ما عاد لي في قليل القيل * ولا عــادني مستمع قلّه
لو انطقــه عالفــؤاد ثقيل * والثــقل لا زاد مــا نقلّه

( لا تحسب الجلّ والقصّه * والمكيجه والملابس جنز )
( تنقل متيــــريك للرصّــــه * آبو عرا ما يعـــوّد بنز )

( لا تحسب الملك قولة ملك * وقولي عن النفس يا زيني )
( ما شفت لي فالسواحل فلك * و لانـي مكسّــر مـوازيني )

( بارزتهم بالعصا والسيف * ولا عشت لحظة على خيره )
( ولا آحارب اللي يجيني ضيف * واللي يتذرّا ورى غيره )

( لو دينكـــم تتبـــــع نهجه * و تبعد عن الشك والمنكر )
( تبقى كما النور في وهجه * وتسلم من الضغط والسكّر )

( اللي اشتغل فالتجارة و غش * وما همـــه يغش جيرانه )
( مثل الذي دارهـــم من قش * ويلعـــــب في داره بنيرانه )

يا ليت عندي عصى موسى * وسبعة خدم من ملوك الجان
وآشيل باصبــاع جـــاموسا * وأقــرأ على الكف و الفنجان

كبي الغلا خفّفي تكفين * ما عاد لي خلق ومعاتب
مادام سعر الطلي بالفين * لو إنشرا غلّق الراتب

يا ليت عنده لنا مقدار * اللي من الود معضيني
كل ما غلطنا يجي للدار * وآنا آتغلاّ و يرضيني