انته بديره والقوافل قريبه = لكن لا تجلب عليك المصيبه
وش معجلك ياللي علومك عجيبه = واللي تبيه العين تسهر وتلقاه

اعطيتكم ربع الجهد وانته تطالع بالمدد= لكن علومك تستميبك واعتلتبك من حلاك
انا ابتسم لكن ماطعن في ظهر عبد(ن) رقد = واما انت كل الخصلتين اليوم توجد في حماك

الحمد لله ما احتزم بالرديه =والطيب دايم معتلي في يديه
ياشاعر(ن) ماهر وتبغى هديه= واللي تبيه العين تسهر وتلقاه

حنا نقول ان الوقايه علةً للي حسد= يارعي العله تراها تنتشر داخل عضاك
اشتقت والا ضقت والارقت حظر واستعد = ابا اقلعك يم الجنوب اليوم ونطالع سناك

قال المثل كلن لسانه حصانه =وانته كلامك في دروب السكانه
مانته مهذب بس قلنا تكانه = واللي تبيه الهين تسهر وتلقاه

ان جيتنا في شر مايسعك ياكود الحد = ولا لنا مرسال يارجال وتسوقك عصاك
الناس تزهاها الجماله وانت تربط بالعمد =غير الرياح تفوح في خشمك وتاكل من غثاك

الكيف ماتزهاه غير الفناجيل =ولاتلحق الشرهات غير الرجاجيل
ياعالمٍ في جيل والناس في جيل = واللي تبيه العين تسهر وتلقاه

انا اعرف انك شيخ يوم الدم في عرقك جمد=تقبل وتقفي لانصاك فلان والثاني نخاك
حظك تعثر بك وحظي ياولد قام وصعد = ر احن بيوتي دين وانته لاتصايح في خلاك