|
اقتباس:
اذا شفت الغلا بالسوق فابعد لاتنوش الحار= واذا شفت النفوس كبار بعّد لاتجاريها مادام انك تشوف السوق طار وكل شي جار= تجنب علة تتعبك وانته مانت قاويها |
انا ماهمني بالسوق واشريها ولو مليار= وانا بعض النفوس اللي ترا ماجييت ناصيها عسا راع الذلول الي غدت في أول المشوار= الى منه سرى في تالي الطرقة يلاقيها |
صحت السنتكم يالربع وبيض الله وجيهكم محاوره ممتعه واصلو متابعين :076::076::076::076::076::076::076::076::076::076: :076::076::076::076::076::076::076::076::076::076: |
ابوهليل
وجهك ابيض ولسانك صحيح تشرفني مشاركتك |
اقتباس:
انا عارفك تاجر ماتهاب ومن حمام الدار= انا فاهمك واعلومك عليه ماتمشيها كلامك بين ليه وعلمك ماعليه اغبار = ذياب البرنعرفها ولانجهل معاديها |
اقتباس:
|
ورقان
ابوخالد الفريدي صحة السنتكم وماعليش ياورقان انا بصف ابو خالد اذا شفت الغلا بالسوق فابعد لاتنوش الحار=واذا شفت النفوس كبار بعد لاتجاريها ياسلام ياسلام هذا الكلام اللي يصحي من النوم |
انته لو عارفها تقول الحر نسل احرار = خطاك السو مار ادعي عسى ربك يسويها تدورها الليالي والليالي بالفلك دوار = ونساير دورة الايام نقضبها ونخطيها |
اقتباس:
صح بدنك ووجود بصف ابوخالد ترا والله يسعدني وابو خالد شاعر جزل نستفيد منه |
الشاعر ابو خالد
بيض الله وجهك وصح لسانك مليون اسعدتني وشرفتني بمجاراتك وردودك الجزلة الف شكر لا تكفيك ولك كل الود والاحترام والعذر والسموحة ان حصل خطا غير مقصود والف شكر لكل من شرفنا وانار متصفحنا بمشاركاته والختام عندك يابوخالد طال عمرك |
الساعة الآن 06:00 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir