حي الكتاب اللي عنا فيه مرسال=بأول نهاراً من هلال الضحيه
من يوم جاني كل شياً على البال=مدري لفا في خير وإلا بسيه
الناس تربطها المشاغل والاعمال =والناس ماهي عن بعضها غنيه
الله يجنبنا خطأ كل من عال= و اهل الصقايط والعلوم الدنيه
تشهيرة المخطي مثل ضربة الذال=الله ولادعوى بها مشرهيه
يازيد يوم انك من الغيض من شال=لاهنت خل علومنا واقعيه
خل الضعاف اسمان وخفافها ثقال=وخذها رباع الياعطيت الثنيه
من مصدراً ماثوق ماهو بختال= قبل المواجه مايوصي وصيه
ان كان مال العلم ناقض وفتال=ما أنت بسنيني وتحرى مجيه
لولا التمادي بالخطايا والإهمال=ماصار بين المجتمع عنصريه
والله كريم وكلمة الحق تنقال=لاهي سبور ولاوراها غزيه
الزمل لاصاجت لها حمل وعقال=تمسي وتصبح من صطرها هديه
مافيه شر إلا مباديه جهال=ودون النفوس اتهوش حتى المعيه
لولا الخطا ماحط للحق معدال= حتى الخطيه ماتلقح خطيه
يمكن تدين بحال وإدان في حال=لاقال يابوزيد مالك دعيه
من صارله قرشين ياخذله ريال=في صورةٍ عجله وصوره بطيه