قالو علامك ما ترد البيت للخصم الفضول= قلت الامور بخير والدنيا على توقيتها
ورقان مثل الذيب ينزي والجدل فيها يطول=وام الكباير جيت اكحل عينها وعميتها

من سمع ذاك المنادي يوم ينادي عرض طول = وانا لقيت الذاهبه و لمراحها رديتها
ياصاحبي انت صدوق وصدق من طبعي عجول= وام الكباير لو كشفت اعيونها ما جيتها

يابن فهد طيرت خلق الله وزعلت الخجول=بسم الله الرحمان ضيقت العرب وذيتها
ورقان حط المقلب اللي مع علابيه مختول=وام الكبايرعارفيناٍ (ن)حيها من ميتها

يابن فهد ورقان نايف ما نزل بطن السهول = عوذ من الشيطان كنك بالدروب اخطيتها
ويمكن جزع يابن فهد لسمع دقات الطبول = وام الكباير وينها ياصغرها مع صيتها

اضحكتني يابو شنب ورضيتني منته بزعول=وادنت نفسك بلخطا ونا تراي اعفيتها
اطبل وتطبيل للورعان وضعاف العقول=لاكن توقع وحذر الضيحه ليا مرتها

ماقلت انا غير السلام ان كان قدامي مهبول = ماودي اشعل نارها ولا ودي اسكب زيتها
ياملهي الورعان خل الطبل ما فيه محصول = شوف الضحيه من صوابي لا رميت ارديتها