|
يا طير بأرسلك برساله = تحمل سلامي وفحواها ............................ = ............................. الكحيله (1)
إنّ الغلا فيّ ما زاله = أمسي وأصبح برجواها
عبود (2)
وحلق على دار منزاله = وحط الرساله فيمناها
عبدالجليل الفريدي (3)
القلب ساءت به الحاله = والعين ياما ذرف ماها
الحاسم (4)
القلب يشكي أسى جاله = من روح جاني ويهواها
الحب الباقي (5)
جروح فالقلب قتاله = يالله تقبلي لي دعواها
فيصل الصيدلاني (6)
يا ينعش القلب بوصاله = وألا محبته بألغيها
حــــــــرب (7)
عجل بها القلب في حاله = ورد الخبر بعد يقراها
علي عيد البشري (8)
اللي فالأعيان منزاله = يا كيف له قلب يقواها
بخيتان البشري (9)
قلّه اببقى على وصاله = لو المحبه تناساها
حزام ناسف (10)
تقرير يشرح لها حاله = أعيشها بعد فرقاها
قابل البشري (11)
لا تترك الروح في حاله = يكفي من البعد ما جاها
القلب الأبيض (12)
الكل مسئول عن جاله = النفس تكرم بمهواها
نمر حرب (13)
للي ما جينا على باله = نفسه علينا من أغواها
أبو عقال (14)
للماد رجلي وخياله = جاك الخبر واحمي أتلاها
سعد رجاء الحصني (15)
أمانت (ن) معك تعناله= روحي ترا عنده ادواها
ليل السهارى (16)
تقرير عن حال يرثاله = والروح منه الدوا وداها
|
أخواني ، أخواتي أعضاء ملتقى حرب الرسمي بعد السلام والتحيه سيكون يوم الأربعاء الموافق 1431-5-14 في الساعه الخامسه مساءً ، آخر موعد لأستقبال مشاركات مسابقة غلاف الكسره ،،،،،،،،،،،، حيث سيتم اعلان الفائز في اليوم ذاته في الساعه التاسعه مساءً ان شاء الله ،،،، تمنياتي للجميع بدوام التوفيق والنجاح ................................ |
اقتباس:
اخي العزيز الحجيري موعد اعلان النتيجه تأخر كثير فياليت تعلن النتيجه لان (16مشاركه شيء ممتاز) سواء انت ترشح الفائز او تختار من اللي ماشاركو لترشيح الفائز معك وبالتوفيق |
الساعة الآن 12:17 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir