سلام يا سالـم البشـري=عابر بالأقمار منـى جـاك
مع التحيـه لـك وقـدري=ما يغيب عن جانبه شرواك
حرف الوفا جالنا مقري=يامرحبا ياهـلا حيـاك
وسالم لأهل الوفا يشري=يغنم بشرواك وملاقـاك
عذب النبا يشرح الصدري=وانته عليه الوفى ممشـاك
عندى حقيقه عنـه وادري=من الشام جابك تحث اخطاك
ياشاعر القيل لك قصري=طيبك رقابه هنا وهنـاك
والآن نبغى المثل يجري=حرفه وسالم على يمناك
يامن بكم ماختلف خبـري=دكتور والطـب مايخفـاك
مل الصبر من كثر صبري=وانا وجرح الأسا فعـراك
إن كان تبغى الدوا يبري=ويساعد الصبر في بلواك
عجل وهات السبب بدري=حتى دوانـا يوافـق داك
أسباب منها سبب غدري=اللى أتانى مـن النمـاك
خلا جروح الأسا تسري=بين الهواجيس والضناك
لاتترك الظن يستشـري=ولا يصيب الهدف مرماك
استثمرالعقـل والفكـري=مادمت عارف هذاك وذاك
مااخطيت صوب الهدف عمري=وبالعقل خيك علـى هقـواك
لاتكبنـى فحيرتـه أمــري=ويفرح عدوى عليـه اعـداك
لوتشرب العلقم الصِبري=استطعمه عن حلا عنّاك
اعزم وخابرك ماتزري=الله يحقق أمـل دنيـاك