المشاركة الأصلية كتبت بواسطة محمد عبدالله البدراني (المشاركة 1175753) لو فيك عرق من الخوال = ماتصرف العلم بنقود انته من الناس الثقال = وان غبت تبطي ثم تعود

راسي من الصوبين عال=يامحمد الطرقه سنود
قريت تحليل المقال=ياخال ياطيب الركود

محمد عبدالله البدراني=
تعال يامضحي تعال=العلم بين ومحـدود
لابارك الله بالجـدال=ولابارك الله بالجحود
مضحي بن جمران=
وش الخبر يابن الحلال=اصحيت لك ناسٍ رقود
مابه جواب بلا سـؤال=يالقرم جعلك فالوجود
محمد عبدالله البدراني=
لا ماعليك النوم طـال=ونوم الضحى ماجا بفود
حنا نبي وصل الحبـال=والحبل مثني ومعقـود
مضحي بن جمران=
يامن عليـك الاتكـال=الخلق من جودك تجود
احفظ مداغيش العيال=اللي عن الجزله تذود
محمد عبدالله البدراني=
اميـن يـارب الجـلال=تجيب دعوة كـل عـود
وقلوب العرب مثل الزلال=ماتشبه قلـوب اليهـود
مضحي بن جمران=
امين بس المستحال=ماراح لايمكن يعـود
ماهم سوا كل الرجال=به مثلهم وحدٍ يزود
محمد عبدالله البدراني=
ماطلبك انا شـيٍ مٌحـال=ولاقول علم بلا شهـود
مادليت دلـوك باطـوال=وانا احسبن مانت بشرود
مضحي بن جمران=
ماضاع لك عندي ريال=يالخال مفتول العضود
ياخال خلك فالظـلال=ارتاح ورفق بالقعـود
محمد عبدالله البدراني=
لو فيك عرق من الخوال=ماتصرف العلم بنقـود
انته من الناس الثقـال=وان غبت تبطي ثم تعود
مضحي بن جمران=
راسي من الصوبين عال=يامحمد الطرقه سنـود
قريت تحليـل المقـال=ياخال ياطيـب الركـود

المشاركة الأصلية كتبت بواسطة مسرور (المشاركة 1176174) صحت الالسن وبيض الله وجيهكم تحياتي

المشاركة الأصلية كتبت بواسطة سرورالبشري (المشاركة 1176175) صحت الالسن وبيض الله وجيهكم شعرائنا الكرام تحياتي