وين التفاعل من الموقف = وين القريحه من الشعار
الشعر لايكون متوقف = فيروس اثر على الاشعار

سلام ياللي جنيت التوت = ابغى اجني التوت من خدك
جمال يسحر سحر هاروت = لاتحرم الروح من مدك

ياليت العيد جي تينا = ابغى اهني على الاحباب
بالود للكل ودينا = للملتقى من حضر او غاب

مايهم ياللي مجافينا = قدرك ترى عندنا عالي
الرد ماعاد تعطينا = ليه الجفى منك ياغالي

حاكم على القلب بسطوله = الروح احتلها بالكل
الود لو كان ما نطوله = ليه التجني ياسيد الكل

الحال يصعب عليه الوصف = والقول ما يوفي اوصافه
لو تكتب اقلام ما تنصف = الشعر يحتار في قافه

تفداك روحي يابو متعب = والشعب تفديك بالارواح
برعايتك دوم مانتعب = والشعب مع قايده مرتاح

القلب لو بعذله عاصي = مايترك اللي سكن في الروح
لو كان جاه العنى ناصي = الود مهما جرى مايروح

بروح هذا الوطن نفديه = ونحمي حدوده من اوغاده
منهو قرب يمنا نعطيه = نيران بالحيل وقاده

الشوق بالحيل اجبرني = ادور الخل فوطانه
الود في الروح اتعبني = والقلب زادت لنا احزانه

معقول يعجز عليه الطب = ياهل الافادات دلوني
والناس قالو بلاك الحب = والحب اشكال وفنوني
مابي مرض بس بي القلب = كثر النظر شفر عيوني
ان جيت رايح اتوه الدرب = كني مع الناس مجنوني

يا بحر جيتك بسبع جيوش = واحلاف اطلس والنيتو
وبتصير كانك في دار حبوش = مرفوع دايم عليك فيتو

يامرحبا والوفى مفروش = بجيوش سبعه لنا جيتو
الشعر في اصلنا منقوش = ماهمنا لو تماديتو

اصطول ومرخي عليك الجوش = غير العنا منه ماقضيتو
واللي تصدى لنا مقشوش = واليوم معنا تبلويتو

الطرح في بحرنا مقروش = باحكام انتم تجنيتو
اخاف كبدك عليك تغوش = يصبح علاجك مع الهيتو

الطرح مايبي المربوش = فتوى بفتوى يوم افتيتو
شراعكم في البحر مطشوش = اللي اخدتو ولا اعطتو

بارودكم في الاصل مغشوش = صارخ ارضي تلقيتو
نكس علم وارفع الطربوش = البادي انتم تعديتو

اتروس جلت وسارت بوش = وونين وانتو ماونيتو
قوات عندي تدك عروش = تهدم في لحظه مابنيتو

اهدافكم للاسف في الطوش = لاهدافنا ماتصديتو
شيجك تربى على القرقوش = ينفعك لا من تفديتو

الروح من مبسمه ناحت=والعقل من نظرته اختـل
اشواق في داخلي صاحت=والجسم من بعدها اعتـل

من شوق ودي انا اسقيك = اعطف عليه ولو مره
ارحم بحالي ترى يكفيك = اسقيتني بالهجر مره

تعجب من النقص وتأيد = يا للاسف ضاع مقدارك
ان كنت في ديارهم سيد = يديك قصرت مع اشبارك

ما يصعب الود للاحباب = تسال عن الحال والاحوال
غاب الرجا قفلت الابواب = حتى الامل ضاع فالجوال

بالحيـل شوقـه تحداني =الروح تشرب عنى بالكاس
امشي مع الناس بحزانـي = تايه مع الفكر والهوجـاس

الكنقرس يعطي الانذار = والحلف من وضعهم محرج
مدري يصادق على الاقرار = ولايدورلهم مخرج

حضي رماني على دربه = صوبني بعيون نعسانـه
ياليتني دوم فـي قربـه= القلب تنـزاح احزانـه

قيس البحر فـي مسافاتـه = وعمق البحر قيس لي غزره
يـفـوق ودي محيطـاتـه = زايد عن المد مـع جـزره

حطوه عالم على الذره = ياللاسف صار متبنـج
ياهل ترى ينتهي ضره =ولا في صرعات متشنج

سباح بحر الغرام اعوم = جربت غزره وشعبانه
قلبي حكم وانتهى محكوم = اسير في يد سجانه

دواك ذايب في وسط بحور = سبب مرض لك نفساني
البحر مهما غزر له صور = يعريك لو كنت رباني

انا غرام الهـوى قستـه = غزير يا ناس فأ عماقـه
من كثر جوره ترى عفته= غير العنى زاد فشواقـه

لاجاك درب الوفى صونه = تبقى وفي بذكر نبـراس
لا تحط كبوات من دونه = تخسر معزتك بين الناس

القاف يفرض لنا جوده = لو كان بالجود تنسانـي
غزير بحري ترى سوده = الشعر في بحور وداني

الا وله جرحها ما طاب = والثا نيه جرحها ينزف
يا قلب اقنع من الاحباب = مادام لحن الاسئ يعزف

قول الزرا صـار يتأيـد = نعطي وفى والاسئ نجنيه
القلب لـو كـان متحيـد = مافاد ساس الوفى نبنيـه

الجرح لو جا كيف يطيب = من صاح نعتز فـي وده
كيف الاسئ يختلط بالطيب = لقيت الاهـات فـي رده

ياصاح نبغى لكم صوره = فالصرح تبقى لنا تذكار
نبغى في برواز محكوره = من زينها تسلب الافكار

البث يخرج من الابـراج = جات الرساله تدق اجراس
قافي سجنته وجا الافراج = لو كان من حولنا حراس

عزال متحريـه الفرصـه = يرضيك تشمت عللي صار
جرحي دريته ومن حرصه = يصبر على هجركم لو جار

قلت آه من علتي يانـاس = اجروح زاد الالـم فيهـا
مالقيت منهو يداوي الباس = يمسح جروحي ويبريهـا

البـال فـي راحتـه نعمـه = لو كان تكسب في يومك قوت
احذر من المال فـي نقمـه = اصله عدو والحذر لايفـوت

وداك فالتهلـكـه جــارك = والقول عنده عليه مهور
يضرب لك اللحن من طارك = خابرك فالملعبه مزيور
جاك الوفى يسقي ازهارك = جازيت ذاك الوفى بشرور
القاف يكشف عن افكارك = القول معروف له دستور
مما جرى جفت انهارك = واصبحت مثل الخشب منشور
بارود فاسد من عيارك = واشوف ناصر لحق منصور

لابـد ماجيـك فـديـارك = انا البحر واعرف المصرور
القاف يكشف عن اسـرارك = غدر البحر تعرفه ياسـرور

من بعد ماكان لـه شنـه = اصبح سوات الذي محجور
البحر جاراه فـي السنـه = وش حالته لو لقاه الصور

لو تمسك الماء تعال اعطيك = واحكم عليه حكـم قاضـي
غير العنى والشقى يعضيك = وتخرج من المساله فاضي

العدل يرضي جميع الناس = والوزن يقنعـك ميزانـه
الحق عدله وضعله ساس = والظلـم تنهـد سيسانـه