|
الله يحييك ياراع العليا ولاهو مستغرب الطيب منك من حمولتن بالكرم مشهوره
|
مالك لوا ياوجودك
|
اقتباس:
حنا اخذتنا السوالف ونسينا اللغز يالربع احد قال جواز السفر 000000000000 والا 000000 بس مدري تبي مني علم انا ابحلتني كلمة يشيلة هل هي يرفعة من مكانه او يشيله بالصوت او يحمله 0000 المخ متنّك:0716: |
اولا: تسلم يمينك يابو هليل ان شاء الله
اما حول سوال اخو راع العليا عن ذيب المضيح وقصته انه قبل 15 عام تقريباً كان فيه جماعه عندي ومعهم جهاز الكنود وفي ذلك الوقت كان فيه لغز مطروح ومدفوع عليه جائزه ورمعته برمعت الحل فقال لي صاحب الكنود نداك ولم يكن لي في ذلك الوقت نداى واكثر المشاركين بندى ذيب::::: اختصاص وذكر عليه بيت من قصيده لا اعرف صاحبها واذكر منها بيت يقول ( الفاطر ام الشليل الزين = ذيب المضيح تعشاها ) وتسميت بذيب المضيح هكذاى جرى بحكم القدر والصدف اماء المضيح جبل بوادي الجرير غرب جنوبي عن البعجى و البصيري ورمعتي للغز ( بالبو والضير ) وتحياتي للكل والجميع |
وش رايك في خيط الجرح او العمليه
|
الفيروس او المرض بشكل عام
الله يحمانا جميعا والمسلمين اجمعين |
ياراع العليا والله ماودي اصعب الغز لاكن اخونا وجودك يكفي الله يعطيه العافيه كلما جبت لغز صكه لاهو ذابحه وطلب مني لغز يمرح عدة ليالي وجبت الغزهذا والرمعات السابقه مالكم لوا
|
حشو الضرس او وجع الضرس او علاج السكر
|
فيوز السياره يابوهليل وش تقول في هالرمعه
|
مالك لوا ياوجودك
|
ههههه يابو هليل رمعة الفيوز قريبه ولا أعود في مجال الطب
|
لاذي ولاذي بديت السياسه ياوجودك
|
اقتباس:
طيب اشتراك السيارة |
مالك لوا ياوجودك
|
سلك السناره او الطعم
والعواريف النواخذ واهل البحر |
فكر زين موجؤد عواريف وموجود اغراب حلل وتمعن
|
المترجم بين اللغات المختلفه والجنسيات
|
الله يهاديك مالك لوا
|
قص الأثر يابو هليل
|
الاثر يشيله الشخص ياملك الحلول
|
جاني النوم يابو هليل وبكره لي عوده بإذن الله
طيب اللغز ويشيل الحل وسطه أو بيت الشعر والمعنى في بطن الشاعر |
ههههه ترى رمعة قص الاثر من ضمن السياسه عشان تقرب وادري إنها شقت السما من بعدها
|
تصبح على خير والغز على معناه لايوجد تلاعب بالحروف
|
طيب وش تقول في حكم البلوت إذا كان هاص والاغراب والفصايل المختلفه السبيت والديمن والشريا والعواريف هم كباتن البلوت ولايفهمه كود شخص يشيله حكم أو يشيل الأكله
|
السلام عليكم ورحكمة الله وبركاته
اسعدتم صباحن قمة مبكراً ووجدت محاورت الاخوان ابوهليل وجودك يكفي وبودي ان كنت معهم بالمحاوره الثنائيه لاكون الثالث كما يقال وودعني زعل فوات الفرصه عليه ان ارمع رمعه قد شفتها بعيني يوم كنت اطارد ذئباً والرمعه ( الـصـلـه بـيـن الـغــراب الـمـنـبـه لـلـذئـب الـغـافـل عـن طـارده ) تحياتي |
الرمعات السابقه ياوجودك مالك لوا
|
(الـصـلـه بـيـن الـغــراب الـمـنـبـه لـلـذئـب الـغـافـل عـن طـارده ) وعليكم السلام ياذيب المضيح الاول ياليت تشرح الرمعه هذي لانها معلومه جديده وبالنسبه للغز الرمعه هذي مالك لوا |
وشرايك بالوسم عند القبايل
اووو الوجه او المنيع التجاه الثاني السفاره والجاليه يلجئون بعد الله الى سفير بلدهم |
يابو مشاري مالك لوا
|
الاخ ابو هليل قلت ليه مالك لواء برمعه وهي الصله بين الغراب والذيب
وطلبة شرحها ودي اقول لك انت والاخوان سبق ليه ان سمعة وانا صغير واخيراً رايت بعيني وشرحة اذا نام الذيب وكان فيه هناك قناص او حامل سلاحه بالاتجاه تقوم الغربان بحركه غريبه تنزل بسرعه تحدث صجيج ونغيق مزعج ومن هنا يعرف الذيب طريق الاتجاه السليم اما السر الله اعلم تحياتي |
الله يمسيكم بالخير جيت ابا اذبح اللغز واعود يو انكم عجزتم عنه
يابوهليل الله يعطيك العافيه هذا الخاتم اللي بالطيور المهاجره |
اقتباس:
عود علانا جاي يابوخالد الرمعه قالها قبل ابو عزاام وقال ابو هليل مالك لوا عود يابو خالد انت والاخوان وشف لها اللغز طريقه واذبحوه |
لاهنت يالذيب على المعلومه وستبقى في الذاكره
|
رمعتي مختلفه وابو هليل ما رد علي لكن حققوا معه ليش
|
مايحتاج تحقيق العتب على النضر يابوخالد ومساك الله بالخير واعتذر منك ولولا المشاركه الاخيره مانتبهت لكن ابشر بالحق والرمعه مالك لوا
|
اقتباس:
اخوي ابو هليل تذكرني اني مسؤول عن صحة ما ئمليته تــحـــيـــاتــي |
مافيها كلام يالذيب ومصدق طال عمرك فيه بعض السوالف ماتروح من الذاكره ويمكن احط فيها لغزوان قالولي شي حولتهم عليك
|
صح لسانك يابوهليل على اللغز الجزل
واهنئيك على ألغازك والتي حطمت الارقام بالمتابعة والحماس وهذا لم يتحقق من فراغ بل من حب الجميع لك ونبل اخلاقك ومتابعتك للرمعات كماهو الحال من كل المتواجدين هنا وانا اشهد انكم ترفعون الراس الله يطول عماركم على طاعته وارحب براع العلياء واتشرف بوجوده والله يحيي الجميع |
اقتباس:
نرجع لموضوع لغز ابوهليل ياشايبنا ابو هليل عندي رمعه مدري وش سالفتها انشدك عن شي للاغراب موصول وش تقول في الكيبل او طبلون الكهرب اغراب ماهم نفس نوع الفصيله يوصل بين اجهزه مختلفه وفصائل متعدده من الاشياء التي تعمل بالكهرباء من لمبات وتلفزيونات وثلاجات واشياء مختلفه وكثيره والعورايف هم الكهربائين واصحاب شركة الكهرب وله مدلول بالسالب والموجب أو معرفة 110 من 220 ولا يفهمه ياكود شخصن يشيله الكيبل او الطبلون مايعرف يشبك اسلاكه ويعرف الفرق بين السالب والموجب والفرق بين الكهرب والماص غير الكهربائي إللي يشيله ويحطه وش قلت ياستاذي القدير |
يابو زياد ياملك الحلول شكرا من الاعماق والشكر موصول لجميع من يشارك ويشاهد الغازي فان قدمت مايرضيكم فهذ الذي اسعى وابحث عنه وان حصل قصور المعذره وسامحوني الكامل الله والخطا طبع الانسان
|
الساعة الآن 04:53 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir