|
السلام عليكم
حداية هليل بن محمد الكعبي الهذلي لــ فواز بن محسن الزويهري
الأوله سلام تسليم الوفا مبدا الأصولي=ياصلكم ياهل العند وأهل الوفا وأهل الكمولي بعد إذنكم بعد إذنكم من بعد ماسقت الذلولي=ينقل خبر على شداده والخبر كل (ن) يشوفه والثانية جاك أتصالي مير ماشفنا قبولي=يالله عسا كل الموانع خير والدنيا تهولي وأصحابنا كم واحد(ن) عينت له ما عينولي=وما ردني عنكم ****د الوقت من قسوة ظروفه والثالثة هات الذي في خاطرك من بعد قولي =واحنا بعد قولك نشوف العلم ونميز العقولي والأوله والثانية والثالثة نبغى الحلولي=جاك الخبر ياصاحبي وأخذ الخبر كامل وصوفه الرد من فواز الزويهري
يامرحبا في مرحبا ترحيبة (ن) سد السبولي=من قلب صافي مايشيل البغض ولصاحب عمولي جات الرسايل والجمل عودلكم فوقه حمولي=برك جملكم وانزل الأثقال وادهنله كتوفه جاك الكتاب اللي موسم باسمكم من قبل حولي=قصرت خطاكم ياوسيع العرف والعادة تطولي واحنا ترانا ما نجازي من نوده بالعذولي=وأنته تعرف البيت والمجلس هل الطاله ضيوفه واحنا خواطرنا كما مزن السحاب اللي هلولي=تشرب قراح الما وبعض الشك يالصاحب يزولي هذا جوابي في كلامك جاك به نفس الرسولي=وراع الوفا نوفيله الكيال ونجمل حروفه |
السلام عليكم ورحمة الله وبركاته
أسعد الله أوقاتكم بكل خير الغالي والقدير الشاعر إبراهيم الردادي ( بيان الصمت )
حمَلت بيت القصيد اليوم من فكري=البيت كنه جمل وحموله المعنى [/quote]نصيتبه شاعر (ن) وسط السما بدري=والكل شاف البدر والكل به يهنا سلام مثل الذهب ياعالي القدري=وأحلا من الشهد صافي عالي المجنا واليوم حرف المثل مرسول لك حصري=نبغى الإفادات تكتب حسب ما جبنا أشكي عليك الذي شفته حفر قبري=من يوم حث الخطا وحنا ولا كنا حاولت أعدل طريق العمر من بدري=لكن سمه تمكن من جوارحنا رحلت عنه ..ربطت القلب لا يسري=لعل طول الليالي تزيل ما شفنا لكن بعده يزيد الجرح في صدري=ولا أظن في يوم ربي فيه يجمعنا مثل السجل أنطوى وأنقص مدى عمري=بعد الصفا بيننا ..يايروح ..يارحنا وأنا الذي بانين في ساحته قصري=وأملت روحي ..خسارة بالأمل ضعنا خلا جروحي في جوف القلب ما تبري=خلاص ..ما عاد كل الطب يقنعنا ياطير ود الرسايل طلعة الفجري=سلم على صاحبي وأبلغ معزتنا العذر أخي فواز على التأخير ومثلك يعذر وأشكر كل من مر على هذه الصفحة وعطرها بجميل حرفه وإليك يا أبو محسن
أبياتكم هيضت مثل السحب شعري=نختار منها جزيل الحرف والمبنى يا مرحبا بقاري الإنسان والعصري=تعداد ما حروفها تعانق مسامعنا واظهر هداها علوم الكوفي والبصري=تجلا سواد الغرر عن حال واقعنا من نورها نستبين لكل ما يطري=نحسب حساب الخُطى وناخذ مواقفنا والنجم فيه الدّلالة بالذي يجري=نمشي على ضوّها من حكم خالقنا مأجور يا صاحبي فالعسر واليسري=في موقفك والذي حرّك مواجعنا ومفارِقك يا رفيق العمر ما تدري=كيف اللقا ينكتب من شيِّ قدمنا له الأثر ما حيينا بالأمل يغري=مما مضى ينجلي حاضر يطالعنا أحسن لظنَّك بربّاً مالك الأمري=الدايم وكل شي من حكمته يفنى وازرع فيومك أمل من طيِّب الذكري=تلقاه حسب الذي نصّت مراجعنا اليوم باعوام لك يا طالب الأجري=عمق التدبّر عن الجهّال يرفعنا واحرص بخوف ورجا والفوز لك محري=واسأل ثبات الهدى ويحسن خواتمنا واتلى كلامي سلاام ازكى من العطري=وصلوا على الخاتم المختار سيدنا |
بدع الشاعر / خالد بن عبيد بن معتوق ألأحمدي
فــواز يـافـواز ياشـهـم منـعـاز=يانسـل قـوم ٍ يذكـر الطيـب فيهـم صادق ولك في ساحة الطيـب مركـاز=ونـاس ٍ تبيـع الطيـب ماتشتريـهـم نبغـاك تعطينـا مـن القـول ماجـاز=في ناس باعوا عشـرة اللـي يبيهـم زلـزال همّـه داخـل الصـدر هـزّاز=يشكي عـى اللـي بالقشـر مبتليهـم قلب انحرم من منـوة الـروح مافـاز=عافوه راحـوا خلـف منّـلا رضيهـم طيبـي لهـم قـدّر بتقديـر ممـتـاز=لـكـن ربــّك للـوفـا ماهديـهـم عنـد المصالـح والدنانيـر تنـحـاز=وجـور الليالـي والفقـر ماوطيـهـم نـاس احرقـوا حلمـي بتنـور خبّـاز=لـو للهوى قانـون كـان اشتكيـهـم وسمعت لي فتوى من الشيخ بـن بـاز=لو كان كبـرت حسرتـي ماارتجيهـم حسره على اللي من ورى سور واحجاز=شفـق ٍ علـى لامـاي حكمـه بديهـم لو ياصل المكتوب مـن يمّـه انجـاز=مخطـور يذبـح كـان قـدر يعصيهـم بينـي وبينـه بعـد صنعـا للاهـواز=ولو كان بحذف لـي حصـاة ٍ تجيهـم فــواز يـافـواز حــلاّل الالـغـاز=الناس تطلـب حـل لغـز ٍ خفيهـم وش مكسبه برويـز مـن ظلـم نـوّاز=مادامت ( ياصف ) صرت حاكم عليهم ؟ رد الشاعر القدير/ فواز الزويهري الحربي
حي الجواب اللي به عطـور قـزاز=وأهل الوفا حرف الصفا يكتسيهـم ياصقر ياصقـر المراقيـب يالبـاز=أنته أعدك مـن رجـال اصطفيهـم قريت خطك وأرسل اليـوم إيعـاز=حسب الذي مكتوب للـي اتعنيهـم خلك على نهجك وطبعك له إعـزاز=ولابد نهج الطيـب مـا يحتويهـم ترا السفينة بلجت البحـر تجتـاز=رغم اصطفاق الموج .. ما تزدريهم تعبر بحور ٍ مالها شامخ ٍ راز=وتراسى على المينا بمـا يهتنيهـم وياصاحبي خلك كمـا بـز بـزاز=والبز يصبح حب منهـو ضفيهـم سمعتلك فتوى من الشيـخ بجهـاز=وأهل الصلاحة سِعد مـن يقتديهـم وإن شفت مافيهم من الخير مخراز=تـرا الصقـور أوكارهـا تعتليهـم أبعد عن أهل البور لو رحت شيراز=أشـري هـوا بالـك ولا تعتريهـم والفضل للخـلاق والخلـق تعتـاز=وأهل الجفا الدنيـا تـرا تلتويهـم والناس فيها ألوان وأشكال وطراز=شي ٍ نوده وناس ما ننتخيهـم والظلم لقلـوب المخاليـق جـزاز=والظالميـن امصيرهـم يكتويهـم |
السلام عليكم ورحمة الله وبركاته أسعد الله أوقاتكم بكل خير قصيدة ألقيت في حفل خالي الشيخ معروف بن عبد الله الزويهري الحربي شيخ بني شماس من الزواهرة ليلة الخميس الماضي في قصر السلام الموافق 23-24 /1/1432هـ وحضر الحفل جمع غفير من الأعيان وشيوخ القبائل وإليكم مع التحية
زينت بنت القصيد اليوم من فكري=بنتٍ كعوبٍ تسر اللي يلاعبها بنت البيان الذي منزالها البحري=مقلده بالجزيلة حظ خاطبها غنت ترحب وفاحت شاذي العطري=وردٍ وزهرٍ وريحانٍ يداعبها ترحيب بحضوركم يهل الوفا حصري=على دلال الصفا كيف لشاربها الله يحيي هل التكميل والقدري=فحلال قومٍ يشوق الضيف واجبها أنعم ببو موفق البيت الذي يذري=شيخٍ ركابه على الصعبات دربها الشيخ معروف للعلة دوا يبري=كم علةٍ في قلوب الناس طببها باب يغلق لزوم الربع فالعسري=وفاليسر ديمة هل الخلفات ترقبها وأكرم ببو سامي النهر الذي يجري=رجل المواقف وكلمة حق يعربها محمد الشهم رايه يجبر الكسري=منصى المناعير ونار الجود يلهبها ونعم وأكرم ببو سلطان ذا البدري=شيخ الشيوخ الذي يعرف مراتبها راعي مشوره وقوله فالعرب يسري=سمو الرجال الذي بالعرف مكسبها منصى لربعه وراع الطيب له بشري=عدود عذب ترود الناس مشربها وأنعم ببو محمد اللي طيب الذكري=سعد الخوي والدلال اللي يزهبها أصقور من بعضها صقر ولد صقري=راع الردى يرتدي بكفخة مخالبها ترجيب باسم الجميع انخط في شعري=وباسم القبيلة نرحب في مراحبها حنا زويهر رجال العسر واليسري=زبن الدخيل وجموع الجيش نرعبها حنا زويهر ولضيفان نبتدري=عادات قوم جويده في مناسبها حنا الذرا من عزير بحورنا غزري=حنا زبيد الذي يخسر محاربها حنا احدانا هذيل وجدرهم جدري=أهل الكرم والوفا قوم نقاربها هذيل بن مدركة من سابق العصري=العز موروثها والمجد منقبها وكل القبايل لهم تاريخ له نطري =لولا حدود الورق بالحرف نكتبها واختم بذكر الذي به ينشرح صدري=محمد اللي قلوب الناس هذبها ................................. 1-أبو موفق : الشيخ معروف بن عبد الله الزويهري شيخ بني شماس من الزواهرة 2-أبو سلطان : الشيخ محمد صالح بن إبراهيم الزويهري شيخ بني ربيع من الزواهرة 3- أبو سامي : الأستاذ محمد بن علي الزويهري 4-أبو محمد : الأستاذ سعود بن علي الزويهري |
السلام عليكم ورحمة الله وبركاته أسعد الله مسائكم بكل خير وكما هي العادة في أغلب شعر الغزل الخيال والخروج من الواقع وها أنا أطلقت الفكر والخيال حتى أتت القريحة تتغني بهذه الراباعية وهذا الفن الذي تميز به أهل الحجاز وهو فن المجالسي وإليكم ياكرام هذه المجالسية التي أرجو أن تنال رض الكم واستحسانكم
يالله يللـي بالخلايـق رحيمـي=يالواحـد المعبـود رب كريمـي أشكي عليك الحال قلبي سقيمـي=من مهرة (ن) بالعصر مرت تسومي ما خذة في ساع الصفا ألا دقيقة=لكن شبت في ضميـري حريقـه لولا ضلوعي راح قلبي طريقـه=مجروح من عينه وزادت همومي قالوا علامك منقلب في طواريـك=قلت الهوى قالوا لك الله يشفيـك ياليت نلقالك طبيب(ن) يداويـك=قلت الشفا بالله رب(ن) رحومـي ياليت طير الجو يخفض جناحـه=يقبل على العاشق ويبري جراحه لكن ما فالعشق لو سـاع راحـه=ياطير ليت إني سواتك ورومـي يلي حمست القلب حذرى تحرقه=واحذر تدقه موتنـا حين دقـه ما هو لدلـه للقلـوب المرقـه=يازين رق القلب وقفـى بنومـي أسهر طوال الليل وذرف دموعي=والقلب من فعله تجدت ضلوعي ادعي على نفسي بسيل الربوعي=ياليت واني غاديتبـي سمومـي لولاك ياعيون رمتنـي بطريقـي=ما كان من شكواي جفيت ريقي واليوم أنا فالبحر منكم غريقـي=يا ليت إلي فالبحر فلك (ن) تعومـي ولكم خالص التقدير |
اقتباس:
هلا وغلا بالشاعر القدير صقر المراقيب وإليك الرد الذي أرجو أن ينال القبول والرضى
حي الحروف اللي جزيل (ن) صداها =من شاعر (ن) عشق القوافي سجاله ياخالد الدنيا غرور(ن) مناها=من يامن الدنيا تضيع مناله وناس (ن) رموث حبالها من رجاها =تشرب حثال البن وتمشي جهاله ترا الخوال بروق يوضي سناها =وكلن بفعل الخال تلقى فعاله ياصقر روحي بين داها ودواها =من بنت عذرا ضيعوها حثاله البنت تصرخ من ألم في عضاها =والأخ ينظرها ولاهي في باله تدري متى ترتاح من ما وطاها =لاصار فرض الفجر كلن عناله هذي فلسطين الجريحة نداها =للفارس اللي بأمر ربه اتكاله وشعوبنا من روسها جا عناها=ومحال راسك ترتجي في بداله وناس تجذ فروسها ماتراها =إلا فقبر(ن) فوق دوده هياله تبغى الصلاح وضيعت درب ماها =تبغى سهول الأمر وطلعت جباله ومحال تجني إصلاحها من غواها =وشعب يكب الشرع يلقى وباله والمملكة بالدين ربي وقاها =وملوكنا الإسلام رمحه ونباله كم ضلمة أجلو غشاوة عباها =وكم حبل للأمه سعو في وصاله ولو حكم السودان منهاج طه=الخير فالسودان عمم ضلاله |
قالوا علامك كنك اليوم ضايق=قلت الوله والشوق لهل الحرم فاض لا شفتهم يهل الهوا صرت رايق=وإن رحت عنهم بحر بالموج يغتاض ياوجد روحي ياسخيف الترايق=يابو ثمان كنها البرق لا ناض خليت قلبي من هواك فحرايق=حلفت صادق فيك يالزين مااعتاض لو خيروني في حسون الخلايق =في غير حسن السيد ياناس ما اهتاض أكتب بيوت الشعر والوصف لايق=على شبيه الريم مرتاع الأرياض التارف اللي لقلب فواز بايق=اللي تريضلي وللغير ما راض يالايامي خل الملامة ووايق =شوف اللهب في داخل القلب يشتاض من بعد صار الوصل دونه عوايق =بعد المسافة والقدر سيفه الماض شربت كاس الصبر وحالي فرايق=سبعين قطعه امفرقة بين الأنقاض وإن كان يهل الود فيكم شفايق=روفوا لقلب للخطر فالهوا خاض |
[QUOTE=فواز الزويهري;985588][font="comic sans ms"]يقول فواز بن محسن الزويهري
سلام رديه على اللي فاللوازم له وجود=اثبت من جبال السرات اللي مثل لهل الصمود رد سعد بن علي الزويهريتحيةِ يابن علي تصرف كما صرف النقود=انمدها لهل الوفا في شام ولا في يمن الخيمة اللي نصبوها ...نصبوها ابلا عامود=خيمة بلا عامود كيف تقوم والعالم شهود قالوا تذري ...والذرا لابد له بند وجهود=واللي مشى وسط الجهل لا يقول خصمي ولد من
يامرحبا عداد ما تمضي على العالم عقود=وأعداد ما تبقى جدود وعد ما تفنى جدود ودمتم سالمين [/fontالبيت ثابت ما نهدم والنار من قدح الزنود=مافي سؤال ابلا جواب ولا جواب ابلا ثمن الناس يافواز منهجها بميثاق وعهود=وإنقاموا أهل الكهف ويش يلقون من بعد الرقود محد يحط السود بيض ولا يحط البيض سود=الله مسلمكم منه فالمجتمع ولد الفتن |
السلام عليكم ورحمة الله وبركاته
" " " " " " قصيدة مجالسية أرجو أن تنال القبول والرضى " " "
الحروف اللي على ورد الهواجس=جات تشرب سلسبيلٍ بي باجس من خواطر كالمزون اللي تراجس=تروي الضميان بالمعنى الجزيل جات في بالي تماثيل وعبر=صغتها مثل الذهب لهل الفكر بلغت العاقل نصيحة في سطر =والكمال الحق لله الجليل ماعلا الدنيا سريع الإنقلابه=والمشيب أقبل بعد ولاّ شبابه ماعليها رجل يصفاله شرابه=كيف يصفا والدواير له تكيل والشريعه من مسكها بالصحيح=ماتهزه يالعوارف كل ريح من يخالف قلبه الخامل جريح=ذاك تاعس يبشر بمنزل في ويل كل رجلٍ يلقا ناس ٍ يمدحونه=وإن بحث يلقا مثلهم يقذفونه والكلام الزور مايجرح متونه=مايهمه مدح والذم الثقيل والكلام إن كان ماينتج فعايل=مثل نوٍ مابه ثعول ومسايل والفعول إن كان ماترقا لنايل=مثل من صلى بلا علم ودليل والحقيقة بينة مثل النهار =والذهب مايعدلونه بالحجار والرجال إلهم معادن واعتبار =فرق بين الرمل والعالي سهيل والمواقف تظهر رجال اللزوم=تظهر اللي لابس ثياب الرخوم والرخا ساوى الصقر بعيال بوم=مير وقت الجد كلٍ له مقيل الصقور اللي على ساير منير =ماتخالف درب فيه العلم خير بالسلوم الطيبة دايم تسير =وإن تناخت تنخي السيف الصقيل والمشوره طيبه بين الرجال=لا تشاور غير فاهم في مجال واستخير الخير فالخيره تنال=هدي خير الناس لاعنه تحيل كان ودك ترتقي فوق السحاب=العوالي بين طيات الكتاب ماهو في كنز الدراهم فالحساب=والقلم أقطع من السيف السليل والرفاقة عصبة الراس وحزام=ومن تخلى عن ربوعه في ملام ومن نقص فيهم قليل الإحترام=رجل ناقص ويش معه باقي حصيل وابن عمك لا تعدا واعتدا=ادمح الزله وقله لك فدا فزعته تشفيك وتغيض العدا =وبيت مبني بالمعزة ما يميل ولا تصاحب غير زينين الطبوع=الصحيب اللي مسيره في طلوع ما مشى درب النقاده والخضوع=من يصاحب ذيب مايمسي ذليل والصحيب الصادق اللي لا خطا=قدّم المعذار يمك به خطا والعفو عند الكرام أكبر عطا =تُغفر الزلات بالعذر الجميل ولاتصاحب رجل يتبع للنسا=في طريق الشين ولربه نسا ذاك كلبٍ لانهرته اختسا=كيف تامن واحدٍ قلبه عليل والحريم أنواع وفروع وفنون=فيهم الفارع وفيهم من في دون مثلهم مثل الرجال فكل لون=بنت بازي وبنت ثورٍ كالحسيل وأظفر ابنت الكرام الطيبين=تنجب اللي يصير بكره لك يمين ولاتقرب من بنات الخاملين=لو سحابٍ فوقهم له لا تخيل قالها فواز من نسل الحروب=الرجال اللي تغلق فالوجوب الزويهر في ذرا العزه ينوب=وفخري الاسلام ماعنه بديل والختام ان كان جا مني قصور=السموحه واطلب الرب الغفور يغفر الزلات في يوم النشور=يوم يذهل فيه خلٍ عن خليل والصلاه الكامله وازكى السلام=للنبي الهاشمي خير الانام عد سجع الطير وما ناح الحمام=جعلنا وياه فالضل الضليل |
السلام عليكم " " " " " " " " " " " " " " "
ياحروف الشعر ويش باقي نقول=ويش هي قيمت كل حرفن نكتبه الكلام إن كان ما ينتج فعول =جم بحر إن كان تقدر تشربه شامنا ينزف وميْمنَا يجول =وشرقنا حنا كرة في ملعبه وغربنا لا زال يبحث في حلول=لا وضع فالجرح مرهم يلهبه وبعضنا يلعب على عزف وطبول =وبعضنا للبعض حقه يغصبه وبعضنا يشتم في ربه والرسول=ليت أمره في يديني واصلبه والحكي في حالنا والله يطول =فوقنا كل الأمم متكلبه وإن بغينا هذي الغمة تزول =وكل طاغي لا نوانا نغلبه انصحح المنهج على عز وقبول =منهج التوحيد فينا نجلبه انحكم القرآن وبالسنه ندول=والفضيلة بيننا متقلبه ولا تكلم بيننا واحد جهول =مانتفرج بالأدلة انكذبه ونوقر أهل الفضل وأرباب العقول=والأمم بعلومها متولبه عندها إسلامنا لعزه ينول =والحضيض اللي سعا في مطلبه |
[color="
السلام عليكم . . . . . . . قال من هو بادع القاف بمهاره * * * * ** ** * * * * مايشيبه قاف ولا يخطي نباه سر يامندوب في زين الغماره * * * * ** ** * * * * وارد التسعه كما ذيب الفلاه يوم ولد اللاش مشعلها سقاره * * * * ** ** * * * *نشعل البارود ونضوي سناه أوصل اللي له علوم فالصداره * * * * ** ** * * * *نسل منعور الجميلة من قناه بن غازي كاسب الطاله بوقاره * * * * ** ** * * * *فوق نجم سهيل منزاله تراه يوم بعض الناس معموس بغباره * * * * ** ** * * * *مانزلنا وسط قاعه ولانباه ننزل الغب الذي وسطه محاره * * * * ** ** * * * *نقني اللولو ولا نقني سواه كل دلو ينضح بما في قراره * * * * ** ** * * * *وكل دلو يحمله عقدة رشاه ما كسبنا ولا نحسبها خساره * * * * ** ** * * * *فرقت المجدورخير(ن)من لقاه يارفيقي اسمع العلم بعباره * * * * ** ** * * * * صدقها مثل القمر فاحلا ضياه لي عميل نازل بسوق التجاره * * * * ** ** * * * *لا فقير ولا نعده بالغناه كنت أظنه للمكارم في مناره * * * * ** ** * * * *مير حال الوقت وابليسه عماه راح يتبع للحريَب وسط غاره * * * * ** ** * * * *غرته بيض المحاجر وارداه إن تكلم وأخبر الناس بعواره * * * * ** ** * * * *وإنها فشله وتدنيس لحاه وإن سكت مثل السقطري فالمراره * * * * ** ** * * * *والسقطري ما عرف رجل دواه لا نصحته أنكر العلم اغتراره * * * * ** ** * * * *علم ثابت فالصحاف اقرا طناه مير مات وموتته هدت جداره * * * * ** ** * * * *موتت الضميان في جنب الرواه يابن غازي الوفا نعرف عماره * * * * ** ** * * * *ونعرف اللي تلعب بوسط العباه . [/color] |
حداية الشاعر فواز بن محسن الزويهري في اللقاء الشهري لملتقى قبيلة حرب* من هاجس جاته معاني حرفه الوفي *تناخا سلام مثل الشهد يوم النحل بالحالي تساخا يابيت مبني فوق سيسان المعزه ماتراخا جينا نوفي كل عمله بالجنيه وبالريال والثانية فالبارق اللي لاح من دون الحما قالت لنا الأرصاد ذاق البرق مابه قطر ما لكن خير الله قريب وعودنا مابه ضما ينشي سحاب الخير والأرصاد صاحبها يقال الرد من سلمان القريقري ( حرب ) ونفاع السهلي ( أبو فرح )* يامرحبا وانا احمد اللي بيننا قرب وآخا فالليلة اللي طيبة والطيب من طيب المناخا حنا سوا فالحد والمبدا ولا فيه انسلاخا واللي يمد الوافيه يبشربها عند الرجال* والثانية يامرتجي *برق المخايل فالسما لنو رب مايغيب فالرجاوي مسلما ولاكل رماي يصيب العلم لامنه رما كم قيل فالأرصاد شرق الخير والماطر شمال |
/
/ / / / / / / / / / / / / / / / /
بنّشدك يافواز جاوب بتوكيد=ولنّك رياضي بنّشدك ياالسّنافي لو برشلونه قابل اريال مدريد=فغياب مسّي لاحقه طرد شافي والطّرد باوّل شوط من ظرب تعميد=ماينّفع المطرود فيه الحسافي واغوارديولا عاش في جو تنكيد=في وضع مايحسد تضايق وعافي لو هو يدافع صاب مرماه تهديد=ولو هو يهاجم ردّة الخصم تافي دامه دماريا مع الخصم بيفيد=وسامي خضيرا عنه ماهو بخافي لابده المذكور في ذعره ايزيد=يبغى يطول اللعب لاوقت اضافي عسى وليت فاد فاللعب تخميد=وضربات ترجيحه تعدّي عوافي لاكن ميرنهو معه زاد تعنيد=زاين نصيبه فالسنين العجافي يزعق على كاكا وهو عنّه ابعيد=اضغط على كيتا بفنّ احترافي والعب لبنزيما نبي يحصل العيد=حتى نفوز اليوم فوز ٍ خرافي ويلدّ للجمهور له نظرة اسعيد=وجمهور خصمه مبتلي برتجافي مشّهد توقعته لكم فيه تعقيد=محتاج تحليلك وحكيك طرافي وانا عرفتك رجل صادق وصنديد=وامحايد ٍ فالحقّ رجّال وافي الشاعر / خالد بن عبيد بن معتوق ألأحمدي السلام عليكم ورحمة الله وبركاته http://www.m-harb.net/vb/showthread....06#post1168106ردي على قصيدة الشاعر القدير صقر المراقيب البدع على هذا الرابط
جاني جوابك والمعاني كما الصيد=ملبسة ثوب ن جديد ن وضافي صورت واقعنا ومهت تمهيد=وماباقي ألا تحط صورة غلافي وأعطيك من فهمي إشارات ما زيد=والحر يفهم بالإشارة وكافي ولوغاب مسي غاب في لعبهم سيد=لكن تبقا اجبال فيهم تشافي وأنا أقترح لغوار يلعب بتجديد=ويحط في برغاس للنص دافي ويحط فاوراقه ألكسس به ايعيد=حرارة اللعبة إذا اللعب طافي ولابد ما يعزز دفاعه بتجويد=من أجل بنزيما على الخصم جافي ويرتد بالهجمه على ريال ويهيد=ويرجع يدافع والحذر فالقوافي ولا تعتقد مـيــرنــه ماوده يبيد=اغوار ديولا بالهجوم المكافي وريال فالموسم علا قمة الحيد=يلعب كما لعب السيوف الرهافي ينسل فوق الخصم للحارس يكيد=كم حارس (ن) خلاه يمشي خلافي والفاصل الميدان ياخالد عبيد=يمكن يكون الواقع إلنا ينافي أنظر بعينك واسمع لكل تغريد=ولا تصدق اللي بين شايف وغافي كل ن له ميوله وله فكر ويريد=يكون قسمه فوق ورقان نافي وختامها صلي على سيد البيد=المصطفى المختار فختام قافي |
/
/ / / / / / / / / / / / / / /
الخط في معناه مااحتار قاري=يعرف مضامين الطلب من خلاله وانا كتبت الخط حسب اختياري=واقول يافواز فوح الرساله اياك نعني واستمع لي ياجاري=هذا مثل صاحبك طبّق مقاله لوكان لك بالحي مكتب عقاري=ومن سمعته بالطيب كلاً عناله لجل التجاره فيه ناس ٍ حراري=والارض لوغليّت تباع بسهاله وصدفه عمتّك فيه بايع وشاري=يمديك تاخذ من صحيبك دلاله ولاّ تقول بصوت عيب وحذاري=مثلك عزيز ولا طمعنا بماله شرواك مثل اللي لالفاني بداري=يامر على روحي وقلّه حلاله ولي مارباً بالعلم من زود ناري=وانشدك يافواز لجل العداله ومبغاك يافواز ليّه تمواري=الرجل يعرف بين جدّه وخاله وانا اعرفه معدنك ماهو تجاري=اصيل ماتترك علوم الاصاله لاكن بغيتك بالمعاني تثاري=وياما حلا هرج الرجل في مجاله الشاعر / خالد بن عبيد بن معتوق ألأحمدي السلام عليكم " " " " "" " " " " ردي على الشاعر القدير صقر المراقيب البدع على هذا الرابط http://www.m-harb.net/vb/showthread.php?t=113261
حي الجواب اللي بحرف انتحاري=قاله عميد الشعر ولغم سؤاله عندي لك مخطط وخمسه حواري=في كل حاره برج ومكتب عماله لجلي من أهل الشان وأهل الثواري=والسوق ما يبغى قليل الشكاله وإن كنت قاصد يمنا لك طواري=أركب على موتر جديدن وكاله وفوقك من بشوت الحسا كالخداري=وشماغك البسام نكس عقاله وأنا صريح ولا لمثلك بداري=عارفك رجالن يبهر دلاله ماتقبل البخسه ولا لك مساري=في درب يعوي ذيبه اللي فجباله حضر لنا شيكك على حساب جاري=وكلن على جهده يحقق مناله ناسن عطيناهم فوسط الصحاري=ونساس ن فوسط الغزه إلهم نزاله يابن عبيد الوقت هذا حضاري=ناسه تعرف الطيب وتدرس خصاله واللي يدس الحق مفضوح عاري=وليا ورد للعد تقصر حباله والفلك ماتجري بليَا سواري=والعيد يعرف يالشقردي بهلاله |
/
/ / / / / / / / / / / / /
لولا الحسد والكبر يابن الرجاجيل=ماكان شفنا بالمخاليق عصيان وان كان تطلب برهنه بالتحاليل=لابدنا نعطيك للعلم برهان خذ في جدال ابليس للكبر تمثيل=يوم الولي يامره يسجد للانسان واب الحكم صابه عن الرشد تحويل=كفره سبب كبره موصّله نيران واقرا فقصّة حامل الوزر قابيل=وتقول فهل الحسد بصران عميان وقابيل وش حدّه على قتل هابيل=غير الحسد زاده وساويس شيطان عطيتك الموجز كفاك التفاصيل=ومثلك ذهين ايعامل الناس بحسان الشاعر / خالد بن عبيد بن معتوق ألأحمدي السلا عليكم ورحمة الله وبركاته ردي على قصيدة الشاعر القدير صقر المراقيب " " " الدع على هذا الرابط http://www.m-harb.net/vb/showthread.php?t=110524 " " " الرد وأرجو أن ينال القبول والرضى
حي الجواب اللي كما مشرب النيل=قاله عريب الجد خالد بالألحان ونزيد ياخالد على بنك الهيل =ونصبها قهوة من دلال رسلان داء الحسد أفنا ملوك (ن) حلاحيل=وسيله جروف يهد بيت (ن) بسيسان ونجم الجدي لو يحسد الراقي سهيل= نزلوا من الأبراج واقفوا بخسران ويكفي وصية خير من يركب الخيل = عن الحسد ينهى ..وانتعايش أخوان ونقطه أخيره لجل للقول تعليل=نوع(ن) من الأحساد محمود الأركان غبطة هل الإحسان فالفعل والقيل=وحسد الصحيب الصاحب فحفظ قرآن هذا كلام الصدق من شاعر الجيل=صلي على المختار ياصقر شيهان |
/
/ الحقيقه وانا التصفح في النّت بعيدا عن الشعر قرأت كلام ماسرني وحبيت اترجمه في ابيات كتبتها على الفور ووجهتا للغالي والحكيم ابو محسن واتمنى ان تنال إعجاب الجميع
قايدك لعطاك راتبكم دبل=اشكر المعروف وادعيله بخير هرج يافوّاز نحكي به عدل=ودّنا يوحيه معدوم الضمير ناكر المعروف سمّيه النذل=شاين النيّات ماوجهه سفير هو دني النفس في ذلّه قبل=يكرموه الناس لاكنّه حقير لو تشوف الخير عنّده كالجبل=يشتكي لك يدعي بنّه فقير ماهو برجّال من عدّه رجل=اردع العاصين يالوجه المنير تركك الجاهل على جهله جهل=والسكوت اوقات ياصاحب خطير صاحبي فوّاز مااحكي لك هزل=اعرفك رجّال في وقتك بصير مشتري راحتك مااتحب الجدل=هذي اصفاتك ومن جرّب خبير والصراحه حقّ مافيها خجل=والصفى والطيب نهجك يالامير وراتبك لابد ياتيكم دبل=دام ابو متعب على الدنيا بخير الشاعر / خالد بن عبيد بن معتوق ألأحمدي السلام عليكم ورحمة الله وبركاته ردي على الشاعر القدير أخي خالد بن عبيد الأحمدي (صقر المراقيب) البدع في هذا الرابط http://www.m-harb.net/vb/showthread.php?t=108013 " " " " "
حرف جاني مثل مجلوب العسل =صافي المجنا من الضلع الشهير رزق ربي يوم جانا نستهل =ربي الرزَاق ولا يقبل خشير سخر القايد على منهج عمل =لجل ذلك وردنا جاله عبير نتَبع نهجه على نور وأمل =ياعميل الخير من خالف ضرير ذاك حاقد يبحث يدور خلل=سوء ظنه كبكبه وسط السعير لاتكلم ينكشف قوله عجل=أنكر الأصوات معلوم الحمير يكرم السامع وتكرم يالبطل =من وصفوف الخاين اللي له نشير ولا يضرك من يدقون الطبل =خارج الأسوار فالشرق الحسير عندهم أذناب صايبها شلل=والذنب بين البشر ماله مسير جعل أبو متعب لنا تاج وسهل =والد المسكين والقلب الكبير |
السلام عليكم ورحمة الله وبركاته
" " " " " " " "
ياللي عليك القلب والف وملهوف=أشكي على الله بعد منك اتساعه خليتي في لحاف الأحزان ملفوف=ووسادتي همي ووقتي مراعه ليتك تجي واتشوف الأحوال وترةف=وتشوف قلبن ودك اليوم ذاعه لكن حالت بيننا أقدار وصروف=ترقب لذكري وذكرك أرقب سماعه يالله ياللي لبيتك انحج ونطوف=أروي ضما قلبن عظيم انصداعه أرويه من عد به الدر مصفوف=مثل العسل طعمه ضعيف اندفاعه ياوجد روحي ليت فالعمر مخلوف=ومن يشتري عمرن على الدهر باعه ما فات فات ولا على الفايت حسوف=وليا عصاني الوقت جيته بطاعه أربع سنين القلب بالشوق محفوف=حتى غدا عند الحبيب وداعه من دون قلب أمشي مع الناس مخفوف=أنظر يمن وأقول يالله شفاعه بالله يهل البيت لي خل موصوف=موصوف باهل الزين وأهل الرفاعه ودي فوصفه مير ماتوفي حروف=ولو كنت ناظم حرف شعري براعه كامل ومثله بين الاقران معروف=بعده عن الزينات عندي قناعه قولوا له اللي في حجا المهد مكتوف=باقي على العهد القديم وطباعه ولو كان غيم الصيف فالجو مردوف=أحذر تخيل اللي سريع انقشاعه كربه تعدي والليالي لها اصدوف=واليسر بعد العسر تلقى انتفاعه هذا كلام الصدق بالحق مصروف=من قلب عاشق في زمان اللكاعه |
/
/ /
سلام له بالطيب مرباط والحام=ياصل لابن مكّه من ابن المدينه بعده نناقش ماتناقل بالاعلام=حنّا سمعنا علم ومكذّبينه ناخذ ونعطي والدلايل به الزام=حتى نميّز كذبته من يقينه علم ٍ يقول القاعده بعد عزّام=تبكي على قبطان قاد السفينه والناس فسطاطين في صدق واوهام=اما نجا ولاّ وقع في كمينه أو كان ميّت من مرض زاد باسقام=ثم استغل الغرب ذلك فحينه وياصاحبي وش قلت في رعب الاخصام=لو نفترض بان العدا قاتلينه لاشك قتله فيه ضربه للاسلام=ومهما نكابر ياصحيبي مهينه عليه متوجد ولاني بملاّم=لوكنت بعض احيان ضده وادينه لكن قولي فيه شغموم ضرغام=اللي بوجه اعداه رافع يمينه هذا سميّ الليث لعداه لطّام=من هيبته في حلمهم شايفينه منسب يماني له خواله من الشام=ومربى حجازي علمه شرع دينه على كذا مكتوب يحصل بالايام=والقرص ماينهج بليا عجينه وعجّل لنا بالرد يانسل الاكرام=تحليلكم ياهل الفهم محترينه وان راح بن لادن كما راح صدّام=فرحه لابن صهيون بعد الغبينه الشاعر / خالد بن عبيد بن معتوق ألأحمدي السلام عليكم ورحمة الله وبركاته ردي على الشاعر القدير صقر المراقيب " بدع الشاعر خالد بن عبيد الأحمدي(صقر المراقيب ) على هذا الرابط http://www.m-harb.net/vb/showthread.php?t=94624 " " " " " " " " " " " "
ترحيب من بحر به الموج فخصام =في غبته تلقى الجواهر ثمينه جانا كلامك واسمع القول باحكام=حنا درسنا الوضع ومحللينه العلم عاتق ما نعده بالأعوام =ولاهي على مقتل أسدنا فعرينه بوش الإبن من منبره قال بزيام =باسم الصليب الحرب ولجله طنينه هذي حقيقة ما تغطى بالأعسام =كلن على دينه تمسك بدينه لكنها فيامنا بثوب وزمام =الغرب شاطر والمشاعر رهينه البنت نفس البنت من نسل الإجرام =لو غيروا بعض الأسامي مبينه حنا ركنا للأماني والأحلام =حتى عدو الدين نعجن طحينه واللي رحل مرقوم من ظمن الأرقام=من فعلنا الإسلام نسمع ونينه تدري متى نسحب هل الغي بخطام =لاصار منا القلب لله حنينه لاصار نركب فوق ضمر لها لجام =وحسام يلمع والعدو كاسرينه ماهو كمانا اليوم نشجب بالأقلام=واللي تعنتر بالحجر لا يمينه |
السلام عليكم ورحمة الله وبركاته
شاعرنا القدير سعد المحمدي أحببت أن أتواصل مع شخصكم الكريم بهذه القصيدة التى أرجو أن تنال القبول والرضى منك ومن جميع الأخوة المشاهدين
سلام الله على اللي له مكان وقدر لو ينسام=جبال ن من ذهب ما توفي لو عشر ن في مقداره على صقرن عريب الساس نسل امحمد ابن كرام=سعد .. سِعد الخوي والجار شيخ ن موضيه ناره أنا ببعثلك المرسول فيه الخط روس أقلام=أبا الحكمة سوات الصبح ومثلك يطرح الشاره بعد هِد الجبل كيف العرب ترقا مع الأيام=يجيها السيل من غادي يشيل الجار مع جاره تعاف الناس واقعها وتتحكم بها الأقزام=وقايع حلوها الحنظل عليل الوقت بامراره أنا ما همنيِ أشخاص أنا همي حما الإسلام =أشوف أخوان تتقاتل وكل ن يبرز إشعاره بعد كنا جسد واحد تحولنا قطع وأقسام=ونادينا الطبيب اللي بمكره يحقن أشراره تناسينا ونِسينا فعوله قبل عشر أعوام=طبيب الموت أنا اسميه وشره للذي اختاره يقولون الجمل لا طاح كثروا فوقه الأخصام=وكل ن يقطع لنفسه بسكينه في معباره ألا من حال صرنا فيه محكومين لا حكام =بعد كنا علو الظلع صرنا فأسفل أجحاره ألا كيف البصيره والعزيمة وأبري الأسقام =كتابي جاك وأنت الطب عندك وأنت بيطاره |
السلام عليكم ورحمة الله وبركاته
" " " " " " "
غاب الغراب وكل خفاش خشي=والسوس ما شفناه والحمد لله كل الحضور صقور والخير رشي=وبل(ن) نظيف وكل زهر(ن) تغشاه البارحة الهاجوس منقوش نقشي=نقش الذهب في عنق ريم (ن) مرباه مبروك ياللي جاعل العز عرشي=اسمك مع أهل الشان بالفعل شفناه عبد الله اللي لذيابه معشي=الفارس اللي كل منعور ينصاه جعلك سليم وكل بقعا تدشي=دش النجر للبن من بعد مصلاه ماهمني محضار راع المحشي=دام الحضور شيوخ واللاش مارفاه ولا يزيعك اللي صار مثل النبطشي=جنب المره فالشد ياخوي تلقاه ولا يهمك اللي عظمه إن قام هشي=ترا الغنيمة يالشقردي ففرقاه ربعك على جنبك ولجلك تدشي=جال الخطر والكل مثلك تفدواه ذوي ربيع اللي على المجد تمشي =مشي السحاب المرزم الموضي إسْناه وما ذم باقي ربعنا دوم حمشي=زويهر اللي مثل ضلع (ن) تذراه ياخوي أنا فدواك ودمي يطشي=وأكسر خصيمك لا زمانه تبلواه مبروك من قلب ن كما البحر ينشي=غمام غيثه بالتهاني لك ارواه في ليلة فيها القمر له تبشي=بش السرور وفرحته في محياه |
بسم الله الرحمن الرحيم
في ليلة صفاء جمعت أبناء قبيلة حرب والقبائل المجاورة ضيافة الشيخ محمد بن علي الكاملي الزبيدي عند خالي الشيخ معروف بن عبد الله الزويهري شيخ ذوي شماس من الزواهرة ألقيت هذه القصيدة الترحيبة والتي أمدح بها قبيلتي زبيد بحضور شيخ وأعيان من قبيلة حرب شيخ زبيد الجنوب الشيخ حمزة الجدعاني وشيخ المجانين أحمد المجنوني والشيخ دحيم البشري وعدد كبير من أعيان و شعراء وأبناء القبيلة وإليكم ياكرام
بالهجوس الصاطية خضت البحور =وأنتقيت اللولو اللي من عميقه مثل لولو مايحط ألا فصدور =الجوازي يذهلك فيهم بريقه لولو المعنا نظمته في سطور =وأتفنن بالحروف اللي رشيقه ليلة فيها المصافا والسرور =مع عيال العم والخطوة وثيقه مرحبا مليون ويفوح البخور =عود كمبودي عطوره من حريقه بالرجال الوافيه نسل الصقور =الكوامل من زبيد اللي عريقه أقدمو بالطيب والشيخ الوقور=محمد اللي كل طاله في طريقه التجارة فمعرفتهم ما تبور =سلعة الرجال طيبة فالحقيقة في حلال رجال ما تعرف قصور = الجبل ورقان فالواجب نطيقه مرحبا باسم المعزب والحضور =من زواهر في ذرا العزه مويقه قدمنا شيخِ على الماقف جسور =بالوفا واجبكم الليله يشيقه شيخنا معروف من طول الشبور =من رجال دون واجبها حذيقه وجمل الله ذكر أبو سامي بزهور =زهرة من إثر دعوتكم عبيقه الليالي بالوفا تغشى بنور =مجلس الأحساب شرواكم شريقه الزويهر من ذرا عزر النمور = من زبيد اللي فعايلها عتيقه حلف ابن مجنون ودمانا تفور =الزويهر من عبا محمد شقيقه علم ثابت بالحقايق والمهور =المهور اللي على ذيك الوثيقه الزبيدي لا تكلم مايزور =مايزور ألا الذي خاف الوهيقه ربعي الشامات بانين القصور =السلاطين اللي من تخصم تعيقه ساس ثابت فوق مصموم الصخور =بيرق الحربي خصومه به زهيقه قالها فواز من نبع الشعور =وأذكرو خير البشر ذكرٍ يليقه |
السلام عليكم ورحمة الله وبركاته
" " " " " " " ردي على الشاعر القدير صقر المراقيب
من زعيم الشعر في رتبة مشير=ردّة التقدير منّي تاصلك مقصدي فواز ياجبر الكسير=صاحب الميقاف عالي منزلك صاحبك ينبيك بالوضع الخطير=بعد لاهو بالمشوره خوّلك شاعر ٍ سمّوه بالبحر الغزير =لنته بجاهله ماهو جاهلك بالحشا حسّيت نيران السعير=ولو ظهر لك ربع همّي هولك وامرنا لله والله المجير=يازمان العشق ذقنا حنّضلك والهوى من قال شرّه مستطير=والله انّه لانطقها ماكلك دايم ايامه عبوساً قمطرير=حضّ منهو في طريقه ماسلك واسلم وصلّي على الهاد البشير=واطلب انّه بالشفاعه يشملك صادق المنطوق ذو الوجه المنير= الذي موحيه جبريل الملك عدّ مادوّج على الدنيا بصير=وعدّ مايضوي بدورات الفلك الر د من الشاعر فواز الزويهري
من صليب الراس وحروف الأمير=مرحبا تقدير جاك فمحملك ياعميل الخير يالصقر الذخير=ما بنادم من مقاديره ملك عفتها الدنيا غرور(ن) تستدير=من بها دوار وابهم تحتلك إن ترجينا فهلها كل خير =تختلف كل الهقاوي وتفتلك والهوى فبدايته زهر وعبير=شهد نحل (ن) في لسانك يحلا لك والهوى مثل البحر ماله عشير=المنايا وسط موجه تذهلك يتعب الغطاس فالبحر الغرير=وإن تمادى في غياهب انهلك يصبح فروضة ويمسي وسط بير=وهم ساعه يالهواوي ضللك غير ود(ن) فالصفا يعقب بخير= دربه الواضح بطيبه جملك ود منهاجه كتاب(ن) من قدير=والسواير يارفيقي منهلك من سلك درب النبي ماله ضرير=وأختم بحمد العظيم فمرسلك |
السلام عليكم قصيدة ترحيبية بالشيخ دحيم بن ربيعان البشري البدع من الشاعر / فواز بن محسن الزويهري
الحروف اللي تزاحم فالهجوس=أقبلن مثل الجمال الظاميه يوم جات الورد تدحم كل روس=ماترود الا العدود الصافيه مرحبا منتوجها طيب النفوس=والدسم فوق الصحون الوافيه بالرجال اللي على طيب الغروس=آلاد بشر اهل الفعول الشافيه اللي ليا جات اللوازم كالشموس*=نسل حرب اهل البشوت *الضافيه في حلال زويهر اللي له دروس=من قديم الوقت لا ذلوانيه كم خصيم راح من طحن الضروس=يشهد البارود وأهل الغاشيه والقصور اللي على ذيك الطعوس=والخبر تلقاه عند الباديه واثني الترحيب والكمل جلوس=مرحبا مثل المزون الراويه من ضمير جاش به طيب الحسوس=ولا يجيب الا الحروف الشاديه الرد من الشاعر دحيم بن ربيعان البشري
الحروف اللي بدت مثل الفلوس=من رجال فالبنا متشافيه ناصيه عد *رهي ماهو محبوس=ثابي محله للورود اللافيه البقا تبقون والطيب محسوس=حرب ربعي فالوفا متكافيه والزواهر للعدو نار قبوس=لا دعا الداعي تجي متلافيه كيد للعدوان للعاصي تدوس=عزوة ماهي علينا خافيه وعزوتي كيد الأعادي والعسوس=بشر توفي فالليالي الجافيه دون لازمها تشاذي حد موس=من حربها ما يشم العافيه* فالحرايب تكتسي خير اللبوس=بالسلاح اللي دروعه كافيه والبقا اعداد مادنت جروس=يارجال تحتمون القافيه* ياعدود ثابته ماهي رسوس=لوعليها ورودها متهافيه |
بسم الله الرحمن الرحيم ألقيت هذه القصيدة في حفل تكريم سعادة اللواء خضر بن محسن بن عطية الزويهري " " " " " " " " "
ياحروف الشعر في ليل جميل مبتهج=جمليني في حضور أهل المعزة والمقام فرحة فيها الهواجس فالضمايرتختلج=أبداع الفكرة وألبسها مع التاج الزمام بنت يرغب كل شاعر مع مفاتنها يسج=جدها المعنى وأبوها يالعريبين الكلام جيت أبارك يابن محسن بالضياء اللي سرج=تاج من تحته مقص وتستحقه من وسام والقبيلة تفتخر باللي من أبناها عرج= في بروج المجد بالهمة رقا فوق الغمام جاك تكليف وشرف جندي وطن فيها درج=كل رتبه كنت فيها ظفر ياطير القطام ورجل يخدم فالوطن في بحرها ولا في فج=يكتسي بالبيض ويفرض له من الناس احترام ديرة فيها المقام وزمزم ومنها خرج=خير خلق الله وفيها طيبة اللي به ترام نفتديها بكل حال ومال وما عنها ندج=تحت حكم عيال ذاك الصقر بل ذاك الإمام حكم قايم بالعقيدة وينفي الفكر العوج=دولة فيها المواطن مايخاف ولا يضام آمنين وراغدين وشربنا عذب هدج=نعمة نشكر عليها ربنا رب الأنام ما نزايد في وطنا كل معتوه هرج=ولا ندس السم وسط الشهد ونسقيه العوام شرق داري مثل غرب الدار مافيها فرج=ومن شمال المملكة حتى الجنوب إلنا حزام حضرها مع بدوها بالطيب والدين اندمج=كلنا واحد ولا نرضى يجي فينا انقسام هاجس من خاطري مثل الصباح اللي بلج= يابن محسن عن جميع الحاضرين اهدي سلام والصلاة الكاملة عداد من صلى وحج=لأحمد المحمود سيد الخلق والنور التمام |
بدع الشّاعر/ خالد عبيد الاحمدي= مفروض تكتب فعتقال السّنوسـي=اللـي بغـا يغتـال قايـد بلدنـا من بعد غرّر به غريب الطّقوسي=لنّه على طيـب القيـاده حسدنـا ولنّ المكر والخبث فيه امغروسي=يمكر لنا واحنـا عنـه مانشدنـا ويزيد خبثه خبث خبث المجوسـي=واحنا له بطيـب الفعايـل جهدنـا وبعد اعتمد بالغير شرّ النفوسـي=حنّا علـى ربّ السّمـا معتمدنـا حتى بـلاه بوقعتـه بالطعوسـي=بنهايـةٍ بشعـه لهـا مـاوددنـا يوم ٍ نهاره قمطريـر ٍ عبوسـي=في صدقها كلمـة ملكنـا شهدنـا وماهي شماته في نصيب امعكوسي=عـن دربهـا ياربّنـا تبتعـدنـا واللي يدسّ الحقّ رجل ٍ نحوسـي=والحقّ اقول انّه شجـاع وسعدنـا لنّه ثبت وقت القتال الضروسـي=ماساب داره حسب فيـه اعتقدنـا وياشاعر ٍ هاجسه طابق هجوسي=لـولا جزالـة قافكـم مانشـدنـا مفروض تكتب فعتقال السنوسـي=وسجّل لنا فيـه انتصـار لبلدنـا ردّ الشّاعر /فوّاز الزّويهري= حي الجواب اللي سوات الفلوسـي=يابن عبيد الصّرف جـاك بسندنـا ولاكمـا بـن الـدلال امحموسـي=كيـف النّشاما والبهـار فرددنـا ماني بكاتب في كليبٍ ركوسـي=من بعد عمّه مات لـه مـا وجدنـا من دار في ديرة فـدار ٍ دسوسـي=يشرب شراب الذّلّ لـه ماقصدنـا ياكيف لـو لـجله جلسنـا نسوسـي=مايمسي ألا مكبـّل ٍ تحـت يدنـا لكننا نرقـا عـن اللـي نجوسـي=شلّة هذاك الهيـس باغـي سندنـا ذاق المرار وشاف طحن الضروسي=اعقاب ربّ البيت لـه مـا عمدنـا ومن دون والدنـا لهبنـا قبوسـي=نفـداه بـالأرواح نحمـي مهدنـا قول أكتب فذاك اللعيـن الخنوسـي=النّعجه اللـي فالبرايـا ضهدنـا نعل الإيراني ذيل صيني وروسي=ناره على شعبـه نتيجـة رمدنـا هـذي حقيقـة للليالـي دروسـي=والمشكلة من درسها مـا استفدنـا |
الساعة الآن 09:28 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir