سلام سلام يأهـل الطيـب والجـود=عداد مـا سـال سيـل بكـل وادي
جينا نبا علم زيـن وعـود كمبـود=وأنته تعرف البياض (ا) من السوادي

ارحب تراحيب جزله تملك الزود=من عز وشعارها بالود بـادي
حياك واللي تبي يالقرم موجود=الله يبلغك قصـدك والمـرادي

الله يبقيـك دايـم ذخـر للعـود=والجيد ايضاً ترى بالفعل جـادي
وقصدي مايجهله لاحميد والاحمود=ويا باغي الخير خيرك خير زادي

لاهنت لاهنت بين البيض والسود=ويجعلنا مانحيد اعـن المبـادي
الدرب ماهو بوجه العبد مسـدود=اللي يجاوب لياسمـع المنـادي

من عاش بلا مبادي غير مفقـود=لوقالو الناس تاجـر واستفـادي
والدرب واضح وقدمك صار ممهود=لكـن خلـك فطيـنٍ لـلااعـادي

انكان في الطيبه بذلـة مجهـود=تفوز ياعاشق الـدرب السنـادي
مايسلك الدرب الايسر غير مقرود=والنفس وبليس يلزمهم جهـادي

الطيبه مكسب اللي يكسب الذود=عاشق تراه المراجل بزتيـادي
والنفس وبليس سبت كل منقود=والهادي الله يهـدي للرشـادي

لابالله اللي باول صف مشهـود=هذاهو الصح واالعلم الوكـادي
الفانيه فانيه والعمـر محـدود=ومن لايحسب لاهاك اليوم غادي

كل شيء اله في حياتك يوم موعود=في شهر شوال والا فـي جمـادي
ونهاية الأادمي فـي قبـر ملحـود=أن كان من حضر والا من بـوادي

لا تحسب أن الطريق امهود واسهـود=يبا يطيـح الجمـل هـو والعتـادي
وبسجنك بالسجن وأنته ماانت محسود=لكـن حـذرى تكـثـر فـاالـدوادي

لبليس الاشتف لقيت اعوان وجنود=دايم جنـوده مساكيـن العبـادي
مصيود مصيود مالك نصر وسعود=اتوش وترش ياضـب الحمـادي

المشاركة الأصلية كتبت بواسطة الطوفان (المشاركة 824254) صح السانك يابن جمران مليون، استمتعـت بالعـب الراقي معك والختام عندك ،وتصبح على خير يالغالي

المشاركة الأصلية كتبت بواسطة سالم العرم (المشاركة 824270) صحت السنتكم

المشاركة الأصلية كتبت بواسطة ابراهيم القرون (المشاركة 824338) لعب متميز ومعنى متميز مغلف ومغطى بدا به الشاعر الطوفان وجاوبه فيه مضحي بن جمران ولا نستغرب منهم القاف الممتاز