بالله يا جملة الشعار=مع الحدث صوغوا الأحرُف
حتى يجي للكلام اثمار=(ما يضحك الطرف .. اذا يذرف !! )

البيرقالمنصور=
بالله ياشاعر الاشعار = هدي على قلوبنا واعطف
ماتشوف فوق اللهايب نار = والريح فاجوائها تعصف

جات الزيادة من اهل الخير= بس التماسيح فزيادة
واللي تقرر لجدة غير=مابان للآن كالعادة

اللي تقرر كلاه صوير=وعوير خاشره في زاده
والموتر اللي بليا قير=على البطانيج معتاده

الحجيري=
الفارس اللي تلثمّ طاح=دون الفرس قبل يسرجها
يبغى يحارب بدون سلاح=و عودّ على خِطاه يدرجها

حرب=
اشره على اللي عطاه وشاح=وعن الفرس ربك افرجها
الفارس اللي تلثم راح=فدروب يجهل مخارجها

الحجيري=
عروس دار الزمن فيها=واليوم كهله وكحيانه
اللي عرفها يسميها ؟؟=ويرفق مع الإسم برهانه

البيرق المنصور=
جده . جملة مآسيها = دبره من الرب سبحانه
حتى ليا سال واديها = السيل مايكب وديانه

طرفه رماني قبل ما ارميه=قدّام لا أعشق سلاحي
نادوا (علي) عزوتي ، بأوصيه=يا بوك لا تكبّ ذباّحي

سخرت قلبي و أحاسيسه=سنين لجل احتكم قلبه
ولما اكتمل هد تأسيسه=وبدا يؤسس بِنا غلبه

تسأل عن الحال وانت ابخص!!!=بالحال من بدّ كل الناس
(الشوق في زود ما ينقص)=هذا هو الحال والمقياس

عروش و قصور مبنيه=لكن طلع ساسها كرتون
ما اخْذت مع الشعب عصريه=حتى تهاوت على فرعون

متى هذيك الليال تعود=وتهنى قلوب الشقاويّه
أشقيتنا يا نحيل العود=وانتَ لنا الشمس و الفيّه

صابر سنه والسنه عدت=والثانيه ... الله يعديها
لا الروح قِنعت فِمن ودت=ولا الوقت قادر ينسيها