|
اقتباس:
أخي الفاضل الصيفي أعتز وافتخر بشهادتك واعتبرها وسام لي دمت بخير وعافية تقديري واحترامي لك أخي الكريم . ،،،،،،،،،،،، |
شكرا ياسعد نفاع لك من اخوك الف تحية
|
مساكم اله بالخير جميعا بالنسبة للضمة على الميم او وضع الف في مقدمة كلمة ملوك او النون التي نراها حاليا في القصائد مثل حرب(ن)
سلم (ن) هذه ماكانت عندنا سابقا والشاعر هو يعرف كيف يقرأ القصيدة ويركب الكلام وتوضع حاليا لمن لايعرف قراءة القصيدة لتسهيل قراءتها هذا هو رأيي ودمتم بحفظ الله |
اقتباس:
ياالشاعر اللي جبت قافك على ايز=توك دخلت مرحلت يدك والحار يابوك انا بين الكوادر ميز=وصرفك بربيه وصرفي بدولار دخلت نفسك يا المحامي بحيز=وضهرت راسٍ ماتعود للخطار من طلعته بين الحبص والمعيز=وزن المثل في دار والشيخ في دار |
البحر اللي عليه الابيات بحر المسحوب
((جمهوريه)) لايمكن انها تركب على بحر المسحوب قطعياٍ لاتسوي مبررات با المعنى |
اقتباس:
نعم انا مع هذا الرأي هناك اختلاف |
اقتباس:
صح السانك ولي عوده |
اقتباس:
وبعدين المبتدي الاستاذ القدير ابن خيرالله الى نتها انا انتهي يكون الردالاخير من عندي |
اقتباس:
هلا يا مرحبا ترحيبة يفصل بها البتار = هلا وقولت هلا طبع لهلنا وحنا اهاليها لنا ولغيرنا ماقول عنها المسلمين اقصار = ومن يجحد حقوق الناس نفسه من يزكيها نوينا وابتدينا والعلوم اليكبرن صغار = قدم فتل المعاني با المعاني يا مغنيها على قول الحقايق ما يغر العارفين انكار = ولا راع الذلول الي على الحروه معنيها لوان الناس في وجهة نظرها تبحل الانظار = ولكن من يقول الحق مايسلم بتاليها وحنا حرب يابان الحريب وكثرة الاشوار = بحور المعرفه نلبس بها تاج امعانيها نقدمها لمحتاجٍ عليه من الزمان اضرار = ويا عيا نقول ارجوك تعطى القوس باريها طلبت وسلتنا با الله وجاه مئاخي الانصار = وجاك الي طلبت وكل جابه عند قاضيها |
انتها الموضوع من جهتي بحكم القصيده التي رديت عليها وطلبت الرجال الذي احترمه واقدره واشكره على القصيده
|
اقتباس:
انت شاعر كبير ومايعجزك القاف ولاحظ البيت الثاني الشطر الأول من ردك اما انا شاعر على قد حالي واحاول مجاراتك يالغالي واليك يالغالي
يالشاعر اللي في طبوعك خزيز=البحر مايعجزه سيلا(ن) ولا انهار بارز انا والا انت توك بريز=بالميل مشيي كان مشيك بالأشبار احذر ترى اخليك واقف بليز=تحتار والظاهر يودوك لشهار خلك جبل لاتصير قشرت قزيز=ادنا حجر يكسرك وتعج بغبار ولاتصير مكزوزن وكزك كزيز=خلك كبير(ن) مع حشيمين وكبار وماني بجاهز للردا ياجهيز=انا وافي بلابتي صادق(ن) بار وتقبل تحياتي |
الأخ حسين مريع العبيدي
بيض الله وجهك وصح لسانك وعزيز وغالي طلباتك اوامر والله يعطيك العافيه واكتفى برد اخي قراح الحربي بيض الله وجهه وصح لسانه كما اني اعتذر من الجميع ان تم فهمي خطاء او لم يحالفني الصواب في محاولاتي ومداخلاتي مع الأخ خالد فهد الحربي فالأخ خالد شاعر متمكن ومحاولاتي معه مكسب ومنه نستفيد ولابد من استغلال شاعر بحجمه في المساجلات والردود ومن هنا اعتذر للجميع كما اعتذر لأخي خالد الحربي ان فهمني خطاء ولا اعتقد ذلك فيعلم الله اني اكن كل التقدير للجميع هذا للتوضيح وتقبلوا وافر الحب والتقدير ودمتم بخير |
اقتباس:
توي عرفت السالفه يالخنيز=ياللي لبست الثوب مابه ولازرار جابك وحطك من بيده يتبيز=حطك وقايه والسعد عنك من دار تحسبك لامنك قضبت الجهيز=تضرب مضاريب النمش وانت فخار انهاك لاكن منت عني مجيز=تبي تمد يديك ويدينك قصار وتبي تذب الريع مثل الخجيز=ايديك فيها قياد وبرجلك أهجار منته لزيز الصيرمي يالزيز=ياموس يارداد منته بتار |
انا اخر من يسكت
وتصبحون على خير بكره نشوف اذا فيه رد نرد |
اقتباس:
جاك الرد الله يهدينا وياك ونسأل الله ان يغفر زلاتنا ويتجاوز عنا وكل مادار بالنسبه لي هي محاولات لمجاراتك واكتساب الخبره من اهلها وبيض الله وجهك ماقصرت ويعطيك العافيه واستغفر الله واعوذ بالله من شرور انفسنا ربنا لاتزغ قلوبنا بعد اذ هديتنا وهب لنا من لدنك رحمه واستميحك العذر فيما بدر انت وجميع الأخوان ولكم مني ارق التحايا وازكاها ودمتم بخير |
خي حسين
صح السانك والسان الشاعر المتمكن قراح ولا قول الا يجرها ملقوف ويبلابها مسلم اما قضيت اللبيت تراي لايزال مصر عندرايي وطلب لجنه يعرفون الوزن مثل علي الحصني مضحي جمران تركي الشيخ فواز العمري فواز الزويهري قابل البشري زامل العوفي وكثيرين اللي ملمين بلاوزان والخلاف لايفسد القضيه والمعذره ياخي حسين الموضوع تطور ولازم اوقفه بموقف اصحيح |
لان الناس تالاخ العزيز خالد الفهد
مادام انت وجهت الكلام لي انا سأ عطيك وجهة نظري 1= اولا ياأخي انا ممن يتقبل النقد واذا قرأ ت مادار بيني وبين الاخ بعيد الشوح سابقا الله يذكره بالخير في احد قصائدي تعرف ذلك ثانيا انا ماأدعي الكمال فالكمال لله عزوجل ولكن يااخي النقد ليس باسلوبك هذا الذي بدات به رعاك الله فهذا هجوم وتهزيل بالخرين 2= انا ارفع نفسي عن التعرض للاخرين وانت جبرتني على الاجابة اخيرا عندما وجهت كلامك لي ارجوان تتحملني وانا عندما سويت الابيات الاخيرة ليس اعتراف بانني غلطان ولكن ما اردت ان منتدانا هذا الراقي الشامخ بمراقبيه ومشرفيه وشعاره ورواده انه يرجع لمهاترات وقذف الكلام ل لذلك طلبت انهاا الموضوع لان الناس يجب انتتزايد في الكلام الطيب وغير ذلكليس لي ولك اما كلمة ملوك فنحن فيمجال الشعر الشعبي النبطي وتنطق الميم عليها سكون وليسفيها شيفيلهجتنا العامية حسب وجهة نظري وتقرا الميم مسكنة وكان امامها الف عندما تنطقها 3= انا اعتز وافتخر بمعرفة ابن خيرالله وجميع الشعراء بما فيهم انت وهذا المنتدى هو بيتنا جميعا ويجب ان نحرص عليه 4= انا عمري والحمدلله 64 ولي باع طويل في الشعر ورديت عليك الان من باب الاخوة والاحةرام ارجو المعذرة وتقبل خالص التحية واقول لاخي العزيز ابن خيرالله
يامشرف المنتدي حافظ على المنتدى = انظر جزال العلوم وجاوب اصحابها ماني معلمك وانت عندك المنتهى = كل العلوم المفيدة راسك ادرى بها |
الله يمسيكم بالخير جميعا من غير ذكر أسماء الصراحة انا لي عتب عليكم جميعا في هذه المحاورة و أنا ضيف في هذا الملتقى الشامخ و يمكن فيه علوم كثيرة تخفى علي لكن اللي اعرفه في جميع المنتديات أن التسامح و الإحترام يسود بين الرواد و هم من قبائل مختلفه و ليس من قبيلة واحدة مثل هذا الملتقى موضوع النقاش( زياة ألف أو ضمة قبل "ملوك") لا يستدعي هذا النقاش و الخروج عن المألوف بالشعر و الرد و الرد المقابل. المسألة كلها ما تستاهل و أنتم ربع ويجب الترفع عن هذا المستوى من الردود فالذي يدخل ويرى ما يجري من الرواد سيستغرب و كأن هناك تصفية حسابات قديمه أرجو ان نترفع جميعا عن هذا المستوى من الخطاب و ان نستفيد من تواجدنا معرفة و سماحة و سعة أفق آمل ألا أكون أثقلت في كلامي وهو يعلم الله جاء نتيجة لحبي لهذا الملتقى و أهله الذين لم اجد بين ظهرانيهم إلا كل احترام تحيتي و تقديري للجميع |
اقتباس:
الأخ حسين مريع العبيدي انت رجل فاضل وكلامك جزل وعين الصواب ولايخفى على اي شاعر لكن بعض الأخوان الله يهديهم يخربطون اما لجهلهم او لعدم المامهم بالشعر او لحب الأثاره وقد يكون في صف خالف تعرف الكل يدلوا بدلوه وهي ظاهره صحيه رغم اختلاط الغث بالسمين والسم فالعسل لكن تتضح الرويا للقاري ولا يصح الا الصحيح رغم اني متأكد لو تسمع صوتياً لأختلاف الراي لدى المعارضين وهذي مشكله يعاني منها الجميع خصوصاً ان اللفظ فيه شي من الأختلاف من منطقه لأخرى وعلى كل حال البدع بحد ذاته ابداااع والنقد هو توجه مخصوص للناقد قد يصيب وقد يخطي لكون صاحب البدع هو صاحب الفكره وعلى مايقولون المعنى في بطن الشاعر والناقد هو ينتقد مايظهر له من صوره قد تكون مغلفه ولا يفهمها غير المعنى بها وقد يكون لأخواننا راي اخر اما بالنسبه لقولك لي اليك يالغالي
اشكرك وانا ترى ماني قريب مدى=شامخ شموخ الجبال ومخلع اذيابها لي ماقف(ن) لرفيق وماقف(ن)للعدى=وكل اللوازم تجدني لابس اثيابها وتقبل اجمل التحايا ودمت بخير |
السلام عليكم ورحمة الله وبركاته
وكل عام والجميع بخير حسب ما قريت وحسب ما عرفه ان شطر البيت المقصود والذي اثار الجدال الذي نقول انشاء الله انه مفيد (البيت غير مازون) |
اقتباس:
الأخ الشاعر القدير الصييفي اشكرك يالغالي وبالنسبه لي ارى الموضوع مجرد اخذ ورد والقلوب صحاح نتجادل ونتحاور ونستفيد من وجهات النظر المختلفه ومتأسف ان لم اوفق واعتذر من الجميع
كل التحايا نقدمها لكل الحضور=غالين وانته مقامك عندنا شي كبير اللي تشوفه يشوفه غيركم بالمرور=لكن حنا وساع اصدور باللي يصير وسلامتك يالغالي تقبل اجمل التحايا ودمت بخير |
اقتباس:
الحمد لله على السلامه وحياك الله
ماودنا تفتي الفتوى وتحسب عليك=ترى الفتاوي لها قانون ومركده وانت يابوفارس مكسب ورايك يهمنا حنا اجتمعنا وقررنا ومنك واليك=وحروف تنطق بظم وغيرها مشدده تقبل اجمل التحايا ودمت بخير |
الاخ العزيز الصييفي اقدر فيك المروءة والصراحة واشكرك كثير الشكر
على طرحك واسلوبك في الحوار اللاخ العزيز علي الحصني احترم رأيك واقتنع برايي وأسالك هل هذه الغلطة ان وجدت تستحق هذا الهجوم الاخ العزيز ابن خيرالله
العفو وانت في ميقافك قوي الجدى = انتم رجال المكارم وانتم اربابها واطلب من الله يمسكنا طريق الهدى = بعض المعاني عس الله يقفل ابوابها |
الشاعر حسين العبيدي
صح لسانك وبيض الله وجهك --------------------------------- ومديرنا ابن خير الله بيض الله وجهك والكبير كبير اعجبتني ردودك واسلوبك الراقي وبيض الله وجيه الاخوه جميع وانا مع راي الشاعر الصييفي وبيض الله وجهه |
اقتباس:
(((هذا شعر ولا هرجه ولا وشو اول مره اقرا مثل هذي))) اني قسيت بلفظ بعد اطلعت انك رجل مسن وشعر ماله دخل بكبر العمر طيحت الجاهل تطيب وطيحت العاقل تظره وشكرا و انا صاحب حق وشكرالشاعر العلم علي الحصني لبو فارس على اظهار الحق وبطريق بقيت الشعرا التي يعرفون الوزن مع السلامه |
الاخ ورقان وجهك ابيض اخوي وما عليك زود واليك
ورقان هذا الجبل راسي وكل العلم ينصاه = انا اشهد انه جبل نايف على كل ا لجبالي يعجبك هذا الجبل عسر(ن) على الراقي معداه = لاجيت اخيل النظر والياه من فوق الخيالي |
اخواني الاعزاء جميعن وبدون تحديد اسماء
السلام عليكم ورحمة الله وبركاته كما تعلمون طلب مني الاخ خالد فهد ابداء رايي بالأبيات مثار الجدل والاختلاف لا يفسد للود قضيه وانا والله العضيم احاول قدر الامكان الابتعاد عن مثل هذه المناقشات ولكن نضرا لطلبه سوف اقول مايعبر عن رايي انا وقد يكون خطاء اولا بخصوص الابيات والله ياخوان انا كقارئ ماوجت فيها شعر فقط كلام منضوم مع احترامي الشديد للاخ حسين ولا تجي في ربع مستوى بيوته الباقيه اللي شارك فيها من حيث السبك والحبكه الشعريه اما من ناحيت الوزن فيه خلل بالبيت رسائل احب اوجها الاخ حسين العبيدي انت شاعر ولا يختلف عليك اثنين ولكن الانسان ماهو معصوم من الخطاء ولو ان جميع مايكتبون الشعار شعر جزل وجيد ماصاربينهم فرق اتمنا من الله مايجي في خاطر من رايي شي الاخ خالد فهد اختيارك لي شرف لي واتمنا من الله التوفيق والله يعلم اني قلت مايرضي نفسي قبل ادور رضاك ولا رضاء غيرك ولي عتب عليك ياخالد فيه الشاعر العلم غازي مغيران من دون قصور بالجميع المفروض انا مانستغني عن رايه الاخ ابن خيرالله اتمنا منك انت والاخ خالد تلبون طلب حسين وينتهي الموضوع وانا من الناس اللي اكن لك احترام وتقدير وطالبك يابو سامي بجاه الرجال ان ينتهي الموضوع الاخ والشاعر الخلوق الصييفي لاهنت يالصييفي وكلامك يدل على طيب معدنك والله انا حاسبينك واحد منا ولا شعرنا انك غريب في يوم من الايام اخيرا الشعـر ديــوان الـعـرب لــه مكـانـه مكانتـه عـنـد الـعـرب ترتـقـي فــوق ورث الـجــدود وفـــي يـديـنـا امـانــه ومـن بعـدنـا بعيالـنـا يكـمـل الـطـوق مع تحيات فواز العمري |
الاخ فواز شكرا على مرورك ولكن يا اخي واجب على من دخل بين
اثنين يتكلم بالامانة انظر الكلام الذى جاني( هذا شعر والاهرج والا وشو اول مرة اقرا مثل هذ) اذاكان في نظرك البيت غير موزون فهل يستحق هذا الهجوم وكم راينا من نقص فى الاشعار وكلام غير لائق ولكن الانسان العاقل يربأ بنفسه عن سب وشتم الناس فالكلام الغير لائق يبقى لاهله ولايضر الناس ارجو من المتدخلين العدالة واذا انك كما تقول اعجبك باقي مداخلاتي وترى ان هذه هفوة الايمكن السكوت عليها يا اخواني انا اقيم نفس ولا احتاج من يقيمني ختاما يافواز لك الشكر والتحية |
الى جميع الشعراء مع التحية والتقدير
تختلف اللهجات من منطقة لاخرى فكلمة سلم لي هنا تساق للاعجاب والتعجب فعندما يعجبك شي تقو ل سلم لي على كذا وكذا اي للتفضيل وليس معناها اصلو لي السلام وانا عملت هالبيتين على هذا الاساس اي انني معجب بالحكم الملكي لمانراه عند الانظمة الجماهيرية والشطرالاول ( يهدى ضميري يوم ارد التحية يعني يوم اسلم على الناس في البداية ارجو ان تكون اتضحت الروءيا لللاخوان الاعزاء |
اقتباس:
حياك الله واشكرك على مداخلتك يالغالي اخوي فعلاً النقاش لايفسد للود قضيه هيا نتناقش البيت مثار الجدل
يهدا ضميري يوم ارد التحيـة=واقول سلم لي على ابن سعودي ملوك مانبغى حكـم جمهوريـة=متوارثينه من عصور الجدودي لن اقيم نفسي شاعر وتأكد اني بمثابت قاري ومتصفح ومتذوق للشعر فقط هل عندما ترى اشخاص وترد عليهم التحيه او تسلم عليهم اوتعجب بهم هل يهدا بالك ويرتاح ضميرك وانت ترد التحيه وهل عندما ترد التحيه على ابناء الوطن او حكامها لاتنبعث فيك الطمئنينه والأرتياح وانت تقول سلم لي على ابن سعودي ذاك العلم والهرم الموحد طيب الله ثراه ملوك مانبغى حكم جمهوريه حكم ملكي اورثه لأبناءه واصبح الأبناء حكام والشعب ملوك بمعنى ان السعوديين كالملوك معززين مكرمين ومختلفين عن اغلب الشعوب الأخرى والأدله كثيره والحكم متوارث ولا خلاف على فهم المعنى هل ماسمعته ليس شعر وكلام منضوم قد يكون كذلك في رايك وهذي حريتك الشخصيه وانت نبهت بأن قد يكون حلك خطاء ولك ان تتمعن الأبيات جيداً ثم انك لم تحدد الخلل في الوزن اما بالنسبه للرسائل الموجهه للأخوان وانا من ضمنهم ابشرك انا لم تغير في ساكن رغم ان اخونا فهد اعتبرني من عياله كاأستهزاء الا اني اقول الله يهديه ويصلح له عياله ويخليه لهم ولعينن ترجيه انا لايزعلني ولايغضبني النقاش وانا اعلنت قبل ان تطلبني يالغالي اني اعتذر من الجميع بما فيهم اخي خالد فهد واكرر ياجماعه لازعل يوجد وكل ماحدث مجرد اختلاف الراي واختلاف الراي لايفسد للود قضيه وحبت خشم على كل من مر من هنا والمعذره مزوح وتروح وتقبلوا اجمل التحايا ودمتم بخير |
شكرا للجميع
وبيض الله وجيهكم انا الرا الكسر بكلمت الجمهوريه فقط |
السلام عليكم ورحمة الله وبركاته
اخواني الغالين انا بالنسبه لي اتفق مع كلام الاخ فواز العمري وبالنسبه للخلل ياتي في كلمة جمهوريه وارجومن الجميع انهاء النقاش في هذاء الموضوع ودمتم بخير |
مالسلام عليكم والرحمه ..
أشكـر .. كل من زااار .. و كل من رد بـ أدب .. قد سبق لي واني شكرت الشـآآعر ..(قراح الحربي ..).. والشـآآأعـر العـلم ..الاديب ..(عـلـي الحصـني ..).. .. .. واكرر شكــــــري لهـم .. وبدوري أشكر ابن عمي شقيقي الشـآآعـر ..(حمد فهيد الحربي).. و الشاعر ..(تركي الشيخ..).. و الشاعر المتمكن (فواز العمري ..) .. لـ تلبيته لـ الدعوه ضمن زملاءه.. وأشكره ع .. شجـآآعـة كلمته وأدبهم .. و سـؤاله عن (( الشـآآعـر [ غـآزي الزغيبي ..] ..)).. أذ هنـآك تقصير فهو مني انا ولا هو تجاااهل و لا قل معرفه بـ أبو طلال.. ولكن قليل تواجده بـ النت الفتره الحاليه .. وأخـر المطـاف أختار له قصيده واطرحها ع هذا المتصفح الخلاصه :ما اقدر الخص التسع صفحات بـ كلامي لكن ع عجله اقول لا يجوز ان نستعرض تاريخ الدوله السعوديه والنقاش عند بيت (مكسور) اختصار الوقت انا قد قسيت ع الشاعر(حسين ) وبنفس الوقت اعتذرت له عن (قسوة الكلمه.. وارجو انه تقبلها بصدر رحب ..) الهدف منها لـ ارتقا المنتدى وتطور الموضوع و(مشك المشط الحيه) وانا ماتكلمت من (فـرآآغ .). وابن (نويمي) عنده خبر عن ماتكلمته عنه احدى المنتديات قاصده منتدنا .. وعن صاااحب الرساله بدون ذكر اسمـاء عن تكسير البيوت ..و..و.. الخ واذ لزم الامر بـأمكاني ان اضعها هنا بهـذا المتصفح واعتبروا ان هذا اخر رد لي بـ هذا الموضوع واذ تطور الموضوع من قبل __( الاداره والاشراف ..)__ طلعت من المنتدى انا ومجموعه من شعراء بمكالمه واحده لـ منتدى المجالس حرب او دوانيه حرب وبذالك تكون حريه لـ اي شخص يغمز ع كيفه و لـ لمن اراد ان يستعرض اعمال عبد العزيز ع كيفه و من يريد يشهد لـ شخص ثاني والهدف بيت لا اقصد شطر بيت ((الجمهوريه)) يـأأخي العزيز لا تركب ع المسحوب سوا كثروا الشهود او قلوا الادب معروف ليس ملكي ولا ملكك ولا افرض عليك شي يقول الزغيبي
أوحيت بالساحـه كـلام وتحاليـل=عن نشرة الاخبار من كـل اذاعـه غازي الزغيبيياكثـر ماوحيتـه وياكثـر ماقيـل=حول المدار اللـي طويـل نزاعـه واللي حصل باثنا السمر والتعاليـل=أوحيت بتلا الليل ثـورة اسراعـه من يوم ثارت بان حس الرجاجيـل=متخالط صوت الفـزع والفراعـه أربع من الجهيـل وأثنيـن عقيـل=متخالفين الراي لـو هـم جماعـه أثنيـن منهـم ماعليهـم مداخـيـل=ضد أربعة مـن حامليـن الوداعـه منهم شجيع يعتـزي بـأول الليـل=ويشجع المزهاف خبـث ولكاعـه ينشي لها لين انهـا تلقـح الحيـل=ثم غز عن وجه القضيـة كراعـه والرجل مايرضى على نفسه الميـل=كـل يعـدي دون وجهـه ذراعـه ذا قول من يبحر بها مثـل ماقيـل=لا جهز المركب وكـرب شراعـه يـدل دربـه لاأختفـن الدوالـيـل=لافتـر راس الدوكـرة والرعاعـه في غبتـن كـن البواخـر زنابيـل=من هن تعيف من الطمع والطماعـه يجهل بها اللي بالسواليـف حليـل=بالهرج والا الفعـل مذمـوم ناعـه ماودي أحرق حمسة البـن بالحيـل=حتـى شواريبـه تلـذ بمتـاعـه كان السوالف مثل سوق الفناجيـل=في مجلسٍ عقيـل ورجـال طاعـه تحـس بالتقديـر وتحـس تجليـل=تجليلـه الاداب مـاهـي ميـاعـه ومحدثه ياخـذ مجالـه ولا يطيـل=لو شده المصغـي بجـل استماعـه حيث العوارف كيفهم نوع تكحيـل=ماهي علوم مغالطـات وصعاعـه للهرج نـقـاده وللهرج تفصـيـل=والفرق بيـن الهارجيـن الوقاعـه واقرب مثل يطري على البال قد قيل=الصمت له ساعـه وللهرج ساعـه وهرجٍ بلا معنى يغـث المشاكيـل=ماكل مايطري علـى البـال تاعـه ولا صار ماعند المسولف مكاييـل=تراه عـن خافيـه يكشـف قناعـه والصمت به حكمه وله فيـه تنفيـل=لاجا المجال اللي يفـوق اطلاعـه إلا ومـع ذلـك وجيـه المقابيـل=للعارف المدرك سـوات الاشاعـه منهم تحـرك للمشاعـر مراسيـل=ولا يجـي للـواردات امتنـاعـه ولا الهبود اللي عن السالفـه سيـل=ينفض خروجه من جرف باندفاعـه ثم راحت الدعوى سحوب ولها ذيل=واللـي يملـه يهتمـه بالبشـاعـه مادري يحسب انه وحيد من الجيـل=مافيـه مخلـوق يساويـه بـاعـه ولا معودها علـى الحـط والشيـل=من خيل ابوه وحطهـا لـه قلاعـه من سوء حظـه وهقـوه الدعابيـل=عرفه وتفكيـره جفـاف ومجاعـه وبالناس هيمـانٍ صواريـمٍ تهيـل=وأهل مواقف في بطولـة شجاعـه كد واجهـو بمحدبـات ٍ مصاقيـل=تدوين ماضيهـم معاجـم طباعـه لو للادب ساحل مقاس ومواصيـل=حصلـت للعقديـن شريـه وباعـه لبس وسامٍ فيـه للجـدي وسهيـل=لسهيل مطلاعـه وجـدي بشعاعـه حتى اتهم وشر بـروس الأناميـل=مقرب سلام المتهـم مـن وداعـه هـذا وانـا بقـول ليامـن السيـل=من لابنى بيتـه بـراس الرفاعـه ذكرى لراعي بيت من غير تقليـل=بيته مثولث والخـدم فـي رباعـه يبطـي مشبـه ماتجيـه المعاميـل=وان كبرت القالـه يعـود اتباعـه ذكرى بها حظر التجـوال بالليـل=اقولهـا فـوق السمـوع ابراعـه اخفيتهـا وارسلتهـا دون تأجـيـل=لشـر زنـد وللحـروب اندلاعـه بـدق اصابـه لا توريـت تعديـل=واحدث موديل الأسلحة والصناعـه اخص واستثنى اهل البـن والهيـل=اللي بهم راسـي يـزود ارتفاعـه من كل خصله من ذراري اسماعيل=ولهم على هـدي الالـه اجتماعـه والمعذرة ياصحاب للوضع تأويـل=والمخطي ادرى في خطاه بقناعـه |
ياناس وين الصييفي مايجي بعد انتهى الاختبا ر = ناخذ ونعطي معه راع المعاني والعلوم الكبار= |
ياناس وين الصييفي مايجي بعد انتهى الاختبار = كم لي عن الشاعر اللي لابدع قافه يسر الضمير ناخذونعطي معه راع المعاني والعلوم الكبار= ياليت راع العلوم الغانمة في الناس مثله كثير |
الاخ فهد من ناحيتي انا قبلت الاعتذار وحتى لو مااعتذرت مسامح انا لانه لتوجد بيني وبينك عداوة وعذرك مقبول ولايروح في خاطرك الا الطيب وانا
ما=داخلاتي فقط لتبرير موقفي = ثانيا اشكرك على نقل قصيدة الشاعر بل الاستاذ اوطلال الزغيبي وبيض الله وجهك |
بيض الله وجيهكم جميع واشكر لكم حضوركم وابدا رايكم
وكلاً بعقله راضي والحمد لله رب العالمين ونستغفر الله ونتوب اليه وتقبلوا اجمل التحايا ودمتم بخير |
اقتباس:
شفتها بيوتك البارح وكنت مشغول بمحاورة مع خالد بن فهد
ياحسين ياطيب الساسي ياراعي الطيب في ممشاه = ممشاك بالطيب نوماسي برهنت بالقول وافعالي ورقان حاضر ومن راسي ابشر بكل اللذي تبغاه= ان جيت للورد وراده وان قلت ابرهن لك اقوالي والشعر له ناس نقاده والبيت مبني على معناه = معناه في صدر من صاده لو كثرو حوله اجدالي واختلاف بالراي لاباسي نبغاه بالحشمه ونرضاه = ولا يخدش القدر هوجاسي كلنا ربع بالتالي والنعم بالحر قرناسي محمد امديرنا وشرواه = ومن قال رايه على راسي ربعٍ حشيمين ورجالي |
حياك الله اخوي ورقان وصح لسانك
|
صحت السنتكم
.. .. أسجل اعجابي .. ويعطيكم العافيه .. .. |
الساعة الآن 09:46 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir