الشاهي اللي على الصردان = يجمع حواسيسنا كله
ونقول كسره ومعها دان = الهم من خاطري حله

بحر الكسره=
ياهلال عطنا من الكسرات = والقاف احرص على وزؤنه
لابد ماتنتهي الحسرات = ناخذ من الشعر وفنونه
أبن وازن =
بعد انتهت اكبر العثرات = هلال خليه في اسكونه
بقضي معك اجمل الاوقات = عطنا معانيه والحونه
بحر الكسره=
يامرحبا زانت السهرات = ناخذ من القاف وشجونه
اقضي معك اجمل الساعات = القاف افرج من سجونه
أبن وازن =
تسلم وليا الشرف بالذات = بسهر معاك فالهوى ولونه
بشكى لكم واسمع النغمات = من داخل القلب مكنونه
بحر الكسره=
ترى الهوى يعطي الذعات = اسهوم ترمي من عيونه
يزيد قلبك من السرعات = والروح بالود مجنونه
أبن وازن =
خال المزن سبب المأسات = بعد العشم فيه بمزونه
قلبي توقف عن النبضات = هب الهوى عكس مضمونه
بحر الكسره=
النحل مايترك اللسعات = لكن لنا طب يعطونه
يشفيك لا جاتك الزفرات = يعطيك فالود قانونه
وان كان لاهدافهم نزوات = لا تجعل النفس مهيونه
ابعد عنه واكسب الراحات = قفل على الباب كالونه

الود في داخلـي محسـوس=الطـب ينـفـي معانـاتـه
ينخر في قلبي سوات السوس=دكتور حـارت فحوصاتـه

يا قلب وين اتجه واسير=وانته محمل من الاثقال
مالقيت منهو عليه يشير=يفك سجني من الا قفال

عبود ماتهمنا الاجراح=فيه الدكاتـر تداويهـا
ياملتقى الحب والافراح=الروح زادت رجاويها

الود لو ينخفي مكشوف = لابد تظهر علاماته
العين فيه النظرو تشوف = ماضن تخفى اشاراته

اشناب تهذي ورا البيبان = اشوف الفعال مفقوده
اعلوم بانت على برهان = ياحيف الاشناب موجوده

القاف عندي اكيله كيل = غلطان من قال يتعبني
اعطيك قهوه بريح الهيل = تخرم لها وانت جربني

الوقت لو هو حلى مره = احذر وحاسب ترى مايدوم
لابد يسقيك من مره = يحرمك حتى لذيذ النوم

يامنجرف اخزي الشيطان = لا ترمي الروح فالاحراج
ماضن وسط البحر ربان = يقرك موج البحر لاهاج

اخشى يجيه العنى مردوف = والبحر يصعب مجاراته
اجنود من بحرنا بالوف = القاف ينهي حساباته

اللي اختفى فصدور يبين = يظهر لك الدق من جله
الود نعرف نقيسه زين = نقيس الاعماق ونتله

اللي تعلا على كبره = وبلقول اصدر قوانينه
القلب لا ينتهي صبره = والقاف تخرج براكينه

الرد وقت القى مصروف = الجرح انهي معاناته
منهو تصدى لنا مجروف = الحظ يبعد مسافاته

للي حضر من بعد ماغاب = واشوفـه اليـوم ناسينـا
سوال وش غير الاحباب = بمن بعـد ماكـان يوفينـا

صحيـح ان الزمـن دوار= حكمه على الصخر منقوشه
ساعات يضوي لك االانوار = وفجاه يها جمك بجيوشـه

القلب من ودهم مامل = لو كان هجره سقاني سم
اه البلا في فوادي حل = ناوي عليه حلف واقسم

الرعد نسمع بدون امطار = ياليت فديارنا صبت
بعض العواصف تجيب اخطار = لو كان يم البحر هبت

تعليق لو جا مايضرك = يبقى الوفى بيننا موصول
دنياك ياصاح لا تغرك = ازرع وفى تجني المحصول

ياللي تشاهد على اشعاري = وتقول ليه البحر مجروح
غوص البحر واخرج اسراري = اخاف تخرج منه وتنوح

لو قلت اقدر على بعدك = اجني على الروح بالاسقام
القلب باقي على عهدك = حاكم عليه حكم اعدام

الجود نجنيه من جودك = مادام فالمتقى اجواد
الطيب لاجا من عودك = خسران منهو لكم جحاد

كل ماعطينا الهوى قنه = يزيد جوره مع الايام
خناجر الهجر منسنه = من طعنها نجني الاسقام

الروح تعبت من الاشواق = لقيت منهو يتعبها
مدري على هجرنا ذواق = يبغى المشاعر يعذبها

اعجب من الحال واستغرب = بعض العرب ليه ينسونا
الشام ماهو كما المغرب = ان غبت وان جيت يبغونا

يافارس اوصيك بديره = اللي لهم فالحشا عنوان
الشوق زايد فتصديره = بلغ سلامي على السلطان

اه الهوى في فوادي كن = ماضن الناس تدريبه
اليل قاعد اسئ واون = والصبح زايد فتدريبه

ياطيب جانا وله ريحه = يفرق عن الفل واليسمين
لو شي في النفس انزيحه = نعطي قدر بالوفى تثمين

دكتورليـه الهـوى جـذاب =امـال مـاعـاد تكفيـنـا
القلب صابـر وصبـره ذاب =عنـدك دوا لـه تعطيـنـا
لايروح عمرك كذا منصـاب= يا بحـر ان كـان توحينـا
ترى الامل ما انقفل له باب= مـادام فـا الله رجاويـنـا
جنيت مـن ودهـم اتعـاب = والقلـب دايـم معنييـنـا
الجرح في داخلـي ماطـاب =ملقيـت منهـو يواسيـنـا
لاتمل من عشـرة الاحبـا ب = وتقـول ماعـاد يمديـنـا
يمكن دخـل بينكـم كـذاب = فـرق مـا بيـن المودينـا
كل ما عطينا الامل ماصاب =الصبـر ماعـاد يقديـنـا
درب الهوى في طريقي خاب =ماضـن بالـود يشريـنـا
دام الامل والصبر ماجـاب =مركب شراعك على المينـا
وش ترتجي فوده ..النصاب =مالـك ومــال المقفيـنـا

سلام مني وفى رده = للي بذكره ذهب والماس
دايم وفي راعي الشده = اللي لزومه بغير اقياس
لي جرح في علته مده = مالقيت منهو يداوي الباس
جرحي التهب والسبب صده = ومن هجرهم جابلي وسواس
سهم الخطر واصل (ن) حده = وانعاش قلبي تدق اجراس
ابغي افاده تجي ضده = ترد في عروقي الاحساس

ترحيب من قلب في جده = ماهي كتابه على قرطاس
الصاحب اللي وصل مده = واليا نصاه الخبر حساس
اصبر وزيد الصبر قده = وعيد الامل مامن الله يأس
وان كان ودك منع وده = اقنع منه من صميم الراس
لا تبني البيت وتهده = بعدين تفرح عليك الناس
باب(ن) يجيك الهوا صده = من خوف يدخل منه نسناس
وان جات هجمات مرتده = الفوز اللي يجيب الكاس

عبود مثل الذهب صافي = ومن معدنه نجني الارباح
مثل العسل طبكم شافي = يشفي فؤادي من الاجراح

عسى البقى حضرت الوافي = قلدتني في الحقيقه وشاح
حتم على الراس ميقافي = لا عل ماتشتكيه يزاح

طاح البلا فيه ياكافي = مايفيد للي غوي نصاح
مدري البلا جاه من قافي = ولا الغبن داخله قراح

هاج البحر بالذي خافي = وكور بنا في غزير بياح
ومابينهم ضاع مقدافي = بين الغزر والعرى سباح

اه العنى فالحشـا مالـك = جرح الهوى يطلب النجده
اصبحت في دربهم هالك = من خال مخلوق في خده
في بادي الأمر باسالـك = عن الذي همت فـي وده
هو الذي جاك في جالـك = والا أنت جيته على حده
ماكان يخطر علي بالـك = ماشي ومريت من عنـده
والمشكله قال كيف حالك = جا نا البلا والعنى فـرده

سلام للشاعر الصارم = ياحرب يللي رفيع الشان
يا هل ترى الوفى غارم = ولا الوفي ياخذ الاحسان

ترحيب باهل الوفى دايم = اللي لهم خاطري نشطان
والمساله ماتبي عالم = ياحر في الطيب لك سيسان

الكيف من قهوته خارم = والشوق يغلي كما البركان
ياصاح من وصلنا حارم = القلب من قسوته حيران

عساك ياصاحبي سالم = والبعد لا شك له نيران
ومادمت في وصلهم حالم = حث الخطا واطرق البيبان

الجو بعد الصفا غايم = كثر الهجر الهب الشريان
الجود في بحرهم عايم = بعد الوفى ناخذ الهجران

بعد الوفى مالكم لايم = ومادام جازاك بالخسران
اجعل قرارك معه حاسم = اشطب سجله ماكنه كان

الجرح لو جا من يبريه = معرفت لهدافهم مقصد
انا الذي بالغلا اشريه = واليوم من جرحهم نحصد

نشريك ياللي رفع قدري = حتى الوفى يرجح الميزان
مفتوح بالطيب لك صدري = ما نغدر الجود والاحسان

عشره ليالي علينا تهل = سبحان منهو لها اقسم
الخير والذكر ما نجهل = لابد من وقتنا نحسم

ماضن بالقى ابد مثلك = فالقاف والشعر والاوزان
الكل بالفعل يشهدلك = عساك باقي مدى الازمان

عمر الجبل مايهزه ريح = مخبور فالعاصفه راسي
هاج البحر واعلن التصريح = الدرس من ياخذه قاسي

ضاع الامل فيه يالافي = راح الوفى والصفا والود
راعي الهدف يخرج الخافي = واليوم جو البحر اسود

لاتتبع الشين فدياره = خليك في ديرتك معزوز
اللي خرج قل مقداره = لو كان مثل العلم مرزوز