ملتقى قبيلة حرب الرسمي - سمعت في نشرة الأخبار

محمد سعداليوبي=
سمعت في نشرة الأخبـار = توه خبـر بثـه الـرادي
أن السماء مكتسي بغبـار = والضلع يزحف على الوادي
مـجـــــــــــــازف=
جاك الخبر بس لاتحتـار = هذا حدث هين وعـادي
الخوف لازمجر الاعصار = وانت من الباب متبـادي
محمدسعداليوبي=
العبد ماله عـن الأقـدار = ولاحلت يقـول ياهـادي
وإن هبت الريح بالأخطار = كلي عزم والعـزم زادي
مــجــــــــــــــازف=
عن القدر مالكم محدار = حاصل ولاعنه مشرادي
والريح فيها جرس انذار = واللي تلقى الخطر غادي
محمدسعداليوبي=
عند القدر الكبار صغـار = أنتم وحنـا والاشهـادي
ورأسٍ حمى ماقفه ما حار = تراه لو هو غـدا فـادي
مــجـــــــــــــــازف=
الليل سرى على السمار = مابين فـزاع ومنـادي
مافيه إجابه ولا استفسار = ماغيـر دلـه وبـرادي
محمدسعداليوبي=
أنا أتعلم مـن الشعـار = وأنت على القاف معتادي
ومن أجل هذا لك المعذار = علـمٍ نقلنـاه مـا زادي
مــجــــــــــــازف=
اللي نقلته حكي ثرثـار = ماجبت حادي ولابـادي
والعذر يقبل من الاخيار = شاعر ومعروف بالنادي
محمدسعداليوبي=
والله تقدير لأهل الـدار = ذربين الأيمان الأجوادي
والا أنت حية بلا منذار = ما تحتمل قدحت زنادي
مــجــــــــــازف=
اقلامنا للديار اعمـار = في صفحة العزّ تنقادي
وحروفها تبهر الانظار = ماخالفت سنة الهادي
محمدسعداليوبي=
طابت ولا كن شـيءٍ صـار = ونياتنـا نظـاف وجـدادي
وإن كان نقصان في المسعار = أنـا لـشـرواك ســدادي
مــجـــــــــــازف=
انا معك ما اقصر المشوار = ولازلت للطيـب نشـادي
والعقل ثابـت وماينهـار = عميد للحـرف وقيـادي

ابــــــــــــــــــدااااااع % ابــــــــــــــــــــداااااااع

الاخ القدير محمدسعداليوبي & والعزيزمجازف

صحت السنتكم وبيض الله وجيهكم ورفع قدركم وشانكم

سلمتم على هذي المجاراه الاروع من رائع من بدع وايضاالرد

وهذا ليسى غريب على شعراء عمالقه الله يعطيكم الصحه والعافيه

تقبل تحياتي وتقديري