نشري رجال الوفى والجود = السعر نشريه لـو غالـي
وان زاد سعره عليه الزود = معروف سعر الذهب عالي

مسموح ياللي جرحت القلب = دكتـور واليـوم جراحـه
مادام عندي امـل فالطـب = لابد نصبر على جراحـه

الـدار غالـي ولاكبـه = رجال تنحط فوق الراس
من طاوع القلب في حبه= لابد يجني عنى وافلاس

قالو عليه العرب محسـود = لابـد يلقـى دوا يبريـه
اصل السبب فالعيون السود = القرب من ودهـم يشفيـه

البحر من ضيـع حسابـه = يمسي في قاع البحر غرقان
اهوال شفنـا مـن اسبابـه= لوكنت وسط البحر ربـان

انا اشكر اللي بجوده زار=راعي الوفى دوم يسعدني
البحر صاغ المعاني غزار==خسران ان كان تبعدنـي

ان كان من ودنـا بعتـه = لابد نلقـى وفـى نشريـه
مادام هرج القفـى طعتـه = راعي الوفى العرب تطريه

اللي حلف بالامر يوفيه = لاتعطي القول وتهـده
وش لزكم بالقسم تعطيه = مادام مافي الامر شده

الراس مانخضعه لناس = مخضوع لرب سبحانه
الجود يبقى لنا نوماس = اعتز بالساس وركانه

حالي صميم الاسئ اعضاه = وصيطر على كل ما مني
حتى الجسم لحقه باعضاه = ضاع الصبر والامل عني

العين ساس البلا فالـود = والقلب يستقبل الغـارات
ياما نصحت العيون تصد = يكفي من الشوق والاهات

لك ود في داخلي حطيت = يكفي جميع البشر كلـه
يكفي من الود لو طليت = لاتعلـق القلـب وتلـه

جاني غلا من قلوب الناس = اللي على الطيب عادتهـا
اهل الوفى رافعين الراس = ايام تشهـد فـي شدتهـا

اهداف وقت الرمي صابت = القاف صاب الهدف جمله
اكبود من حرهـا ذابـت = ضربات ماضن لها كمله

ماينعدل عودك الاعوج = ولو نعدله انتهى مكسور
النفس من طبعها اهوج = شفقان من حالك المذكور

هات الحكم يابيان الصمـت = نبغى افاده عن اللـي صـار
ان كان فاللي مضى له صمت = اضرب لكم مدفـع الافطـار

بحار شلي حصل قلـي = قيفان من يمكم ثـارت
موج البحر هاج بالكلي = والجن من بحرنا غارت

القاف ماضن لك غلق = ياللي لكم فلمعاني باع
فيك الامل والرجا علق = الجود نشريه لو ينباع

الصاحب اللي له الوقفه = محسوب في وقفته غالي
والجود للي خلي كفـه = فلازمه دوم لك خالـي

بحـار الـود شربكـنـا = مثل القصاره مع الوجهين
القلب باشـواق حركنـا = اخاف نلقى العنى بعدين

اسقيك من جودي الصافي = مثل العسل يبري المجروح
البحر طول العمر وافـيي = كفيني اللي حصل مشروح

ماينفع الطب لـو جبنـاه = القلب صابه عنى وحروق
الجود لو هو ذهب صغناه = صار الصفى عننا مدروق

البحر مسرور من مدك = يتحمل اللي يجي شاطيه
ان كان هذا وفى ردك = ياسيد ليه الا سئ تعطيه

شاطر وماهر على التعليق = والقاف ماشفت كسراتـه
ياصاح هذا الامر مايليق = القـول تنفـك شفـراتـه

الجود عندك بناله ساس = اصبحت مثل النجم عالي
شربت مر الاسئ بالكاس = نفسك عزيزه ولاتبالـي

كل (ن) على ود محبوبه = ويلاه من قلبي الخالـي
كل ماليقينا احد صوبـه = ردوه بالـود عـزالـي

روحي وروحك ومعنا روح = اصروح نبني من الامجـاد
ساس الوفى انبنا ما يروح = ما عندنـا للوفـى اجحـاد

اجواد نعطي لهم تقديـر = مادام درب الوفى جانـا
القاف من بحرنا تصدير = وقت الطلب جود ينصانا