ملتقى قبيلة حرب الرسمي - ياسلامي برده والحذر ماجود

ملتقى قبيلة حرب الرسمي (http://www.m-harb.net/vb/index.php)

- مـــلــتـقى الـــمـحــاورة والــردًيه (http://www.m-harb.net/vb/forumdisplay.php?f=9)

- - ياسلامي برده والحذر ماجود (http://www.m-harb.net/vb/showthread.php?t=34084)

اقتباس:

المشاركة الأصلية كتبت بواسطة الصييفي (المشاركة 393558)

سبعة ايّام و الوسمي علينا يعود= يالله بمطرة(ن) كلّ(ن) يدونها
نبغي الفقع ينبت في الحزوم السود= و المواشي على عشبه نسمِّنها

اقلب الغتره اللي فوقها الماهود=واطلب الله تجلك من مخازنها
انت قلبك يحب الفقع بصاهود=بدوياٍ بيوته قام يازنها

شكرا للمتابعين

اقتباس:

المشاركة الأصلية كتبت بواسطة ابن خيرالله الردادي (المشاركة 393587)

الله انه يديمك ياحليـف الجـود
تكثر الطرق ونته ماخـذ ايمنهـا
يبيض الوجه سولف والنقا مردود
من يسجل بيوت الشعـر لحنهـا
رائعه من حمد
سبعة ايّام و الوسمي علينا يعـود
يالله بمطرة(ن) كـلّ(ن) يدونهـا
نبغي الفقع ينبت في الحزوم السود
و المواشي على عشبـه نسمِّنهـا
اتزان من الصييفي
بيض الله وجيهكم
وتقريباً اللحن ضبط
والله يعطيكم العافيه
وصح الله السنتكم
ومتابعين واصلوا
والصفوف جاهزه
:0736: :0736: :0736:
تحياتي وتقديري لكم

يا هلا بك يبن خير الله الردادي
شكرا على تشريفك ومرورك وتشجيعك الله يعافيك

من ناحية الحن دايم يحصل ولاكن طبيعي جدا

وبيض الله وجهك اخي الصييفي وسعدة في مجاراتك بلامانه كذالك انا التعلم منك بكللللللللللل الامور

تصبحون على خير

اقتباس:

المشاركة الأصلية كتبت بواسطة ابن خيرالله الردادي (المشاركة 393609)

اخوي الدكتور الصييفي
بيض الله وجيهكم وماقصرتوا
وفيكم الخير وانا ماني اكثر منكم معرفه في الشعر لكن انا اشوف انه عاتب وانت استقام لحنك في البيت الأخير ميه بالميه
هذا رايي وحسب معرفتي
والله يعطيكم العافيه
ومنكم نستفيد يالغالين
ودمتم بخير

يا هلا بك يبن خير الله
و انت فيك كل الخير و لا نستغني عن نصحك

تقبل تحياتي

اقتباس:

المشاركة الأصلية كتبت بواسطة حمدفهيدالحربي (المشاركة 393610)

اقلب الغتره اللي فوقها الماهود=واطلب الله تجيلك من مخازنها
انت قلبك يحب الفقع بصاهود=بدوياٍ بيوته قام يازنها

شكرا لك يا حمدفهيدالحربي على قبولي
و تشرفت باللعب معك و الفائدة متبادلة
شكرا لك و لكل من حضر أو تصفح
استلم الختام لا هنت:

الله انه يغيث الحضر و اهل الذود= و القبايل تربِّع في مواطنها
ما به احد(ن) يعاف الخير يا حمّود=و البداوة جزء مني و اثمّنها

صباح الخير يا لشاعر الفذ الصييفي

صح السانك انت وزميلك ومن العايدين بعد الزحمههههههههههههه

اقتباس:

المشاركة الأصلية كتبت بواسطة غازي الزغيبي (المشاركة 393663)

صباح الخير يا لشاعر الفذ الصييفي
صح السانك انت وزميلك ومن العايدين بعد الزحمههههههههههههه

صبحت بالخير يالعملاق
صح بدنك
و عسى العيد يعود علينا و عليك مرات عديدة
أنت ومن تحب و الحاضرين
شكرا على تشريفك

بيض الله وجيهكم وصح الله السنتكم

ماقصرتوا

يعطيكم العافيه

تقبلوا تحياتي

شكرا لصييفي

وبيض الله وجهك قد امتعتني ومتعة المتابغين

وبيض الله وجهك ونتهة المحاوره