المشاركة الأصلية كتبت بواسطة الـصامـت (المشاركة 815874) حياك الله يابن العم بـعـض الـبشر عرضته نكبه = لو كان يبدي لك الإحسان والله لأخليه في كربه = لن عاد فالعلم ياذيبان

ودي معك اخلف الجبه = وننسا علوم الذي قد كان
ليا فرس اسمها الشهبه = يزينها تاخذ الاذهان

الصامت=
بعض المواقف تجي صعبة=مردودها يتعـب الإنسـان
لاجاك في وقفتـه نصبـه=هذا الذي يسلب الأذهـان
بن وازن=
والنقزه اللى بلا حسبـه=تعميك وتخلفلك الاوزان
وتبقى رفيقي معك عصبه=وتشهد لكم كفت الميزان
الصامت=
الله يابعض العرب نشبـه=وعلاجه الصمت والسفهان
ثمنتلـه وافـي النسـبـه=ومد الوفاء عادت الضفران
بن وازن=
قراح عـد الوفـا شربـه=وما نعده واحد من العدوان
ومن ضيع الطيب في كسبه=ينهز قدره مـع الاخـوان
الصامت=
بعض البشر عرضته نكبه=لو كان يبدي لك الإحسان
والله لأخليه فـي كربـه=لن عاد فالعلـم ياذيبـان
بن وازن=
ودي معك اخلف الجبـه=وننسا علوم الذي قد كان
ليا فرس اسمها الشهبه=يزينها تاخـذ الاذهـان

المشاركة الأصلية كتبت بواسطة وليف الشوق (المشاركة 815998) صحت السنتكم وبيض الله وجيهكم ودام الله عزكم محاوره بدع ورد في قمة الابداع والروعه الله يعطيكم العافيه تقبل تحياتي وتقديري

المشاركة الأصلية كتبت بواسطة ابوفـــرح (المشاركة 816233) ايوالله (( مردودها يتعب الانسان )) صح لسانك يابوصايل وبيض الله وجهك على روعة ماسطرت تقبل مروري اخي الكريم

المشاركة الأصلية كتبت بواسطة فيصل الصيدلاني (المشاركة 818631) صحة السنتكم وبيض الله وجيهكم طابت المعاني والقلوب