|
اقتباس:
والله انا من يتعلم من شرواك يابو احمد00 وماهذا الاتواضع منك 00طوقتني به وان شاء الله نلتقي على الخيردائما |
مضحي= سلام الله عليكم ياهل التوحيد والسنـه=سلامٍ يشمل اهل الملتقـا ويعـم زواره اقوله من هجوسٍ يوم وردت جالها حنه=اوردها على عد الروا وازهـم لشعـاره قابل= هلايامرحبا بالشاعر اللي قافهـا دنـه=على وضح النقا والطيب ولع للوفا ناره حصلنا ياولد جمران قافك يمنـا غنـه=وتلقى عندنا للقول تكميلـه ومسعـاره مضحي= يدوم الك البقاء ياشاعرٍ والكايفـه فنـه=وسوق المعرفه نعرف شريطيه وتجاره نخبر من يظن اظنون ماحنا على ضنـه=على راع العلوم المجحفه مردوده اخباره قابل= وفيت وراعي التقدير مثلك ماختلف قنـه=مع الايام ماينقص غلاه يزيـد مقـداره ومن هوظن ظن السو مانخطيـه لكنـه=خبيث واجب ان نحترص من لوثة افكاره مضحي= اثر بعض الاوادم في يدينه كاسرٍ سنـه=ويضلع والصواب بمبسمه ويدور جباره ياقابل ماعلينا من سوالف يابس الشنه=تسير القافله ماهي بحاجة قاصر اشباره قابل= انا وانته نعرف اللي يمد الصوت ويغنه=ولايخفى علينا حرف من رسمه ومعياره ولكن بعض خلق الله يدس الشر ويكنـه=وواجب مثل هذا نرقبه ونتابـع اثـاره مضحي= تجنبنا طريق الغادي اللـي محـرقٍ بنـه=وحذراء ياهل المعروف جنسه يدخل الحاره لكن ياحرب ياهل الفزعه اللي مابها منـه=عساكم مانسيتو منور اللي يجدع الشـاره قابل= على قولك هذاك ضعيف وعلومه يسدنـه=ومن هو قدم المعروف معنـا دارنـا داره ومنور واجب اصوات العرب ماتنقصرعنه=معه ناقف مواقيف الشرف فى كل مشواره مضحي= عساء الطيب محابيل الخطر شرواه يخطنه=وعلى بارد عزومه يكسرن وصبن الغـاره سلوم اسلافنا رجالنـا الوافـي يحكمنـه=ودرب الغانمين ايمن واهل الجود تختـاره قابل= عميل الطيب جـزلات الفعايـل ماتعدنـه=يلع نوره وفا يوم الضعيف يطفي انـواره وكلن ساعـة الميقـاف افعالـه يسدنـه=ومن هوغاب في وقت الطلب مافاد معذاره |
سلمت يمينك يابو يزيد على هذا التنسيق الرائع لله درك ياسنايدي لاهنت ياجملنا جمل الله حالك
|
محاوره تستحق الاشاده فرسانها ابو احمد ابو يزيد صحت السنتكم يعطيكم العافيه بيض الله وجيهكم |
صح السنتكم ياشعار
محاوره جميله |
اقتباس:
صح بدنك والله يعافيك والشر مايجيك يالخال العزيز سلمت ودمت |
اقتباس:
ومرورك وتواجدك اجمل لاهنت |
الله يعطيكم العافية
|
اقتباس:
|
مشكورين علئ الطرق السلس والكلام الجميل وماقصرتوا
|
الساعة الآن 01:42 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir