|
يا سلام الله على الشيخ والشاعر زياد = عد من هلل وكبر لربه وعبده الجواد الي بعزمه ماهو مثل الجياد = ابلج من ساحة الماد طلعته يده يو م صكة سبق الخيل عاندها عناد = يفهق الاطوال خلفه بعزمه وجهده في وقوفه مجد الاجداد وامجاده جداد = رافع في محفل الضاد خفاق ابلده اسعد الاحباب ساعة ركب فوق الشداد = وازعل الحساد راس الهرم يوم صعده يا زعيم الجيل في عسف صعبات المراد = عادة العاجز عن المجد يا جيب لهده كان عينه تبرح الدرب قل عد الجراد = البحر يا هاج يلقى على السيف زبده الجمل شقران كان اجزعه دبي القراد = ينتفض زوره ويا طاح با الارض هبده لو مدارات الكواكب على كيف العباد = انكشف زيف المنجم وحيلة ما قصده ما يفيد ولا سمعنا يقولون استفاد = ما سمعنا الا تعالا على الله وقرده ما يصدق ما يقوله ولا يحسب وكاد = ولا يمثل غير نفسه وقبة مرصده فوح غيضه ما ينكد على الناس العياد = اطلق حجاجه ضحى العيد ون حب عقده من تقارير السجلات به نقطة سواد= من يسوي فيه معروف انكر وجحده ذاكرة شبه الجزيره تحمل اطلال عاد = باقي منها بقايا هياكل واعمده ومن خفايا سرها ارمى ذات العماد =شافه الي يوم عود بدربه ما وجده مهنة التنجيم يدخل بها شرك اعتقاد = والعقيده دونها يقطعن الاورده دونة عن شيخ الاسلام في فتوى الجهاد = الشهيد الي على بابها السيف جرده ذي عقيدتنا وحنا هل اسيوف حداد = كل مسلم يحفظ العهد ويتم وعده يا الله انك تحفظ الدين وتعز البلاد= في رجال توفي الكيل بحساب اعدده واتهدي من ضل دربه الى سبل الرشاد=ما يسمعنا روايه ماهي بموكده عن علاقة وقعة كليب ودور ابن عباد = لا ينشي له سحابٍ ترازم ارعده ما تحيرنا الروايات عن بانت سعاد = وصل وسلم على الي دفن في مسجده تحياتي خالد الحصني |
مرحبا ترحيبة با سم المزيني = مرحبا من خاطر معلن سروره نورة جده بشوف الطيبيني = والوفا لهل الوفا فاحة عطوره كمل الافراح شوف الحاضريني = والفرح نوره حقيقه من حضوره والقصيد بحور والشاعر فطيني = والمزيني عادته يسبح بحوره من زهير بن ابي سلمى فيه جيني =يا نسى التاريخ دوره عاد دوره في بيانه سحر لب السامعيني = وانضرب غصن الشجر طير طيوره دون ما ينقص حقوق الاخريني = من نقص حق البشر بيٍن قصوره ومن يقول انه عميد المبدعيني = ناقص غطى على نقصه غروره ساحله متعب خيال الاوليني = ما 00 حصره المتنبي في عصوره قمة الابداع والول الثميني = قمةٍ من دونها ليل وخطوره من وصلها ما يبي لمطبليني = مثل نور الشمس با الانوار نوره في طريقه يعترضله حاسديني = وكل ناجح يصبر برحلة عبوره والفرج طير السعد الصابريني = والله المعبود مع نفس صبوره يا هليل با الرفاه وبا البنيني = ياعسى مبروك يا نمر النموره مرحبا با الحفل ترحيبة مزيني = قالها شاعر وعبر عن شعوره |
يا مير تنشدني عن اخر جديدي = هذا جديدي وافتخر فيه يا مير يا صار في ربعي نوادر قصيدي = من قدح راسي مارجيت الشواعير تحت عصاي الشرد مثل العبيدي = شردٍ من اهجوس المطفق مذاعير من منهل با الجوف شيبه وريدي = يلف عليه مثل ملفى المسايير طر ايف في ذكر عهد مجيدي = للمستمع مثل الدلا ل المباهير افخر وماري با الفخر في نشيدي = واشوش شووشة من لفلوه الخطا طير شوشات ابن ناحل لركب منيدي = والا عويض با اليال المعاسير اشوش شوشتهم وطولي يزيدي = اليا ذكرت افعول ربع مغاوير ربع لهم با المجد عهد تليدي = يوم الطراد ويوم نقل البواتير وقت قبايل نجد بدو شديدي = مشهاتهم ما تهتويه المعاشير ما يجهل الحصنان غير البليدي = او موجس نقص بنفسه وتقصير حربة قبيلة حرب قدم الضديدي = اليا ختلط عج الدخن با المعاصير على ظهور الي حذاهن حديدي = يردون حوض الموت دون المصاغير يا قال صياح الفزع يا عضيدي = عنها حدونا وفزعوا يا مظافير ثم انتخا للعلم راس عنيدي = زبن الدخيل معشي السبع والطير ما كنه الا خالد بن الوليدي = وبا الجاهليه غطرسة سالم الزير عنده نهار مطارد الخيل عيدي = ومن السطر من دوره قالوا مغير الي على ناره عددهم عديدي = الي من الحصنان والي من الغير من كثر ما جاب الجهم من بعيدي = امعانقينه روس قوم ومشاهير ومن صيحة الفزاع صاح العقيدي = يا هل غصيبه ما تفيد المعاذير عن حرب والله ما نشط ونحيدي = الراي يا اهل الراي شيروا وبا اشير تحيزموا والراي له من يجيدي = مبحل وهو مبحل يحير ولا يحير امحنك رايه با الريا سديدي = يا عمسة الاريا يدل المعابير ثم نقطع صلب الكلام المفيدي = والخيل دقة في حذاها المسامير وردو حياض الموت خطلان الايدي = مثل العجاجه في جموع الطوابير دار النهار وجا نهار الوعيدي = وطاحت عزوم الي تقافوا مدابير نهار كان الحرب يوم سعيدي = يوم تورخ فيه نجد التعابير رد البرى منور ابفعل فريدي = بامدوح تقاطعوه المناعير قبل يسود بنجد حكم حميدي = وقبل يصيرون الشيوخ الهوامير قبل يصير الشيخ حسب الرصيدي = والمشيخه تعطا لراع الدنانير وقت مضى ما قول جعله يعيدي =وقت الجهل ومسطرين الاساطير لو تنشد العاقل من المستفيدي =ما قال ودي ما حصل يرجع يصير الله يبدي با العباد ويعيدي = وله حكمة في ما يشا من تدابير نريد والله يفعل الي يريدي = ولا عندنا علم بغيب المقادير هذا وانا منقص حقوق العبيدي = كل عطاه الله من الشر والخير هذا جديدي فيه افاخر واشيدي = صورة شي كان با القاف تصوير |
السلام عليكم ورحمة الله وبركاته
في احدى المواقع الاكترونيه المنوعة الاعضاء طرح احد شعراء هذا الموقع وهو الشاعر ناصر الروقي قصيده موجهه اليه ورديت عليها اليكم القصيده وردها يقول الشاعر ناصر الروقي
ياخالد ابشكي لك بعد مركامـل عـام=ابشكي عليك الزين ياخالد الحصنـي وهذا ردي عليهاابشكي عليك الي ذبحني بدون اسهام=ذبحني وخلانـي معيـن يخلصنـي تعرفه تعرفه زين صدقً ماهوب اوهام=ولان كان قولي صدق بكره تحاكمني هنوفً خلقاها الله مهي ريشة الرسام=عطاها جمالٍ صاب قلبي وصوبنـي تغلت عليه واشملت بعد قلبي صـام=عن الي سواها كيف ترضاء وتذبحني بعد كنت انا والقلب للغاليـه خـدام=اشوف الغلا ياخالد اليـوم حاربنـي بعد ماعرف ناصر وماخطت الاقـلام=صباح الضحيه صرت عيده وناسفني
هلا مرحبا با الي شكالي من الاسقام = بشكواه من بد الشواعير خصصني شكالي هواء الي ذابحه بس بتسلهام = ويقول انه اثخن في صوابي وسيبني ويقول اني اعرف من حبيبه من الانام= وانا والله اني معرفه لو يحلفني ولكن بدور من يعدك فتى الاحلام = عسا الله يا ناصر بعرفه يوفقني بحثنا وكثرنا التحري جنوب وشام= ولا ادري عن الي شافني من يحسبني ولقينا حبيبك بعد مده مراقب عام = ابا راقبه وعرف مسيره وعاقبني على نية الي يصلح البين با الاسلام = مع المسلم اصلح مسلم ولا الله اسلمني وماريته صفة رموشه حرس حكام = تحت حاجب كنه جسر نهر في سدني يقضي فراغه با التمشي على الاقسام = قليل نشاط وله مواضيع تعجبني اكلة العقاب وقلت ياقاسي الاحكام = علامك على ناصر تصيبه وهددني تحيزمت لعيونك ورديت با استفهام =ويا جبت لك طاري تغير وجمدني ولا لك طريقه غير تنسى مع الايام = وللجرح وقت ولا مضة مدته يبني ترى با الهواء ما به شجاعه ورفع حسام = واذا كنت انا غلطان لا حد يعاتبني |
(( النافوره ))
يا مساء الخيرات يا فرحة مسـاي ونـوره=يا دوا الي با الضماير مـا لقـن مـداوي استحلـي باحـة الافكـار يـا مغـروره=واحرقي حدب الضلوع يفوح طيب الجاوي جوهرة بحر الخفوق الـي سبـح مامـوره=في بحور ما سبحهـا المبتـدي والغـاوي القصيد البحر الاحمـر وانتـي النافـوره=عاليه با المستوى عـن مـده المتسـاوي فزعتك عزوة معزي يانتخـى فـي نـوره=غزوة صاحبهـا سرحـان شـاة الشـاوي واثق المبـدى يعـد انـه زعيـم الثـوره=ان عطى يعطي جزيله وان ضرب ما ياوي والكبيـر الله وكـل النـاس ذي مكبـوره=لا علي عالـي علـى ربـي ولا عـلاوي يوم ابـن داوود واقـف ماسـك الباكـوره=ما طرى للجـن الازرق للمقـام تهـاوي بعدها حتى الهضيـد مقرنـس عصفـوره=مستغل الجهل جاهل والحليف يراوي الجنازه بعـد ماهـي داخـل الشرشـوره=خاطبة حي المدينـه فـي لسـان الـواوي كيف حتى كتاب ربي ومانـزل بالسـوره=والحديث الي وصلنا في صحيـح الـراوي ينسفـه شيـخ المفاخـر ويتحـمـل زوره=ايتظاهر بـا الحيـاد وهـو عرقـه ذاوي يا حليف الفقر صار اسمك مثابـة عـوره=مـا يفنـد سـو قولـك سالفـة زلفـاوي ادري ان الكهل كهـل وتحملـه مقطـوره=سايقه يقـوى ولا يقـوى ولا هـو قـاوي والرجل ما يزعله ويطلعـه مـن طـوره=غير ما وجهه وغيره جعلهـا بـا الهـاوي اشتريت لراسي الراحه واخـذت بشـوره=وبعة مدعات الامـور لعربجـة جـداوي |
الابيات السبعه
يغويك سن با ابتسامه يمشيك = يضحك عليك وتحسبنه ضحك لك في ظاهره ما فيه غيره مصافيك = سنه صديق لك وقلبه شبك لك يرهيلك حبال الوفا لين يرميك = في ساحة يمسي بها انته وشك لك يا جا لزومه قال انا محتزم فيك = ويا جا لزومك لو تنا ديه لك لك والناس لو تجهد لهم في مساعيك = ما كل من تسلك با سعده سلك لك ما دمت حي اغنم ترى الموت قافيك = ان كان ما جيته بدربك برك لك دنياك يا محييت فيها مباديك = منته بناقصها بشربك وبك لك |
اذا بليت بخبل با ديار الاجناب= وانته مقدر عندهم لا يزعلك تجنبه والقدر لعزاز الانساب = والخبل لا تتبع نزوله ينزلك مار ان لبس بسام والا لبس كاب = تجاهله وانت الحظيظ ان تجاهلك يرتاح راسك من مشاريه وعتاب = مع ناس معهم تطلب الله يجملك هذا الصحيح وكل شي له اسباب = والمعرفه ماهي لحد عن احد ملك تجنى من مجالس طويلين الاشناب = وتجارب الايام والماقف الحلك ومواهب يرزق بها رب الارباب = الواحد الفرد الصمد مالك الملك هذا الكلام الي من العقل منساب = ماهو كلام الي تقل عالكه علك والصدق لولا الصدق ما فيه كذاب =والي يبي يتبع سراب الضما هلك ون شفت لك با السوق خمسين جلاب = صدر البحر ما ضاق من كثرة الفلك يحتاج راع الصنف ميزات الاعجاب = يم الردي ما يجذبه مبرم السلك لو كان في صفه مطبل ونصاب = ياصرت طيب لا تحسبه يعادلك |
راكب الي اسمه امسجل على طبلونه = لكز اليابان صنع الافنس الياباني ما صنع مثله وزعل عمته بفنونه = زعلت امريكا وزعل المصنع الالماني وقفته وقفة شجيع لا بته ينخونه = ومشيته مشية عقيد القوم با الميداني وخارجيه غطرسة تصميم بين ركونه = مثل غطرسة السياسه عند الامريكاني شمعتيه عيون غرون غايصه بو جونه = يا ضحك حتى الحزين يخلي الاحزاني كن لون الثلج با القطب الشمالي لونه= ويادخلت بداخله تدخل بعالم ثاني كل زر بداخله يبحلك عن مضمونه = خوف تلمس زر يطلع لك معه جنحاني كانه ادبر ردف ثيب با الوله مسكونه = وكانه اقبل هيبة الحكام والسلطاني ونتساوى مع طريقه زحلقت صابونه = فوق لبت عيطموس عودها رياني مشتريه الي بماله ما يدور عونه = ما يسير لسلف لفلان والا افلاني من مراجل ما تحوشه با الحياه احفونه = لا محمد زايد اهداله ولا ابن ثاني ذي مزايا الجيب والمنصى لمن ينصونه = لابته والي من الاجناب والصدقاني طيب وشهود طيبه ناس يعرفونه = من نشدته عنه قال ونعم ابو ركاني يملك الرجال با المعروف من يلقونه = با المواقف عد ورد يروي الضمياني والحبردي محمد العبدالعزيز حصونه =شامخات با الوفا يفدونه الردياني والثناء رده وجوب وسنة مسنونه = ذا وانا حربي وهو من ربعنا العتباني |
يا الفرم نايف يا ولد محسن الفرم = مقدم حمول الخيل سيف القبيله اليا تقدم لابةٍ سيلها عرم = قدامها ما حاجةٍ مستحيله يتلون اخو حسنا راع الماقف الصرم = نمرا بها الفسقان مخلي مشيله مودع رقاب اعداه من قوعها جرم= في حد فسقان السيوف الصقيله يشوش ياوحى امجادهم شايب هرم = ويروي قلوب اعيالهم با الفضيله يا خال شيخٍ لابته شعرها ضرم = وافعالها في راس عيطا طويله ضرم لمدح الفرم والمدح ما حرم = يا صار باسمٍ معه الاسماء قليله يفداك من يا جيت تستفزعه ورم = لا نافعٍ ربعه ولا ينعنيله سرد الكلام يمل واليا زبنة ارم = حملك على ضلعٍ يزبن دخيله يمك لفابي شايب جابني غرم = با الجاه يوم الجاه ماني بخيله با الفوج له شرفا تبع نايف الفرم = وانا جعلني عند نايف وسيله |
بامن وامان وبا السلامه تهنا = امن الحدود وفي سلامة كحيلان يا دارنا من يوم كنتي وكنا = من خلقة الدنيا وتكوين الاكوان ما عاش بك يا دارنا غير حنا = ولا داجبك مستعمرة بعض الاوطان لنك منار النور الاسماء ولنا = جند الهدى ومحاربة كل خوان ياجنودنا يا حارسينٍ وطنا = جنوبنا ماهو جنوبيي لبنان معكم عليهم ضربةٍ ماتثنا = نذبح بها الحوثي ونزعل بها ايران البيت وال البيت فينا ومنا = ما حدثو سود العمايم والاكفان حنا حماة الدين والله ومنا = بالبيت ورسالة نبي واكرم انسان ياقام ابو متعب نعدل رهنا = والشعب جيش وقايد الجيش سلطان يا هل الفتن دخانها كان عنا = يبقى جبل دخان من دون دخان قل للخميني ياخذ العلم عنا = ابلادنا ماهي للاحلام ميدان قله وكان انه تعنا معنا = مال المعادي عندنا غير عدوان ان طبلو با الغرب والشرق غنا = حنا هل التوحيد فرسان الايمان يا هل اليمن با جبالكم غير بنا = والكل منا لشقر البن ضرمان شمالكم ماهو على منتمنا= اصبح ملاذ للظلاله والافتان اما اخرجوا من فيه والا تسنا = دخولنا والعذر منكم ليا حان |
يا بنت يا الي على بالي = سلم العرب لا تخلينه الناس كل وله غالي = كل يناجي محبينه قولك ولا بعض الاقوالي = ورد وفاحت رياحينه اهلك حماية التالي = من سالف الوقت واسنينه مريت مقلوعة الوالي = ولقيت شي تخبرينه ميرادها عذب وزلالي = ومشروبها لو تذوقينه وردولها كل فتالي = كل يقول الحلا وينه راحت على طيب الفالي = خان المطوع كثر دينه وارسلة للقوم مرسالي = قاسي وبا الين يا لينه الموت في حبة الخالي = الزين ماهو بايا زينه حسبي على ناس جهالي = الي على الشين حادينه لا يقولي مالك ومالي = ويلحق على بلته طينه وانا على راسي اعقالي = والعلم مدرك مضامينه ثم الحق الاول التالي = واحارب الي معادينه لي مرقب شامخ عالي =خزاز كانك تعرفينه لا يذهلك كبر منزالي = حربي وحصني من مزينه الحق له ناس عقالي = يعرف وترجح موازينه وغير المثل تضرب امثالي = تارد على ما تقولينه والبدو رحال نزالي = اليا لقوا للحيا عينه |
لول الكلام مرافقه طيب منطـوق=لو ينعرض با السوق طير رصيـدك منه القوافي تشدي مدرج الطـوق=ماصادها الي عاجـز لا يصيـدك والرد منطق يملكه راعي الـذوق=والذوق دايم ناجده فـي قصيـدك عن ما يلوق اجزم على شي يلوق=لا تحسبـن عبـاد ربـي عبيـدك والضلم حكمه نازل فيه من فـوق=حرام وان حاولت به مـا يفيـدك بعض الكلام يكون من خلق مخلوق=ما شافته عينك وما خطـت ايـدك |
البارحه با الحلم واجهت صدام= ابو عدي الي عليه الزعامه ماكن يوم العيد نفذ به اعدام = ولا كن من دونه حدتنا الرخامه عليه هندام الشجاعه والاقدام = كنه بعرض الجيش عيد استلامه قلت انت حي وقال حيات الاكرام = موتي شهيد ولا حياة الندامه قال العراق وقلت من بعدك اقوام = كل يقول الحكم عندي زمامه متحزبين احزاب با احلام الاوهام = وتسحب امريكا من صحنهم ايدامه الجيش سرح والمغاوير خدام = شعب الشهامه ما بقت به شهامه وربعك عليهم صدرت اقسى الاحكام = ومصير عزة ما عرفله علامه مدري مع اللي قاوموا غزوا الاروام = والا بضل الشيخ طايب مقامه قال العرب قلت العرب راحوا اقسام = قال الكرامه قلت بعنا الكرامه اتباع لسياسة بلد عمنا سام = نتبع سياساته ونسمع كلامه اكبر قضايانا عليها الدهر صام = والمسجد الاقصى بدوا في هدامه عباس خاين با الكنيسة له اعمام = والشعب من عباس بان انقسامه من بعد ابو عمار ما مات با السام =وحماس تعلن مع ايران انضمامه يمكن يبى يطور صواريخ قسام = يوم يتبرى من عيال العمامه وقال العديم الي تسلح با الاسلام = راع الملحا قلت راع العمامه باقي على خبرك وممشاه قدام = وعنا حلاله حال دونه حرامه كثرت علينا من محطات الاعلام = ومانسمع الا قو صفقة حزامه على الثغور الحق له بصمة ابهام = ودوم الشجاع يموت مرفوع هامه ويران قلت ايران له برضنا احلام = يبي علينا يفرضون الامامه جونا من ابلادك وجونا من الشام = ومن اليمن جونا وجنوبي تهامه مستثمر امواله ويبني للايام = ومن قو تسليحه ينافخ ايمامه وحنا العرب على بحور من الخام =وتصرف على الموضه ودنيا الوسامه ندريبهم مذهب ضلالي وهدام = لكن حنا وينا عن مرامه قال الخليج وقلت فينا البلا عام = كل على ما قيل يبغا السلامه والمال قلت المال مالي به المام = لكن حصله كارثه في نظامه ادبي من دين العقارات منظام = للبيع لكن محد قيل سامه اما المواطن راتبه يقضي شمام = قسم لفواتيره وقسم لمدامه الوضع يا صدام موسف له اعوام = وبين العرب جرح صعيب التامه ومادايم الا الله وغيره محد دام = ومن المحال الحال يبقى دوامه قال الامل قلت الامل في نبا هام = طلوع نجم نجتمع لحترامه ميزان عدل و عنده الحق مرسام =وعلى عدو الدين عنده صرامه يصبح لنا قايد ويصبح لنا أمام = او ننتظر حتى تقوم القيامه وصحيت واسمي وانا اعود انام = وجاني وقلت اقول مع السلامه لا تستغل الحي ياميت العام = انته مجرد حلم مر ابمنامه |
مساجله مع الشاعر سعد المحمدي
كانت البدايه من ابو تركي
يا جبال الهند مدري يا جبال السوده= اشهد ان الحاجه الي بينكم مبغاها مابها يا من عرفها للعوارف زوده =العصا لو طولت لابد ما تشضاها يا حراراً وقعة با النقطه المقصوده=مثلكم يا شافها من شيمته عداها من يحل العقده الي باالحبل معقوده =مانبي عينٍ يكحلها وعين اعماها العصى من نصها ترضي فواد وفوده =والمياه اتعود بأذن الله الى مجراها راعي الثنتين جاب السلعه المفقوده=والفرح عم الجميع امدنها واقراها البروق ابروق مزنه والرعود رعوده =عاد للبنت الجميله عزها وصباها راعي الوحده تعدى اسنينه المعدوده =ولو مشى مع ركبها نفرح اليا ضواها المصيبه والخساره يوم عض عضوده=والله انا مانبي مع البشر طرياها مستفيد الغير منها والعرب ملهوده=ازعلتني ووجعتني نعنبو مجنا ها ودي اسمع راي شاعر ما تبيح سدوده=من رجال فعلها مع العرب علاها يوم للسيف المحنا شان والباروده=دارهم عن كل باغي محتمين احماها ويش رايك في قضيه با البلد ماجوده=بندقٍ ثارة يا خالد وسطنا باخباها ليتهافي راس من ناش العرب عبروده=كان قلنا بيض الله مثل من سواها غين ميم الي سلاحه ما رجع بجنوده = طلقة في راس عايل خمها واخطاها ما لقينا في بحركم للسفينه عوده = قمت اتابع سيرها لاما عرفة اقصاها انت لو وردتها لعدودك الماكوده=كان جاتك مثلها والا على حلياها ما نزول الضلع يا خالد سواة صعوده = علم الي يا بو موسى ما حسب لتلاها وهذا ردي عليه
با الجبال اجبال وصقور الجبل وفهوده= ما تدور حاجة من شافها خلاها جابة الرجال فيها جابة منقوده = غير ابن دومان يومنه رفع مبناها مر مع باب السلام بدعوة محموده = من طنا راسه تهقواها ولي نصاها حي راس با الفرايد صادرات اوروده= بندقه يا مدها ما يختلف مرماها يا عريب الجد يامن يعرفون جدوده= في نهار غابة الشردان في متقاها بعد ما وصل الملف يدين يسري فوده = ذنبها فوق الثنين ولا يعم اعضاها علمها منبوذ ما تحرص عليه نشوده = ولا تقصينا لها جره ولا نبراها ما يضر اهل البلد سمعة رطين هنوده= الشوارب ما تقدم تاخذه با الحاها من ثلاث ابعاد شفت مثلث البرموده = والنفوس تجرها يم المهيف اهواها ودوحة العربان تبقى دوحة مشهوده = ما تكلم بسمها من واقفٍ بدناها كل غصن من ثمرها مايل عنقوده = يحمد الله من يعيش بضلها وارخاها وان تحرك غصن منها ولعبة به نوده = فوقه ضلال الفروع تلحفه بغطاها من يكدر صفوها معنا تخيب جهوده = من كبار القوم والا من صغار ابناها ورب مكه نعبده مكه ماهي معبوده= عاد عز البنت لكن شوف ما شفناها يوم زبنة الغليم ما رجيت عهوده = السفينه في بحرها عارف مرساها من طلع في طيبه لو قدرته محدوده = نرفعه وانطاح حظه طيحته يلقاها والمعاني طرقها ماهو بطرق نشوده = لو يقول مضيفه قم غنها غناها منكراخوانه ضعيف والربيب شنوده= جابته لبن الحموله حامي مكواها وغين ميم الي تعده والجميع شهوده = حربته يا ساقها للخصم ما ثناها انفرد في ماقفه من راهيات عدوده = ما ادعى فيها وغيره كن محد جاها والوطن هذا وطنا والسعود سعوده= والاسامي با السما سبحان من سماها |
يخلف طلوع سهيل لفح الهبايب = مثل البشع يخلف عقول الرياجيل فعله يغير في طبوع الحبايب = يدخل على الي ما عليهم مداخيل ذا با الرجال الي تسد النوايب = والا الضعوف تشوف منها التهاويل يا جاب ما عنده قريب الحضايب =ونصبة على درب الكلام المحابيل ماني ضعيف ولا من القول هايب = تبحر على سبع البحور الاساطيل اطلع بعبره للقلوب البايب = تنساق لضرمان سوق الفناجيل يا مزنة مرة طويل الجذايب = ماحركه عاتي وشرب الشهاليل براقها تسري عليه الركايب = اليا الشعموهن با العصا والمواويل تبرق وترعد والمطر علم غايب = يا لله تجيب الخير ونقول جا سيل يا معترض ما با المكايد كسايب = عود تراك المنجم با اول اليل شباب والا جيت في عمر شايب = غادي ولا لك من وراها محاصيل خط الاديب يعلمه با الرتايب = ما يدخله في غي من ولد الحيل يخفى على من لا يجيد الصوايب = دونه مغاوير الخفا تنزف الحيل صخر الحكيم الي يفك النشايب = ما حاولوا صخره ضعاف الاقاويل عمي القلوب مبعدين القرايب = لو هي لحاف اظهورهم صفقوا حيل وانا عن ارزاق المساكين طايب = الله ولا رزق تجي به مراسيل قبلي مطوعة الصعاب الغرايب = يا مجرى للمتنبي من الويل ماجت لهم من دون عسف الصعايب = لا جيل من قبلي ولا مثل ها الجيل والورده الي بين خضر الرطايب = في تربت البصره وتشرب من النيل ماني لها يا راعي الشوح نايب = لكن صلاتك بين فرض وتنافيل من عادتي ماني مدور طلايب = حتى الخبل ما قول يا خبل يا خبيل اخترت عن تحريك دهم الكتايب = قول زبونه يدركه دون تحليل |
ياشدادي فوق مزبور السنامي = راكبك ناويك في مسرات يمه ما يزاحم في محلات الايدامي = يضرب فجوج تبي مسرى وهمه الجمل عليان والصارم حسامي = من يقرب للعرين يشوف دمه يامسرح جرب مع ذود الجهامي= غيشموك الغشم والا ان انت رمه دهوروك الي لهم نفس الاسامي = الضعوف سلاحهم غيبه ونمه كل خشمٍ صوبنا جابه عرامي = ريحة البارود ملزومٍ يشمه ان عقل والا توارده السهامي = لين يصبح من عناهن كنه امه العوالي مالها غير القطامي = يا حمام الدار دعواكم مرمه ما يحجبك غيم يا بدر التمامي = با السما تنشاف لو با الجو غمه من رضي حقه علي الاحترامي = ومن زعل لومه على الي مايذمه الكلام يصوب هشين العضامي = راعي الخثعات والي جا بكمه ما نهضم حقوق عالين المقامي = الرجال دليها في كل جمه وانت ضلف ما لقيناله بهامي = نوب تابع للغشيم ونوب عمه جابتك عوجا عطيناك الكلامي = قالها الي مثلك انته ماتهمه ماتجيد القول يابو قلب عامي = طير ابن برمان صيداته مطمه حيزموك ولنت قد للحزامي = زين قلبك تملك ضلوع تضمه ولا نويت احييك يا ميت شمامي= كل ساقط له لواقيط تقمه ما بلشنا في خفافيش الضلامي = مار ابيك الجسر ونفذ مهمه زاد غث القول واختل النظامي = مابقى الا يحرق الشيخ ومعمه منهو المسؤل عن كثر الاثامي = قبل اخلي دابها يسبح بسمه |
الوصل شريان المحبه يا حبيب=وانته تغلا به علي وابطيت به ما تدري انه بادي في النحيب = والقلب لحم ودم وانت ادميت به تشرب من عروقه نبع حب وتغيب = وانا ليا حبيت به حبيت به يمكن علشانه مثل لون الحليب = قلت ادخل اعماقه واشيد بيت به حتى تكون من الخفوق اقرب قريب = وياجيت تمشي فيه ما شحيت به ان قلت لك يفداك مابه شي غريب=القلب يفدا با الغالا من ميت به مادمة جراحه ومادمة الطبيب = والحب كله والغلا حضيت به يطيب جرحه منك والا ما يطيب = يفداك مار ان رحت به وان جيت به الهجر صحرى تشبه الوجه الغضيب =الغصن فيها ينكسر ياوميت به ما بارضها ظلٍ ولا غصن رطيب = تشبه معالمها زمن قفيت به على امل كني بالعبت يا نصيب = والحال يقضي وانت ما لديت به |
السلام عليكم ورحمة الله وبركاته
الشاعر الكبير محمد بن سماح الغيداني اهدا علي نسخه من قصيده له غزليه وعرض عليه مجاراتها والحقيقه انني اعتز بهذه الثقه من ابو مشعل وهو شاعر صاحب خبره كبيره مع الشعر يقول الشاعر محمد بن سماح الغيداني في قصيدته
ياطبيب القلب قلبي روحت به=جادل ما عقبت للقلب تالي اما المجاراه والجهاز اللي زرعتوه لعبت به=مابقى كود السحر بالصدر خالي كل ما قلت ارحمي قلبي طوت به=وضحكت في حاجب(ن) مثل الهلالي العيون تخجّل اللي طالعت به=اختلط فيها الكمال مع الجمالي اعرضت لي باللباس اللي زهت به=واندهشت وقلت:ألا وابري حالي فوق عرش الزين قفّت واقبلت به=والنحر مثل القمر نوره يلالي ما ذبحني مثل رمش(ن) سلهمت به=صرت افكر فيه من حالي بحالي الكلام لياهرجت به وضحكت به=كن طعمه درّ خلفات(ن) متالي لو تطاوعني على امري ما عصت به=كان ارددها على روحي تعالي لين ترتاح العيون اللي شقت به=واهتني في شوفته دايم قبالي الله اعلم وين قلبي وجهت به=حوّلت به للوطا من راس عالي شالت القلب المولع وانتحت به=مابقى له لا دقاق ولا جلالي اتنشد عنه من يوم اختفت به=ما ذكرلي لا جنوب ولا شمالي ياوجودي وجد منهو لولحت به=وانطلق من فوق مومية الحبالي طاح قدام السيوف اللي سطت به=الصوايب غامقه والدم سالي في نهار(ن) كم شجيع(ن) يشتمت به=غابت الاذهان من شد القتالي طاح بين الخيل ماحد يلتفت به=لو يردد وين حامين التوالي شاف عجلات المنايا نوخت به=والفرس راحت مع الوضح الغوالي مثل قلبي والهنوف اللي غدت به=واخرتها لا جواب ولا سوالي تل قلبي كل ما راحت وجت به=تل غرب فوق درّاج ومحالي تلته حمر شناح وصدّرت به=يصتفق برشاه من جال(ن) بجالي آه ياممشى الطريق اللي مشت به=ليتني معها ولد عم(ن) موالي ودي آقف وسط سوق(ن) وقفت به=لو مالي بالتجارة راس مالي لو حصل لي شوف وجه(ن) فرّعت به=ما غبط عنتبر وابوزيد الهلالي عقبها لو ابعدت به وقربت به=المهم يبين عقلي من هبالي
قلب ابو كسار وضحا شلعت به = جادل في قد قوله ما تبالي والجهاز الي مركب به عثت به = احدثة به في مفاتنها خمالي اندهش من لبسها يوم عرضت به = وصار عنده من تهملعها اختلالي اضكة في هرجها ما قصرت به = نسته عمره ونسي ام العيالي ما تحمل رمشها يوم طرقت به= صاب قلبه من تسلهمها جفالي ويتمناها لو انها خيرت به = ايتهنا بشوفها حل وحلالي ويوم من راس الطويله حولت به =قال لاح جروح روحي قلت غالي مار قلبك يا محمد وش لقت به = يا طبيب القلب قلب العود بالي المراجل قبلها كد شيبت به = متعبه من قبلها مسرى اليالي اثر عودك عود والبنت جهلت به=ايتوجد وجد فرسان النزالي في نهار من تهقواه قعدت به= ولحقو الفرسان مروية السلالي احتمى فيه المنازل وانتخت به = عزوة ماهي على الجال الهيالي غيروا مجرى القتال وسجلت به = عام جا با الشمس من عقب الضلالي وجد ابو مشعل مثل من طوحت به = شاف دمه عقب ما وخذ الحلالي اشهد ان الحب ناس هبلت به= من طحاطيح الرجال من الجمالي ما درت با عمارها يوم وقعت به = حين ذكرها لياليها الخوالي كم شقين يوم بانت جنحت به = والوضيحي للمثال اكبر مثالي وحال ابو كسار حال دونت به = مار جعله عقبها يمشي عدالي العصا يمشي وهي ما عتبت به= والعلاج الي معه يملا شوالي بعد حاله ما قرت به وكتبت به= وراح قلبه مع طريق الزين جالي العوض با العافيه يوم عرجت به= والمجال ان ما حصل فيه المنالي ايتعبر با الحياه وما وصلت به= وبعد عرضتها يجي شايب مثالي وكانها مرت عليه ولا اثرت به = هم لالي هم لالي هم لالي |
السلام عليكم ورحمة الله وبركاته
الشاعر الكبير سعد المحمدي طرح قصيده موجهه لي وتشرفت با الرد عليه واعتذر من القصور واتمنى مع ابو تركي الجماله ابو تركي يقول
ذكرتني ياسيد الطيبيني=ياسيفي اللي يقطع الراس حده وهذا ردي على ابو تركي اتمنى ان يحوز على رضاه ورضا الاخوان عموما خليت تبكي تالي الليل عيني=ماهو غلا دنيا والاهو موده تبكي على ربع ٍ لنا راحليني=لو مالحيا ثوبي عليهم لاقده ياخالد الحصني على الاوليني=صاحبك دمعه منتثر فوق خده لاجيت اقارنهم مع الحاضريني=الفرق واضح دون ضمه وشده سبيل من مثله من العايشيني=قليل منا من يسد ام سده علي لو يزعل حدا الوالديني=هذا الصحيح اللي لزوم ٍ نعده وهواش في قالات ربعه يبيني=شوحه بعيد وما يعرط ابده مايقبل العوجا علي الاقربيني= وان شاف منهم عوج تكفيه صده يبغى تموت بغيضها الحاقديني=سيفه ماعمره بالموالين رده والياضرب ضربه يقص الوتيني=لاقص عظم ٍ فيه كنه يحده من العداء حصل تله شاهديني=رغم العداوه له قبول وموده هذا نموذج ساحة الطيبيني =يوم ان للمعنى طراوه وجده ادناهم اللي في كلامه رزيني=راجح عقل ماكل قاله تهده واليوم عكس الامس يالعارفيني=كل عطا مع سهلةٍ مجرهده ياذا الزمن كثرو بك الخارجيني=مصنفين من المسام الاشده كلن على الشاشه يحاول يبيني=حتى على الادنا لسانه يمده يفكر انه جاب راس الخميني=احلوم م ليل ً فوق فرش ومخده درب السنع ياجاهلينه يميني=واللي بناله صرح وشبه يهده عبر الصحافه للمشاكل عويني=على طريقه شاله كم قده الواجب انه بالمواقف ذهيني=لاجاه علم ٍ غير لايق يلده بعيد والا من قريب ٍ دويني=جسر المشاكل مايحاول يمده عندي إحساس وفي بعض اليقيني=انه يجي للعلم رجال قده لاكبرة القالات دايم يبيني=وقت الرخى والا بالايام شده رجال به نخوه وشيمه وديني=ابوه كد وصاه بالطيب جده الباب خليته على المصرعيني=قدام لايصل المرض كل غده
يا مرحبا في طرق قاف ثميني = قاف بديت امرحبا في مرده من شاعر ما يذبح الا سميني = يعد ني سيف وانا درع اعده من جوهر المنطوق صلب ومتيني = ضد الدروع اليا تصدى يصده ما تنتفطن يا سعد يا فطيني = لا شك علم خايف منه بده ما لوم عينك لو بكت ميتيني = من شوف ناس بناسها مستبده تبكي ثنين وغابنينك ثنيني = والفرق مثل طويق عن سيف جده جبت الجدي وسهيل وتويبعيني = والعود الازرق ما يقارا بنده حزنتني في ذا المثال الحزيني = حيرتني مابين مزحه وجده وضرب المثال احيان يحتاج سيني = حتى توافق سيرته مع مشده ساعة لقيته غير عاده بديني = لقيت مفتاح النبا مع معده ذكرة نهج السلافنا السابقيني = وادركة فرق الند عن طبع نده سميت خوف اصحي النايميني = وتنجح عيال ابليس فيما توده ما غاضني يومنهم جاهليني = نوب الجهل في صالحك لا تضده يعمي عيون مشفح المنتديني = ولوا الهدف قدام ماهي بقده عطرتني في سيرة السالفيني = والفرق بين الامس واليوم مده على الوفا والعز متضامنيني = ويوقفون المنتحي عند حده لحقوا وحنا بعدهم لاحقيني = ومن عاش با الدنيا تقفاه شده امين با الجنه مع الخالديني = في جاه من با الوحي ربه يمده اما المعان الي لقاله معيني = ما يحتمل ياقاوع العلم لده والي بجور الذنب متعادليني = كل على الثاني نضخ ما بعده احسن نواكب موكب المستحيني = من قبل يغرق باني السد سده والخير واجد لكن الغانميني = ماهم لحب اخشومهم مستعده طرقة باب قلت ابيه يهديني = ولقيت خلف الباب سايق معده قلت الوشاح وقال طالع يديني = يا حيت رقطا تطوى بيده الحل ياراع المقام الحسيني = ان كان ما عشية ابو زيد غده ثم ذكره في ماضيات السنيني = وان كانه غضبان با الحال هده وتقيا المفوه حكمة التابعيني = والطيب ما يستاهله من يرده |
الساعة الآن 09:09 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir