|
اقتباس:
|
كثر المعاصي تمرض القلب ينهـار= كثر المعاصي ظلمة فـي فؤادي = والبعض هالك بالمصحات وشهـار= هذي نهاية كـل مجـرم وغـادي = ياشيخ نطلب منك مـره وتكـرار= ندعي لكم واللي إستضافك لنـادي = الذكر مثل السيل وأن عم الأقطـار= يحيي القلوب ومنه تحيـا البـلادي = من طاع ربه صار ناجي من النار= ومن تاب ربـي غافـراً للعبـادي= يمهل ولايهمل على كـل ماصـار= إحذر سخط ربك وكثـر العنـادي = الخير بالطاعه ومجلاس الأخيـار= إمسك على دينـك وخلـه شـدادي = دنياك هذي كلهـا علـوم وأخبـار= أما قويت النفـس راحـت بـوادي = عمر الفتى ياشيخ محدود الأعمـار= أمـا فـرح وإلا بوجهـه سـوادي = وصلاة ربي عـد ماهلـت أمطـار= عد الشجر وعداد حصو الجمـادي = على الشفيع اللي له الرب مختـار= محمد رسـول الله مبلـغ وهـادي = |
البارحة نومي على الكتف والكـوع= عزي لمن نومه على راس كوعـه = واقلبي اللي بين الأضلاع مفجـوع= يبي السلامة ميـر زادت فجوعـه= أقنب قنيب اللي هلك ميت ٍ جـوع= صوتة تقاطيـعً وبانـت ضلوعـه= وماتمشي الدنيا على الكيف والطوع= وإن ساعفت لك يوم تطفي شموعه= الله من رجلا ً تعـذب ومصـروع= دنيا الشقى كم من عزيزا ً تلوعـه= أوصيك ياعامر عن الزود والفـوع= عيبا ً على الرجال يغيـر طبوعـه= ولاتصير منانا ً وترجع على التوع= هذي صفات (ن) في صفاته دنوعه = ترى النخل كلن يناظر بـه فـروع= الأصل بالتربـة وتسقـي فروعـه = ولاتصير تبع وخلك اليـوم متبـوع= مابـة حياتينـن ونبـذر زروعـه = وأفهم وصات الوالد مجرب النـوع= نوع البشر واجد مذاهـب وسوعـه= ولازم يجي يومن وتحصد به زروع= وإندم على الفايت وسيـل دموعـه = |
انـا تـرى مـخـلـوق مـن جـمـلـة عـبـــاد = ابـا تـواضـع واتـرفــــع عـــن الــــــطــيــــــش واكره صفات الكذب واللـــى بــه عــنــاد = احــس فــي ضعـفـه وقـلـبـه كـما الــريــش واحــب راع الـصــدق مـن ربـعــأ اجــــواد = أقــف مـعـه وأجــتــاز كـــــل الــمــداقــيــش مــانــغــيـر سلــوم الـعـرب سلم الاجداد = لــو نــخــســر الاحـبـاب مـع مـالـنـا ويـــش وألــلـى جهل يــمـشى مع الناس نشاد = ولايـهـمـنـا هــرج الـقـفــى والــخـفافـــيش والـــحـــر حـــرا يـنـقـلـه كـــل صـــــيــــــاد =لــه مــنـــزلـــن عــالـــي ولايــنــزل الــهيش والا الــردي وش حــاش بالــكــون وشـعاد = مــالــه وبــاء يــبـشـر بـســود الـمـنـاقــيش تـــرتـــاح لــلــعــاقـــل على روس الأشهاد = والـــداب لاتقــربــه يــلــدغ إلــيـــا نـــيــــش واطــلـب ولــي الــخــلـق والـنــاس هـجاد = الــواحــد المــنـشـي مــزون الــمـــراهـيش يــغــفــر لــنـــا الــزلــه وزلاتــنـا عــــــــــداد =و الله كـــــريــــم و كـــافــلـــن لقـمــة العيش |
ايديك بيضاء تبذل الخير وتجـود=تشبه لهتان المطـر مـع رعدهـا كل السجايا فـي محيـاك وتـزود=كل الشعب حبوك وانتـه سندهـا ياخادم البيتين وعن دينك اتـذود=سنينك عسى ربي يطـول مددهـا في عودتك نفرح ترى افراد ووفود=فرحة حزينن والسعاده وجدهـا لك الولاء ماننقض العهد وعهـود=كفك نديـه كـل شعبـك عهدهـا الاسرة اللي من سلالت هاكالعـود=حماية الاوطان ولا احدن ضهدهـا هي عزنا فيها ذرانا عـن الكـود=الله يحفظه عن بغيضـن حسدهـا ويالله عسى الحاسد مشتت وملهود=وتبقى الوطن في عزهم مع رغدها بحماك ترفرف راية العز بسنـود=رؤيتك نبض (ن) لقلوب وسعدهـا |
اقتباس:
|
اقتباس:
|
العيد قرب واسهرني جروحي=جرحن على ماقيل من العام ماطاب وجرحن جديدن فوق غيره بروحي=حتى الفرح ياعيد في ناظري غاب افراحكم ياعيد لو به مزوحي=حاولت اشارك لكن القلب منصاب لو عادتي والله بشوش وسموحي=لكن ميل الوقت لمال ينهاب ياما صعدت بعاليات الصروحي=حتى عرفت ان الزمن سكر الباب وافراحكم صارت بصدري تنوحي=وشلون ابفرح بين عاذل وكذاب اول احسبه لي صدوقن نصوحي=كذاب خداعن على الناس للعاب من بعضهم ياعيد كبدي تفوحي=سبحان من بيده تصاريف الاسباب اودع عفون الناس بعال السطوحي=وان عد نفسه من عريبين الانساب ياعيد لو تاتي علينا وتروحي=افراحكم ذبلت ويبس(ن ) الاعشاب منك السموحه واعذرن يوم ابوحي=مما بقلبي يوم ظني بهم خاب بعد النظر هو من صفاتي و شوحي=افضل من اللي مهنته شذب الاحباب وانا بحر لو يزمي مطركم سفوحي=والعقل له هيبه و تقدير واداب نعمه من الله مايجيك بطموحي=وهبه من اللي للجزيلات وهاب وبرقن مقفي يوم اشوفه يلوحي=ما اتبع ترى المقفي ليا اقفى ولا اغتاب وخنجرك مسمومن وانا لك نصوحي =ياشين من يكره من الناس كالداب صديت عني يوم انادي و توحي=,والعيد ماهو لبس مقطع وهنداب العيد له طابع بورده يفوحي=ياليت من يفهم كلامي ليا انساب ياكثر من يسوى لعيني وروحي=خسرتهم من عقب ماهم لي احباب |
[]
قال الذي عنده عزومن كم الحيـد=ولاهزه العاصوف لـو زاد هبـه مبداي واحد شامخ ن فوق ويزيد=وافز لاهل الطيب وهبـه واحبـه لي همة( ن) تنقى الجزيلات وتصيـد=واكره ترى ثنتين كبـر ومسبـه وكثر الهرج بعضه مزيف ولايفيـد=عاقل ولاتبع كـل ماسمـع انبـه دنياك ما تاتي على كيف ما تريد=ولايغرك الزخرف بشوفـه ولبـه دنيا تبيـد قاسـي الحيـل ويبيـد=حاول تحب الخير والشـر كبـه وراقب ولي الكون بخوفن وتوحيد=ولخاب من راقب وليـه وربـه واللي استقام بخط سيره ولا يحيد= ترى احتوى كل الخصائل وظبه وصلوا عدد خضر الجرايد مع الغيد=على الذي هادي والاصنام ذبه |
ان كان هن عجف السنين اتعبنك=اصبر عليهن لين ربك يحله وكان الليالي بسودهن ما اسعفنك=وسيف الزمان بوجهك اليوم سله اصبر على همومك ولو يعترنك=مايحك جلدك غير ضفرك يدله لو ضامتك دنياك والحظ هنك=ما انته لحالك في دقاقه وجله ضامت ترى غيرك ولو هو محنك =سود الليالي كم عزيزن تذله خل اتكالك مع عزومك وظنك=في خالقك ماهو بجهدن تكله وسود الضغاين كثرهن يرهقنك =احسن ومن عاداك بيحه وحله خذ التجارب من علا فوق سنك=قبلك مجرب حر شمسه وظله |
سلام من قلبن كما الشاش صافي=ولابه من الاحقاد لو ربع قطمير لشفت من يحمل بقلبه تجا في =لو هو عزيزن قلت تصبح على خير المال لاطْغى كل رجل متعافي =يفطن لهادم لذات و ويغير وكم من مريض(ن) طاب وصار متشافي =وكم من صحيح(ن) طاح في جمة البير والعقل بالرجال بلسم وشافي =ريح ترى صاحبه عن طال وقصير والجهل مضلم في عيونه كفافي=لصار يهزه كل مصفق وتصفير هذا عليه الله واكبر و غافي=يبي له سنينن مع الشرح تبصير رجلن لخلق الله وناسن ضعافي= يصدق لهرجن به اشاعه وتحذير ورجلن تهزه نهر مثل الضفافي=يلطم ولا انته واصل القاع و تحير تظن تاخذ ما بجيبه عوافي=بعيد لو كشر بالاسنان تكشير ورجلن عليه ايضا التجارب طوافي= لا ماستفاد افضل يودى لكشمير ودنياك كم به من عقولن خفافي=يالله عساء فينا التواضع وتقدير ونذكر ليا متنا بذكرن سنافي= وعسى خبيثن في نواياه مايسير واللي رضى بالقسم لو هو لحافي=قنوع ما شفته يتسخط ولايحير رجلن قنوع ومقتنع بالكفافي =وليا سمع صوت المؤذن وتكبير طش الذي بيده ولبس النظافي=خشع مع الخاشع وللرزق تيسير |
ياهنـوه شـف حالـي وانـا اقـول يـاعـود= واضح ولا اخفـي شـي بوسـط العباتـي = النفـس مـا اطيـعـه ولا امـشـي امنـقـود= واحيان احب انصت و احب السماتـي = ماتشوفـنـي اطــرب لـيـا ذعـــذع الـنــود= ولا تـبـع وراء علـومـن وهــن خايبـاتـي = ولاتـنـقــل الــلــي مـانـظـرتـه ومـشــهــود= والله عــلــيــمــن يــعـــلـــم الـخــافــيــاتــي = الخشـيـه لـربن هــو خلـقـنـا و مـعـبـود= الــلــي يحـاسـبـنـا ويـعـطــي حـسـنـاتــي= يــوم المـمـات و داخــل القـبـر مـاجــود= ولـنـتـه تـــرى مـخـلــد ومـقـبــل مـمـاتــي = عـقـب الرفاهـيـه تــرى الـجـسـم لـلــدود= فـي حفرتـن تـذهـل وتـوحـش عصـاتـي = مــن حــط فـــي قـبــره وحـطـولـه لـحــود= وشــــاف الــعــذاب ولا مــفــر ونـجـاتــي = ياصـاحـبـي مـايـاتـي الـطـيـب والــجــود= إلا بــقـــوة عـــــزم صـــبـــر و ســكــاتــي= والا الـــرداء يصـاحـبـي خـالــي الــفــود= صاحـبـه مـابــه غـيــر كـثــر الشـمـاتـي = وراع المعاصي ضايق الصدر مشدود= واحـــــذر ولاتــتـــرك تـــــرى الـنـايـبـاتــي = لاتـهــمــك الـدنــيــا ولا قــيـــل بـــــه زود= تــجــمــع وغـــيـــرك مـــرهـــن والــمــاتــي = امـا بخـيـر او صــرت مـعـذب ومـقـرود= ولايــــروي الـمـلـهـوف نــهـــر الـفــراتــي = وممـا اقتنـع فيـه الجشـع مـالـه حــدود= مـقـبـل عـلــى يـــوم الـخـلائـق حـفـاتــي= نصائـحـن فـرصـه قـبـل هـــدم وســـدود= وارضـى الولي تكسـب جميـع الصفاتـي = |
ياوجد حالي وجد من دونه اقــفــال=وجيبه مصفر والــعــرب مـايـبـونـه مقطوع من شجره ولا عنده عـيــال=ولا اقبل عليه الليل زادة غبونه مما يشوف من الغثاء وضيقة البال=حـتـى السـهـر عـيــا يـفــارق عـيـونـه خطرن يصاب من البهاذيل بهبال=كنه سجين القفل خـلـفــه ودونــــه وايس من الافراج في كل الاحوال = ولا له من الاجواد من يرحمونه او وجد من ينزف من الجرح بذلال=عقب المعزه كل الملا يشاهدونه تاسف لحاله ولا حال حمال=من عقب ماهو رئيس (ن) يقمعونه هذا وان وجدي على محير البال=وقتن مضى اللي عاصره يفهمونه قلوبن نقيه صافيه كنه الال=حشمه وحق الجار ماينقصونه بالمليون تطلع واحد وكله رجال=ومن اخلف لعادة العرب ينبذونه ولجيت لفزعه ماتخلوا ولاقال=ماتقهقرو بعذارهم يتركونه والسيل لجاهم من الجال لجال=ولجاء عليهم من دهر يذكرونه من صدق نياتن بهم قول وافعال=رغم الفقر هم للولي يشكرونه واليوم عكس امسن من الوضع تهتال=كنه خيال قصصهم يسمعونه |
قــال الــذي لقــال يـصــدق ويـافــي= ويجيـب مــن زيــن القـوافـي مثـايـل= هـب الهبـوب وصـار باالهـب سافـي= تنشى المزون ولاتهل المخايـل= يالله دخـيـلـك وانـــت للـعـبـد كــافــي= والطف بعبدك عن سموم السمايل = واليوم صـار الغصـن يابـس وهافـي= والارض ما جاهـا مـن الوبـل سايـل= وكثر الحسد بالنـاس وكثـر التجافـي= واللـي يشيل الحمل و بالعـزم شـايـل= قـام يتـراجـع عــن حمـولـن خفـافـي= دب المـرض بقلـوب حتى الحمايـل= وقـل الصبـر بالـلـي يقـولـون وافــي= بــدل مـسـار الطـيـب بـحـر الـقـوايـل= مـغـتـر بالـدنـيـا ونــاســن ضـعـافــي= مـغـتـر بالـدنـيـا وخـضــر الـشـتـايـل= متناسين جوعن مضى له جـفـافـي= والبـنـت عقب اللي تكد الـجـدايـل= متـغـيـرات بلبسهن و الـقـدافـي= ترمـى الطبائـع مـثـل رمــي النثـايـل= وان قل عـلاج الخلق قــل التشـافـي= الا ان شـفـع للـخـلـق رب الـجـزايـل= ولا ازكـي الانفـس مقصـر واخـافـي= ولا اقول انا كامل على النـاس نايـل= ولاخـيـر فــي رجــلا يـكـذب وهـافـي= ولا اعـم خلـق الله بقـول( ن) وقايـل= والله عـلـيــم بـســرنــا والـخــوافــي= خالق لنا ابصارن وشفنـا الدلايـل= وعسى يديم الامن والخير ضـافــي= ويعـز ابو متعب كثير الجمايل= |
http://im2.gulfup.com/2011-03-08/1299612343591.jpg
ياذيب لهل الطيب مكتف ومرهون= راع الجمايل مايقارن بخايب لو زل ابرفى زلته لو يزلون=طيبه ملكني لين تحط النصايب سلمن لنا ياذيب ولانقرب الهون=والمعطي الله هو جزيل الوهايب ما دمت حي على الارض والكون=ثابت على المبدا صغيرن وشايب ياذيب لو قلبي من الوقت مشطون=والضيق في صدري سوات اللهايب اما حبست دموع الاحزان بعيون=موفيت مع منهم وفوا بالوجايب والله يجملنا على خير واكون =جزلن ولا اعرف الردى والنشايب والرجل مايثمن بلحظه ولاتهون=ودنيا تقلب كل مابه عجايب |
يافرضن خمس الصلاوات والصوم=ياشافي المرضان بليا تداوي شانك عظيم وناصرن كل مظلوم=من طاعك الناجي ومن زل غاوي وخلاف ذلك جيت مسرع ومزهوم=جيتك على المعنى بحبلن رهاوي نعمن با ابو زايد به العرف وسلوم=يبي خوين مابقلبه مساوي ورشيد ابن حماد طيب وشغموم=شال الحمول اللي ثقيله وقاوي خوتك تشرى وانت رجلن وزيزوم= من نقوه اهل الطيب واهل العزاوي وغيابنا مقدرعلينا و مقسوم=ولمبادرتك اشكرك واجيك هاوي وانتم هل الريشا لكم ذكر وعلوم=ما فيكم ردى والطيب فيكم نقاوي ولا انسى ابو عبدالله ومنصور وقروم=واللمنتدى باقة وورودن وجاوي وتحيتن للكل بذهاب وقدوم=والنعم في كل القبائل وحاوي وصلاة ربي عد ما تفتل عزوم=على شفيعن يوم حشر وبلاوي مجارات الشاعر القدير رشيد ابن حماد الجلعود ابو زايد سبحان منهو زين الكون بنجوم * وسط السماء ضوه سطع بالعلاوي الواحد اللي دايـــــــم الدوم دايم* دايم ومن غيره له الموت طاوي مقدر للأدمي شي معــــــــلوم* على جبينه جــــــاه بامرسماوي واحد احد فرد صمد هازم الروم * الواحد اللي مالقدرته قــــــــاوي حي الجواب اللي على العز مرسوم* جتني بيوت من رفيقي نخـاوي مسند ولد عامر سند كل مضيـوم* هذا الحويفي منزلة دوم ضـــاوي من لابة كله صناديد وقـــــــــــروم* حرب على العايل ولا يوم تاوي اهل كرم واهل صلاة وهل صوم * ومثل ابو عامــــــــر تره حرنداوي |
الختم مايرفع ولا يطمن انسان =الختم تشريف (ن)وتكليف لجاك ولايسمو الرجال يكود يافلان= بطيب يتمشى له ومن طيب ملفاك وانا اتبين دوم ما اصير نيشان=حربه اصد اللي بوجهي والا ادراك واهل العرف تبخص من الناس لابان=ولاتندهش مماتشوفه ويدهاك طبعن لنا ونكرم مسير وضيفان=وندرى الحقوق ولا خشينا ملقاك نسيت من قبره توارى بصديان=كريم سبلا دوم يرحب وحياك شتت جموعن بين مخاوز وعدوان=سم القهر شربوه من الموت واسقاك ما فادكم ذولاء ولا ذاك خسران=الا بكثيرات المشاوير عناك اخلف نواياهم ولو كان ما كان=وعسى مقرك في نعيمه ويرعاك شيخن على العليا مثل طير حوران=كله حلا ياقبلة الله محياك وان شفت تهميشن على غير ميزان=نطرف عيون اللي يهمش وعيناك حنا هل الافعال وللفعل برهان=من افعالن تحفى مواطيك و خطاك |
البارحه سيرت يم رفقانا=قلت ابسير يم الرجال الحشيمين اصحابنا والنعم وايضاء خوينا=اللي مباديهم اطابق على الدين اللي لهم عندي معزه وشانا=على عشاهم يوم جينا مسمين قالوا افلح لي ومالح عشانا=الله يغنيكم تعشيت والحين فرصه سنحت لي وابزور زملانا=ابسلم عليكم وابصافح ميامين وبعد العشاء مافيهم اللي توانا=الا فقدة من الناس رجلين قالوا سرو عقب العشاء من زمانا=قلت اه من جرح المشاعر اليا وين له طعنتن توجع وجرحه عمانا=لو سلموا وابدو العذر ماشين لكن غريبن تجاهلهم دهانا=لصار تعز الشخص وطاع المصدين ومبداي واحد لو يطول الزمانا=ولا اطيع هرج المرجفه والبغيضين ولا انسى رفيقن غاب ولاهو معانا=لصار معروفن على الطيب والزين للازم معي والا اعتبرته جفانا=ماصار لو هو عرف بعض القوانين والواهب الله من جود خيره عطانا=سيرت لا راجي مصالح ولا شين الا السلام وشفت مالي مكانا=وان شفت مالي قدر في نظرت العين مالي امجالس الغبن والهوانا=لو جرح الصديق اللي تعزه بجرحين ومن دون ما اشعر باح سدي وخفانا=وعديتها كبوة حصانن للاثنين لو ان عرفت الهب و مذرى هوانا=ومن قل عرفه لو تواصله مسكين لابد مايومن يعكر مسانا=يحوس في هرجه تقل وسط سيدين والفرق ياضح للخلائق بيانا=الله فرق خلقه ولو هم من ابوين والله خلق بالناس شبه وكيانا=ولايوفق الا اللي خلقنا من الطين ويالله لا افضل طرق خير تهدانا=وعلى هموم الوقت ماغيرك معين وصلوا على اللي محتفظ بالامانا=اعداد من يسعى وطافو ملبين |
يالله ياعالم خفي(ن )وظاهر=زادة همومي وانت تجلا الهمومي ياررازق اهل الارض والطير شاهر=يامسير بحورك ومابه يعومي ياجالين للهم لو كان قاهر=لو لا الصبر لا ارمي ملابس هدومي عجزة اميز بين نجسن وطاهر =متخالطن سيله والابطح يعومي الله من لليلن قضيته وساهر=اسهر مع القمراء واغيب نجومي واخشاك ولا يومن عصيتك و اجاهر=ياوالي الدنيا وعلينا رحومي متواضعن ما احب كبر ومضاهر=واحب من خلقك نزيه السلومي نجوك من نارن تلهب و صاهر=وعفوك بيومن كل نفس(ن) تلومي والعبد ماينفعه لو كان ماهر=اما غفر ربك اذنوبك علومي |
ياللي سرقت القلب ببسط سهولـه= راع الهوى مسروق بالحيل مسروق= عذبتنـي بالحـب وكلـن يقولـه= شلعت من قلبي شرايين وعـروق= وحبك بقلبي من زمان الطفوله= حتى كبرت وصرت عاشق ومعشوق= وقلبن بلا حبن حياته ذهوله= وانا ذبحني هاجس الخل والشوق= لو سرت بالدنيا بعرضه وطوله= ياعنك ماألقى كامل الوصف والذوق= وانا اختصرت القاف وبعض المقوله= للي غلاهم طوق الروح ويتوق= |
اللافح اللي جاء من الحر والصيف=وحطو على جمر المليله ضويا ان قلة انا ياكيف وان قلت ياحيف=والمعطي الله هو جزيل العطيا اسمع ليا ماجاء لك الوقت بالكيف=ساير امورك دامك اليوم حيا ولابد ماتصفي امور المواليف=لاتسكر ابواب اليقين ابيديا وبعض الحميا مثل بعض السواليف=او مثل تصويتن على غير شيا ولا كل ماتقراه بخط المضاريف=تصغي وتتبع كل من قال هيا على كتوفك صاعدين المشاريف=هم استفادو وانت بوزرك وسيا وياكثر من يجحد كثير المعاريف=ممكن وتلقالك باللفين اميا |
والله المحاوره عندي لا اجيده بالشكل المطلوب ولكن اعذروني ابتعلم غصب هههههه وابجاري كبار المحاورين الوهاج والذي له باع طويل بالمحاوره
ياسلام الله على اللي يوم شفته بالصداره =ساطعن نوره مثل نور الكواكب مايتغير لو مسك منصب وزاره =والبحر مايهزه سطول ومراكب الله الله استلم يابرق. مرحبا حييت يابرق الحيا صدر وصداره يالرفيق اللي بشعر النضم سواله مواكب انت ليتك قلت يابن العم في تاره وتاره مايتغير مايغير لــــــــــــــو تهزون المناكب
وانت يالوهاج وشبك كل ما لاحت سماره=ترتبك من شوفها وانت له مشخص وساكب من مرور السير خذ حذرك ومن قطع الاشاره=من مرور السير خايف يوم تخاويهم وراكب الله الله استلم يابرق لاتشب النار شوف النار تالع من شراره احذرالنكبات ياللي تحسبك لاالناس ناكب الوعـــــــــد قدام كانك يمنا تبغا انحداره انت اللي شاطــــــر بشـــــــــوي الكباكب
لو ركبت للكزز المخمل ونجدة الغماره=البيت الابيض من نو العالم وناكب ياهم لالي لو تجراء ما احدن ينقض قراره= والمباني وضعه ماهو مثل بيت العناكب الله الله استلم انت تدري سد مأرب خربه يابرق فاره لاتبلشني بشعر بيوت عيت لاتراكب ياوسيع العمرفه طعني وعمرلك زقاره وقتكم خيب مناكب وقتكم خيب مناكب عذرا يابرق شكل القافيه وقفت مدري انا عجزت وشكرا لجميع من تابعونا وشجعونا في تشجيعهم يرفعون همتنا والله يحفظكم |
اقتباس:
رد وقصيدة الشاعر القدير ابن بليهد والنعم
لاهنت يابرق الحيا .. والجميله=تجزا بمثلينه على كل رجال حياك ربي عد برق نخيله=وبياك عندي عد ماهل همال ياحال من دون الرفاقه وسيله=ماحال من دون الغلا طول الاميال وكان الوفاء له خافقن يرتكي له= شرواك والله ماتزحزح عن البال انت الوفا طبعك وطيبك خميله = عزالله انك للخوي ريف وظلال شرواك يرقا النايفه ونعني له= ياخيّمت هم وعنى والبخت مال وشرواك عدٍٍّ ماتناضب حصيله= ياصاح صياح الضمى يلطم الجال عاش الحويفي والمشاعر نبيله= عزالله انك يابو عامر سعد فال |
ياباب وين اهل الوفا ويـن الاحبـاب= ذكرتـني ياباب من برقـهـم لااح من العام مقفولن عن اهله والاصحاب =تنثرت عبـرات عينـي لـه صيـاح وقلب العنا زادة جروحه ومنصاب=شح الزمان ابسمته عقب الافراح هذاالقـدر يابـاب شاله ونهـاب=مايشاور وصلف (ن ) مهبه ليا اجتاح اللي لهم في مهجتـي بيـت واطنـاب=عمدانه ظلوعي وبالصدر منساح لو تقسم الاعماريقسم بلا حساب=اللي لهم طيبـن كما الورد فـواح ويالله يارب الخلائق و الاربــاب=تجعله مقره جنة الخلد وارتاح مقدر ولا للعبد حيله بالاسباب=والعبد مـا يملـك للاسـرار مفتـاح والعبد لو يعلم خوافيه لاهاب =وزين اموره قبل سجه ومراوح وربك ترى ابخص بالخلائق وهاب=لو نعلم يزهد كل تاجر وفلاح |
ابسـج رجلـي مـن عنـاء الوقـت ضايـق=وابونس الــخــاطــر ولــــــو مـاتـسـلـيــت ضاق الفضاء بوسعـه ولاني برايق=وطال الصبرفيني وانا منه مليـت وعــجـــزت امــيـــز كذبهم والـحـقــايــق=وابعدت عنهم يافـتـى الـجـود واقفـيـت لـشـفـت خطو الـدلــو مــابــه عــلايــق=ما ازعب وانا ضامي بدلو ه ليا جيت دلـــون نـضــح بـالـمـاء وراعـيــه بـايــق=مــا يبل ريـقـك لــو تنخى و تـعـزويـت يبطي عليل القلب ماهو افــايـــق=الـحــزم ضــامــي لــــو بظنك تــوريــت |
والله يالولا قولت الناس مخطي=لا اقول قول(ن )لمقابل واجابه اصيب واهدف برمي ومشطي=ماني ولد عفن (ن) ولااني قلابه تموت كبرن ياالقليم وتبطي=وابصوغ لك معنى ابجدي الكتابه مايوفق الا اللي خلقنا ويعطي=المنشي لغيم المزن والسحابه فيك الردى مكشوف مهما تغطي=دورن رفع مثلك وكشر بنابه كشر بصف اللي عبر كل شطي=مهايف ومع مثلك طيور (ن) تشابه راع الكرم لجاد بساعه وحطي=تعادل سنه من حط بوم الخرابه والله يديم الخير وامنه وبسطي=وتعز الحكم والدين وتحمي ترابه |
ياللي مدحت النفس بالكذب وش فاد= ماينفعك زيفن سبح وسط الاوهام لاتفيدني عن طيب ربعك والاجداد =إلانت وش سويت بعمرك والايام ولايمدح الرجال بفعول من باد= ما يمدح إلا بفعل يمناه لقام كم هيس وعياله به الطيب يزداد=افعالهم بانت كم الشمس وحشام وكم واحدن طيب على رؤس الاشهاد=عقب عيالن ما بهم خير ونظام هاذي تجارب من هل العرف واحفاد=والهون ماينفع ولا علق وسام والقاف ماعمره عصاني وينقاد=ارسمه بالريشه واخطه و رسام متواضعن واكره هل الكبر و عناد=اخلص ترى النيه مطيه لقدام دنياك مادامت ولافيه من ساد=والعمر تقفاه الليالي والاعوام و صلوا على المختار من خيرة عباد=على الذي حطم طواغيس الاصنام |
الشاعر العزيز عابر سبيل والنعم
لضاق صدري من همومٍ وهوجاس = وحسيت اني من عنى الوقت منحس خذيتلي مع صحصح البيد مرواس = ياما همومي عن ضميري تحلس برض خلا مابه ازعاجٍ ولا ناس = الجو هادي لا لجاجه ولا حس شبيت ناري براس مزموم الأطعاس = لاني بلا خايف ولاني بمندس ودنيت انا الدله ونجرٍ ومحماس = وزينت فنجالٍ مزعفر تقل ورس من شفته انزاح من راسي عماس = ويروق كيفي من شقى الوقت والعمس ابعدت عن ناسٍ حقيرين وخساس = مالي ومال العفن الواطي الدنس اللي عن الماجوب يعرض ونساس = عن واجبه يصد ابن الرزل نس ودي معي بالبر برقٍ ونوماس = الكل منهم غشمريٍ وبعد ونس وابن بليهد شوق لباسة الماس = هداج تيما ماهو قليبٍ رس رجالٍ على كسب المراجل خذو كاس = ارتاح معهم لو ماملك ولو فلس ==========ردي عليه اهلا هلابك عد ماهب نسناس =او عد ماينبع من البير والرس ترحيبة البارق وعابر على الراس=من شاعرن يقراء المواويل ويجس اللي ذكر عبدالعزيزن ونوماس=رجالن مع الطرقه ولا قالوا تهس مثل الجبال العاليه طيور قرناس=وانته مثل حيدن قوين ولايمس شامخ بعز واضحن مثل الالماس=ومن رافقك قالو نبي عابر وبس حيثك تصون الطيب والعرق دساس=عنك الرد يجفل تهينه ويخرس وعند المواقف تشبه الخيل ابرماس=والا الردي عفنن عن الطيب هو نس الطيب يازينه ويشرح للانفاس=والا الرداء علومه هزيله وتنحس وراع الرداء خوته همن وسواس=ولاترافق اللي ينقل الهرج ويوس في رفقته شرن وهم و هوجاس=وصفحاتكم بيض مع السلم والفرس والعذر عن زلتن بالقاف واعماس=وبيتن مخالف للمعاني وبه مرس |
استغفر الله عن كلام ن مايليق=واحمد الله والا تجيله واشكره والحنظله ماهي مثل طعم الرحيق=ورفقة اللي كل معروف انكره ما دمت حي ن لاتعد انه رفيق=عد الذي يخلص ويافي واشكره واكره الاصوات صوتن به نعيق=وليا نعق قفت حياته و ادبره وللمعاصي تروق لشبعت نهيق=لو تصد الموت لابد يسبره لاهيه والحشر فردوس وحريق =ولا ركع لو ركعتين امبره والحسد متأصل وفي جوفه شهيق =والردى ياكره من جاه ويشبره والارض يصبره على حمله تطيق=واكرهه لشفت وجهه ما اغبره |
http://www.hailnews.net/hail/news-ac...w-id-34059.htm
بمناسبة زيارة معالي مدير الجامعه ووكلاء الجامعه بمنطقة حائل لمحافظة سميراء
قال الذي لجاب جزل التعابير=يكتب جزيل القاف ويجيب معناه ياشعر ماهو وقت عذر ومعاذير=ولاتصوغ لي غير اجزل الشعر واحلاه لضيوفنا قدرومعزه وتقدير=هلا مدير الجامعه لاعدمناه هلا بشخص الخير نستبشر الخير=على السعه والرحب واهلا وحياه وترحيب ماينقص لكل الجماهير=ومن زارنا عاني على الطيب ملفاه هلت سميراء بالرجال المناعير=هلا هلا يامرحبا بكل من جاه واستبشرو باجمل خبر من تباشير=بالجامعه عقب التعب والمعاناه من عقب ما نكابد كثير المشواير=قبل الصبح يمشون والعصر ماتاه وباصاتهم تجهم تتالاء طوابير=ياكثر ماصارة حوادث وماساه وأنا احمد الله يوم جتنا على خير=واجمل خبر واجمل قرارن سمعناه كلمة اميرإ تحققت كلمت امير = امير حائل قال والقول يحماه الجامعه تفتح ولابد مايصير=وهذا اجتماع اليوم من شان مبناه والمنطقه يسع لها بكل تطوير =اميرنا رب الملا يسدد خطاه وحكامنا مافيهم اليوم تقصير=بصف المواطن دايم الدوم مسعاه والله يكافيهم شرور المقادير=ومليكنا ربي على الخير يقداه وصلوا عدد نبتن طلع به نواوير =على النبي اللي اعرجبه ا مسراه |
ياصاحبي كانك تعزن وتغلين=واطيع شور اللي يعزك وغالي اسمع ترى من صد الاقصى والادنين =متعمدن صده ولاهو مبالي الصمت حكمه للرجال العزيزين=والثرثره نقص ن من اول وتالي لاتتبع المقفى وناسن مصدين =اقطع وصاله مثل قطع الحبالي مالك ومال الناس والا مقفين=لا اجدله وانسه على ايات حالي لاتنشغـل باهـل الـردى والردييـن=اهل الـردى لو يتركون الفسالي ما ذاقو اللذه وعاشو حزينين=وكل ن يحاسب يوم مابه مجالي |
ياوجد حالي وجد من دونه اقــفــال=وجيبه مصفر والــعــرب مـايـبـونـه مقطوع من شجره ولا عنده عـيــال=ولا اقبل عليه الليل زادة غبونه مما يشوف من الغثاء وضيقة البال=حـتـى السـهـر عـيــا يـفــارق عـيـونـه شاف الذي مافيه شك ن ولا جدال =واصبح سجين القفل خـلـفــه ودونــــه وايس من الافراج في كل الاحوال = ولا له من الاجواد من يرحمونه او وجد من ينزف من الجرح والحال=بخس حال ن بينهم يقمعونه له حاشيه خانوه والكل محتال=عقب الرئيسه مكبل (ن) في سجونه هذا وان وجدي على محير البال=وقتن مضى والبعض مايدركونه قلوبن نقيه صافيه كنه الال=حشمه وحق الجار ماينقصونه فيهم ولكن كل ما قلت رجال=ومن اخلف لعادة العرب ينبذونه ولجيت لفزعه ماتخلوا ولاقال=ماتقهقرو بعذارهم يتركونه والسيل لجاهم من الجال لجال=والحق مايخفى ولاينكرونه من صدق نياتن بهم قول وافعال=رغم الفقر هم للولي يشكرونه واليوم عكس امسن من الوضع تهتال=كنه خيال قصصهم يسمعونه |
احيان اقول انه مريض=والا المرض توه جديد والا مع العالم حضيض=حظه اللي مثل ما قالوا حديد اتنفرز والقريحه تستهيض=واستعيد الذاكره واحصى العديد لا حضر ماله وجود ولا يعيض= مثل صفرن في شمالك مايفيد وليا سالني قال انا طيب اغيض=امره اللي محيرن واصبح فريد ينقض لهرجه وتلقى به نقيض=مايسرك بالحفل وايام عيد يفتخر لقال والمهرف عضيض=يثرد الهرجه ليا جابه ثريد الزمان اللي به غيوم ونفيض=اسعف رخومن وعزز له مريد |
الله يقبل صومنا وعاد عيدك= وليا كتبت الحرف انا ابخص امعناه= وابختصر قولي لعله يفيدك = وكلن وهبه الله من العرف واعطاه= ولكل من مرك يغني قصيدك= ولكل ذوق الخلق واحد ليا ابداه= ولا تجبر ابن ادم يتابع جديدك= ولب لتجارب من تعنى بدنياه= وان جار فيك الوقت للازم يصيدك= خل العلم نبراس والحلم مبداه= وان طعت نفسك منك حبالك وقيدك= ولكل من يخطي على الطول ننهاه= بسلوبك الراقي قبلك و يفيدك= والا ابعد خلا طريقك وممشاه= وليا مشيت اخذ الحذر وانت سيدك= والبعض ماتدرك محاسنه واقصاه= ويالله يامدرك خوافي عبيدك= اقبل دعاء خايف عذابك ويخشاه= واقبل صيام الاجر عندك و بيدك= والصوم لك وانته اجازي امسعاه= |
الكيف طاب وطاب كيفي ومليت=ومليت من دنيا كثيرن غثاها ولاتنشد الولهان لقال صديت=ما تصد نفس(ن )من فراق(ن) تباها إلا تخفي خافي الهم وازيت=ازريت اصارع علتي من شقاها ومن شد رحاله ما اقتدي بيمة البيت=صكات بقعاء عودت في عماها ولاتفيد كلمة يمكن أو قول ياليت=ولايروي الضامي هماجه وماها وإن كان تبغى العز للنفس وابيت=لاتحطم أمالك وزد مستواها والعوشقه مابه ذراء لو تذريت=عليك بالدوحه يضلل ذراها ولخاب ظنك في رفيقن تهقويت=عليك بارضن سقفها هو سماها مجارات الاخ العزيز والشاعر القدير الوافي ابو راشد=
وش عاد يا برق الحياء لو تقصيت= دنيا الشقا ياذيب غيم سماها= تاخذ وتعطي بس من دون تثبيت= ومن صكته بكفوفها مانساها= ترقص بها وقت الفراغ العفاريت= تسمع بذانك يوم لجت اغناها= اعطتهم الكلمه على كل تصويت= وذعذع لهم في كل موقف هواها= ومست للبعض المجتمع تقل حلتيت= زانت للناس وناس بذت خفاها= |
يالفيس ياما بك من الغث وسمين=ونقصن على الجهال واهل الدعاره وتجبرو باللي خلقنا من الطين=من سؤ غزو (ن) داخل (0ن) كل حاره متخالط(ن) سيله والابطح الى وين=وادي مع الاخرى توحد مساره علامة استفام مابين قوسين=اكبر خطر رصده على كل شاره وانصحك ياللي تملك العقل والدين=لاتنجرف مع كل غزو (ن)واثاره اسمع جوابي قبل ماتبدي السين=واضح لكل سلاح حد (ن)وطاره ماهي ذريعه نوب خنجر وسكين=وبعدن عن المشبوه بر وطهاره وش يذهب الامساس بعض العناوين=قالوا كثير الحس يعقب مراره وليا فقدة افضل بضاعه وثنتين= دينك وسنة مصطفنا وقاره اعرف ترى وان عشت مثل الخرافين=متلولح بضنك الحياة ومداره وبالاخره مع من تكبر وقاوين=هل من مزيد و عاصي الله بناره تسمع ملاعنهم وبالنار هاوين=شرابهم قيح الزنات وعصاره وعفوك تثبتنا على الدين ويقين=في ما قفن مابين فوز وخساره وصلوا عدد وردن حوته البساتين= على الذي مرسل بنذر وبشاره |
الساعة الآن 03:37 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir