ايه ما يخفاني الامر واعيه من خلقتي لا .ماعتبرها صديقه=يكفيني اللي شفت منها واعانيه جروحها في خافقي مستفيقه=لولا غلاه إن كان كبرت بلاويه قلبٍ حواه بود و اوثق .وسيقه=لايا عيوني غير زوله ماراعيه ولاحي دونه. له ودادي يعيقه=اللي سكن قلبٍ حمنه محانيه هذاك مال الهجر يمه طريقه=مقفلة كل المنافذ واداريه حتى كلامي عن غلاه استذيقه=اخاف من زلات حرفٍ به اذيه ماغب عن خافي خفوقي دقيقه=كنه قدم عيني وعيني تراعيه جديد قلبي من وداده عتيقه=مابيع وده لا. ولا غيره اشريه |
يامسرجين السرج بظهور الايام=ركبانكم ماعودت من سفرها اليا متى وانتم ضعيفين و ايتام=وعدوكم يحصد لمثمر ثمرها اصحو كفاية عايشينٍ باالاوهام=لدو على واقع مريرٍ نظرها اللي حصل يامسلمينٍ. الهل الشام=نارٍ تساعر لاتناسو خطرها شدو لجام ألآمر لايفلت الجام=اموركم 0ويضيع منكم خبرها تحيزمو بإيمانكم نعمه احزام= بداية النيران بأصغر شررها لاتسمعون لكل مرجف ونهام=يجركم يم الشرك في قشرها يقول حرية وهي ساحة إعدام=نقض البنا في خطة معتمرها الرافضة وعيال حنا وحخام=تكاتفو بالسر ماحدٍ نشرها مذهب يهودين عبد سود الاصنام=ملحد وفاجر والشريعة بترها مشى على هالدرب من عدة اعوام=بدأ بها يوم الخلافة نحرها قال العرب مايحكمو مثل الانعام!=من مسلم من غير صالب ظهرها وحصل مراده واقسمت عدت اقسام=والان عاد وفتنةٍ له سعرها بسم التقدم والحضارة والاعلأم=حرية التعبير فكو لسرها؟؟!! لقابها مدخل على خير مايرام=ودق النجور اللي بدقه كسرها لا ياهل السنة كفاية ترزام=عيونكم ماتغشكم في نظرها المسأله ماهي بلحية ومرزام=المسالة في سنته وين اثرها؟؟!! رسولنا وش قال في حكم الاحكام؟؟=من يحيي السنة يفوز باجرها ولايتبع المسلم يهود ولو صام=خبث النوايا فيه منبع زمرها تمت وصلو عد ماقايمن قام=على الرسول وخيرصفوة بشرها |
يامرحبا واهلين ياقرة . العين=كل المشاعر في وجودك سعيده قلبي عطاك الود من خمسة السنين =يبني صروحه بالخفوق ويشيده وسط المدينة فوق خمسة ملايين=وبالمملكة عشرين مدري تزيده لكنك انت اللي لك الود معطين=في وسط قلبي ضخ ودك وريده ملكت قلبي مثل ملك السلاطين=حاكم عليه وسيده و ابن سيده من وين ماتامر على القلب والوين=يمشي معك في كل دربٍ تريده لنك وداده والغلأ بين غالين= حطك على قمة غلاه وصعيده لاتلتفت بقوال بعض الرديين= خلك معه غلاك يُرفع رصيده ترى الغلا ماهو بيوتٍ من الطين=ترا الغلا عدٍ رهين وريده اليا صدق به من يودك على الزين=يبقى معك طول السنين المديده ماتغيره هبة رياح الخماسين= لو عارضت كل الظروف العنيده يبقى معك سلم الوفا والوفيين=لين العمر يمضي ويالقا وعيده يكفيك من رمز الغلا بس حرفين=ال-ح -تبعه ال-ب- وغنى نشيده |
http://www.jamaluk.com/uploads/thumb...d4e824d6cd.jpg
((يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَّرْضِيَّة فَادْخُلِي فِي عِبَادِي وَادْخُلِي جَنَّتِي)). ننعا فقيد الأمة العربية والإسلامية " الأمير نايف بن عبد العزيز" ولي العهد السعودي، نائب رئيس مجلس الوزراء ووزير الداخلية، الذي انتقل إلى رحمة الله تعالى اليوم السبت 26 / 7 / 1433 هجرية، الموافق 16 من يونيو/ حزيران 2012 ميلادية. هلت دموع العين والحزن يجتاح=وتخنقني العبرة بنطق الشفايف ودمعي على خدي من الفاجعة ساح=حسيت كني فوق جرفٍ مهايف من فقد نايف عمت الدار الاتراح=حش الضلوع مفارقه بالراهيف مرحوم يانجم بسما دارنا طاح=نجمٍ ثمين وفي مطيحه كلايف قل للروافض لايقيمون الافراح=لومات نايف فيه مليون نايف يمين يا ابن الرافضة مانت مرتاح=وإنك لعن تقفي عقب شفت عايف قدمك محمد مروي العلط الارماح=سيفٍ صقيل وحصنكم له عسايف الذيب مايرهبه ثعلب اليا صاح= وصوت الثعالب ما يطش النوايف والحكم لآل سعود في راس لولاح=بعيد كن كف النفوس الضعايف ومن حكّم القرآن مايوم بيزاح= ترفع له الراية وبيض الصحايف وختامها صلوعدد بارقٍ لاح=على اللذي مبعوث بالخلق رايف http://www.m-harb.net/vb/showthread.php?t=119467 |
http://www.jamaluk.com/uploads/thumb...d4e824d6cd.jpg
((يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَّرْضِيَّة فَادْخُلِي فِي عِبَادِي وَادْخُلِي جَنَّتِي)). ننعا فقيد الأمة العربية والإسلامية " الأمير نايف بن عبد العزيز" ولي العهد السعودي، نائب رئيس مجلس الوزراء ووزير الداخلية، الذي انتقل إلى رحمة الله تعالى اليوم السبت 26 / 7 / 1433 هجرية، الموافق 16 من يونيو/ حزيران 2012 ميلادية. اليوم ودعنا سلايل كحيلان=الصيرمي زبن الصعيبات نايف مرحوم ياللي لك بقلبنا شان=يامير من فقدك دموعي ذرايف عليك يبكون القرايب والاخوان=وعليك يبكن الطوال النوايف حرٍ هوا من ماكرة نسل شيهان=انا اشهد ان فقده غبون وحسايف تبكيه كل المدن تبكيه الاوطان=مروض الشيعة عديم الوصايف ترفع له البيضا على كل ميدان=ياعل قبره له براد وهفايف فقده على الامة حسافه وخسران=كم رد في كفه خطر كل زايف من نظرته تهتز طهران و ايران= ذيبٍ عدوه دايمٍ منه خايف يارب بدل كل ذنبه بغفران=وجازه عن السنه ببيض الصحايف http://www.m-harb.net/vb/showthread.php?t=119465 |
بيني وبين الشعر عهد و وثيقه=دايم اليا ضاقت يلبي مناديه اجلس معه جلسة شقيق وشقيقه=مره يسليني ومرات اسليه قصة غرام ومعرفتنا. عتيقه =اقلها يومني اطريه يطريه ويفك بحروفه مغاليق ضيقه=يقول مالك والمخاليق ياهيه مادام وده في فؤادك عذيقه=غني بيوتك واكتبيها وناجيه لابد من فرقا عليكم مويقه=اما سبقك بيوم . ولاسبقتيه ماحي باقي فوقها ماتعيقه=دنيا تفرق كُل غالي وغاليه كم حي تبعد عن طريقك طريقه=قلت ايه ما يخفاني الامر واعيه من خلقتي لا .ماعتبرها صديقه=يكفيني اللي شفت منها واعانيه جروحها في خافقي مستفيقه=لولا غلاه إن كان كبرت بلاويه قلبٍ حواه بود و اوثق .وسيقه=لايا عيوني غير زوله ماراعيه ولاحي دونه. له ودادي يعيقه=اللي سكن قلبٍ حمنه محانيه هذاك مال الهجر يمه طريقه=مقفلة كل المنافذ واداريه حتى كلامي عن غلاه استذيقه=اخاف من زلات حرفٍ به اذيه ماغب عن خافي خفوقي دقيقه=كنه قدم عيني وعيني تراعيه جديد قلبي من وداده عتيقه=مابيع وده لا. ولا غيره اشريه http://www.m-harb.net/vb/showthread.php?t=119297 |
لبى عيونٍ غلاها بالحشا لبا=مثل حجيجن على الكعبة يطوفوني متجاردين المخيط ويطلبو ربا=جوله من اصقاع دنياه ويلبوني ياللي نسيم الغلا من يمكم هبا=هز المشاعر ومالت يمك غصوني نبا اللأحسيس في قلبي لكم نبا=واستوطن الروح ياروحي ومضنوني حتى تفرعن هواك وبالحشا شبا=واضحى غلاك النسم ياقرة عيوني يومه يصب الغلا في مهجتي صبا=مستيسرٍ خافقي والقلب مفتوني يا ابا الله .إنه مغير يا الغلا حبا=قلبٍ صدق مايطيع اللي يعذلوني ربا الغلا في فؤادي يوم له ربا=عليه حراس لو ليه يحسدوني في خافقيٍ محتويه وعنهم مخبا=وش عاد لو كلهم ليه يلوموني مايعرف السر غيره فالق الحبا=امنت به عالمٍ في كل مكنوني http://www.m-harb.net/vb/showthread....10#post1273810 |
خالد هزاع فلاح العلوي الحربي، شاب عمره 18 سنة، يتيم الأب، ولد وترعرع في محافظة حفرالباطن، يجلس خلف القضبان منذ أربعة سنوات بعد الحكم عليه بالقصاص.
خالد، لما سمع بقبول والد القتيل التنازل مقابل 30 مليون والمهلة ثلاث أشهر، أغمى عليه، وهو ينتظر الآن الفرج من أهل الخير، ودموعه لم تجف من الندم، وكل من زار سجن حفرالباطن من المشايخ والدعاة يثنون على خالد الذي يلبسه ثوب من الحياء وحسن الخلق. خالد بار بوالدته، وقريب منها دائما قبل أن تبعده هذه القصة عن أحضانها. وقد حكم على خالد بالقصاص، بعد قتله شاب أكبر منه سنا أثر مشاجرة نشبت بينهما. http://www.3tqal7rbi.com/ خالد نخاكم يالوجيه المفاليح=تكفون دونه لاتجيبون الاعذار مال العذردونه مكانه وتصريح= انتم هلا النخوات ياحرب الاحرار ياحرب مافيها عن العلم تصفيح=اليوم جت بوجيهم مالها استار وانتم لها يا اهل السيوف الجواريح= فزعاتكم يشهد لها اصغار وكبار ياللي فديتم جاركم قبل لايطيح= وزبن الدخيل اليا تذارا ذرى الدار علمٍ صحيح ولايبا فيه تلميح=ماني بقيمكم ولكن تذكار اليوم خالد ينتظر وامه تصيح= قومو لها يمدلهت عفر الابكار تنخا بني سالم وتنخا المساريح=ياكاسبين الطيب في كل معبار انتم لها من يومكم هبت الريح=فيكم صفة خلقة على عز واكبار تمت ولا تبغالها زود توضيح=صرخة يتيمٍ لجت بكل الاقطار |
http://im23.gulfup.com/2012-08-02/1343876140301.jpg
الشيخ صلاح الزبالي الزبيدي الحربي والشيخ بندر الفرم اسمحولي يا اهلي اشرككم الفرحة اليوم الشعر يزها ويفتخر بهذا الخبر اليوم اكتمل البدر واكتملت فرحتنا وعلى سماء المجد اسم قبيلة حرب بكل فخر واعتزاز 14/9/1433هـ الحمد لله على جزيل فضله http://im16.gulfup.com/2012-08-02/1343869207471.jpg اليوم طاب الكيف وزانٍ الاشعار=يومٍ خالد فك عنه نشبها عسى الزبالي مايجي وجهه النار= والله يجيره من وقاايد لهبها يوم ارتكا للحمل بالحمل مخار= نال العلوم الطايلة واكتسبها مشكور ثم مشكور يالوالد البار=الله يجيرك من نكايد عطبها نعمٍ ببن مسروح وافين الاشبار=لاشتدت الهيجا وزادت كربها يثنون عند الازمه ويش ماصار=كم قالةٍ بالعلم بتو. كتبها يشهاد لهم تاريخهم عبر الاقطار=قطعانهم ماينقرب من اسربها واليوم شفنا فعلهم عبر الاقمار=فكو رقبة اللي نصيبه جلبها ولاينسي من ولع العلم بالنار=الفرم حاميها ومقدم جنبها نعمٍ ببن محسن معزه ومقدار= نسل الشيوخ اللي عريبٍ نسبها وياحرب ياحرب الحرابة هل الكار=تكتب لكم جزلة بصافي ذهبها في صفحة التاريخ فخرٍ وتذكار= تبقى مع الايام فخر نحسبها كحيلة حرب= |
يانجم ياللي في سما الكون وضاح=سلم على المضنون دامك تمره قله ترا برق الغلا يمكم لاح=تمطر مزونه بالغلا والمسره اشتاقله والشوق يانجم فضاح=لو ماتكلم صاحبه باح سره تقرا تعابيره بلا هرج وافصاح=تفضح خفاه دموع شوقٍ يجره إن مالقيته تلتقي منا الاروح=روحي تزوره كل يوم بمقره متوشحه وده على قلبي وشاح=اخلص وفاه ومد مكنون دره لوراح عمري فدوته يوم لو راح=مانساه لين الجدي يصبح مجره والابل تاخذ من عطارد لها مراح=ترع حماه ولاشكت جور حره كن المطر في تربته تو ماطاح=نجمٍ لهيب الشمس يزيد حره وانا فؤادي من غلا وشوق بي فاح=فوحة دلالٍ جنب جمرٍ تكره ريح الشمال الي تلفح تلفاح=مره يسار ومره ايمين مره واللي مركبهن يلوح بملواح=مشغول عنهن يم طيره وحره قبل المغيب وخايف الطير لاراح=يمسيه ليل ويفتقد منه جره يانجم ياللي في سما الكون وضاح=سلم على المضنون دامك تمره |
ترا القلم لونزف عن خاطري حبره=باقي علومٍ بقلبي ماذكرناها ياصبر قلبي على بلواه ياصبره=كاس النكد من حياتي كم شربناها استنطق الحرف والقا وسطه العَبره=تخنق حروفي عن المعنا وتنهاها ياقوة الله معايه ضاعت الدبره= والعين من مابها لي نثرت ماها كسر الخواطر صعيبٍ يا عرب جبره=والروح من جرحها ياكبر بلواها ماكني الا اشيل .طويق في كبره= وكن المحاني سعير النار يصلأها مايوذي الناس غير اللي قصر شبره=يميل والعايله مايوم قداها لويعتذر عارفينه زين وانخبره=اعذار مثله مضرتها بفحواها هو يحسب انا لهلحينه على خبره؟= لا والله إلا. الاعيبه كشفناها اخيره لو كفا شره واخذ عبره = يصير شفنا جميلة كان سواها |
صح لسانك يالكحيله ويعطيك العافيه
|
[TABLE1="width:95%;background-color:black;"] [/TABLE1] | [TABLE1="width:95%;background-color:black;"] | [/TABLE1][TABLE1="width:95%;background-color:black;"] | [/TABLE1][TABLE1="width:95%;background-color:black;"] | [/TABLE1][TABLE1="width:95%;background-color:black;"] | [/TABLE1][TABLE1="width:95%;background-color:black;"] | [/TABLE1][TABLE1="width:95%;background-color:black;"] | [/TABLE1][TABLE1="width:95%;background-color:black;"] | [/TABLE1]احد الاخوات سافرت لتمشية وتركت ابنها الصغير عند والدتها ومن وحي الموقف جت ها الابيات تقبلوها . يــاللي مشيتي للمطار بتروحين حان السفروالقلب من بعدخايف امـانة الله لا بغيــتي تطيرين لدي نظر عينك لـدار الولايف لعـل واغـدي بـعـد ذالك تحنين على اللذي دمعة عيونه ذرايف يغليك وانتي بالغلا منه تدرين ماغيرك بـدنياه عــنده حسايف صغير توه ماعرف كيف تسطين؟ على فراقه يا حسين الوصايف لو كنتي الدمعة عيونه تشوفين لافك من الاشواق مليون لايف وعفتي سفرك وروحتك للفلبين ماعاد تطري لك لو الجو كايف لـــو تكسبين بروحتك للملايين قلتي بلياها علـــــى شان نايف طفلٍ غريروضحكته تشفي البين لســـــاه ماترجم كلام الشفايف ياقـــو قلبك كيف بالله تقوين الصبر عن شوفه بليا كـــلايف http://imagecache.te3p.com/imgcache/...4fcf68d010.gif http://www.m-harb.net/vb/showthread.php?t=144015 |
مالوم قلبي الياحبك ومالومه= لاعطاك صدق الحبة مع مشاعرها ولالوم طرفي اليامنه جفى نومه=وشلون ترقد عيوني يامسهرها؟!! وانته الياغبت كن النفس ماكلومه=وكن المحاني بها نارٍ تساعرها لهفة وليفٍ تزايد فيه وتزومه = حتى عيونه تنثر له عبايرها قلبه عطاك الغلأ واتقن لك.رسومه=في لوحة الود بشعوره يصورها رسم بها وردة الاشواق يشمومه=تفرعت بالخفوق وفاح عاطرها وجتله حروف المثل بحساس مزهومه=احلى العناوين بحروفه يسطرها قلبٍ تفردت به واعطاك مرسومه =اشواق بالثانية يمك يصدرها بحرالغلا سابحه .بالشوق و يعومه=اصداف دُره ينثر لك جواهرها لو سامه اللي رفع له بالغلأ سومه=ماعطاه من نظرته والناس حاقرها بكيفهم لوتزايد منهم خصومه=متجاهلٍ صاغر العالم وكابرها يعيش في جو ودٍ تمطر غيومه=سحايبه من رهيف حساس مصدرها |
تحية اجلال لكل من يقف خلف هذا الصرح من مؤسسين ومراقبين ومستشارين وكل عضو ينتسب لهذا الموقع لثنو عليه طيبين السلومي=مالي على الباقين شرهات وشعاد لو كان به من يقتفي للعلومي= اللي مسويلي بها طارق زياد!!؟ يبقى بعيني مثل سمل الهدومي=لاناشدة عنه ولا القلب نشاد الحرف عندي مثل حرٍ يحومي=يصيد من جزل المثل صيد لاصاد اعطيته المعنى وقام بلزومي=ولاني بحاجة كل زاري ونقاد عمر الحكي ماهد قوة عزومي=انا كذا من خلقتي غصب وعنااااد معناي عانق في سماي الغيومي=وامطر على بيض الورق عذب الاشهاد حلاه ينسيني مرارة اهمومي=يوم اتسلى فيه زادٍ بلا زاد هذا وباشكر كل ربعي وقومي=بالموقع اللي يعتلي عال الأمجاد لهم التحية عد برق الوسومي=وعداد مايكتب من القيل بالضاد تمت وخشم بليس غصب مخزومي=ولافيه دخانٍ بلا عود وقااااد |
الشعر ينبع من هواجيس الاضلاع=والحرف يبني بالمعاني بيوته احد شكابه لوعته يوم يلتاع=واحد شكابه فقد غالي وموته ولاظن به مرتاح في كل الاصقاع=كلٍ يرد الاه في لحن صوته وانا وشعري والمعاني والابداع=لعبة زمان اوراق همي بلوته قلبي تجرع من همومه تجراع=واضحت هموم الوقت شربه وقوته يشكي نكاد الهم في كل الاوضاع=مارتاح قلبي. كل همٍ يشوته كن النفس من ضيقة الهم بنزاع= وشراع حظي معدماتٍ بتوته ماطاعني وقتي ولا الحظ لي طاع=مترديه بين الخلايق بخوته ضاع الأمل ياللأسف يوم لي ضاع=حفل الفرح عقب طبعنا كروته ماعاد يغريني بها عزف وايقاع=مر الزمن عفنا بقايا سحوته |
]مهما حاولنا النسيان يبقى هناك حي لايمكن نسيانه
بل إنا في عز فرحنا نذكره رحم الله اموات المسلمين وغفر الله لهم ورحمنا الياصرنالما صارو ايليه ياعين لاتبكين حيٍ لنا مات=اقفا وقفت به رياح الزماني ياعين وش ذكرك في حي الاموات=اللي بقلبي حيزه والمكاني ياعين لو دمعي يرده لنا جات=عبرة تروي من طرفها السواني ياعين ماب الموت دبرة وحيلات=اقفا وانا بقيت عقبه واعاني ياعين ضيقة في خفى الروح حزات=تهز لي ياعين كامل كياني هيهات يرجع واحدٍ مات هيهات=لو تنطبق سبع السماوات ثاني امرٍ حكم به خالق الكون وايات=سبحان من نزل السبع المثاني امنتبه عن كل ملحد وزلات=واستغفر الله كان زل الساني ياعين خفي من دموعك مراعات=للي شكى غربة مكان وزماني |
ياحرب ياعلين الاذكار والكار=ياللي لكم سيرة علت كل سيره حتى فعول اطفالكم لوهم اصغار=فخرٍلكم ياحرب في كل ديره! ياقدرة الله يامنيعين الاسوار=الله عطاكم بالمعزة مسيره مسيرةٍ في كل مجدٍ لها اطوار=تملك لباس المجد ماتستعيره اهل فخر يبقى للجيال تذكار=عبر السنين الماضيه والاخيره حريبكم توقد على كبده النار= يوم اليالي بالعرب مستديره ياما حميتو بالقى عكش الاوبار=اليا اقبلت صفر السبايا مغيره اكبار والله في فعايلكم اكبار=ياسعد من حرب العزيزة تجيره واليوم يا اهل الخير شأن الاقدار=ان الحويفي في ضروفٍ عسيره يومه حكم عليه في حد بتار=ولع فؤاده مثل نار السعيره ينخا لكم ياحرب تكرار ومرار=الكسر مايبرا بليا جبيره والحر مايظلم وله ربعٍٍ احرار=وانتم حرار ولا عليكم كبيره تصغر لكم كل الصعايب وتنهار=من عزمكم تصير حبة شعيره تكفون ثم تكفون مادونه اعذار=انتم لها يا اهل الوجيه السفيره http://www.m-harb.net/vb/showthread.php?t=144161 |
]
[TABLE1="width:85%;background-color:black;"] | [/TABLE1][TABLE1="width:85%;background-color:black;"] | [/TABLE1]http://vb.fll2.com/storeimg/img_1290348024_238.jpg (1/1/1434هــ.) حبيت ابارك لك على قدومه العام اليـوم واحـد مـن سـنتنا الـجديدة يا الله عساك تعيشها حب و اليام ياغلابشرياجمل حروف القصيدة الله يحـقــق لــك امـانيك واحلام ويا لله عساه سنين عمرك مديده يامن خفوقي بالغلا طـول الايام بالـود يفـرد لـه مـساحـة وريده راع الغلا قالو هل الود مايلام لــوباح حرفه فـي معـاني نشيده يلقى بها سلوى عن الشوق لاهام يعيــشها لحـظة فــرح يـوم عيده تزيد فـي مخـزون فكره والالهام اليا كتب حرفه عن حساس سيده وانته نقشت بمهجتي ودك وشام نقــشٍ قـــديـم وكــل يــومٍ تـزيده بــاقـي مــع الايـام والـعمـر قدام الله يـعيد مصـادفـك لــــــي يعيده ياقـمة حـروفي وياروح الالهام منّك وفيك احلا الحروف الفريده سجلتهـا لــك والغـلا ماله ارقام يكشف بها مخزون باقي رصيده لـكن غـلاك اوصفه مثل الابهام مـن خـلقته ثـابت بكـفه وبــيده http://vb.fll2.com/storeimg/img_1290348024_238.jpg http://www.m-harb.net/vb/showthread.php?t=144046 |
[TABLE1="width:95%;background-color:black;"] [TABLE1="width:95%;background-color:black;"] | [/TABLE1][TABLE1="width:95%;background-color:black;"] | [/TABLE1][TABLE1="width:95%;background-color:black;"] | [/TABLE1][TABLE1="width:95%;background-color:black;"] | [/TABLE1][TABLE1="width:95%;background-color:black;"] | [/TABLE1][TABLE1="width:95%;background-color:black;"] | [/TABLE1][TABLE1="width:95%;background-color:black;"] [ | [/TABLE1]احد الاخوات سافرت لتمشية وتركت ابنها الصغير عند والدتها ومن وحي الموقف جت ها الابيات تقبلوها . يــاللي مشيتي للمطار بتروحين حان السفروالقلب من بعدخايف امـانة الله لا بغيــتي تطيرين لدي نظر عينك لـدار الولايف لعـل واغـدي بـعـد ذالك تحنين على اللذي دمعة عيونه ذرايف يغليك وانتي بالغلا منه تدرين ماغيرك بـدنياه عــنده حسايف صغير توه ماعرف كيف تسطين؟ على فراقه يا حسين الوصايف لو كنتي الدمعة عيونه تشوفين لافك من الاشواق مليون لايف وعفتي سفرك وروحتك للفلبين ماعاد تطري لك لو الجو كايف لـــو تكسبين بروحتك للملايين قلتي بلياها علـــــى شان نايف طفلٍ غريروضحكته تشفي البين لســـــاه ماترجم كلام الشفايف ياقـــو قلبك كيف بالله تقوين الصبر عن شوفه بليا كـــلايف http://imagecache.te3p.com/imgcache/...4fcf68d010.gif http://www.m-harb.net/vb/showthread.php?t=144015 |
[TABLE1="width:85%;background-color:black;"] | [/TABLE1]http://www.kashtah.com/4images/data/media/3/gm13.jpg انـاشـهــد إن الله خـلـق بـالـبشــر فــرق فــرق الضــحى عــن مـعتم الـلـيل فرقه احـــدٍ وجـــوده يـلــهب الـقـلـب بالحرق واحــدٍ وجــوده يــطــفـي الـنار حـــرقه وانـــته وجــودك يالــغلا صـادق البرق فـــي مـــدلــهــمٍ يجــذب العـــين بــرقه اســقى نبات الارض واروى بـه العرق حتـــى ارتوا مـن صـــافي السيل عرقه وغنى على ســـدر الغــلا نــايح الورق وجــــاوبت من شــوقي تــرانــيم ورقه عليــك قلبــي غــارقٍ بــالــوله غـــرق انقــذ غـــريقك قبــل يقــضي بــغــرقه ياســـارقٍ قلبي مــع الـروح لـي سرق حــــلال منــي لـــك ولــوكـان سـرقه جبـــرتنـي في قـول الامـثـال والطرق ينـعــاف لامـاجــــب طــاريك طـــرقه مــاينــدرق ودك ولا الـــود لـــه درق يــبــين مــهـما كـــنت مجهـــد بدرقه يُكشف خفى عاشق من دموعه الزرق اليــــــا تبــين فــــــوق الاهــداب زُرقه يسير غــرب ومقـصده يـمـة الــشـرق يرجع المضنونه اليا صار شـــــــرقه وانـاشـهـد إن الله خلـق بـالـبشـر فرق فــرق الضحى عـن معتم الـلـيل فـرقه http://dc07.arabsh.com/i/01034/dai9za9kotm3.JPG http://www.m-harb.net/vb/showthread.php?t=145809 |
البعض مازال يعيش في زمن العصور المظلمة
وينتقد قول المرأة للشعر؟؟ بل يستهجنة وعزانا انهم قله نقدني احدهم ع قولي الشعر لاسباب لايراها الا عقله المظلم ومن هذا الموقف جت هذه الابيات اليوم قيفاني معي مسفهله=تبغى تسطر عن خفى الروح تعبير الفكر يملي لي وحرفي سجله=يرسم على صفحات قافه تصاوير من قمة المعنى اليا حد ظله=بسوقها سوق البكار المغاتير حتى تكامل ذود دقه وجله=معنى على مبنى بلا ايات تقصير ياللي تقول البيض وش يكتب له=الشعر في سلم المزايين تحقير!! شكلك مريض وتشكي الفين عله=والا من اللي يدهلون المحاذير الشعر كاسٍ عذب قوله يزله=اسهيف الذرعان والا المناعير ماعذرب اللي قبلنا ينشد له=ياما تغنن فيه خلف المضاهير وانته من انته كان عقلك تقله؟ّ!=وكانك تقول إنك مثل سالم الزير الزير من جابه ومن راعي له؟ّ!=وانته من اللي ضمتك يومك صغير؟ فكر بها وتقول قولي محله=المجتمع نصف العدد للغنادير والنصف الاخر في يديهن بنن له=منهن لفيت ويمهن قاصدٍ خير سنة ولي الكون خلقه ومله=هود وهيد وخل عنك السعاطير كلٍ اللسانه سيف قوله يسله=والمنطق الحالي مثل صافي البير عذبٍ قراحه يارده من يدله=والقيل وهبه خل عنك المعاذير بين البني وشايلين العضله=مامن فروق نقولها دون تبرير حتى الولد منقود لو زل زله=تمت وصلو عد ماقيل تكبير على اللذي نزه عن ايات خله=المصطفى عداد نبت النواوير |
ياتابعٍ برقٍ لناظرك شاقه=مامطر على دارك ولا لج برعود لا .لايغرك حرف كله لباقه=وتظن ظنن مايجي لك منه زود لاتقتفي حيٍ قفت عنك ساقه=وتصير لهل العلم والعرف منقود مادام مابينك وبينه علاقه=ولا لك معه جملة مواثيق وعهود الشيك يصرف حسب رقم البطاقه=ولاينصرف شيكٍ به الاسم مفقود وقديم قالو علق مابه علاقه=مايشيله الا حي بالناس مقرود وانا افهم المعنى ولافي عاقه=اطرز معانيها على سلك ماهود اللين في وقت الليان برفاقه=ووقت القسى فيني من جبالها السود انعم من خيوط الحرير الدقاقه=و احد من سيفٍ على الحق مجرود اكتب معانيه بعرف وطلاقه=وعمر الجبل ماهزته نسمة النود ولا الد في حيٍ بعقله طفاقه=ولا كل من مر النظر لي مطرود الاللذي له في خفى الروح طاقه=عطاه ربه دون حاسد ومحسود انثر على دروبه من الورد باقه=له الغلا في خافقي. ماله حدود معطيه ربه دون منه وفاقه=اللي جعل بالكون عابد ومعبود. |
طول الكلام وقاصره وش نبابه=دام الغلآ قالو هله سيف غلآب تعال واسمع من خفوقي جوابه=نبا نتحدث دون شرهات وعتاب دامي عطيتك ود صافي شرابه=وش اللذي عليك يا اعز الآصحاب عطني جوابٍ مايغير خطابه=قلي ورب البيت ما اكون كذاب واقول والله مالغيرك صبابه=ولابه بهذا الكون من نال الاعجاب انت القدر وانت الامل والكسابه=وانت اللذي لك بالغلا خافقي ذاب ترا الغلآماهو كلام وذرابه=حساس بشعورك وبالروح ينساب مثل الجداول من همايل سحابه=اليا سقت ورد اكتسى لون جذاب وانته ودادك في خفوقي مشابه=اسقى ضما روحي من الود ماطاب فتحت لك قلبي وسكرت بابه=عن غيركم لوجاه مليون طلاب لو تجتمع خندف ومعها شبابه=ومن عهد كندة تجتمع كل الاعراب ماغيرو فيه ولا ربع جابه=لك الوفاء ودٍ بلا قيس وحساب شيكٍ رصيده فاق قيمة حسابه=مفتوح تاريخه مدى العمر ماشاب عربون عن ودٍ بوصفه غرابه=اغرب وصوفه رغم جور الزمن صاب قلبٍ حياته في تزايد عذابه=يعيشها دنيا الشقى فاقد احبابه |
ورقة
من اوراق الماضي البعيد القريب.ما زالت عروقها حية في خافقي تقطر الم باقي معي ما بقيت. قصة عذابٍ سطرتها حروفي=لو سطرت بكتاب راس القلم ذاب يذوب مما شاف رهبه وخوفي = فيها من الالآم مايولف. كتاب كتاب عنوانه قساوة ظروفي=اصغر مصايبها على قلب منصاب صم الصخر لوشافها في يروفي=كنا وكان الوقت في لحظة اغياب جينا زيارة ياإلهي تروفي=بمشي ولالي في مسيري من اسباب حار القدم ودموع عيني ذروفي=اخاف وارجي واتخوف من اخطاب خوفي لونه لحظة افراق خوفي=والعين تسبقني على فتحة الباب بين الرجاء والياس تاقف اشفوفي=وشفت الطبيب بنظرته حكي مرتاب وقفت مادري ماشعرت بوقوفي=تمتم بكلماتٍ مثل ضرب الاحداب كن الخناجر ترتكز وسط جوفي=قال الوداع الحي عن دنيتك غاب قلت الوداع اللي مهو بمخلوفي=قال ايه مالك حكم من رب الارباب امرٍ مضى لله بحكمه صروفي=وضاق الفضاء والدمع للعين سكاب يالوف قلبي عقب فرقاه لوفي=كن الجسد يسري به السم من ناب صلٍ سقى جسمي بسمٍ ذعوفي=غادروخلاني غريبة مع اغراب كني لحالي لو حولي اولوفي=اغراب كل الناس لو كانو اقراب حبل الرجاء ماجودنه اكفوفي=والدمع غطا للمحاجر والاهداب. اضحى خفوقي للهموم معسوفي=من وين مالقيت في هم لهاب يا لله بحالي ياإلهي تروفي=لطفك بنا ياعلمٍ غيب الاسباب |
لاضاقت الدنيا عليه تذكرت=بإن البنادم مكسبه سمل شاشه سجدت للباري وبالحق كبرت=و ايقنت بإن العبد يقسم معاشه ماهو بيدك تصير تاجر وفقرت=ولا هو بيدك الرزق كثر ونواشه ماقسوم لك ماهو بيدك تخيرت=الله عدل بينك وبين (الفراشه) والله لو في خلق ربك تفكرت=يا الادمي ماتصير عندك غباشه وتهتم في يومٍ اليا فيه غادرت=لحظة يضيق ابها النفس وسط جاشه وش اللذي قدمت وش اللي اخرت=وحقوق خلقه دفعها كيف كاشه؟ ماتقبل الشيكات بالدفع والكرت= مطلوب تدفع من عملك ومحاشه وش مكسبك لاقيل لفلان حقرت؟=وفلان طلته في لسانك وناشه يا الادمي فكر بها لو تكبرت=ترا مردك جثةٍ في نعاشه اغنم دقايق وقتك اللي له اهدرت=اعنى بزرعك قبل موعد حشاشه |
لاياسميه وشتبي؟ تمتحني=هيضت مكنوني على بيض الاوراق اللي غلاه بداخلي مرجهني=اليا ذكرته قول الامثال لي راق الله عطاه الود والشوق مني=غلاه في داخل خفوقي بالاعماق امسي معها واصبح الصبح كني=عامين ماشفته على الحي ما واق اعطيته الود الصدوق وسجني= اصبحت في سجن الغلا مالي اطلاق اخذ مكانه بالرضى لاتجني=مثل النفس مابين الاضلاع ينساق لهفات شوقه بالمحاني غزني=جديدهن واللي قديمات وسباق نيرانهن من مهجتي يسرجني=شبٍ على قلب العنا نار و احراق كل ماغفى طرفي لفن وايقضني=لهفات شوقٍ فايقٍ كل الاشواق وسط الحشى من غيهن يرزمني=حتى جفيت النوم ماعاد ينطاق سهرت طرفي والهجوس اسهرني=اسامر النجمة اليا وقت الاشراق لاخيب الله فيه خمني وظني=اللي ملك للود عهدٍ وميثاق |
السلام عليكم ورحمة الله وبركاته
اقبلوها كما جت بلا تاؤيل ان قلت ابوي قلتم كل فتاة في ابوها معجبة وإن قلت اخوي قلتم لاخير في من تمدحه اخته. لكن هي لمن يحمل هذه الصفات و يستحقها ؟. المدح في بعض الرياجيل مايقال=وفي بعضهم واجب علينا نقوله رجال لاقالو هل العرف رجال=ورجال مايعرف لمعنى الرجوله يشامخٍ بالعز والعز له طال=ياحر مبطي بيناتٍ فعوله كفيت ثم وفيت ياطيب الخال=يامنتهى طيب العرب والرجوله وربي بمثلك طايبه لي الامثال=شـيهـان دايم بالمـعالــي نـزوله لوكان لهل العرف والطيب تمثال=انا اعتبرك انت المثل في مثوله لسباب لو نحكي بها شرحنا طال=مايكفي اكتابٍ تعدد افصوله من قدم المعروف له يوم بينال=كلٍ حسب زرعه وجني محصوله وانته زرعت الطيب في كل منزال=يومٍ غيرك ماقدر له ينوله الله عسى مثلك عن الارض مايزال=لجلك من اللي ماشكا من حموله تشيلها لو تازن اطنان وجبال=وغيرك شكا متنه رد ى .من سموله ومن فوق هذه بين الاجواد يختال=يقول عنتر مهزمتني خيوله؟؟!! ويعد نفسه مع مغاوير وابطال=وهو الردا كاسيه عرضه وطوله مكشوف عند الناس لو قال ماقال=لو فيه جهالٍ غلط صفقوله الطيب لهل الطيب دله وفنجال=ويساق لك فنجالها في حفوله تمت وانا مالي من العلم مثقال=لكن حرفي والمعاني تقوله انك كسبت الطيب في كل محفال=قسمك لو إن الناس ما قسموله |
ALIGN=CENTER][TABLE1="width:85%;background-color:black;"]
| [/TABLE1][/ALIGN][ALIGN=CENTER][TABLE1="width:85%;background-color:black;"] | [/TABLE1][/ALIGNhttp://www.shemasyah.com/up/uploads/...880131b6e5.gif كـــريم يـا بـرقٍ تكاـشــف مــــنشي جـــان مـــن الغربـي هبـــوبه تذوده غــرٍسحــابه من بيـاضه تـقـل ضي بــرقه تعــقرب قبــل لـــجـت رعوده جــعــلـــه علــى دارٍ لهـلــهــا نعزي اللــي غـــلاهــم فــي خـفـوقي يروده يــركــز خيـــاله لــين مــنه تفيضي شــعــبانها مـا تحتــكرها ســـــــدوده تمــشي سيـــوله مكـتسيها النفيضي مــن باب مـكه لــين ليـــنة حـــدوده تــسقــي وطــن ناسٍ لهم خافـقي في اللــي مـــــعــزتهم بقــلبي ســــعـوده انـــا بهــواهــم واصــلــة ذروة الغي الله عــــطــــاهـــم بالـغــلا زود زوده ياحـــي منهم يـا اهــل الـعـرف يحي بــالطيب سمــعتــهم مثــل نفح عوده ياســـآءلي لاتشغل الفــكر فــي شيء ديــرة هلي والــزم العقــلك ركـــوده حربٍ هل الطولات حين ورث حـي يــوم الفتى يافــخر بسمــعة جــدوده لاقيل حرب (الحرب) حربٍ لها هي انـشــد وتلقا بارض ربي شهوده ينبيك تاريخٍ بـقى حـي مــا محــي مثل الـجبـل مـاحـــركه نـفــح نوده تمت وانا في خاطري شي وشوي ماـترجــم الحـرفــي تقاســيم عوده http://up.albrari.com/uploads/135698749112.jpg |
هذه الردية بيني وبين الشاعرة
مشاعل الشوق حصلت في احد المواقع مشاعل الشوق نزلت قصيدة تقول فيها قضيـت ليـل البارحـه ضيـق فـي ضيـق=والـدمع من عيني كما الجمر سالي ..! مدري متى من سكرة الحزن ابا افيق=واعلن لكل الحزن يوم اعتزالي ...! لاجاني الهوجاس اعجز .. ولا اطيق=اجامل المخلوق لو هو عنى لي ...! اكـتـم شـعـور الـحـزن خــوف المطـافـيـق=تـمشي مع العذال بالي جرى لي...! والضحك في وجهي غدى بـس تلفيـق=اخفي وراه من الهموم الطوالي ...! ورديت عليها بهذه الابيات لاباس يابنت الرجال المطاليق=لاتشتكين الحزن لا.يا حلالي مانتي لحالك يشتكي نشفة الريق=كلٍ بصدره مثل حجم الجبالي حزنٍ يغرق للمعاليق تغريق=ولولا الحياء والله لاشق شالي لاكني ادرا هرجةٍ للمخاليق=وادراء وجيه مزبنين التوالي من شانهم والله لوحجمها طويق=لشيلها خلف الضلوع النحالي حنا خلقنا للعنا والتوافيق =قسمه من الله ماهو عمٍ وخالي كل البشر تشكي من الهم تزهيق= ماهومغير انتي ولاني لحالي سنة حياة ولالها ايات تطويق=كم عذبت قدامنا اللرجالي ياماشكوها معتلين الشواهيق=قبلي وقبلك قد شكاها الهلالي سقت الوفاء يابنت فنجال ماذيق=وردوه ليه مثل تال الحثالي ناسٍ خناجرهم تحش المعاليق=مال الجمايل عندهم قصر عالي ومن عقبها حطيت عشرة مغاليق =للقلب واصل بالوفا من وفالي والمسأله ماتبغي ايات تحقيق= انتي وانا في حكم رب الجلالي وردت على ابياتي تقول الضيق جيش وطوق القلب تطويق =انفقت في دفعه حلالي ومالي طبق فنون الحرب في القلب تطبيق = لين اعلنوا يا بنت يوم احتلالي لاعاد لي دمعه ولاعاد لي ريق = نشفت دموع العين باول وتالي النفس اسليها بنظم الطواريق = لعلها تسلى ولاني بسالي لو كان به شخص على القلب بيويق = ان كان شاف الهم مثل الجبالي حتى الامل ماعاد لي فيه تبريق = ولاعاد له في القلب ايت مجالي والكون كله مابقى فيه تشويق =الضيق لازمني على كل حالي يصعب على الي فاقد الهم تصديق = ان الهموم تهد سود الجبالي صح السانك مشاعل الشوق ولافيك حيلة يالغلا الله يبعد الهم عنك وعني وعن كل مسلم |
[TABLE1="width:85%;background-color:black;"] | [/TABLE1]http://audrey17.a.u.pic.centerblog.net/yd40mjlk.gif ويــن انت ياغلا بالخفوق الاسامي يـاغلا بــــشر بالكون فرقا بكيته يــــــــانور عيني يـــامبدد ظلامي و اجـــمل غرامٍ بالخفوق احتويته جـــــــــيتك غـلا ليتك تقدر مقامي وتــــــبادل شعوري وفا لاعطيته ارفـــــــع ودادك فوق عال الغمامي بــــــالفعل ماهو قول هــرجِ حكيته مـــــــــاتتفردٍ بالود قــدر وتسامي يـــــفرح بك احساس الغلا لادعيته يـــــاراميٍ بالقلب عطب السهامي درـــــــبك طويل وبالمحبة سريته حـــــــرام مــايجري وفعله حرامي تــــقسى علـــى قلبٍ ودادك سقيته لاتــــــــتهــمني ظلم ياغلا الانامي اكـــــبر خـــطاي اني وفايه وفيته لـــــــــيتك تقدر يـــاحياتي غرامي وتحـــس فيني يوم شوقي شكيته وترحم لقلبِ من عنا الوقت ضامي مـــــــاطــاعني بك. لو عنك نهيته هــــــذا صـحيح العلم ماهو كلامي كـــــــــلام قـــلبٍ في ودادك غزيته امــــــــا انصفه ولا عليه السلامي مــــــيت لوإنه حــــي دامك نسيته http://up.qatarw.com/get-11-2008-qat...m_eg337cl5.jpg http://www.m-harb.net/vb/showthread....27#post1373527 |
قلبي فقدت. بين جدة وابا القور=غدى من اسباب الفراق المذاعي امسا من افراق المحبين مشطور=كن الجسد والروح لحظة نزاعي ودعتهم والدمع بالخد منثور= الله يا مصعب نهار الوداااعي مرة سنه من فقوها سبعة شهور=مابه خبر عنهم ولافيه داعي حتى خطوط الوصل مافيه منشور=بريدهم ما وصله لي ساعي القلب يشكي كايد الهم والجور=من بعدهم ضاقت عليه الوساعي ناسٍ لهم با لقلب حكمٍ ودستور=على المشاعر حكمهم لي مطاعي كيف التقيهم والزمن داربي دور=غبات موجه مزقت لي شراعي بغيابهم حتى الامل صار منحور=مطعون في رمح الفراق الشجاعي |
[QUOTE=الكحيلة;1368127]
السلام عليكم ورحمة الله وبركاته ارسل احدهم يقول طلبتك لاتقولين الشعر؟؟ يعني مايليق فيك قوله؟ اللي فهمته؟ وبكل صراحة هو شكله من النوعية اللي يستلذ في دوع المراة ويستكثر عليها لحظات الفرح حتى لوكان مايعرفها يعني المراة في نظره هي اللي مكسور خاطرها وعايشة هم وغم طول العمر؟!!! ومثل هذه النوعية مريض الله يشفيه اليامتى عرف بعض الناس بنزوله=واليا متى شكهم من غير برهاني جاني يقول الشعر يابنت وشوله؟!!=هو يحسبني من الاحزان ما اعاني مايدري إني بهمي عايشة هوله=اللي يقض المحاني كل ماجاني في عالم الكون معروفه ومجهوله=كني اعيش الحياة بعالمِ ثاني اضحك وانا من همومي روح مقتوله=اخفي الدمع عن نظرات عدواني مابغى عليه تقال علوم مافتوله=علمي بهم لامشيت الهرج يقفاني ناسٍ تدور على الزلات مجبوله=حياتهم غيبةِ بفلان وافلاني ولاني على زلة الجهال مسؤله=لكن ادارى وجيهِ عز تدراني لعل يسقي وطنهم رش هملوله=من مزنةِ وبلها شهرين هتاني والشعر والله لكتب له ولاقوله=يالين روحي تلف بيض الاكفاني واللي زرا ياهل المعروف قولوله=ماهمني وش يقول إن كان من كاني سور الادب ماتعديته على طوله=ولافتح على غرة الاجواد بيباني ولاهمني جاهل العالم ومهبوله=كلِ يقديه عقله والعمر فاني http://www.m-harb.net/vb/showthread.php?t=146499 |
ياكاتب حروف المثل والقصيده = تعال وكتب عن حياة المشقاه اكتب شكت وقتٍ ظروفه عنيده= و اكتب بكت حي ٍ على الروح ماغلاه ياجمر قلبي جمر صلب الحديده=وياكسر قلبي كسر ماحي يرفاه ياويل حالي كان وكد شديده= وياضمي روحي ضمي هيمٍ بماضماه وردٍ على عدٍ دليه بعيده = واقن على بيره ولا حصلٍ ماه عليك يا للي لك مزايا فريده =ياغاليٍ بالقلب والروح تفداه له عزوةٍ لها فعول مجيده =ولو الكرم مخلوق قبْلّ اليمناه هو الوحيد باقلب وده وسيده=هو الوحيد اللي فراقه معاناه وياعذلين القلب ماهي جديده= ياما سمعت الحكي لكن مابغاه كفو ملام ومالكم با الوحيده=مادامها درب الخطا ماتمثتاه ماكل من يهوى وداده يريده= ولاكل شاعر صادق الحرف غناه ولاكل صدفة قيل صدفة سعيده=كم صدفةٍ كانت على العبد ماساه ياحظ من ماتت غريرة شهيده=ماشافت اللي شافت العين ويلاه http://www.m-harb.net/vb/showthread.php?t=146670 |
إن كنت تبغى تسيد وتصير سيِد=خلك غبي لوماخفا لك غباهم ارخ الجفون وخل مشيك مقيد=وإن كان قفو لاتدور وراهم وإن ناقشوك بمشكلة صير حيد=عطهم حلولٍ ماتفتق ذراهم بالحق دايم خل دربك مسيد=واحذر تجاريهم وتتبع هواهم غاية رضاهم يالسنافي تبيد=لوكنت عارف بيرهم مع غطاهم النبت ما ينمو بلايا سميد=ذر الرماد بجفنهم لو عماهم اضحك لهم لوهو بقلبك وقيد=من شان نفسك ماتهين الوطاهم واللي مكانه عاليٍ فوق حيد=عطه المكانه لوتكدر الماهم سعود ما يشبه بفعله سعيد=الله خلق والله فرق مستواهم عز الرفيق اللي الفزعتك غيد=من زود طيبه ماحسب وش وراهم نجمه على كل النجوم يتسيد=من روس قومٍ ما يقرب حماهم هذه نصيحة بنت لكن تفيد=والعرف قسمة من عطانا عطاهم http://www.m-harb.net/vb/showthread.php?t=146418 |
والله مادري وش يخبن الايام=ولادري وش اللي يصير والله مادري لكني ادري عن غلا ماله احجام =يملا خفوق الروح بعماق صدري ماهو من امس الا له سنين واعوام=وموجه على شاطي خفوقي يهدري غرقت ببحره سفن ودي والاحلام=حتى احتوته الروح عزٍ وقدري ماتسلطنٍ في خافقي يصدر احكام=يمشي علي امره ماطاعٍ ومادري عن زلة الخلان محفوظ بحكام=مُصدر قرار الحفظ من وقت بدري من قبل مكة تنبني فيها الاصنام=وهذا الغلا موجود بكتاب قدري ماهو كلام وقيل واحلام واوهام=ولا ردده راوي على لحن(حدري) احساس وسط الروح يجري بالانسام= امتيمٍ قلبي وبالصون جدري عليه انادي كل ماصاح نهام=ولاناحت الورقة على غصن سدري ولا ردده راوي على لحن(حدري) لتعريف بالحن الحدري http://www.m-harb.net/vb/showthread.php?t=122540 |
[TABLE1="width:85%;background-color:black;"] | [/TABLE1][TABLE1="width:85%;background-color:black;"] | [/TABLE1]http://www.almstba.com/vb/imgcache/a...400465_789.gif البارحة قلبي شــكا حارق الـــــبين قبل السحور وقبل صــوت المــنبه تخنق له العبرة على فـــراق غالين والحزن في و سطه شعرت بمـــدبه سنين مع طاروق الاحزان وســـنين وروحــي كــماريشٍ لـعـــبه مـــهبه ريحٍ تومي به على اطراف غـصنين في ســـــدرة المضــــماة ريحٍ لـــعبه لاعدت يافراقٍ شكوك المــــــحبــين خليت جمرك في خفـــوقــي مشــبه ياشين لمنك ذكــــــرت الــــعزيزين وشكــيت فرقاهم علــــى غــير سبه تحس كن القلب يقســــم القـــــسمين ودمع الفراق اطراف نــــونك تصبه تدري وش اللي يحزن القلب والعين؟ ضيــم الدهـــر. ومـفــارق اللي تحبه يالحــظة الاحـــزان تكــــفين تكـفين اطلبك قلبـــي تتركــــينــه الـــــربه http://www.almstba.com/vb/imgcache/a...400450_291.gif http://www.m-harb.net/vb/showthread.php?t=149201 |
السلام عليكم ورحمة الله وبركاته
مستشاراللغاز ابو هليل سوا لغز وعليه جايزة والجايزة لقب وحليته لكن معجبني اللقب. لاإنه يحمل اسم فارس من خارج القبيلة وانا لاافتخر الا بقبيلتي وفرسانها.المهم جت هذه الابيات في حينه ورد عليهن مستشارنا صح السانه الموضوع على هذا الرابط http://www.m-harb.net/vb/showthread.php?p=1383567#post1383567 سمه غرور وسمه اللي تريده=وسمه على ماقيل باللي تسميه ابفتخر وارد هرجي واعيده=واللي زعل ياعل ربي يعافيه يزعل ويرضى والليالي مديده=واللي مايفخرفي ذكر فعل اهليه وحده من الثنتين ماهي بعيده=اما لقا إن فعولهم ماتنشميه ولا ضعيف والمشاعر بليده=وانا احمد الله حالتي متحاليه قبيلتي لها فعولٍ مجيده=وانا اعرف التاريخ حاضروماضيه قريت له والعلم عندك مزيده=كثر الكلام يضيع ويضيع راعيه مبين شيل وحط يبطي مديده=والعاقل اللي شور عقله يقديه على عجل قالو كتبنا قصيده = وحنا كذلك تو ردي مسويه يابنت راعين الفعول المجيده= قافك وصل ونقول يالله تحييه لك الفخر في حرب ماهي جديده = اسمٍ ينومس كل من ينتسب فيه حرب الحرايب من ديارٍ بعيده= جت للحجاز ونجد بالسيف تشريه ماقدمها ناسٍ ترحب سعيده = لولا الحدب حلالها ماتخليه خوت علينا ناس وناسٍ شريده = والي نفخ راسه قطعنا علابيه بعد العنا عشنا حياةٍ رغيده= احدٍ زرع والاخر ضعنه يباريه ولترك حاربنا عوامن عديده = مرحوم يالي مات من دون عانيه غصبٍ لنا طاعت وهذي وكيده= وهرجٍ بلا تاكيد تسمج معانيه |
الساعة الآن 08:09 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir