|
هذا أنين الفؤاد 0 يبوح = راعيه عن ما احتواه وانّ بعد الذي مسكنه فالروح = استوطنت غُربته موطِن |
كل الذي فيك سويته = جنيت عكسه في خيري شر كملتّك الطيب واوفيته = وخيرك شكرته لونّه مَر |
كل الوفا لك مديناه = باية معرف لنا تلفي بحر وهوى الليل راعيناه = وماكل مرة ترى نعفي ياكم ابو 00 لك حشمناه = عيا بك القلب لايصفي ايوب بالقدر عليناه = من طبعنا نود مانجفي |
ودي لكن الليالي عور = اسري بها في ظلام ادلج ولصباحها ما بدأ لي نور = امشي معه في نهار ابلج |
بخيتان = ســـلام يـابـوفـرح مـاتـهـون = في نون عين الذي مبديه ياللـي تمـد الـوفـا عـربـون = للي معك دوم يمشـي فيـه ابوفرح = ترحيب مثل الذهب مصيون = بالصاحب اللي كثير اغليـه اهـل النقـا عـنـك مايـزيـدون = والطـيـب مـثـلـك تـــرا راعـيــه بخيتان = عندي على النايفة تبقـون = ياصاحـبـي والـوفـا مـحـريـه وابغى الافادات منك يجون = علـى حـسـب لــك مانـرويـه ابوفرح = تسلـم وحنـا علـى القانـون = نمشي ومنهـو سـأل نفتيـه مانخيّب الظن مهما يكون = واللـي معـه عـلـم لايخفـيـه بخيتان = يـابـو فـــرح كـــل مايـجـنـون = منا السعد 0 والشقا نجنيه صار الامـل جُـزء فالمليـون = واليأس فـي خافقـي طاويـه وفـيـمــا نـعـانـيـه مــايــدرون = واصعب علينا نُصل ونجيه يامـن علـى القـن وتفـيـدون = جـرح الزمـن كيـف ونـداويـه ابوفرح = باالعون يامن لنا تشكون = ماني عليك الاسى راضيه وحتى من الهم ترتاحون = لو الأمل جزء لاتخليه اسعى ولو كان مايوفون = مكاسب الطيب في تاليه واعلم اذا للزمان طعون = لك رب جرح الزمن يشفيه |
لو ما بقى فالمواصل سبل = لاهل الوفا درب يعطونه من غيرهم لا انعقد به حبل = قامو موافا يحلونه |
يا غايتي والرجاوي فيك = إنك تصدق برب البيت مهما وفايا وفا ما اوفيك = اظني اموت لك ماوفيت |
لا حانت ايامها الاقدار = وحام القدر مع لياليها مالك بها لا لفتك خيار = عن مُرها دون حاليها |
لاعاد تهقى ابنشد عنك = لو شفتها نظرتي حيّت الله عطاني قناعة منك = قناعة الحي فالميت |
بخيتان البشري = سلام من صافي النيه = فيه الوفا من صميم الذات يبقى لك الطيب مريه = ياحرب ياراعي الصملات حرب = عــد الـحـروف الهجـائـيـه = يامرحبا براعي الجزلات والطيـب يامشاهـده فيـه = دايم بكم رافـع الرايـات بخيتان البشري = لك البقا 0وطبع ذا فيه = اشاور اللي رجال ثقات انصت معي واستمع ليه = مدري قراري يصيب ايات حرب = تبقى المشوره ضروريه=وانتم هل الشور والوقفات بالسمع وان كان عينيه=انا معك .منتظر للآت بخيتان البشري = الرجل لا قابله عيه = كيف اتفكك مع العيات وقديم الامثال مقريه = هل طابقت تالي الاوقات حرب = لــــو ذاق فــــي كــــل عـصـريــه = علـقـه . وعلـقـه قـبــل لايـبــات ويـصــيــد مـــــن فـوقــهــا كــيّـــه = ( تبقى كما الضرب فالاموات) |
ماجد ابومديدة = المُـلـتـقـى شــامِـــخ وعــامِـــر=وشـوقــي لـلأمـثـال يـدفـعـنـي إن غاب شاعِر يجي شاعِر=أكسـب معُـه حــرف ينفعـنـي بخيتان البشري = ماجد على صاحبه يامر = عنه المشاغل ماتمنعني ولاشك يالشاعر الماهر = بك يفرح الحرف يجمعني ماجد ابومديدة = كان السعد فالحشا غامِر=وماكانت الأرض تاسعني اليـوم نكّـد علـى الخـاطِـر=وأصبـح أسايـا ملاوعـنـي بخيتان البشري = جعل السعد دوم 0والظاهر = ماتنكد ان كان تسمعني آساك واللي بكم جاير =بسبابها لزوم تقنعني ماجد ابومديدة = ذا وقت فيه الأدب نادِر = وأكيـد مثـلـك مطاوعِـنـي الثوب والملبس الساتـر = يوجِعك حالُه ويوجِِعني بخيتان البشري = فالطالع اللي لنا صادر = خُذلك حُكم لا تنازعني مثلك مؤدب ولا يساير = وانتا وانا باالأدب نعني قِل الادب صاحبه خاسر = لو تنصحه قالك دعني ومخابر الناس يافاسر = تزهابها علم ذا عني |
شاعر = ساق السلام اللذي نمليه=هاجس به الذات بدّابه سلام لحن المصافا فيه=والحزن في نبرة خطابه بخيتان = على امل خاطري يوفيه = اللي طريق الوفا جابه ترحيب بالطيب له مبديه = عسى الحزن ينقفل بابه شاعر = حظي فالاصحاب لو ابكيه = مـايـنـبـري جُــــرح بـاسـبـابـه تبـقـى وفــي والـوفـا راعـيـه = مـدهــال والـطـيــب كـسّـابــه بخيتان = نفس الذي صاحبك يشكيه = ثلثين الاصحاب كذابه واسمع لصاحبك وش محريه = في وقت كثرو به اصحابه شاعر = الــلـــي تـبــقــى انــــــا اعــنــيــه = وثــلــثــيــنــهـــم مــاتــشـــقـــابـــه صــفــيـــت يــاقــلّــهــم بــاقـــيـــه = والـقـلـب يـأســى مـــن اقــرابــه بخيتان = الثلث فيهم طلع صافيه = واحد معي كامل انصابه واللي بقوا نقصهم بخفيه = بسيط بالشر ما اقدابه والقلب بلواه في محبيه = لو شفتهم بالزمن لابه لكن ندمح وذا نعديه = وعروق الاقراب غصابه |
صقر المراقيب = يابـو بخـت مثلكـم واعــي = ماكل شردة شجاع تعيب كـم ذيـب ماراعـه الراعـي = وياكم راعي ذبح له ذيب بخيتان = واجب نلبيك يا الداعي = وياكم هقوى باهلها تخيب كم ينعق غراب ماراعي = ولاظنتي نعقته بتثيب |
بخيتان البشري = صادر موقع لك اقراره = وبصّم وقاره على الميثاق قدر وادب جاك ياجباره = سلامي اللي من الاعماق لي ود يامكثر اوزاره = اللي بها خاطري له ضاق والله لو خافقي زاره = يلقى جناين من الاشواق ومشاعري فيه جباره = تنهار لو مزح قلت فراق كيف اتقي من لهب ناره = اللي غوى جمرها حراق جباره العروي = ترحيب يرجح بمعياره=ينصاك ياطيّب الأخلاق وفاك مانقدر انكاره=دايم لكسب الوفا سبّاق ودا لنا تشكى اضراره=وحمّلك الأوزار والأرهاق اسقاك علقم من امراره=وخلاك فى حال ما تنطاق قدرّت للود مقداره=حنون لاكن غرامك عاق تياركم عكس تياره=ماهو مثل شوقكم يشتاق واللى اشوفه ومختاره=ولاشوف غيره على الأطلاق اصحى اتطور مع اطواره=مادام ماهو لكم مشفاق |
بخيتان البشري = سلام والمعرفة مبداه = لحرف الوفا الفاضل الهادي اللي على الطيب ساس بناه = وماشي على نهج الاجدادي افيدني ياعزيز الجاه = في حي منه الآسى زادي في خافقي واحتملت الآه =وعن مابغى القلب به حادي الحرف الهادي = يامن يميني على يمناه = جيتك على وقت ميعادي يامرحبا وابشر بمسعاه = ياللي على خيِك تنادي ودي افيدك قسم بالله = وأجعل عليك الأمر عادي لني عرفت الذي خلاه = على الأسى صار متمادي بخيتان البشري = مايوم مدك تهاوناه = جودك وفا يابن الاجوادي آه الجفا شين يامقواه = واصبح له الشرب والزادي لولا الذي فالسما نخشاه = مانعزز الوصل للغادي هذا الذي منه عانيناه = مايفطر الكبد ياستادي ؟ الحرف الهادي = قلبـي معـك عـايـش المـأسـاه = وطـرفـي علـيـه الأثــر بـــادي لجلي عليـك الأسـى مارضـاه = يـاحــر راقــــي عــــن الــــوادي خلك على الطيب في ممشاه = لا تـقـطـعُــه يـــــوم وتـــعـــادي ومن يعمـل الخيـر فـي دنيـاه = يمـسـي بـرضــا الله مـتـهـادي |
سرور = سلام بعده مانـي قـاوي = احمل القلـب مالايطـاق اما فعلمك معي تساوي = والأ مطالبـك فالمـغـلاق بخيتان = ترحيب مده ماهو غاوي = راعيه 0والصدر به ماضاق يعالج لك القلب ويداوي = دام الحمل في طريقك شاق سرور = علـمـي مايخـفـاك يـامـخـاوي = اهـــل الـوفــا لـلـوفــا ســبــاق الـعــلــم مـحــتــاج لــــــه راوي = بــيـــن فــمــبــداه يـالـعــمــلاق بخيتان = علمك خفى خافقك طاوي = وراع الموافى جبر ماعاق واللي لعِرف العرب حاوي = يمشي على قنها لا واق سرور = بـشــرت بـالـحــق والــضــاوي = بالـحـق ماينثـنـي لـــه ســـاق وفـالـعـرف مـانـعـك ونـــلاوي = وقـن الـعـرب ماعـنـه مـفـراق بخيتان = شمام جاتك بلا لاوي = والحق لمن يثبته دراق والراوي اللي ظما راوي = ماجاب محصول للمفتاق والنهمة تقنّع الهاوي = وروس الدعاوي لقت حلاق والآن ياذيبنا العاوي = الطاق فالقن غلاقه طاق |
سلام حايز على التاييد = لاهل الوفا عذب منطوقه كل مانقوله كلام يعيد = متعمد القلب بعقوقه لجله في حكم المحبة سيد = ومكانته ودّ مرموقه كيف العمل فيه ياصنديد = ضيع على الخافق حقوقه ما اذنبت حتى عليّ يزيد = مآسي الوقت وحروقه يامرحبا والوفا مايبيد=أهله تثمّن غلا سوقه وماتلام يا شاكي التعقيد=من ود يستمتع بعوقه الوضع هذا يبا تحديد=مساه تفهم من شروقه عامله بالحزم والتجميد=ان حاد لاتقبل فروقه وان كان ودّك يباك يهيد=مايقرب الغنج وطروقه |
لايعني إنه ضعيف القلب = لاهلت دموع من عينه بل يعني إنسان لما الغلب = كواه 0 ماكتّف ايدينه |
ياكثرها ناس ماتسئل = من بعضها مالحقني باس ازعل على رجال يوم ازعل = ماكن لهم فالمودة ناس |
يامعايش الدور طالع لد = يمينك الكامب في صادوك صدقت نفسك تظن الورد = مفروشلك 0 والحقيقة شوك |
رميتني في لظى نارك = يوقِد حطبها عليّ فرقاك مدري متى تجري انهارك = ويطفِي لهب جمرنا لقياك |
حتى الحروف النوادر فيك = يظهر بها العجز فالتعبير احترت ياود كيف اوفيك = واحمي جنابك من التقصير |
تبقى حروف المعاني ظل = لاصحابها دوم تحماهم عن شمس الأغلاط يوم تطل = من فكر يجهل لمعناهم |
شفت الذي كان والاوضاع = وجا بثها يمنا عادي نادى المنادي وعلمه ضاع = مع الملا مالقي زادي قوافل الترك جن جياع = وامسن معه في بطن وادي لقي الثمن من وزيره صاع =مصروف بادي ورى بادي |
يحسب في مشوارك الحافل = سفير لاهل النوايا انجاز وغلطة 0 توكل عن الغافل =وتصبح محامي بدون ايعاز |
يا غايتي والرجاوي فيك = إنك تصدق برب البيت مهما وفايا وفا ما اوفيك = اظني اموت لك ماوفيت |
كل مابغى اللي يودونك = وصف المشاعر بحسنك يا 00 تاقف حروف الهجاء دونك = امن الالف لين حتى الياء |
استفزع الصبر طول البال = ولبى معه بس ماكفى واستنجدوبه بعد ماطال = حلمي 0وفي غايتي وفى |
يهنأ الآسى داخلي 0والجور = في غيبته داخلي يرقد وتبقى دموعي في ليل ونور = معي ظما خافقي تطرد |
كل ماتكدر بي الخاطر = القى السبب من كِدر خاطرك ماغيرك همومه اشاطر = وما غيري همومك ايشاطرك |
المستشار = سلام عطره عبير ازهار = واسرع من البرق في خيِل يلفيك يامهندس الاشعار = ياعد من فايضه سيل الفكر مني غدا محتار = اثر الهوى صدق متحيل صح المحبة عمار ونار = من طبها حظه منيل بخيتان = ترحيب من منطق الاحرار = من بعد ماجيتني مشيل مبني على ساس ما ينهار = فوق الذي كنت متخيل لاتشغل البال بالافكار = وتووه فالود وتميل لو حبك إيلول غير آذار = فالود بتكون متذيل |
رمية هل الفكر ماتخطي = والصايبة بالعقل ترجح واللي لا ياخذ ولا يعطي = يضوي نهار العرب تسرح |
لاجل المعزة لك اعطتني = معزة اللي حواه الذات ياليت في حضورنا جتني = ولا فالقفى من جنابك جات صاحب في مثله ماهزتني = له قدر ما احسب له الزلات اعلم تراها ماهمتني = تكرم في عين الرجال (( ثقات )) |
نبع الهوى جفت عروقه = وانا اتفرج على شاطيك ولاماتت قلوب محروقه = مادمت برضي ضميري فيك |
تبقى دروب الصعاب طوال = ومنها تشعب دروب ابعد وياصل لروس الجبال رجال = لا راقت لشوفها تصعد |
بخيتان البشري = حرف الأدب عبق عطره فاح = يرسم معاني شذاها ود من خافقي والسلام وشاح = برقه وفا والغلا مقصد ابو طلق = تنفس الطيب صدر ارتاح = بروعة إحساس فالمشهد ورحب وهلا وزاد أفراح = فؤاد لأهل الوفا يشهد بخيتان البشري = تبقى 0 ويأبى العنا ينزاح = اللي سكن عين ماترقد على مشارف هدبها اشباح = قتيلها مسح كف اليد ابو طلق = ياعين في سهدها إفصاح = لعل يهنالك المرقد وياكف كفّن عزيزن طاح = عن ماورا طيحته ننشد بخيتان البشري = استملكه بعد سده باح = فؤاد من لايبيح السد وفي حين غره لخفوقي اجتاح = ما لا على مواجهه بأصمد ابو طلق = هنيّه اللي كسب ارباح = لجل الذي يعرفك يسعد وخلّك على بيـّـنة ياصاح = تبقى على بيـّـنة فالرد بخيتان البشري = تمازجت فالمودة ارواح = وصدق المشاعر حدود وحد لكنّه البُعد دمه ساح = ولطّخ ثياب المودة عنّد ابو طلق = مادام ماتشتكي أجراح = لاتجعل البعد ياقف ضد تبقى القلوب النظيفة صحاح = ويهنى مع الوقت قلب مود |
مد النظر في عيوني زين = لأبعد مدى بالنظر تبصر تلقى مراكب بحور العين = شوقي على امواجها مبحر حتى على شطها يازين = ياصل ويرسي ويستنظر اللحظة اللي تجيها حين = فرحت مشاعرك ماتصبر تنثر دموع الوّله من وين = ماتحاول تردها تظهر |
بخيتان = بإعداد حبر القلم ماخط = على الورق لين يوم الدين سلام عندك رحالي حط = وانت الذي لليمين يمين حفيد الحجيري = بــأعــداد ذرات رمـــــل الــشـــط = وأعداد منهو خُلِق مـن طيـن ترحـيـب مــا قـيــل مـثـلـه قـــط = مخصوص مني على الغالين بخيتان = اللي في دربي تعمدّ نط = دعسه قضية على الماشين ؟ إن كنت مخطي جنابي خط = ياثقات وبحكمكم راضين حفيد الحجيري = من نط دوسه وعنه اشخط= واكشح بعاليك للباقين ذا حكمنا وللحروف نقط=تفرق بها بين سين و شين |
بخيتان البشري = عيني قرت بعد ماشفت = سطور لحروف ممنوعه بذهان لشروحنا طافت = وكانت بالاذآن مسموعه وليف الشوق = اللي لشوف النظر لافت = لو كان بحروف مطبوعه ما اصدر حكم فيه بالخافت = قدام تفصيل مشروعه بخيتان البشري = نفسي على مارأت عافت = يوم إن الاقلام مقروعه وش عذرها بعد ماوافت = فاللي خطاياه مصنوعه وليف الشوق = اللي بذاك الثمر صافت = والربح ماصف مجموعه لاتجهد الروح وتعافت = فأثمار من امس مقطوعه بخيتان البشري = جملة على الحرف ماضافت = مايناسب القصد وفروعه مدري تجاهل بعد وافت = والا البيانات مشفوعه وليف الشوق = بصمة معانيك ماهافت = مع نازل الحرف وطلوعه إسمع نصحية خبر لافت = لاتروض النفس في طوعه إبليس لا جابها جافت = من قاصي العلم منفوعه والطيبة بيننا نافت = والذيب مايتعبه جوعه |
اجناس فيها الطباع اجناس = فالخُلق 0 ذا الخلق والخِلقه وفالامر راع البصيرة قاس = شؤؤن لله في خَلقه |
الساعة الآن 05:20 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir