السلام عليكم ورحمة الله وبركاته

مساك الله بالخير يابوهليل انت وجميع اخويانا المتواجدين وكل عام والجميع بخير ..

ان شاء الله انك بخير ياشايبنا العزيز . والله يعطيك الصحه والعافيه.. واعذرنا على الانقطاع الفتره الماضيه ..

مريت اليوم ولقيت هاللغز المزيون وخطر في بالي رمعه قلت بسجل دخول وارمعها بما ان الربع اطلبوك ماترفع اللغز .. والله مدري عن الرمعه ولكن حتى لو ماحالفها الحظ .. يكفي اني سجلت دخول وسلمت عليكم.. اما الالغاز والله اني مبطي عنها واللياقه ماتساعد

صح لسانك يالاسطوره وبيض الله وجهك على اللغز الوافي والجزل وعادتك الجزاله ياراعيها

وش تقول في بنزين 91 وبنزين 95 .. ضيفهم كل من دخل المحطه وعبا بنزين .. والنار ماتدخل مكانهم ولو دخلت النار في طرمبة البنزين صار انفجار وقبست المحطه كلها هههههههههههه
بنزين 91 معروف باللون الاخضر .. وبنزين خمسه وتسعين معروف باللون الاحمر .. واللون الاحمر .. تلقاه بين الاخصام ((الدم الاحمر))

اعذرنا رمعنا بدون تنسق وتلوين . لاني داخل من جوال مايسمح بالتنسيق والالوان .

تدري يا ابو هليل بعطيه عين اغديهم يحلونه
هههههههههههههههههههه
هيييييييييييييييييييب ماقواك من لغز حتى وجوده يكفي ماجابه
العين على اللغز لكن ابو هليل نقول له
ماشاء الله تبارك الله
تقبل الدعابة يا ابو هليل
والله يحفظك يا ابن العم

ههههههههههه مامن لياقه وانا اخوك ..

الله يسعد قلبك دنيا وآخره ياشايبنا الغالي

جاااري التفكير في رمعه مناسبه لجمال اللغز وان جاني مجال ادخل النت واسجل دخول .. جيت ورمعتها

ماتود الا اللي يودك ويغليك يابوهليل والقلوب عند بعضها يالغالي


المنتدى بطي او فيه مشكله في التصفح او البلا من الجهاز اللي عندي

رمعه إلحااااقيه

يابوهليل لاتشره على الرمعات اذا كانت سماويه .. اتلا علمي وعهدي بالالغاز قبل فتره هنا في هالملتقى العزيز ..

اما الرمعه في هاللغز .
وش تقول في البحر الأحمر وبحر الخليج العربي
كلا الأثنين يقرؤن الضيف .. والنار ماتدخل في قاع البحر .. والبحر الاحمر مشهور ومعروف بأسم لون (الاحمر) وبحر الخليج بين الأخصام .. دول الخليج ودولة ايران ..

وجهك ابيض يابوهليل وصح بدنك يالغالي .. وصح لسانك يالاسطوره ولاهنت على اللغز الرائع

احترامي طال عمرك

ابوهليل
ابداع ونظم وحبك وسبك وصح مليون ما نطق لسانك
وجودك يكفي
صح الفكر والتفكيرفي حل اللغز وبيض الله وجهك

صح لسانك يابو هليل
ولسان ملك الحلول