يا سيدي سلطان بن عبد العزيز بن سعود=يصاحب الكف الكريم وصاحب الشان الكبير
الله يحفظك ياولي العهد رجال العهود= والله يردك للعيون الي ترقب لك بخير
وش خانت البيت المسور كان ينقص به عمود= ووش خانت الامه بلا شوفتك يا السيف الشطير
انته ذرا للمملكة با السم وإلا بالصمود = وظلٍ يعم الشرق الوسط من كبير ومن صغير
المملكه تثني عليك من الحدود الي الحدود = ومن شاطي البحر الغزير لشاطي البحر الغزير
ومدامها تثني مثل سلطان حلال العقود=لا والله لا ماتلام ان هلت الدمع الكثير
الناس ترحل وتخلفها ناس والناقص يزود= لكن مثل سلطان المسمى عن جميع الناس غير
مهما سمي با البشر بسمه وتزداد الجهود= يبقى ولي العهد هو سلطان الاول والاخير
يصاحب الوقفات جعلك للوطن واهله تعود= شوفتك راجع با السلامه عندنا افضل ما يصير
ياسيدي كلك شموخ وكف بطش وكف جود= وتحمل مع العالم صفات ماحملها كل امير
لنك ورثت العز والهيبه من عصر الجدود= ولنك ولد من حرر الدوله علي ظهر البعير
عبد العزيز الي لفاها بربعين من الجنود= واستسلمت له بعد يوما عبوسٍ قنطرير
كانت مهاجع للسباع ولنمور وللاسود = ولابه صباحا الا رحاها فوق اهلها يستدير
حتى كتب ربي لها التحرير بثبات الوجود= علي كفوف مرجح الكفه مجير المستجير
مسح مدمعها وخلها تباها با الورود = وتلبس من بعد طول احدادها ثوب الحرير
والشاهد التاريخ والمصمك من اخيار الشهود= من ضربة الشلفا بدينا بالتطور والمسير
ويا سيدي سلطان بن عبد العزيز بن سعود = الله يردك للعيون الي ترقب لك بخير