ياناس باللي يذكروكوا شبابـه=اهل الفعول مروضين الاعادي
قولوا لخلي لايطـول غيابـه=خطر ٍ عن الدنيا يودع فـؤادي
غرو ٍ عليه القلب يشكي عذابه=يمشي معي دايم بطبعه عنادي
حالي معه دايم عتاب وطلابـه=والعين بعده ماتذوق الرقـادي
ارسلت له مكتوب مارد جابـه=الله حسيبه حدنـي للسهـادي
ودموع عيني كنها من سحابه=هلّت على ابها جنوب البـلادي
مسكين ياللي ماتهنى شبابـه=طرد الهوى مايجلب الا النكادي
راع الهوى مظلوم محد ٍ شقابه=صابر على لوعات قدم وجدادي
حتى لو انه مات محد ٍ درابـه=شهيد حسره ماعليه الحـدادي
ياحرب ياربعي رجال ٍ مهابـه=سووا جميله رجعوا لي ودادي
والاجر عند اللي جزيل ٍ ثوابه=اللي امرنا بالصبر والجهـادي

خالد ينـادي ليـن كلـن درابـه=على القداء والا على غير قـادي
دايـم علومـه ياجماعـه تشابـه=لاغط في نومه تجيـه الـدوادي
ثم قام ينخى حرب من حر مابـه=والمشلكه ماهو نقى عن سـوادي
المشكله غرون ضحك لـه بنابـه=اخلف مساره عن مسار العبـادي
خالد علـى نيـه وخلـه غدابـه=لاما اوقفه بين السهل والسنـادي
اقفى وخالد قايم ينـزف صوابـه=تقول في قلبـه تعاقـب هنـادي
لو رايي اللي قلت خالـد مشابـه=العام جاه الـراي منـي وكـادي
امديه متعـب بالمسيـره ركابـه=تحت الثرى والا نصيح الفـوادي
يالاحمدي خذ من هل العرف جابه=انكان حبـك يالبناخـي وكـادي
لاتخيـل بـراقٍ خيالـه نحابـه=طرد المقفـي للعـوارف نقـادي
على سوالك جـاك رد الاجابـه=اصبر صبر يعقوب والا المهادي