المشاركة الأصلية كتبت بواسطة ابوفياض النويمي (المشاركة 1279424) . . . . . . . . . . . . . . . . . . . . سلام ردة على اهل العاج=اللي على العاج وراده ردة ومصدارها هداج=للي لهداج ميراده مضمونها داخل الادراج=وافي ووافين ترتاده في ملتقى للقى منهاج=نهجه على منهج افراده

اعداد مالبوا الحجاج = واعداد من صام عن زاده
ترحيب مثل المطر ثجاج= صافي ونبع الوفاء زاده
الملتقى عالي الابراج = مفتوح للحرف واسياده
ماينطفي سراجه الوهاج = وإبن نويمي على ماده

ابوفياض النويمي=
سلام ردة على اهل العاج=اللي على العاج وراده
ردة ومصدارها هداج=للي لهداج ميراده
مضمونها داخل الادراج=وافي ووافين ترتاده
في ملتقى للقى منهاج=نهجه على منهج افراده
الاستاذصالح الحربي=
منك الوفا معتلي بابراج = راعيه ومثبت اوتاده
وصل سلامك ولا يحتاج=من قادة القيل ورواده
مثلك لقصر المعاني سراج = فراش للطيب ووساده
من ساحل الغرب للافلاج = لجودك الطير معتاده
مشارك=
ترحيب غــالي ومــا يحـتاج= مــن صـافي القلب للقـاده
اعـداد مـن فــالحـرم حـجاج= واعداد الاشراف والساده
صــاحبك لو هاجت الامواج= ولـــو كانت الـنـار وقــاده
حـاسب دخوله من المخراج = والــطـيبه غـــايـة مــراده
ابو طلق=
ترحيب مثل النجم وهاج = و أحر من نار وقاده
اهل الوفا كاسبين التاج = دايم على العز معتاده
من ملتقى فالظلام سراج = لضوّه الناس منقاده
على الصفا يجمع الأفواج = والطيب منهاج رواده
عذب المراوي=
اعداد مالبوا الحجاج = واعداد من صام عن زاده
ترحيب مثل المطر ثجاج= صافي ونبع الوفاء زاده
الملتقى عالي الابراج = مفتوح للحرف واسياده
ماينطفي سراجه الوهاج = وإبن نويمي على ماده