لاتغيضني واتقه شري= انا تراني ولد دندون
ولافاض بي حال من حري = مليون مثلك معي يزرون

لاصغيت راسي على متكـاي=يسري بي الشـوق لاوطانـه
واخيل زوله فى روض حماي=ويعانـق الوجـد وجـدانـه

وجهت له لين صار يشوف= بعد العمى توه دروبه
واليوم ناسي لي المعروف= وعن منهجي غير اسلوبه

الليله النوم ماجاني= ياحر دم الشقاويه
وبهرتها بن صنعاني= ونهجتها للصفاويه
ودقيت سلف المريكاني= لاصحابنا فالدعيجيه
وصار الملاقى بالاخواني= وهروج ومزوح عفويه
وقيفان ليحي وليحاني= ومن روحتي هذي الجيه

ماخاف حربك وانا حربي= واسمي مدون مع الشجعان
ماخوفتي غير من ربي= والا فى غيره ماخاف انسان
ولاقلت لك روح عن دربي= لاتخص لي جانب البهتان
مادمت ماتحتمل ضربي= انصحك لاتنزل الميدان

بعد ارتوى عذبي الصافي= اسقاني المر عن صافيه
وخالف هوايه وميلافي= من بعد ماصبحت مغرم فيه

ناديت قلبي غرام وجاك= وفكيت لجلك ترابيسه
وحطيت قدره تحت ماطاك= ناسي شعوره واحاسيسه

لاطرى عليه بعيد الـدار=وايامنا والهوى العـذري
يحرقني الشوق مثل النار=واستوحشه عهده الزهري

يالقايدي جيت وانصاني= بهر دلالك وشب النار
وابغى المشاره بالاقناني= في علم صاحب عليه جار