هبت رياح الحزن في يوم الافراح = وساقت مزون افراق وقت احتفالي
واخذت محاصيل العمر جهد وكفاح = قدام عيني وبل الآلآم سالي
اشواق غرقت يوم حظي بها طاح = وصار الجفا شمسي ونبته ظلالي
يوم الذي عينه بها كحلها ساح = لحظة تبدل حال مما جرالي
ماكنت انا الجاني ولا كان ذباح = غصن السعد مقتول من بعد مالي
كان الكفن صبري بعد ما القبر صاح = وعجزت لا اوجّه عليه السؤالي
لا راس مال ولا مكاسب ولا ارباح = ولا امسيت به قلبي من الهم خالي
هذي مخاسيري بعد برقها لاح = والله يهون مقبلات الليالي

صح الله لسانك
ولاهنت
وسلم فكرك وبنانك
دمت برعاية الله وحفظة

الله الله

لاهنت يابو محمد والله يعينك

هــــــذي مـخـاســيــري بـــعـــد بــرقــهــا لاح
والله يــــــهــــــون مــــقــــبـــــلات الـــلـــيـــالــــي

مليون شكر لك على هالاابداع الجميل

دمت بخير وعافيه