سلامي عليكم يالوجيه المسافير=هل الملتقى ياكاسبين الجميلـه
وبعد التحيه يالسيوف البواتيـر=يجي سيفنا اللي مايمله زميلـه
هلا مرحبا والعلم مافيه تغيير=تجي معك يامضحي ياراع الجزيله
بيوتك لقينا علمها الجايز ايسير=وكلن بوده شوفتك بالطويله
يدوم البقا بك ياعشير المناعير=وكل(ن) لعل الطيبه من حصيله
بيوتي ياخال الجود مثل المغاتير=كما ذود منهم ينطحون الدبيلـه
قبل تكبر الدعوى بسوق التباشير=ولد واحدٍ غالي سيوفه صقيله
بيوتك على ماقيل ماهي شخاتير=سيولٍ تحدر من عيون المخيله
لامني زرعت الطيبه فالمشاهيـر=ماهي ضايعه ياحسين لوهي قليله
وحكم الشريعه غير حكم الدساتير=وتفداء يمينك كـل يمنـا بخيلـه
عسى يالبناخي ماتشوف المخاسير=وكلٍ بعضده يشعلك يافتيله
مهما تثوع بالدير من معاصير=يسيد مضحي مانشوف الفشيله
طروش الذهب راحو لداره مداوير=وكل(ن) يود يهج به عن قبيلـه
بنيخي حسين اثنين ظمن الطوابير=وفوز الثنين مجيـر(ن) للقبيلـه
عليهم ووالله يالبناخي تكابير=مايفجعك ياكود مقطوع عيله
ونعمين فيهم بالليال المعاسير=وكلٍ متونه تدحم اللي قبيله
لعب منتخبنا شجعـو ياجماهيـر=وذا منتخبنا الجزل مافيـه حيلـه
حرار(ن) مخالبهم تشادى السنانير=ودايم وصيدتهم ثميـن وجليلـه
بيوتن تجي منهم تساو الدنانير=ولاهنت والله كل عدٍ تسيله
صواريم والله ياعميلي مشاهير=ولا يلتفت فيها لاجاته هزيله