ملتقى قبيلة حرب الرسمي - ان كان به شاعر يجي لا يتردد

ملتقى قبيلة حرب الرسمي (http://www.m-harb.net/vb/index.php)

- مـــلــتـقى الـــمـحــاورة والــردًيه (http://www.m-harb.net/vb/forumdisplay.php?f=9)

- - ان كان به شاعر يجي لا يتردد (http://www.m-harb.net/vb/showthread.php?t=28914)

اقتباس:

المشاركة الأصلية كتبت بواسطة الصييفي (المشاركة 327765)

يا صاحبي كن السهر بك تجوّد= بعض الحروف تضيع يا وحلا لاه
ان كان ودِّك نوقف اللعب الى الغد= أشِّر و انا عند العَلَم ما اتعدّاه

ياصاحبي ماضاع قافي ولا الرد= ولاضعت انا في درب ماشيه لقصاه
يروح يرقد من بغا النوم يرقد = والنوم يطري دايم ان كان تبغاه

اقتباس:

المشاركة الأصلية كتبت بواسطة ورقان (المشاركة 327779)

كفو يا برفان
و الليل سرى يا طويل العمر
استلم لا هنت:

خذ ردِّي الآخر و اذا كان لا بد= بكره نكمل و نتوكل على اللّـ ـ ـ ـ ــه
أخاف يصبح جزرنا غالب المد= و يصبح سمكنا مَيْت ملفوظ من ماه

ياصاحبي لو المزايا تعدد = كثر المزيا فيك من عد عناه
منك السموحه يابيض الوجه واليد= القاف شاب وليلنا راح بخطاه

اخوي الصيفي بيض الله وجهك وصح لسانك
على تجاوبك وسعت صدرك
واسف اسهرتك واسمح لنا ان كان جاء منا قصور
تراك عزيز وغالي وشرفني وامتعني اللعب معك
الف الف شكر لك وللخوه الذين شاركونا

اقتباس:

المشاركة الأصلية كتبت بواسطة ورقان (المشاركة 327787)

ياصاحبي لو المزايا تعدد = كثر المزيا فيك من عد عناه
منك السموحه يابيض الوجه واليد= القاف شاب وليلنا راح بخطاه

الشرف لي يا ورقان
مشكور على منحي الفرصة
و المرة الجاية اذا كتبه الله
نكون أكثر جرأة و مشاكسة
لأن المحاورة تحلو إذا كانت أكثر سخونه
مع الإلتزام بالأدب و الثوابت.
شكرا لك مرة أخرى
و الشكر واجب لكل من حضر
أو مسك الصف أو تصفح.
تحياتي و تقديري للجميع

جزيل شكري وامتناني لخوي الشاعر الصييفي
ولجميع الاخوة الرائعين اللي شرفونا بالحضور