ملتقى قبيلة حرب الرسمي

اقتباس:

المشاركة الأصلية كتبت بواسطة حمود الجابري (المشاركة 198343)

أتشرف يالمحايد ان اخذ معك طارووق

عد ما لاح براق الحيا في سماه =ياسلامي سلام الدين والدين مله
وقتنا يالمحايد داير(ن) في رحاه=لاتجي وسطها والعلم محدن فطله

اقتباس:

المشاركة الأصلية كتبت بواسطة المحايد (المشاركة 198449)

حياك الله ياحمود
لي الشرف وانا أخوك
أستلم

البقاء يالمرحب واللقا مبتداه=تحت بيرق بلادي كلنا تحت ظله
الزمن ياعميلي ماشياتن خطاه=ماني بوسطها على غلاف المجله

والله نص راسي نوم

اقتباس:

المشاركة الأصلية كتبت بواسطة حمود الجابري (المشاركة 198468)

صح لسانك

صاحبك شاف برق(ن) ساق رجله نصاه=حرب ربعي وعز الراس في كل حله
أتصفح بها محتار وين النجاه=يالمحايد تقدم كان تعرف تدله

اقتباس:

المشاركة الأصلية كتبت بواسطة المحايد (المشاركة 198476)

كان عسيت عقب البرق بالأتجاه= عقب شفت الفيافي عطني العلم كله
أنت تدري مايحتاج الجواب انتباه= شي واضح ومثلك مانوصيه لله

اقتباس:

المشاركة الأصلية كتبت بواسطة حمود الجابري (المشاركة 198478)

الله صح لسانك

الخبر كل قايد قوم يرفع عصاه=والفيافي بها خضره وخمسين فله
كل كف(ن) ليا قًدم بيعطى ملاه=غير بعض الاوادم دمع عينه يهله

اقتباس:

المشاركة الأصلية كتبت بواسطة المحايد (المشاركة 198485)

الفلل للقمم وإلا العصا للرعاه
فيه راعي وبه ياحمود حماي ضله
الله اللي عطانا ماجحدنا عطاه
والحسد يذبح الرجال من غير عله

اقتباس:

المشاركة الأصلية كتبت بواسطة حمود الجابري (المشاركة 198491)

ما نذم القروم مطوعين الطغاه=فيه فريس قوم وفيه لقاط جله
الله اللي حمانا والله اللي بلاه=ديرتن ريق صاحبها ماتقدر تبله

اقتباس:

المشاركة الأصلية كتبت بواسطة المحايد (المشاركة 198503)

معليش ياحمود أخذت لي نعسه

مابها شك والعالم تعرف الدهاه=أنشد أهل المعارك قبل سيفك تسله
فيه رجل قبل مانقول بيح خفاه=وفيه ديره بها ونسه وديره ممله

وبيض الله وجهك ياحمود وأنا أشهد شهادة حق أنك شاعر كبير بيوتك ذهب وفتلك ونقضك ممتاز وأخلاقك عاليه .
نصيحة للشعراء اللي يبون يتعلمون يتعلمون من حمود غير اللعب أحترام الخصم اللي هو أساس الرجل قبل اللعب .

صحت السنتكم وابداعكم