|
ابوهليل
بيض الله وجهك هذه القصص اول مكاسب هذ المتصفح يتوج بوساااااااااام التميز من اآن الله لايحرمنا منك |
وصلتني قبل ايام ابيات من الشاعرعبدالله الرشودي العوفي وهو اخي الاكبر وهي ثلاث ابيات ارسلها عبر الجوال يتكلم فيها عن اهل النمائم ونقل الكلام وهلما جرا
وهذه صفه ذميمه ومنبوذ صاحبها عند الله وخلقه نسئل الله السلامه يقول اخي عبدالله
ياطي قلبي طي والله يابوضي=طي الرشا من فوق هدب المحالي -----------------------من قصة ماهي بزينه خبرسي=اسمع بها راع النميمه يلالي شي سمعته يفدح القلب فدحي =خطرعلى عقلي يصيبه اهبالي رديت عليه رغم انني والله واقول والله انني ماحب واكره وبشده الذم للآخرين وددت والله ان لايكون شعري فيه اساءه لاحد وهذا ماتمناه وما اسعى لنيله فقط اما مستوى ماكتبه يحدده القاريء انا لاقيم نفسي
جاني على الجوال مزاد جرجي=ابيات شعرمن عزيز وغالي ضاعت بي الافكارجدي ومزحي=وهاضت شجون القاف ياهملالي هلاهلا من قلب من ضامرحي=مثل العسل مثل القراح الزلالي عداد ما تشرق وتغرب وتضحي=عد النخيل اللي لسوقه اظلالي طلع النوى مابين شقراء وبرحي=قدوع بن وصت صفرالدلالي يامرحبا مليون والكل يوحي=عملة وفا ماهي بعملة ريالي على يمينك ساعدك دامني حي=مدام راسي فوق الاكتاف عالي والله من دونك بروحي لاضحي=افداك بالغالي ولاني امبالي وراع النفاق اصحى لمقال توحي=اللي على عثرة رفيقه يلالي ضعيف عقل وعرف ماهو بصاحي=سفيه ماله مع هل الطيب فالي واسمع وانا اللي يمك ابديت نصحي=اعلاجه الحقران موت اسلالي هذا دواه المتخذ لجل يصحي=لاصارماهوكفوا ليه الجدالي الكلب مايمرح لياحس نبحي=ذيخ تقدابه اضعوف الرجالي ومجادل النقناق مامنه ربحي=ولاياصل العليا قصيرالحبالي وعن سيرته بيطول قولي وشرحي=ارفع مقامي عنه عفن المجالي لاكاسب من ذكرالانذال مدحي=ولامكلف بالناس حالي لحالي |
ضي ابنتي الوحيده عمرها
واحد سنه هههههههههههههههه لهجه هندية |
اقتباس:
لكَ الحق في النقد ... ولكن الأبيات مجرد مسج جوال أتتني ... أي لا أعلم من هو صاحبها ... |
لكل من عجب لأمر الجنون ... قيل لي يوماً أي جنون تعشقين ... قلتْ لهم جنوني به ... وجنوني بالحرف ... ألا تعلمون أن الجنون فنّ ... |
لمنْ لا أدري حقاً ... انا ما أقول اني على الناس فهمان لكن أميز مطلعي من دخولي أمشي مع الطيب على قدر الامكان ولاني بطاول شخص ماهو ب طولي |
لأحبابي ... حبايب ساكنين من عنيزة ومن بريدة ... فتحنا القلب بعض سنين لقينا صورة للحلوين... صباح الشوق صباح الشوق يابريدة يابريدة ... صباح الخير يابريدة يانبض القلب وتنهيده ... |
لشمعتي التي انطفتْ ... طفاج القدر ... ياشمعتي ... خلاني أجر بحسرتي ... شلي بهالعمر ... يادنيتي ... محسود على حظي وقسمتي ... |
والله ما ادري ياعلي ويش ابا اقول
والله ما ادري ياعلي ويش ابا اقول=لكن ارى اني ياعلي ما اتكلم لو اتكلم قالوا الناس مهبول=ابحث عن علاج الالم واتألم هواجسٍ في فكري تصول وتجول=سرع انها تودع اليها تسلم واصبحت من كثر الهواجيس مذهول=لاشك ما اقدر يا ابو مشعل اعلم يدرون عني قوم عاذل ومعذول=ثم يحسبوني من عناي اتظلم احسن لي اسكت واترك السرمجهول=واصبر ولو جوي من الحزن ظلم |
اقتباس:
للأستاذ : نداء الغيداني ... صح لسانك على رقي الحرف وسمو المعنى ... رغم قمة الوجع ... |
اقتباس:
أخي العزيز جريح الفرقا اشكرك من القلب وهذا الجهد للأخ راع العرف أما بالنسبه لهذه القصص المعجزه لأجدادنا فإني أوردتها هنا لسبب أين نحن من هذه القصص أين الوفاء والصدق والتضحيه لماذا لا نشاهد قصصاً مماثله في عصرنا الحاضر ماذا ينقصنا يجب أن ننظر لهذه الأشياء أنها واقعيه وبإمكاننا أن نعمل أشياء مشابهه حتى لا تندثر هذه المعجزات ما المانع من تكرار هذه القصص !! تحيتي وتقديري لك |
اقتباس:
صح لسانك مبدع يا نداء دون أدنى مجامله سؤال : لماذا أنت بعيد عن الإعلام؟ تحيتي وتقديري لك |
اقتباس:
لا باس يا راسٍ على العز مجبول= كل الجوارح مع حديثه تولم تاقف له بهيبه لو الذهن مشغول=كنه عن اللي في ضميري معلم نداء غزى الإبداع بالعرض والطول=كنك ليا جاريت قوله تحلم يا عنك مثله بالتماثيل مقلول=يا قل من باخلاق مثله تحلم والسر تاجه رصعه غالي اللول=على قفوله كل سيفٍ تثلم وقلبٍ مثل قلبي من الوقت معلول=لو كل يوم تعلمه ما تعلم |
لكَ أنتْ ... فقط إمنحني بعضاً من ألأكسجين ... |
لهمْ ... عجبي لهم يدعون النقاء وهم وحل سوء الأخلاق غارقون ... |
... علَمـّوه إنـِي عَشَقتـِہْ عَشِـقْ بَنـَتْ إبَـدْويـِہّ بَآعَتْ الْغآليّ بَذهَبهَآ ؛ و رَفعِـّتْ مَـنْ مَستّـوآه |
... لاتحسب اني اذا ابطيت ناسيك ماينسى عشرة صاحبه غير الانذال حدتني ظروفي على البعد لاجيك هم بوسط القلب والدمع همال وإلا انت ياكل الغلا افتخر فيك وحبك سكن داخل فؤادي ولا زال |
إفرازات مليون رسالة لغائب
لا تحسب اني عقب مارحت متاثر=لا0لا0انا بخير لو الحال منرثه لو ان دمعي على الخدين متنثر=أحد قلبي على فرقاك واحثه وش عاد لوغبت عادي بس لاتكثر=وقت المغيبه تصيب قلوبنا عثه كرر على الخط لو الخط متعثر=ان شفت في غيبتك ياهاجري لثه وان كان بعدي على شرواك مايثر=جث الغلاء من ضميرك يالغضي جثه لو ان حبك بدم الجسم متخثر=والله لاجفاك لويصبح كما الجثه |
اقتباس:
البرد قارص وانا ماني بمتدثر=والكبد من طاري الحرمان منغثه كاس الغلا من صميم القلب متنثر=اجمع لك أحلى الكلام العذب وابثه آثرت احبك بصمت وخوفتي يثر=على بقايا ملابس روحي الرثه |
اقتباس:
عيسى العوفي وجهك ابيض يالغالي مكاسب هذا المتصفح وجودك انت والغالين تحيتي وتقديري لك |
اقتباس:
اولا شكرا على الردالرائع و هذه الاشاده التي اعتزبها لانها من شاعر مبدع ثانيا انا لست شاعر حتى ابحث عن الاعلام وما ادراك مالاعلام0 |
اقتباس:
منصور المعمري لك بياض الوجه حتى ترضى قصيده في غاية الروعه والجمال والسبك لن أمل قرائتها تحيتي وتقديري لك |
اقتباس:
اخوي نداء والله أعلم جيداً أنك لا تبحث عن الإعلام ولكنني حريص أن يكون لك تواجد إعلامي المقروء على الأقل وبالنسبه للحكم بمستوى شاعريتك أرجو أن تدع ذلك للمتلقي والمتذوق وأستطيع أن أقول أقسم بالله لن يختلف على إبداعك إثنين شريطة أن يكونو منصفين وأتحدى من يخالفني الرأي لك الود والتقدير |
[QUOTE=علي هليل الحربي;341396]
البرد قارص وانا ماني بمتدثر=والكبد من طاري الحرمان منغثه الاخ العزيز الشاعر المبدع علي كاس الغلا من صميم القلب متنثر=اجمع لك أحلى الكلام العذب وابثه آثرت احبك بصمت وخوفتي يثر=على بقايا ملابس روحي الرثه شكرا لك هذا التفاعل الجميل بتلك هذه الابيات المصنوعه من الذهب تقبل تحيتي وتقديري |
أين الأحبه
فالمشوار طووووووووويل سأنتظركم بفارغ الصبر |
اقتباس:
ينصر دينك يالمعة .. !! وحاجة طيبة تذكرين عنيزة قبل بريدة .. >>> قابسة الدعوى مابين أهل عنيزة وأهل بريدة ..!! لك ياعنيزة بالفؤاد محبة = أصفى من الماء الزلال وأعذب ..!! . . وافر تحياتي وتقديري .. |
. . .
راكب اللي كل مادست له قام يعوي = عوية اللي بيّن الصبح ماحصل عشاه !! إلى الاخت لمعة الجليد :بين ضلع ووادي ٍ مانزل فيه بدوي = له ثلاث سنين وشهور ماطقطق سماه !! كل مازاد السفر قام عزمه يقتوي = ياصل حدود الخطر والدريول ماقصاه !! العصير مخطره مع طريق المستوي = والنفود وطلعة الغاط خلاها وراه !! لي خوي ٍ في جميع البشر ماله سوي = كل ماسافرت أمره وهو عند اخوياه !! إن عرض لي خوته قلت يانعم الخوي = وإن عرض لي خدمته قلت ( ي ا م ا ل ا ل غ ن ا ه ) . . !! مساءك أوركيدا ياراعية الأوركيدا ..!! توقيعك طوّل الله عمرك عن مشاركة كاملة ..!! ياليت تجزأينه على مراحل .. تقلبت عيونا معه ..!! . . وافر تحيتي وتقديري .. |
العصـيـر مخـطـره مـــع طـريــق المـسـتـوي=والـنـفـود وطـلـعـة الــغــاط خــلاهــا وراه
صح لسانك يامنصور وذكرتني في بيت
لاياوجودي على هيفاء القصيميه=اللي كساها الحلا والرب معطيها مبروزة الصدروالخدين ورديه=شقرا تعذب فؤاد اللي يراعيها هي من عنيزه وتسكن بالشماسيه=ياقربها بس انا واشلون باجيها |
قلبي لياشاف المزايين ينلاع=لوعة صغيرفاطمينه عن امه تلبس عباة الكتف واعيونها اوساع=والعطرمنها بس ودك تشمه عليه قلبي ياحمد يقرع اقراع=اقراع جيب مرسلينه مهمه |
مشيـت مـن دارك وانـا ضايـق الـبـال=ولوبستشيرالـقـلـب يـابـنـت عـيــا امشي وانا جسمـا لبـس ثـوب واعقـال=يـبـي طـريـق مالـشـوفـه هـويــا ماكـنـت افكـربـه ولاجاعـلـى الـبـال=ابعـدعـلـي مـــن القمـروالـثـريـا فراقـاك بـس الوقـت ماهوعلـى حــال=يثبـت وهـذا شــيء مـابـه اغبـيـا قد قيـل بالماضـي وفـي ظـرب الامثـال=مـاهـي عـلـى ودك وكيـفـك تـهـيـا حطيـت مـن دونـك مسافـات واجـبـال=ولـيـت المسـافـه ماتـعـدى هـنـيـا حتى انقطـع مـن دونكـم بـث الارسـال=ياطـي قلبـي يـاريـش العـيـن طـيـا يحلـهـا يـاقـائـد الـريــم حـــلال=عـلـى الله الـلـي ماخفـتـه الخفـيـا لـك الـوفـا مـنـي ولوبعـدنـا طــال=ماخونـكـم بالعـهـد مـادمـت حـيــا يانجـد ياعلـك مــن الـوسـم هـمـال=يـالـيـن تـــروى بالمـطـردارهـيـا |
مساءكم سكر : إلى خالي أولاً وإستاذي ثانياً ومثلي الأعلى ثالثاً : (عبدالله بن زويبن) .. مع وافر التقدير !! . . أبت الظروف إلا أن تنأى بي بعيداً عن تلك اللقاءات الرائعة التي كنت أتشرف بلقاءك في مجلسك العامر الذي يتحول الى خلية ( شعراء ) وبالرغم من ذلك كله لازلت أرى أنني الأحق بالاستماع الى جديدك قبل الغير .. يمنحني هذا الحق الشوق الكبير للشعر الحقيقي ..!! وقريباً وانت تخوض غمار المنافسة المحمومة في برنامج شاعر العرب سأكون بالقرب داعياً المولى أن يكتب لك النجاح فأنت اهل لذلك .. !! ولازلت أردد كل مرة أن من كتب :
ألعب بشعر النبط وآزن معاييره = وزن الذهب بين متسوق وبياعي !! قادر على أن يحقق اللقب التاريخي .. !!والصعب ماهو عليه صعب تصخيره = الليا بغيته يطيع يصير مطواعي !! محبكم / أبو ثامر !! |
كلٍ ينادم بالسوالف نديمه= وانا نديمي صار حدر النصايب
|
الله علـى اللـي لامشـى يبعـد الـرمـس == يقـطـع مرامـيـس الــد يــار الـخـوالـي مشى من العقله على طلعـة الشمـس == ثـــم اتـجــه نـيــة غـــروب الشـمـالـي في قدرت المولـى ليـا زالـت الشمـس == مـتـعـديـا مــركــز تــبــوك الـمــوالــي ثبت له السرعه ويفصل علـى اللمـس == اوزن لــه الـطـاره ويـمـشـي عـدالــي وياد حيم انا يابوك بوصيك فـي خمـس == حفـظـتـهـا مــــن طـيـبـيـن الـرجــالــي درستهـا عــن شايـبـا يتـقـن الــد رس == نــشـــى يـتــيــم ولـوعــتــه الـلـيـالــي اخــذ مــن الـشـده بـعـد مسـتـه مـــس == ادروس قــال اوصــي بـهــا ياعـيـالـي ولا نسـيـت الــدرس ماكـنـه الا امــس == ادروس ابـــوي احـطـهـا راس مـالــي عليك بالتقـوى وخالـف هـوى النفـس == وباللـي ضحـك واللـي هــرج لاتبـالـي والكبرلاينفـخـك نـقـص صـحـب مــس == تــراه مــن سيـمـة عـفـون الـرجـالـي وارفع نظرك اعرف ترى عزة النفس == اغلـى علـى الرجـال مــن كــل غـالـي واضحك لضيفك لايجي خاطرك عمس == تـرى الكـرم للضـيـف حـسـن القبـالـي وزلــة رفيـقـك لاتنـومـس بـهـا نـفـس == لـوكــان عـنــدك مـايـسـاوي ريــالــي عــــــيــــــســــــى الــــــعــــــوفـــــــي اخوي عيسى لله درك على هذه القصيده المشتمله على الكثير من الحكم والفوائد المتعدده الرائعه من شاعر رائع . صح لسانك وبيض الله وجهك لك خالص تقديري |
اخي الغااالي/ابوعادل
حياااااااااك الله بهذ المتصفح الجميل صح بدنك وبيض الله وجهك شهااااادة منك اعتز وافتخربها تحياااااتي لك |
صح لسان الجميع وبيض الله وجيهكم لكم من كل التقدير |
لبنات اللقاء الذي أقيم ... أحبكم في الله ... أحبكم حتى الممات ... |
اقتباس:
الى الأستاذ : منصور ... جميعهم أحباب .. أينما سكنوا ... |
ياطيريـاخـفـاق يـارافــع الـريــش=ياللـي بعـرض الجـو دربـك سمـاحـي ماشفـت لـي نقـاض سـود العكـاريـش=عليـه مـن لمحـات ظـبـي البـراحـي عنـق المهـا راع العـيـون المرامـيـش=ســود بـهـا ياطيـرمـوت ذحـاحــي والـخـد بــراق ســرى بالغطالـيـش=بـراق وسـم فـي دجـى الليـل لاحــي حلـو النبـا مثـل الـقـراح النقـاريـش=هرجـه عسـل لوقيـل مـانـي بصـاحـي احـرق فـوادي مثـل مايحـرق الفـيـش=لــولا الحـيـا ياطيـرلارفـع صيـاحـي ساكـن بـداري ميرجـت لـه نواطـيـش=حسبـي علـى منهوسعـى لـه وراحــي ممـا بسـدري قلـت ليـش السفرلـيـش=قـــال البواخرتنتسـفـهـا الـريـاحـي ماهوجـفـى والا خـيـانـه وتطـنـيـش=امرمقدرواستـبـيـحـك سـمــاحــي |
,,,
الجرح أرحم ,, , |
ياليت ربي ما خلق حب وفراق= ولاَ خلق حبٍ على غير فرقا بيتٍ صدع فيه السديري بالآفاق= واصبح مثل مع كل عاشق وطرقا وانا ترى لو قلت لك كل الاشواق=يمكن تعرف اللي على الكبد عرقا ياما سهرت بطيفك لوقت الاشراق=يا اعف واسمى ما تخيلت وارقا ارقا من المعتاد لعموم الاذواق=مع من يقارن فيك يفرقك فرقا للتيه ورموز الوفى فيك ميثاق=روحي ابحر عيونك السود غرقا مثل الجبل شامخ وفيك النظر شاق=عجزت لالقى مع مراقيك مرقا مالي نديم إلاَ القصايد والاوراق=والماطر اللي دون راعد وبرقا على الوفى حتى يقولون من راق=غيرك يحول وانت بالعين ترقا يا مل قلبٍ كل ما هاجسه راق=غنت على غصنه من الوجد ورقا يكن غيضٍ من حميمٍ وغساق=ويذاود اللي بالسراجيف زرقا نجبت لك حرٍ تقصواه الارهاق=ممساه غرب ويصبح الصبح شرقا وانكفت مما شفت ما عفت واشتاق=لاوفى عيوفٍ يدرق الروح درقا وان كان صار الحب تاليته فراق=عرفت مابه حب من غير فرقا علي هليل الحربي |
الساعة الآن 07:43 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir