|
صمتي معك لكتمل دوره=ما عاد لحسابها نحسـب ونبثها صوت مع صوره=ولا عاد تلقى لروحك طب |
نامت عيون البشر يانـاس=وأنا عيوني جفاهـا النـوم مدري السبب قلبي الحساس=ولا من اللي سبـب للـوم |
خالد الأحمدي= سلام عمله من الصراف=ياصلك صادر بمكتوبـي الشيب في لحيتي ينشاف=هذا وانا توي عزوبـي بخيتان البشري= ترحيب من عالي المشراف=له وسم فالطيب و دروبي ما يلحّقك فالمشيب خلاف=وقار فالوجـه محسوبـي خالد الأحمدي= كفيّـت ياطيـب الاوصـاف=وبين العرب شخص محبوبي والبيض ماعندهم انصـاف=لاعـدّوا الشيـب عذروبـي |
اليا أقبلت حزة الفرقا=لاتحبس العين دمعتها وتزيد فالقلب بك حرقا=ماتنطفي فيك جمرتها |
بخيـتـان الـبـشـري = سـلام واجـب تردونـه=عاجل ولا يحتمل تأخيـر ياحرب الطيب مضمونـه=وسّمه وفا ما حوى تغيير حــــــــــرب = ترحيب والكل يوحونـه=يجلى عن الخاطر التكدير ياساس للطيب وفنونـه=ياللي لكم عندنـا تقديـر بخيـتـان الـبـشـري = عسى البقا عز تحمونـه=يامن لكم بالبنان انشيـر اللي نداريـه ونصونـه=اليوم عاكس فخط السير حــــــــــرب = ماسرني علـم تطرونـه=عكر علي الصفا تعكيـر ابحث وش اللي فمكنونه=يمكن حصل فالامر تطوير بخيـتـان الـبـشـري = عسر الجبل ما يعدونـه=أُخذ الهواجيس بالتفكيـر عدت النظر عند مامونـه=والحايرة عندنا ماتسيـر حــــــــــرب = لاصار غالـي وتدرونـه=الاولـه مالهـا تأثـيـر لكـن عتبكـم تمدونـه=ومثلك لهم فالبنا تعميـر بخيـتـان الـبـشـري = لاشـك فيمـا تقولونـه=وياليتها تقبـل التشفيـر الناس مارضى يحقرونه=والكل دوّن لهـا تقريـر حــــــــــرب = خلك فسده ومـن دونـه=حتى يجي للكسر تجبيـر وبعدين ذنبه على متونه=لاصار من جانبه تقصير |
خــالــد الـبـشــري = سلام مع طلعـة الاشـراق=في اول ايام شهـر الصـوم نبعث تهاني مـع الاشـواق=لاصحابنا من رجـال قـروم بخـيـتـان الـبـشــري = ترحيبنـا يغطـي الآفــاق=ينصـاك بتهنئـة مـلـزوم جتك التهاني مـن الأعمـاق=يامن لكم فالـدروب وسـوم خــالــد الـبـشــري = عسي البقاء يارجل سبـاق=فالطيب وللمرجلـه زيـزوم ياكاسب الطيـب والاخـلاق=نبغي لنـا فالمثـل مرسـوم بخـيـتـان الـبـشــري = ابشر بعزك وأُخـذ ميثـاق=اشري فسوق الغلا ماسـوم منا يجيـك الوفـا منسـاق=ياصـوت لبالـك المزهـوم خــالــد الـبـشــري = ماحط من دونكـم مـدراق=مادام تأخذ وتعطـي علـوم كثر السهر اتعـب الاحـداق=ولازلت في مشكله واهمـوم بخـيـتـان الـبـشــري = فاللازمـة دونكـم مغـلاق=وندسم الشـارب المدسـوم من علم تبديه صدري ضاق=الليل عجـل معـك بنقـوم خــالــد الـبـشــري = من قبلكم خاطـري مـاراق=واليوم لاح الامـل ويحـوم مابين طرفي وقلبي شقـاق=يامصعب الود فيـه سهـوم بخـيـتـان الـبـشــري = من بعدنا كل حمـل يطـاق=يوم الآمـل قبلنـا معـدوم عيد النظر وأتبـع الخفـاق=الود سهمه يبـى صمصـوم خــالــد الـبـشــري = وافي بـلا شـك ياعمـلاق=يانجم ساطع وسـط انجـوم فيما جري صابني بارهـاق=كيف امنع الطرف حتي يشوم بخـيـتـان الـبـشــري = لجلك بطل نلت بأستحقـاق=يارجم عالي مابيـن رجـوم مرات مابين ركبـة وسـاق=ومرة فبحر العلـوم اعـوم وأرسلت وصفة لكم تريـاق=مظروفهـا مننـا مخـتـوم لاتقول طرفي معـي بـواق=ولا أظن مثلك ضعيف عزوم |
بــخــيـــتـــان = سلام لابـأس يـا هانـي=مأجور فيما حصل مأجـور تشفى من اللي به تعانـي=من رب يشفي جميع ضرور ابـــوطـــلــــق = يا مرحبا يا أكبر أخوانـي=ومشكور لزيارتك مشكـور اللي حصـل أمـر ربانـي=عساك سالم من اي شرور بــخــيـــتـــان = أخوك يـوم الله أعطانـي=عسى البقا يا وفي مخبـور ياكفـاك ربـي ويكفانـي=ونعيش دايم هنا وسـرور |
ياغايب الوجد والشّوفه=فاقدك مفقود من ثنتين الوضع واللي بدأ جوفه=فاقد ومفقود قلب وعين |
بخيـتـان الـبـشـري = سلام حرفه رسم معنـاه=معناه منقوش من حرفـه صغنـاه بالـود ظرفنـاه=يم العبيدي يصل ظرفـه الـعــبــيــدي = ترحيب بالـود عجلنـاه=يمك يجي صفّك بصَفّـه سقنـاه بالعطـر طيّبنـاه=مردود للـي لنـا زفـه بخيـتـان الـبـشـري = مثلك نعـزه ولا نشنـاه=عسى البقا وإستمع صرفه اللي شرب وأروته يمنـاه=اليوم عجزان فـي طرفـه الـعــبــيــدي = مثلك في درب الوفآء نبغآه=ونعطيه في ذالهوى صِرفه دوّر له الحـل لاتنسـآه=او بيّن اللي خفـآ كَفـه بخيـتـان الـبـشـري = أخوك هذا الأمـر يعنـاه=يامن بكم يكتمل عِرفـه كل ما يغضه رجع عنـاه=ويخاف عن دربه يٍحرفـه الـعــبــيــدي = حتى نعليّ معـك مبنـاه=الظل يهدم على جُرفـه دآم الآماني جرت مجـراه=لاهي صناعة ولا حِرفـه بخيـتـان الـبـشـري = اشكي عليكم من معاناه=لاهي روايـه ولا طُرفـه الطرف غاوي ولا اغويناه=كل ما يسلهم رمى زرفه الـعــبــيــدي = هذآ علآجك لك اصرفنآه=ابعد عن افكآر منحرفـه غض النظر كل مآقلنـآه=وانته من رجآل محترفـه بخيـتـان الـبـشـري = من بعد وصفك لنا شفناه=والعين بالحـل معترفـه وسام منا لـك أهدينـاه=تلقاه بأسمك علـى رفـه |
عدُ معي للحقايق نـور=اللي بنا ناس تجهلهـا مهما الفلك فالمدار يدور=محمول من بعد تحملها |
يامستبيح الفؤاد ارحـم=حرام تحييـه وتميتـه تسقيه كأسك لذيذه سم=يطعم به اشواق محييته |
ولـيــف الــشــوق = سـلام لـولا الغـلا لـولاه=ماكـان نرسـل ونستقبـل صحيح عذب الكلام اغـلاه=يااللي تحل المعانـي حـل بخـيـتـان الـبـشـري = ترحيب لولا الوفـا مقـواه=ماكـان ناصـل ولا نسـأل صحيح ملح الحكـي اوفـاه=ياللي تقـل السمانـي قـل ولـيــف الــشــوق = هـذا الـذي فيـك املنـاه=دايم على الطيـب ماتختـل واللي كماكـم عزيزالجـاه=له منزلـه باالغـلا يحتـل بخـيـتـان الـبـشـري = عزيز مثلـك جويـد ابنـاه=عالـي فمثبـاه مايـنـزل غالـي نعـزه ولا نشنـاه=الطيـب لمثالكـم منـهـل ولـيــف الــشــوق = أخذ المثل واستمـع مبنـاه=وافيدنـي فالـذي يحصـل اللي حصل منّهـم شفنـاه=لابـد ذا الوضـع مايهمـل بخـيـتـان الـبـشـري = بعد المثـل اكتمـل فبنـاه=واجـب علينـا ولا نغفـل لاحنا ولا غيرنـا يرضـاه=والواجب الكـل لـه يعمـل ولـيــف الــشــوق = نبغى المساعي فمـا قلنـاه=قـدام لا وبلـهـا ينـهـل ويسيـل سيلـه ولا نقـواه=ولا عاد مخرج ولا مدخـل بخـيـتـان الـبـشـري = نسعى على الطيب في مجناه=قـدام لا غزرهـا يهـطـل فمسايس الوضع ومـداراه=كل المساعـي لهـا نبـذل ولـيــف الــشــوق = الكـل هـذا الامـر يعنـاه=والعارفـه فيـه مايجهـل والبعض هـذا تـراه منـاه=دايم وهـو للفتـن يشعـل بخـيـتـان الـبـشـري = ثلثيـن هـذا الامـر عنّـاه=وتحريك لجهودهـم نأمـل والقصر عامر محد يخفـاه=مهما العدو لحبلهـا يفتـل ولـيــف الــشــوق = هـذا الـذي كلنـا نبغـاه=يفرِ ح هل الطيب مايزعـل المجد ساسه اليـن اعـلاه=والعز لـه بـاب مـا يقفـل بخـيـتـان الـبـشـري = محمي ومن يسكنه فحمـاه=واللي يبـا يهدمـه يجهـل عصور ورجال لـه تحمـاه=بتاريخ موثـوق ومسجـل والسيـف للحـد سليـنـاه=والطيب لأهل الوفا يشمـل العلم كالشمـس وضحنـاه=ياقاصـدك عنـه لاتغـفـل |
اسد حرب = سلام عد المطر لا هل=يضفي معه كامل اشواقي وكلامي لاوصل مايــزل=ارجوك لاتخلف قياســــــــي بخيتان البشري = يامرحبا قدرهـا ماقـل=من بال صافي ومشتاقي كلام الاجـواد مايختـل=تلقاه في منطقه راقـي |
ياطيب الرنق جانا العيـد=وانته معي في نكد و شقاق لا عاد في ذا الكلام تعيـد=ودي بلحظة صفا وعنـاق |
شموخ الحربي= عله تعلّـت علـى علـه=ثم حاربت نوم جفن العين خل ٍ توجّـد علـى خلـه=والخل ما بين حلم و بين بخيتان البشري= الكل له فالهـوى ملـه=ماشي بها ماعرف لاوين والخـل للخـل مايملـه=لاصار يعرف مداه لوين شموخ الحربي = عقب السهر قلت بسـم الله=نصبر على الشين لجل الزين و ان كانك تعرفـه قلـه=حنا علـى صبرنـا باقيـن بخيتان البشري= ياحرف يحكي وبرطنله=لاتشتكي دام مقتنعيـن عطنا له إيميل ناصل له=يمكن نولف مابين اثنين |
الوقت أشهر لي الأنذار=واخاف بالطرد يلحقنِي رحل بعمري ولف ودار=وفي كل دورة ملحقني |
الله عسى الوقت يسعفنـا=فاللي بقى نرثي اللي طاف فيما مضى مثل ما اسعفنا=نحتاج فيما بقى لسعـاف |
قــــــابـــــــل = سلام نبغـى هـدف ملعـوب=يمتـع جميـع الـذي شافـه ؤأنته محنك ولـك أسلـوب=ما تخطي الحـرف واهدافـه بـــخـــيـــتـــان = يامرحبـا غايـة المطلـوب=من صانع اللعب فـي قافـه ابشر و منـا تجيـك لعـوب=ينهـي بهـا القُـول هدافـه قــــــابـــــــل = تبقـى ولا بيننـا مغـلـوب=والكـل معـروف ميقـافـه تشعـبـت لـلـدروب دروب=مابيـن قلـبـي وميـلافـه بـــخـــيـــتـــان = راغب ومثلك لنـا مرغـوب=والقيـل لأهلـه وعُـرافـه بسعى معك والوفا موهـوب=اخـوك بشروحهـا وافــه قــــــابـــــــل = تشاملواوالـفـؤاد جـنـوب=وساروا على عكس محرافـه حتى غدت حالتـه فصعـوب=واستجـرع المرباصنـافـه بـــخـــيـــتـــان = حسيت بالوالـع المشبـوب=اللي رسم حرفـك أوصافـه اكشف عن الغامض المحجوب=وابحث عن البعـد وخلافـه قــــــابـــــــل = حالت مابين القلـوب قلـوب=زادت على الحمـل اضعافـه واليوم كيف الجليـد يـذوب=ويعـوض القلـب ماطـافـه بـــخـــيـــتـــان = قِيم البنا وأصلـح المعطـوب=وخلك علـى رأس مشرافـه تكسب معه حسبة المحسوب=ويصفي بكم يصِفي اطرافـه |
بخيتان= يشكي آسى فيك ذاتك منك = ونشكي آسى منك في ذاتك كل ماسألناه جاوب عنك = إن الجفا من ملذاتك |
بخيتان البشري= سلام طاب اللحن قودوه=وإحنا مع اللحن نتبعكم حتى هل القيل لا سمعوه=تطرب وتجلس لتسمعكم مسلم المحمدي= يامرحبا بضيفنـا حيـوه=وده يالأعضاء يسعدكـم عطنا الخبر ليتهم يقروه=ونمشي مع الحان تطربكم بخيتان البشري= عسى البقا والملا يوحوه=ياللي على الطيب منبعكم هيا استمع بعد رديتـوه=لموج عاتـي ابطلعكـم مسلم المحمدي= نسعد مع نيرين وجوه=يامشتكي امر حيركم بين لنا امر ما تشكوه=لعلنـا فيـه ننفعكـم بخيتان البشري= اللي فقلبي قبل زادوه=ماينوصف لو بسمعكم المركب اللي بنا قدتوه=لابد بالكشف نخبركم مسلم المحمدي= اربط على القلب لو يشووه=بجمر الغضـى لايزلزلكـم بالعزم مر الشقى تنسـوه=بيـن الشوامـخ يميزكـم بخيتان البشري= قدام في بحرها لا نتوه=ويصبح خطانا ونتهمكم واجب ليا من صححتوه=إنـا فكتبـه ماننقدكـم مسلم المحمدي= الله يهدي عسى فهمـوه=ومن يكتب الحرف يطربكم ونرتاح من كل ماشفتـوه=وفي ذلك الامر نشكركـم |
بخيتان = ليه الليالي مع الأيـام=لودادنا واقفة بالضـد نبني بها فالحياة أحلام=وكل مابنينا علينا تهد مسلم المحمدي= احلى الحلى لو بدا مادام=لوكان مهما بغيت يـرد لعل يوم الفـرج قـدام=وبعد الشقا بالهنا تسعد |
بخيتان البشري= يامن فردك طرأ عارض=وحروفنا جاتكم بنقـطّ مابيننا حرف متعارض=ياللي على النايفة تنحطّ مسلم المحمدي= بعد الفجر صرت متمارض=اشوف سطر المعاني خط لاعاده الله مـن عـارض=اصبحت بعد السعد منحط بخيتان البشري= حسيت مفروض من فارض = اشيل فالمسألة وأحط ما كنت فالأمر متغارض = وابليس قدامي ينطنط |
بخيتان البشري= اللي شكى فالغرام ونـاح=من ودّ ما يجهـل فنونـه من سهم وسط الحشا ذباح=اليـوم لاعـاد ترجونـه مسلم المحمدي= منهو فبحر المحبه طاح=ميلام لو كثرت شجونه واللي رما بطرفه اللماح=مايرحم اللـي يودونـه |
مسلم المحمدي= سلام فيـه الوفـا ينسـاب=لأهل الوفا اللي معي وافين سؤال عندي عسى الاصحاب=منكم اجـد حـل يالغاليـن نجمٍ بدا في سماي وغـاب=غايب عن العين عشر سنين لا اظلم الليل فـي مرقـاب=آنا ودمعـي عسـاه يبيـن زاد الأسى والحشا شبـاب=لاوين في حالتـي لاويـن المشتقـي للقـا طــلاب=لعلكـم فالفـرح سالـيـن بخيتان = ترحيبنا شرع الأبواب =دايم نكمل مع الموفين جوابنا لفاقدين احباب=اللي نصونا لنا شاكين صحيح إن الهوى غلاب=واهل الهوى فالهوى ماشين اخذ نصيحة ولا ترتاب =ولا ترتجي ود للمقفين انسى زمانن مضى به خاب=والمقبلة بالحياة تزين ياجيد الأصل والأنساب =دوّر على اللي لكم شارين |
بخيتان= يستفزع اليأس من مثلك=وبنتخي بك ليأسي منـك عساه يثمر بطيب أصلك=في قلب عييّت اعذله عنك القاسي الأول= ارفق بحكمك على مهلك=قدام تصدر حكم يحزنك انظر لظرفـه ومايملـك=يمكن ظروفه عليها ضنك |
بخيتان البشري= يشكي آسى فيك ذاتك منك=ونشكي آسى منك في ذاتك تخالطو وختلـط معدنـك=تِهنـا معـك فتجاهاتـك القاسي الأول= أيقول انا أمنك وأمنـك=وحالتي نفـس حالاتـك عتبك ماهو رضايه عنك=أهاتي اكثر من أهاتـك بخيتان البشري= دام اشتكى ذات متمكنك=ذاتك فقدانـا ملذاتـك ياكيف يمكن ولايمكنك=زدت الآسى بتهاماتـك القاسي الأول = يقول ذاتك ابأستاذنـك=احفظ بذاتي علاقاتـك تقصيرذاتي سببهاظنك=لاتحط شرحي عقاباتك بخيتان البشري= ذاتي سلبته بعد مكنـك=ركز معي في إجاباتـك وده بوسط الحشا اسكنك=ودك بعيـد المسافاتـي القاسي الأول= لاتسيبه الظن يسلب منـك=حس المشاعر ونبضاتـك من عاشرك ماكره موطنك=يأسف على كـل مافاتـك بخيتان البشري = ماظنك تشك ماظنك =في من سعى في مسراتك ليتك تجرب عشان اظمنك=وننتهي من خلافاتك |
بشوش وجهك ويازينك=لاصرت جالس بصحبتنا ولاقفيت تقلب موازينك=تعمل وتسعـى لاذيتنـا |
صقر المراقيب= سؤال واصلك يابيطار=نبغى تفيدون حيراني اللي حضر له طرب وانزار=غلطان لو عاد له ثاني ؟؟؟ بخيتان البشري= مادام خصيت فالشعار = هذي نصيحة ومجاني ابعد عن البوص والمزمار = لأجل إنها لعب شيطاني |
ليتك تشوف الذي سويت=وتشوف ماصابني بعدك طريح من حالتي مليـت=مكاني اللي على عهدك |
والله يلو كان بي تدري = وتعلم بما يحتويه القلب إنك عليه تجي تجري =يكفي كيان قلبت قلب |
هذا اللحن كان اثناء تواجدنا في زواج ابناء الشيخ عبدالمجيد بن حمادي (يرحمه الله ) بتاريخ 1430/10/19ه وكان البدع من الشعراء حمدان بن عطية البشري والقاسي الأول وبخيتان بن بخيت البشري والرد من الشعراء الشريف مشعل بن سالم العمري وسامي الصبحي وقابل فرج البشري
حمدان والقاسي الأول وبخيتان = سلام شامـل علـى الجـلاس=الكـل يوحـيـه ويشـوفـه الكـل منكـم علـم نبـراس=والقيـل مايخطـي حـروفـه مشعـل وسـامـي وقـابـل = ترحيـب ياطيبيـن السـاس=مثل الذهـب نقـد مصروفـه واللي حضر من وفود ونـاس=لازم يشـارك مـع صفوفـه حمدان والقاسي الأول وبخيتان = تبقـون يارافـيـن الــرأس=هــذي قوانـيـن مألـوفـه لاشك يحـلا لنـا المجـلاس=مـع المعازيـب وضيـوفـه مشعـل وسـامـي وقـابـل = صوب الهدف لازم المتـراس=صيـاد مضمـون مخلـوفـه ليل انتحى والفجـر نسنـاس=والوقـت غـلاب بظـروفـه حمدان والقاسي الأول وبخيتان = اخترتكم مـن جميـع النـاس=واسترّ جوف الحشـا جوفـه انتم ذهـب مادخلـه نحـاس=لـو إن الأبيـات محفـوفـه مشعـل وسـامـي وقـابـل = حنا معك ما غشانـا نعـاس=نسعى سوى البيـت ونطوفـه ياللي فشرح المثـل مقبـاس=وحنـا نتـحـراه بحسـوفـه حمدان والقاسي الأول وبخيتان = فالمعرفـة والمثـل فُــراس=نجنيـه مـن عالـي قطوفـه حنـا لبـدع المثـل حـراس=نقـرر البـنـي وسقـوفـه مشعـل وسـامـي وقـابـل = قلب الشقي يافتـى حسـاس=ماشفـت حـيٍ بـه يروفـه اشر خطـر دنـت الأجـراس=واخـاف تغديـبـه حتـوفـه حمدان والقاسي الأول وبخيتان = لاتشغـل القلـب بالهوجـاس=يجلـب لـك الهـم بصنوفـه وانته صقـر عندنـا قرنـاس=للعقـل حسبـات مصفـوفـه |
السلام عليكم
إليكم هذا اللحن مع اخي الغالي والقدير الشاعر وسيم السيد (كاسب النوماس) اتمنى ان يحوز على رضاكم واستحسانكم
بخـيـتـان الـبـشـري = وسيم يا كاسـب النومـاس=سلام واحد علـى الأسميـن ياحر عينـت لـي قرنـاس=اللي عتـب بابهـم ثنتيـن كـاســب الـنـومـاس = يامرحبا يا عريب السـاس=ياوارث العـز مـن جديـن لن كان تبغى الامر بقيـاس=وضح لنا ديرته مـن ويـن بخـيـتـان الـبـشـري = تبقى وفيك الوفـا نبـراس=من وين ماجيتها من ويـن ارسلت من يمّنـا عسّـاس=شهور مـا طبهـا وسنيـن كـاســب الـنـومـاس = ياصاحبي لا يجيك اليـاااس=ماخاب من يتعب الرجليـن عيد النظر وانشد الحـراس=عله يجيـك الخبـر بعديـن بخـيـتـان الـبـشـري = لا تبعد الفكـر والهوجـاس=إنتـم فـذا الأمـر معنييـن القصر عامر وبـه جـلاس=وانته وانا عندهـم عينيـن كـاســب الـنـومـاس = ياكثرهم من جميع اجنـاس=والقاف مايحتمـل تخميـن باقي فوسط الحروف إعماس=لن زلتهاا تكسـب التثميـن بخـيـتـان الـبـشـري = عمق البحر يالخوي ينقاس=ولاشك مثلك مـن الذربيـن عرق النسب بيننا حسـاس=الأمر واضح لكم ذا اللحيـن كـاســب الـنـومـاس = معروف كلن ولـه مقيـاس=والطارفـه بالعقـول تبيـن لنا الشرف يوم صرنا راس=واحـد ومرفـوع بالكتفيـن بخـيـتـان الـبـشـري = ماعـاد بقيـت فالقرطـاس=وقرناس باين وله مخفيـن تـراك فنهايـة المـرواس=شوف العتب فأول البيتيـن كـاســب الـنـومـاس = معروف داره لكـل النـاس=راعي كرم واسـأل اللافيـن مثلك ومثله ذهب والمـاس=عند العرب كلكـم صافيـن تشكر على طيب الاحسـاس=ياللي على الطيبه ماشيـن ياليت نلقى معـك مجـلاس=ونفرح القلب بعـد العيـن |
اقتباس:
|
قدام لا القـم البـراد=قدام طرفي تعدى زول مديت يدّي لملح الزاد=الله شاهد على ذا القول |
بخيتان البشري= سؤال نبغى إجاباته =ياللي لكم فالهوى ميراد القلب عامين فآهاته =والروح فيها الآسى يزداد كاسب النوماس= وش طيحه في معاناته=وخلاك تشكي على الرواد اشرح لنا جد عن ذاته=حتى نصل بالعقل للماد بخيتان البشري= محروم من كل لذاته=وقلبي معه فالهوى منقاد ياستاذ هات الدوء هاته=طب الهوى فالهوى مافاد كاسب النوماس= إسبح معه وسط غُباته=إمكن يعقب امور جداد وإن مانفع والامل فاته=أوقف معه وقفة الجلاد بخيتان البشري= ماقلت مرت شُروحاته=وقدني لمحصولها حصاد عساه يلقى علاجاتي=وأوفيت ياذيب فالأرشاد |
بخـيـتـان الـبـشــري = سلام من صادق إحساسـي=يرقى معك للمعالـي فـوق ياللي لكم قيـس وقياسـي=ومطوقين المعانـي طـوق أحـمــد الـعـمــودي = ترحيب وانته علـي راسـي=ياللي لكم في ضميري شوق اناسـوات الجبـل راســي=منك انتظر جيـد المنطـوق بخـيـتـان الـبـشــري = شرواك لـه قـدر نوماسـي=عسى البقـا يارفيـع وذوق أنا كمـا الصاعقـة باسـي=اشكي عليكم أسى وحـروق أحـمــد الـعـمــودي = أسمك مسجل فـي كراسـي=والبيع والمشتري فالسـوق مـادام ملبوسـك اللاسـي=وش هو سبب قلبك المحروق بخـيـتـان الـبـشــري = اسمي علـم كـان متناسـي=عاتق شرى بيعتـه معتـوق مشغول فكـري وهوجاسـي=القلب عاشق فقـد معشـوق أحـمــد الـعـمــودي = لاتسلـم القلـب لـلآسـي=اللـي تناسـاك يامخلـوق انسـاه مـادام هونـاسـي=ترى لقلبـك عليـك حقـوق بخـيـتـان الـبـشــري = ماكان في يوم لـي قاسـي=اخذ المسائل معـي برفـوق ياستاذ مغصوب من ناسـي=يسعون في دربنـا بفـروق أحـمــد الـعـمــودي = بفتيك مـن واقـع مراسـي=وماأملكه من خبـر موثـوق مادامـت الأمـر متواسـي=والـود مابينكـم مرمـوق لوأصبح الوضـع حساسـي=مايصبحون العوازل عـوق خليـك صبـار وسيـاسـي=وكل شي بعد الصبر ملحوق |
مجنون ليلى عشق ليلى=و الحزن عاشق لناوالهم ماذكر عرفنا الفرح ليلى=الهم عايش بنا في هـم |
اليوم تشكي لنا الكسـره=ياصحابنا يارجال القيـل لانجامل الحرف في كسره=من شان نرقى بهذا الجيل |
تبلورت تالي الأزمان=مجنونهم صار عاقلهم يالله دخيلك لنا مزبان=منهم ومعهم معاقلهم |
إن كان عندك نظر وتشوف=بطـل رسايلـك يافلانـي لا لآعبك فالسطر مكشوف=وبرّوزك حـرف عنوانـي |
الساعة الآن 08:18 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir