ورقان لعل ماباسي حيرني القاف في مبناه = الشعر من طيب الانفاس واتعبني الوزن يالغالي
عساك سالم ومتعافي تسلم لنا ياعزيز الجاه = ابغاك طيب على العادة ولاتشتكي بعض الاحوالي
والشعر له ناس روادة والزين كل العرب تقراه = ولي معرفة فيه وازيادة والطيب دايم على بالي
والناس كل(ن) له احساسي وكل(ن) يغني على ليلاه = والصقر مثل الحجر قاسي ماحركه كل من قالي
في ملتقانا من الناس مدير واللي معه يبراه = من شافهم قيس اقياسي ان التوالي لها والي

المشاركة الأصلية كتبت بواسطة حسين مريع العبيدي (المشاركة 466729) ياناس وين الصييفي مايجي بعد انتهى الاختبار = كم لي عن الشاعر اللي لابدع قافه يسر الضمير ناخذونعطي معه راع المعاني والعلوم الكبار= ياليت راع العلوم الغانمة في الناس مثله كثير

أنا قريِّبْ و شايفْ يالعبيدي ما تطوَّرْ و صار= و لا عاد عندي ما اضيفه زودْ لوني بالقوافي خبير
يا زِينْ جوّ النِّقاش ان جا با اداب و حبّ معَ اختصار= و ما طال به يُفْقِد التركيز و المعنى و لا فيه خير
يا حسين لا تنزِعِجْ كلِّه هواين ما هنا شيّ ضار= حدّدت رايك بموضوعك و بعض الناس له راي غير
و ترا اختلاف النِّظر صِحِّي و لا يزعِل بأيةْ مسار= و دام المقاصد نبيله بالمناقش ما هنا شيّ يضير
و المسأله كلها فلّة حجاج و قطع وقت و "هُزار"=لا تقلبوها جَدَلْ يو صل بكم حتى لسحب السفير

من مشى صح قدامه طريق السلامة = والسلامة غنيمة لا كتسبها ا لمسافر
سالم من العضول وسالم من الندامة = فى حياته سرور وعند ه الخير وافر

فرّقت الايام ما بين المحبيني= يا الله تجمع شمل كلّ(ن) بمن يغلي
أنا اشهد ان الفراق منغِّص و شيني= خصّ(ن) الى صار قلب الصَّبّ ما يسلي

ليه رجا وارتجي والمرتجي مايخيب = ان كان رجواه خير ومن عزيز قدير
دنيا تروح وتجي والامر حظ ونصيب = بين الحلا والمرارة دايما تستدير

يردف ويهدف ويمشي مير مهنا مطير=وطيور ماهي طيور دون جنحانها
انشهد ان العرب من بعضها تستخير=افضل من متابع مجنن مع جنانها

هانت عليه ليا حكمت فيها الضمير = حاولتها لين انا قررت ميزانها
اكرم جناحي واحسبه للنهار الكبير = هو نجدتي لاابتلت نفسي بعدوانها

هام العرب والعرب تفهم لعوجانها=والخط وسط الصحاري ماهو مثل السريع
لكن هذي مشاكل عوجت السانها=حاول تفهم وحاول قدر ماتستطيع

يعنى بي الله ويعنابك من الحاسدين = وحنا علينا نميز في الخطا والصواب
واطلب من الله يجعلنا من الفايزين = الكل فايز ولايشكي حساب وعقاب

أبتدخّل ما بين اثنين دام السّجال= حامي و ا بكتب بيوتي دام هي والمه
الحمد للــــــــه ردّينا و زان المجال= و الملتقى اليوم سالم و العرب سالمه

ياقبايل حرب مزبنت الجلاوي =يالرجال اللي تشجعنـا بأدبهـا
لو بغيت اعدهم مانـي بقـاوي=خايفٍ لايكون غلطه وارتكبهـا
الكلام الزين بالساحـه هـداوي=والضعيفه هينـه للـي كسبهـا
والجزيله حذرتن تبغـا مـلاوي=والعوارف ماتجيب الا صعبهـا
من يخاو الذيب يلقا له مخاوي=في ظهور اللي مطوات{ن}اقربها
لو طريق الهون والكود متساوي=مالقيت الغاليـه تسـوا تعبهـا

ابا اتعلم عسى التعليم ينفع كبار=وبجتهد في دروس العلم يابوالشباب
يمكن نحصل على تقدير رد اعتبار=والحق يظهر من اللي يعرفون الصواب

مهما حدث بيننا حنا هنا في مكان=يجمع من الناس شرواكم وشروا القروم
وهذا الزمن فيه لتصويت والهيلمان=والحق مايخلفه تكفى ويفلان قوم

مرحبا واهلين يالصقر العذاوي = مرحبا بالطيبة واللي جلبها
والله اني للكلام الزين هاوي = اتبع الزينة واكثر في طلبها
وان بدت غلطة ترى ماني شفاوي = اسمح الغلطة ولا اطول شعبها
للرفيق احساب وانا له رجاوي = والله انا مانحطه في نشبها
وانظروا قولي بعد شفت الفتاوي = قلت طفوها ولا يكثر حطبها
وانت يالبيطار والله ماانت غاوي= اعجبتني حكمة غازي كتبها

انت معلم ولاتبغى من الناس شار = قاري وفاهم كل ما في الكتاب
من قبلنا قال راع المعرفة والقرار = انك معزز مكرم ياعزيز الجناب

ولايجي بيننا غير الوفا من زمان= من قبل ذا اليوم حنا في سمانانجوم
والكل يدلي برايه والمعاني سمان = ولاحد صري من خطا الا نبي معصوم

اللي دخل بيننا رجل حميد الخصال = لاجله من اهل المحل في اول القائمة ابا انهي المسأ لة من بعد كثر الجدال = اللي نقدني عزيز ولحيته غانمة

اللي دخل بيننا رجل حميد الخصال = لاجله من اهل المحل و في اول القائمة
ابا انهي المسأ لة من بعد كثر الجدال = اللي نقدني عزيز ولحيته غانمة

و النعم "عملاق" كان بشعر و الا مقال=الكلمه اللي يقوله ما تجي عايمه
و ما دام كل الامور تسير عال(ن) بعال= مقول الا عساها نعمة(ن) دايمه

قلتم وقلنا وكلٍ بان تقييمه=من لايعرف الحرار الشقر يشويها
والسالفه ماتجي ركعه وتسليمه=توخذ مقاديمها ويكب تاليها
ياراعي العقل والتمييز والشيمه= ارفع مقامك عن الهزله وراعيها
ترا الهزيله تسخف وازع الشيمه=وطرد التوافه تبذ اللي يناحيها
واللي يروم العوالي يا الله اتديمه= قريحته لابدا فيها نجاريها
وكلٍ يجي شرح فكره حسب تعليمه=والناس ماكل مايرضيك يرضيها
لوكل من سل سيفه واعتلا ريمه= جاب الابكار الغوالي من مفا ليها
محداٍ بناء بالعلا بيتٍٍ ولاخيمه=وماحاضره تفتخر بفعال ماضيها

الأخ الشاعر القدير غازي الزغيبي

من سماك العملاق ماغلط

بيض الله وجهك وصح لسانك

وبيض الله وجيه جميع الأخوان وعلى راسهم الشاعر حسين مريع العبيدي والشاعر الصييفي

وجميع من شارك هنا

والله يعطيكم العافيه

وفي نظري يكتفى الى هذا الحد من المساجلات والردود

وارجوا ان يبدا احد الشعار في بيت جديد ويغلق هذا الموضوع

وتقبلوا اجمل التحايا

ودمتم بخير

المشاركة الأصلية كتبت بواسطة غازي الزغيبي (المشاركة 473330) اعزائى رواد هذا المنتدو ايليكم هذي المتواضعه قلتم وقلنا وكلٍ بان تقييمه=من لايعرف الحرار الشقر يشويها والسالفه ماتجي ركعه وتسليمه=توخذ مقاديمها ويكب تاليها ياراعي العقل والتمييز والشيمه= ارفع مقامك عن الهزله وراعيها ترا الهزيله تسخف وازع الشيمه=وطرد التوافه تبذ اللي يناحيها واللي يروم العوالي يا الله تديمه= قريحته لابدا فيها نجاريها وكلٍ يجي شرح فكره حسب تعليمه=والناس ماكل مايرضيك يرضيها لوكل من سل سيفه واعتلا ريمه= جاب البكارالغوالي من مفا ليها محداٍ بنى بالعلا بيتٍ ولاخيمه= وما حاضره تفتخر بفعال ماضيها العملاق

ياشاعر(ن) شاقني شعره وتنظيمه = قصايده دايما جزلة معانيها
يهدي نصايح لها المقدار والقيمة = يازينها يوم جتنا في حراويها
من يحسن الشعر من يعرف مفاهيمه= قال الزغيبي تفنن في قوافيها
وانا بجاريه في شرحه وتقويمه = وليا كتبها تراني كنت قاريها
ياابن الزغيبي ترى مافيه تجريمة = وانت قريت السوالف وانتقاضيها
هب النسيم العليل وراحت الغيمة = وعادت مياه العدود الى مجاريها
ولامر تعليم والدقة بتعليمة = والناس من طيبها تدرى مزاريها

مهما تغنيتوا بفصل الصيف= ترا الشتاء أحلى مية مرّه
فيه المطر و يزين فيه الكيف= و الصيف الى جا بذّنا حرِّه

رهن الطلب يالصييفي قيض واللا شتا ء = قود المعاني وانا بالعب واغني معك
ما نشتكي من ظروف الدهر حر وضما ء = ياصاحبي هات ماعندك وانا باسمعك

هاجت شجونٍ جزيل الهرج ترضابه=وهروج تطرب لها وهروج مرفوضه
ولافيكم اللي تعمد يزعل اصحابه= وانتم عوارف وكلٍ يرفض الفوضه