مساك الله بالخير

ياسلام الله عليكم يارياجيل الحميه=البناخي مختف(ن) له عدة ايام وليالي
البناخي ساق لي فنجال دله شاذليه=ثم ريح في ركابه قال ماعندي مجالي

مرحبا ونيابةٍ عنهم نرد إلك التحيه=والبناخي لو تغيب ماتنساء كل غالي
تعرفونه مايقصر بس فلم المسرحيه=طولوه ومللو منه البناخي والخوالي

اشهد انك فاالملاقا شيخ حماي الونيه=والخوال اللي يبونك قلبهم ماهو بسالي
كل فلم(ن) لك مدبلج لا تحملنا زريه=مير اشوفك يالبناخي مرخي(ن) فيه الحبالي

نارنا من ناركم ياشاعمين النار حيه=يفتخر من له عروق في صناديد الرجالي
والله اني مانويت اخطي واحملك الخطيه=والاجابه جتك ياخالي على قد السؤالي

نعم فيكم ياحمول الخيل ياكفوف نديه=اسم فيكم زاهي(ن) يالحر مافيها جدالي
لن خلصنا من ديونه ذمتك منا بريه=والا قلها يالبناخي واقضي اديوني لحالي

قولنا ياصاحبي معروف والنيه مطيه=ماتعدا في حدود الناس لو جالك مجالي
الدراهم عندكم مصروفها مثل الهديه=مير بعض الناس يجمع كل مر بكل حالي