ملتقى قبيلة حرب الرسمي - سلام ورد وعبير وفل

ابوفياض النويمي=
سلام ورد وعبير وفل=من طيب طيبه بطيب يفوح
الملتقى ملتقى للكل=والباب فالملتقى مفتوح
اللي يبانا يجي ويطل=واللي مايبغا يطل يروح
راع الوفا لو يغيب يضل=والا الردي لو حضر مذبوح
ابومشاري=
تبقي بيوت الكرم والظل = مدهل بني سالم ومسروح
مجالس ان جيتها ما تمل = وريح المبهر يفوح فوح
وعن الكرم مايرد القل = للي يلاقي بوجه مسموح
وربعي حماه الدير والبل = ومن دونها يرخصون الروح
بوسالم الرحال=
ترحيب مثل الوبل لاهل=من مزن فيه البروق تلوح
للى بصرح الوفى يبذل=ما يملكه بالجهد والروح
للملتقى قلوبنا ماتمل=لجله لكل الحروب ربوح
له قدرما يوم فيه نقل=وله فالقلوب النقيه طموح
تلميذ الكسرة=
يا مرحبا والنظر ما يملّ = من شوفتك يا عديل الروح
تعداد ما غـــرّد البلبل = وفوق الشجر من حمام ينوح
مــاني مكثّـــــر ولا بي قلّ= فالملتقي عاملين صروح
مثل السحابة تسوّي ظل = وإن إظلمت بالبروق تلوح
خليفة المزروعي=
ترحيب مثل السحاب ايهل=اسبوع يمطر وبرق ايلوح
واللي نصى داركم مازل=يلقى الكرم والدلال اتفوح
ودار الكرم للجميع ايضل=ايضمنا في انس وفسوح
وشرواك قايد مايبغى دل=كلك نظر واليال اسموح
ابن عباس اليوبي=
يامرحبا اعداد وبل وزل=واعداد مافسما بيلوح
واعداد حوت البحورالجل=واعداد مافالبرورينوح
للي وفــاهم مــــايوم يقل=مخيم بضل الوفا ميروح
راعي شهامه بها ميكل=دوم الكرم معتنق با الروح
الاستاذصالح الحربي=
طبع الكرام الوفا للكل = عذب المعاني لنا مسموح
ماهي غريبه الحروف تهل = وبصدقها تداوي جروح
عز وشهامة رفيق وخل = مرفوع راسك تجي وتروح
تحفظ عهودك مايوم تخل =معها بشكري لكم بابوح
محمد سعد اليوبي=
ترحيب عد الحيا لاهل=بالسالمي من ولد مسروح
في دار بالجود ما يبخل=دارٍ هواها يرد الروح
منه يبي من صفاها يعل=يلقى الصدر بالوفاء مشروح
ومنه أخذ مبتغاه ومل=لا قبل هلا وإن غدا مسموح
الكاشف=
يامرحبا والكلام يدل = على الوفا والنبا المصلوح
وللضيف راعي الكرم مايمل = يستقبله والصدر مشروح
مانقول في قولكم مايخل = ومنهو لفاكم يدور ربوح
وحياتنا بين حر وظل = والوافيه وزنها في رجوح