علة محبه وعلة طب = تجمعت فيك يا قلبي
اطلب من الله رياح تهب = تنسف قلوع الهوى وغلبي

اخفيتها عن جميع الناس = وابديت لك كلمتي سراً
وضع الهوى دايما حساس = والموت لو ينقلب جهراً

بهديك كلمه من اعماااقي = الف وحاءٍ وباء وكاف
من شانها كثرت اوراقي = ولساني منها يجيه خلاف

ضريتني يـا مضرّينـي=على الموده وراح الود
ما يصير بالحيل تدنيني=وان جيت لك يالغلا تبعد

شفت الهوا كيف ما ينشاف = حبك بقلبي مثل حاله
اخفيه عن صحبتي واخاف = لا الناس تدري بمنزاله

استفحل الحب في صدري = الين سيطر على التفكير
يمين با الله لو يدري = لا غير يندم على التقصير

تبعثر اللي جمعته لك = ما جيتني الا على حرفين
الف يتعتعّ في وصلك = والها نطقته انا بعدين

في ضلمة الياس مالي ضو = يا صاحبي واتقدّى به
لكن بصيصه طلع لي تو = مع خرم متسلسلن بابه

فاتح بيوته على هالأرض =وسخّر لكل بيتٍ منادي
احد يتسابق لكسب الفرض = واحدٍ يشوف الامر عاادي
يا ويل حالي نهار العرض = لي صار ما يسدني زادي
لابه ديونٍ ولا به قرض = الكل عن الحق نشااادي

البيت والباب والصبة= الكل منهم يداريني
قالوا حياتك كذا صعبة = اقسى ولا تعامل بليني
كم لي وانا راجيٍ حبه = وللموت وده يوديني
اون من بعده وقربه = حتى الجمادات توحيني
حسيت في داخلي غربة = ما بين نفسي وما بيني
يمين با الله من كربة= ضاقت جميع الشراييني
قلبي ينادي سنة قلبه = ولسانه عيا يناديني
عز الله ان الهوى طبه = جفوة مع اللي مجافيني
عزمت من بعدها اكبه = ولو جاني شاري وباغيني
واحلف يمين الهوى دربه = ما يوم تمشيه رجليني

البيت والباب والصبه = الكل منهم يداريني
قالوا حياتك كذا صعبه = اقسى ولا تعامل بليني
كم لي وانا راجيٍ حبه = وللموت وده يوديني
اون من بعده وقربه = حتى الجمادات توحيني
حسيت في داخلي غربه = ما بين نفسي وما بيني
يمين با الله من كربه = ضاقت جميع الشراييني
قلبي ينادي سنه قلبه = ولسانه عيا يداريني
عز الله ان الهوى طبه = جفوه مع اللي مجافيني
عزمت من بعدها اكبه = لو جاني شاري وباغيني
واحلف يمين الهوى دربه = ما يوم تمشيه رجليني

هب الهوا وليتها ما جااات = عكس يوم انه هب
قمت اتنهد مع العبراات = من جمري اللي بصدري شب

سؤالي بالعين وضّحته = عساني اقرا اجاباته
بعيون من هو اذا شفته = تزداد بالقلب نبضااته

هواك كنه معـاه سـلاح=ويهـدد القلـب باحزاانـه
ويحاصره عن جميع افراح=ويذله بدااخـل اوطاانـه

اقسم بمن انزل التوراة = ومن بعدها انزل الانجيل
وانزل لنا اعظم الايات = اني احبك احبك حيل

خربتها مع جميع الناس = من شان يصفى معه جوي
بدلت جملة ذهب بنحاس = توي عرفت الغلط توي

زحمة مشاعر تريد البوح = لا بد عندك افرّغها
مسموح والا مهو مسموح = لو عند رجلك تمرّغها

دمعاات لمّت بريق الشمس = تبرق بعيني بتالي الليل
في جو هاادي ولا به همس = حررت دمعي وزدت الكيل

اخاف من تالي الايام = باغلى المخاليق تصدمني
واخاف من طيحته لاقام= حظٍ يدينه تقومني

الود دوبه نبت سنه = وانا الذي طااحت سنوني
شيبت يا صويحبي منه = لين التعب بان بعيوني

شفته يسحّب رجيلاته = ذاك الفرح من مضرااتك
نهاايتك هي بدا ياته= وبدايته مع نهااياتك

ما حيّ بالكون يزعلني= كود الذي في فوادي حي
يقدر بثقله يزلزلني = والغير يبطي يسوي شي

في حينا يا عرب مزيون = مفلوت حبله على الغارب
مفتون فيني وبه مفتون = والبعض دمعه على الشارب

كنت اتجاهل ودوم آصد=واعصابي بالحيل محترقه
وليا زهمني جميعي يلـد=كني حرامي سرق سرقه

تحدرت من طرف عيني = دمعه تعاتب حبيبي ليه
ليه كل حزه تاديني = اجيك وآشوفك مخليّه

يا قلبي لو كثروا الاونـاس=معروف وشهو الذي ناقصك
لا تدوّره بين ذيـك النـاس=راح الفهيم الذي باخصـك

حبك مسيطر علي كلـي=واطلب من الخالق الرحمه
لو زاد حجم الغـلا ملـي=تفجّر القلب مـن حجمـه

ذكـي يتغابـى لمتغابـي=والكل عنده فكر واسلـوب
لوكنت في بارد اعصابـي=يبطي يتذاكى واضن يتوب

مدري علام الحزن يمه=جاني يدابك دبيك الخيل
عزّمت وقت اللقا اضمه=لنّه تعوّد عليّ بالحيـل

راح الشتا مع حلول الصيف = والكبد للحين محترّه
واللي بقلبي سواة الضيف =ما نقدر نزعّله مرّه

يا صاح الاحباب لمّتنـا=عن لمّة الناس والاقراب
وبوسط الاحزان حطتنا=وعن حبنا قافلين الباب

عديت من عندها وارخيت=أرخيت عيني حيا كـذاب
من بعدها للغضي حنيت=ورجعت ودّي ادق الباب

سمعت في حسها بحّه=يوم كلّمت راعي الدكان
فحيت يا صويحبي فحّه=قالت تأدب بلاش جنان

سهران طول الليالي ذيـك=من شان اعيش الليالي ذيّ
ضاعت سنيني افكر فيـك=وانته ولا انت مفكر فـيّ

ثـارت تعابيـر تغييـرك=واخفت شعور الامل عندي
قلي وش اخلف تفاكيرك=واصبحت متهاون بـودي

ابشر تراني بديت آفـوق=من جرحك اللي نحتّه نحت
اول عيوني تشوفك فـوق=واليوم صارت تشوفك تحت

آخر مراحل جنوني فيك=يشهد بها كل عذالـي
واضنها يا غلا تكفيـك=تشهد عدايه بافعالـي

كلن يعذّب بمعرفتـه=قلبي وانا حالتي قشرى
الناس من ناحيه وانته=عليّ من ناحيه أُخرى

مدري علام الغضي يا خال=طبعه معي صار ما يبشّر
اضحك بوجهه وهو مازال=مازال في وجهي مكشّـر

ما بيني وبينها فجـوه=واشوف وقت اللقا طوّل
لامن تقدمتهـا خطـوه=ترجع ونبدى من الأول