|
أشهد بالله ان الجمهور الليله ماقصر
بالحضور والتشجيع |
اي والله اي والله ماقصروا
وهكذا الاجواء الحماسيه والصحيه ونبيها دايم كذا ولو يوم بالاسبوع اشهد بالله انكم تستحقون الشكر والثناء والاشاده نجاحنا وامتيازنا بكم وفخرنا انتم وفقكم الله جيمعا ولاعدمناكم كم تمنيت ان تمتد يدي لمصافحتكم واحدا واحدا لحضوركم ومؤزارتكم لنا شكرا شكرا شكرا ملايين لكم ايه الوافين تحيتي وتقديري |
محمد عبدالله البدراني= يابو تركي علمونا عن مضامين الرسايل = والرسايل شي ندري به وشيٍ مادرينا الاسامي سبعة اسماء والرواسي ماتمايل = يامزخرفة المباني كم هدمتم كم بنينا سعد المحمدي= عطني المضمون ياذيب السبايا والدلايل= وأبشر ابشرحٍ مفصل يامحمد لاقرينا لو نفضنا الخرج طاحوا مابقي غير القلايل= أنشد اللي كان معنا يوم بعنا وشترينا محمد عبدالله البدراني= ان عطيتك علم واضح قالوا مسوي حبايل = وان بغيت الرمز عن حرب النجوم ولا علينا كل ماهبت هبوب الهوج سوينا الهوايل = والمواقف خابرين اللي وقفها مانسينا سعد المحمدي= مايصح الا الصحيح وراس راع الطيب طايل= الصحيح أيقال وانته بين مصر وبين سينا يامحمد لانقدوك الناس في دوار حايل= لاتقابل نقدهم يالقرم في كثر الرطينا محمد عبدالله البدراني= ان ذبحت الداب والا رافقك بين الخمايل = من يصحح لك حديثك يالبخاري لا طنينا وين وجهت الفلك واللي نبا فوق المخايل= كب طبعك وانشد مريع وفواز ان غزينا سعد المحمدي= سالمين وغانمين ونعطي العالم نحايل= بالعلوم الساميه من قبل صحبتكم سمينا يامحمد يامحمد لاتضيعون القوايل = لاتحثون الركايب مع طريق الضايعينا محمد عبدالله البدراني= والله انه مايبل كبودنا باقي البلايل= لاتقود ولاتقاد انته خرابٍ لسفينا اشهدوا ياهل المعرفه واشهدوا ياهل الجمايل = يوم اسمي صفوة الكتاب ثم ذب البطينا سعد المحمدي= دايم المر المركز مايبيه الشيخ هايل= والله انك كنت غالي بين خشم وبين عينا اشهدو ثم اشهدو والدم يعرف بالفصايل= فتش الموضوع بكره ونثر الدمع الحزينا |
اقتباس:
يابو تركي |
الله الله الله الله
صح الله السنتكم أمتعتونا وأطربتونا ياشعارنا جزاله وأبداع من الطرفين أبو عبدالله حضور قوي وجميل وأبداع وأسلوب رائع وبيض الله وجهك أبو تركي حضور والتفاف خطير ونقض وأسلوب على العال الله لايهينكم وأنا لاقال البيت ابو عبدالله صرت بصفه ولارد أبو تركي رحت لصف ابو تركي لاهنتم |
اقتباس:
|
اقتباس:
|
اقتباس:
ماقصرت يالغالي الله يبيض وجهك من روعة المحاوره عندي أستد عاء من العمل وغلقت الجوال اذا بكره فقتوني مجازى من القائد وانت السبب يابو عبدالله ههههههههههههههههه |
اشيل عنك الجزاء والا يشيله عنك ابو فياض
وابشر بالسعد يابو تركي من وراهم قصيده ويعطونك رخصه ويمكن اعفاء بعد ههههههههههه واللي مثلك اللعب معه وتواجده بينا مطلب ومكسب لاعدمناك وبيض الله وجهك شاعرنا الكبير الاخ والصديق الغالي سعد المحمدي ويمناااااااك لاعدمنااااااااااك وان وقفووووك ابشر بالحق ومايلحق لو تبينا انجيك هنااااك تحيتي وتقديري |
صح لسانك يالبدراني
صح لسانك يالمحمدي محاوره غير وجمهور غير عساها دوم هالمحاورات |
ياسلام يابو عبدالله
ابداع شاعر وجمهورك واجد يابو عبدالله ماشاء الله ويكفيك ان محسن الوهبي بصفك عن ملايين ويكفي حضور مديرنا الغالي علينا جميعاً ابو فياض ولاهان كل الحضور ماقصروا |
الف مليون شكر لكل من حضر وساندنا على انجاح هذه المحاوره
الله لايخلينا منكم جمهورنا الغالي اخواننا وابناء عمومتنا الكرام والحقيقه انها من المحاورات المميزه بحضوركم تحيتي وتقديري |
الله الله الله 00 يالابداع
نعم اذا اردت ان تسمع محاوره من الوزن الثقيل فلا عليك الا ان تقراء مثل تلك المحاوره اذااردت ان تستفيد فتابع مثل هذه المحاوره اذا اردت ان تستمتع بالعب المميز فتابع مثل هذان الشاعران العملاقان امتعتونا امتعكم خالقكم بالصحه التامه اشكركم ثم اشكركم ثم اشكركم تقبلا تحياتي وتقديري |
ياسلام صح اللسانك يابو عبدالله وصح اللسان الشاعر ابو تركي محاورة من العيار الثقيل وتستحقون النجوميه كل تقديري وحترامي لكما .
|
يا سلام عليكم شي يونس ويطرب صحت السنتكم
|
محاورة رائعة من شاعرين مبدعين
هكذا هي متعة الشعر لاهنت يابوعبدالله ولاهان أباتركي والحضور الرائع ومنور يابومشاري المحاورة بحضورك تحياتي http://store.a7lashe.com/upfile/images/cc90c623666.gif |
صحت السنتكم
|
ياسلاااااااااااااااااااااااااااااااااااااااااااااا ااااااااااام
صحت السنتكم تحيتي وتقديري |
إذا حضر ابو عبدالله وابو تركي
كان للأبداع معنى آخر الحقيقة فاتتني المحاورة وحضرت متأخراً لكني سجلت ردي واعجابي صحة السنتكم جميعاً |
الساعة الآن 07:24 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir